Ŋen ŋad̶ani
1 Fəŋen iŋi Yesu Almasiya gaŋaid̶u iŋi Rəmwa rənaicəma ṯa aŋërrəŋaici led̶a ildi ləməd̶uɽəd̶ənṯia ŋen iŋi d̶eṯəm ŋid̶i aŋəfeṯe taltal. Gënəŋu gaŋaid̶u ŋen iŋi malaiyəkad̶a id̶i gəd̶waṯo ebai nano gəlëɽəŋu Yuanna. 2 Na Yuanna gaɽwato eŋen pred̶ gəseicu, fəŋen ŋə-Rəmwa na d̶aməd̶aṯa id̶i Yesu Almasiya gaŋaid̶u. 3 Ed̶a gabuŋənṯu igi gəbëgəria ŋen iŋi ŋid̶i aŋəfeṯe na led̶a labuŋənṯu ildi lənna na ləbəd̶ia ŋen iŋi ŋəwërd̶ənu, ŋen ŋanṯa liga lafo ṯwaiñ.
Ŋen Yuanna gəno kanisa ëiñua d̶enəŋ nḏəməñe d̶əɽijan
4 Fiñi Yuanna. Igawërd̶əṯia kanisa d̶enəŋ nḏəməñe d̶əɽijan alo y-Asiya.
Egabeɽəd̶ia ṯa d̶ənaica məɽəməɽeñ na d̶ëuṯaralo aləndəneini i-Rəmwa irri rəfo na rid̶i arela, na inusila d̶enəŋ nəməñe nəɽijan ini nəfo kursi nëiñua yeŋələŋe ilëɽəŋu, 5 na i-Yesu Almasiya igi gəɽo d̶aməd̶aṯa d̶əd̶urwaṯo igi gəɽənda ed̶ətwod̶a eŋəɽaiñ na igi gəɽo eləŋ gənələŋ pred̶ nalo.
Gënəŋu gəbwandriya na gëbərndr eŋen iŋëndr ŋeicia ŋəfəniŋa ŋəlëɽəŋu, 6 nəŋəndid̶r ləgəɽr nələŋ na kana yi-Đaṯa Rəmwa rəlëɽəŋu. Egabeɽəd̶ia ṯa gënəŋu aŋənaneini ŋaɽrwa na ŋabəɽa bəɽəbəte. Amin. 7 Seid̶r, gënəŋu gid̶i aŋela isbwëɽua na isi pred̶yid̶i aiyəmaseici na lënəŋulu ildi ləd̶woma lid̶i almaseici com. Na led̶a pred̶ lalo ildi lwaiña ŋəɽwa lid̶i ṯalaro ŋen ŋanṯa ŋu. Đeṯəm, ŋen ŋid̶i aŋəfeṯe ṯia. Amin.
8 Eləŋ Rəmwa raṯa, “Igënəñi egaɽo alif na aliya na egaɽənda na egaɽo d̶urṯu. Fəñi Rəmwa irri rəfo na rid̶i arela, rënəŋu irri rerṯo ŋabəɽa pred̶.”
Ŋen Almasiya gəmiñiṯu Yuanna
9 Igënəñi Yuanna ñəŋgi egəɽo oralo ñəŋgi ləgənaneinr ŋen ŋubwa ŋeicia na ləgerṯr ŋələŋe ŋə-Rəmwa na d̶əɽiñaṯa ŋen i-Yesu. Igënəñi egafo alo eŋau iligano ibërnia Baṯmus ŋen ŋanṯa igërrəŋaicu led̶a ŋen ŋə-Rəmwa na egaɽo d̶aməd̶aṯa d̶ə-Yesu Almasiya. 10 Eloman l-Eləŋ Rəmwa egafo eŋabəɽa ŋ-Usila Gətəɽe nene olia goɽra ñi nḏurṯu garno gəd̶əl, 11 igi gaṯa, “Wërd̶u ŋen iŋi agəseica egad̶am, na ŋad̶waṯe ad̶am ikanisa d̶enəŋ nḏəməñe d̶əɽijan d̶alo y-Afəsus, na d̶alo yi-Simirna, na d̶alo yi-Bargamus, na d̶alo yi-Điyaṯira, na d̶alo yi-Sarḏis, na d̶alo yi-Filḏalfia, na d̶alo yi-Lawuḏikiya.”
