Ŋen ŋaɽo d̶eṯəm ṯa led̶a alənaṯe nələŋ
1 Ŋgiṯr led̶a pred̶ alənaṯe nələŋ ini nakəmia alo, ŋen ŋanṯa ed̶a gero gənəŋ gerṯo ŋələŋe illi ndə Rəmwa rëɽəma. Led̶a ildi lerṯo ŋələŋe d̶əñid̶i Rəmwa rëɽəlo, 2 nṯia ed̶a gənəŋ igi gəned̶o led̶a ildi lerṯo ŋələŋe, gënəŋu gid̶ənu gageiya ŋen iŋi Rəmwa rëɽu, na led̶a ildi lid̶ənu lageiya ŋələŋe, lënəŋulu lid̶i alakəməni. 3 Ŋen ŋanṯa ed̶a igi gəbəd̶ia ŋen ŋəŋəra gero gəd̶əñia nələŋ orn nënəŋulu nad̶əñia ed̶a alo igi gəbəd̶ia ŋen ŋeicia. Agwonaṯa ṯa agaber agəd̶əñia eləŋ? Id̶u ŋen ŋopia, nṯia agid̶i ŋaneini d̶amia iŋu. 4 Ŋen ŋanṯa eləŋ gəd̶uɽəd̶ənṯia Rəmwa ṯa aŋəndənaice ŋen ŋəŋəra. Orn ndə agəbəd̶ia ŋen ŋeicia agamed̶əñia ŋen ŋanṯa gënəŋu gero gəberṯia d̶operria nano məɽəməɽeñ. Đeṯəm gënəŋu gəd̶uɽəd̶ənṯia Rəmwa ṯa aŋakəme led̶a ildi ləbəd̶ia ŋen ŋeicia. 5 Ŋen ŋafəṯia d̶eṯəm ṯa ñanne ŋen ŋənələŋ, gerṯe ŋen ŋanṯa ñerṯe ñagakəmənia i-Rəmwa ikərəŋ, orn com ŋen ŋanṯa nara naɽwata d̶eṯəm. 6 Nṯia ñagananaid̶ia ṯolba, ŋen ŋanṯa nələŋ nəd̶uɽəd̶ənṯia Rəmwa na nënəŋulu nëbəd̶ia ŋen iŋi ŋopia. 7 Naicərldo laŋge pred̶ ildi ləɽo d̶eṯəm, na naicr ed̶a ṯolba igi gətəmeicia ṯolba, na d̶əñiṯr ed̶a igi ŋen ŋərəjad̶aṯo d̶eṯəm ṯa aŋəd̶əñim. Na naicr led̶a d̶amia ildi ŋen ŋərəjad̶aṯo d̶eṯəm ṯa lënəŋulu alnaneini d̶amia.
Ŋen ŋəd̶əbwid̶ia
8 Ñerṯe ñagaberṯia ëməcu təŋ eged̶a gənəŋ, illi ëməcu igi gəɽo ŋen ṯa ñaiyəbwid̶ia, ŋen ŋanṯa ed̶a igi gəbwa led̶ala ɽrəto gënəŋu gabəɽenḏeṯo ŋen ŋ-Alganun. 9 Ŋen ŋanṯa ŋen ŋ-Alganun iŋi ŋəbaṯa, “Ŋerṯe agəɽaŋa lijila ɽrəto, na ŋerṯe agaɽiñəd̶ia, na ŋerṯe agəɽia oɽom, na ŋerṯe agwonaṯa laŋge ləled̶a ɽrəto” na ŋen ŋənəŋ ŋwomən ŋ-Alganun, ŋen iŋi pred̶ ŋarreid̶ənu eŋen iŋi ŋonto ŋaṯa, “Bwiṯu ed̶aga igi gəɽo ëuwər elaɽəŋa garno etam gəlaɽəŋa.” 10 Đəbwa d̶aber d̶əbəṯia ed̶a gəɽo ëuwər ŋen ŋeicia kwai kwai. Ŋen ŋafəṯia d̶əbwa d̶abəɽenḏeṯa ŋen ŋ-Alganun ṯəɽom.
11 Id̶r ŋen iŋi d̶əñid̶i kaiñ, ŋen ŋanṯa ñagaləŋeṯo ṯa liga lafo d̶əñid̶i ildi d̶eṯəm ṯa ñagatwod̶au iŋurid̶ ŋen ŋanṯa d̶ebəna ed̶alo d̶afo ṯwaiñ d̶əñid̶i d̶aməñaṯa liga ildi ñagëndiau ŋen ŋə-Rəmwa ananoŋ. 12 Uləŋgi gafo ṯwaiñ gid̶i aŋəmandëd̶əni, na ëd̶əñin yafo ṯwaiñ yid̶i aiyela. Nṯia aləŋgeicr ŋen ŋəŋərəmia na alëɽənr ndrenia nano nurid̶a narrerre. 13 Alfeṯr eŋen ŋopia ŋen ŋarno led̶a larrerre Alerṯr ləgəberldar eŋen ŋeməd̶ia walla id̶əreməɽua walla ed̶əɽaŋa lijila ɽrəto walla eŋen ŋəd̶eicia ŋəɽwa walla ed̶əgerd̶ia walla ed̶əgeiyaid̶ia eŋen. 14 Orn ëɽənr Eləŋ Yesu Almasiya nano na ñerṯe ñagəbəɽenḏeṯa d̶wonaṯa d̶eicia d̶aŋəno esalo təŋ.
الواجب نحو السلطة
1 على كُلّ إنسانٍ أنْ يَخضَعَ لأصحابِ السّلطَةِ، فلا سُلطَةَ إلاّ مِنْ عِندِ اللهِ، والسّلطةُ القائِمَةُ هوَ الذي أقامَها. 2 فمَنْ قاوَمَ السّلطَةَ قاوَمَ تَدبـيرَ اللهِ، فاَستَحَقّ العِقابَ. 3 ولا يَخافُ الحُكّامَ مَنْ يَعمَلُ الخَيرَ، بَلْ مَنْ يَعمَلُ الشّرّ. أتُريدُ أنْ لا تَخافَ السّلطَةَ؟ إعمَلِ الخيرَ تَنَلْ رِضاها. 4 فهِـيَ في خِدمَةِ اللهِ لخَيرِكَ. ولكِنْ خَفْ إذا عَمِلْتَ الشّرّ، لأنّ السّلطَةَ لا تَحمِلُ السّيفَ باطِلاً. فإذا عاقَبَتْ، فلأنّها في خِدمَةِ اللهِ لتُنزِلَ غَضبَهُ على الذينَ يَعمَلونَ الشّرّ. 5 لذلِكَ لا بُدّ مِنَ الخُضوعِ لِلسّلطَةِ، لا خَوفًا مِنْ غَضَبِ اللهِ فقط، بَلْ مُراعاةً لِلضميرِ أيضًا. 6 ولِهَذا أنتُم تَدفَعونَ الضّرائِبَ. فأصحابُ السّلطَةِ يَخدُمونَ اللهَ حينَ يُواظِبونَ على هذا العَمَلِ. 7 فأعطُوا كُلّ واحدٍ حقّهُ: الضّريبَةَ لِمَنْ لَه الضّريبَةُ، والجزيَةَ لِمَنْ لَه الجزيَةُ، والمَهابَةَ لِمَنْ لَه المَهابَةُ، والإِكرامَ لِمَنْ لَه الإِكرامُ.
المحبّة الأخويّة
8 لا يكُنْ علَيكُم لأحدٍ دَيْنٌ إلاّ مَحبّةُ بَعضِكُم لِبَعضٍ، فمَنْ أحبّ غَيرَهُ أتمّ العمَلَ بالشريعةِ. 9 فالوصايا التي تَقولُ: «لا تَزْنِ، لا تَقتُلْ، لا تَسرِقْ، لا تَشتَهِ» وسِواها مِنَ الوَصايا، تَتلَخّصُ في هذِهِ الوَصيّةِ: «أحِبّ قَريبَكَ مِثلَما تُحِبّ نَفسَكَ». 10 فمَنْ أحَبّ قريبَهُ لا يُسيءُ إلى أحدٍ، فالمَحبّةُ تَمامُ العمَلِ بالشريعةِ.
11 وأنتُم تَعرِفونَ في أيّ وَقْتٍ نَحنُ: حانَتْ ساعَتُكُم لتُفيقوا مِنْ نَومِكُم، فالخلاصُ الآنَ أقرَبُ إلَينا مِمّا كانَ يومَ آمَنّا. 12 تَناهى الليلُ واَقتَرَبَ النّهارُ. فلْنَطْرَحْ أعمالَ الظّلامِ ونَحمِلْ سِلاحَ النّورِ. 13 لِنَسلُك كما يَليقُ السّلوكُ في النّهارِ: لا عَربَدَةَ ولا سُكرَ، ولا فُجورَ ولا فَحشَ، ولا خِصامَ ولا حسَدَ. 14 بَلْ تَسَلّحوا بالرّبّ يَسوعَ المَسيحِ، ولا تَنشَغِلوا بالجسَدِ لإِشباعِ شَهَواتِه.