12 Na egared̶ialo ṯa iseici əsëgi gaiñəɽwatiṯia na ndə egəred̶ialo ṯiseicu laŋge d̶enəŋ ldəməñe ləɽijan ildi ləbëndeicia isia, ildi lid̶ənu aḏḏaəbya.Laŋge d̶enəŋ ldəməñe ləɽijan ildi ləbëndeicia isia 13 Na elaŋge ildi iligano ṯiseicu waŋge gənəŋ garno ed̶a, gënəŋu gëɽənu erenia nano gwala gərəmaṯo rəmanəŋ na nəŋëndəni d̶ərnad̶ano ilurəm d̶əɽo aḏḏaəb, 14 nda əllëɽəŋu na iria yenenda yabəjo yewad̶ialo yarno d̶əbar, na isi ilëɽəŋu yarno d̶əŋəla d̶əsia. 15 Rəmanəña rəlëɽəŋu rawad̶ialo garno d̶əpeinia d̶əsatrtr d̶əṯuɽeinu isiaya, na olia gəlëɽəŋu garno ŋawa ŋwaiña ŋirəwa eŋəbwa. 16 Gënəŋu nəŋëndi ropa d̶enəŋ ndrəməñe rəɽijan ed̶əŋ d̶əŋaicəba, na d̶operria id̶i d̶erṯo ŋəfəni ŋwaiña aliɽəm d̶əməña igëiñua ilëɽəŋu, na isano yawad̶ialo garno ëd̶əñina yewad̶ialo ndə yefo iligano.
17 Ndə igəseicəma nimiɽəṯi erəmanəŋ garno ed̶a gaiyo. Orn gënəŋu nəŋəñëɽi d̶əŋ nano d̶əŋaicəba nəŋaṯa, “Ŋerṯe agəd̶əñialo. Egaɽo ed̶a gəɽənda na gənḏurṯu alo, 18 igënəñi egaɽo ed̶a gəməṯo, egafo egaiyo, orn d̶əñid̶i egaməṯo na egaməṯia bəɽəbəte, na egerṯo ñəmofəṯa ñə-Ŋəɽaiñ na ñ-Alo y-Eled̶a Laiyo. 19 Đəñid̶i wërd̶u ŋen iŋi agəseicia, fəŋen iŋi ŋəfo d̶əñid̶i na iŋi ŋid̶i aŋəfeṯe. 20 Fəŋaməɽa iŋi ŋəropa d̶enəŋ ndrəməñe rəɽijan irri agəseicəlo ed̶əŋ d̶əlëɽəñi na ŋəlaŋge d̶enəŋ ldəməñe ləɽijan ildi ləbëndeicia isia, ildi lid̶ənu aḏḏaəbya. Ropa d̶enəŋ ndrəməñe rəɽijan raɽo malaiyəka ikanisa d̶enəŋ nḏəməñe d̶əɽijan, na laŋge d̶enəŋ ldəməñe ləɽijan ildi ləbëndeicia isia laɽo kanisa d̶enəŋ nḏəməñe d̶əɽijan.”
1 هذا ما أعلَنَهُ يَسوعُ المَسيحُ بِهِبَةٍ مِنَ الله ِ لِـيَكشِفَ لعِبادِهِ ما لا بُدّ مِنْ حُدوثِهِ عاجِلاً، فأرسَلَ ملاكَهُ ليُخبِرَ بِه عَبدَهُ يوحنّا، 2 فشَهِدَ بِكلِمَةِ اللهِ وشهادَةِ يَسوعَ المَسيحِ في كُلّ ما رَآهُ. 3 هنيئًا للّذي يَقرَأُ ولِلّذينَ يَسمَعونَ هَذِهِ الأقوالَ النَبويّةَ، وهنيئًا للذينَ يَعمَلونَ بِها، لأنّ السّاعَةَ اَقتَرَبَتْ.
تحية إلى الكنائس السبع
4 مِنْ يوحنّا إلى الكنائِسِ السّبعِ في آسيّةَ. علَيكُمُ النّعمَةُ والسّلامُ مِنَ الكائِنِ والذي كانَ والذي يأتي، ومِنَ الأرواحِ السّبعَةِ التي أمامَ عَرشِهِ، 5 ومِنْ يَسوعَ المَسيحِ الشّاهِدِ الأمينِ وبِكرِ مَنْ قامَ مِنْ بَينِ الأمواتِ ومَلِكِ مُلوكِ الأرضِ. هوَ الذي أحَبّنا وحَرّرنا بِدَمِهِ مِنْ خطايانا، 6 وجعَلَ مِنّا مَلكوتًا وكَهنَةً للهِ أبـيهِ، فلَهُ المَجدُ والعِزّةُ إلى أبَدِ الدّهورِ. آمين.
7 ها هوَ آتٍ معَ السّحابِ! سَتَراهُ كُلّ عينٍ حتى عُيونُ الذينَ طَعَنوهُ، وتَنتَحِبُ علَيهِ جميعُ قَبائِلِ الأرضِ. نَعم، آمين.
8 يَقولُ الرّبّ الإلهُ: «أنا هوَ الألِفُ والياءُ». هوَ الكائِنُ والذي كانَ والذي يأتي القادِرُ على كُلّ شيءٍ.
بداءة الرؤيا
9 أنا يوحنّا، أخاكُم وشَريكَكُم في المِحنَةِ والمَلكوتِ والثّباتِ في يَسوعَ، كُنتُ في جزيرَةِ بَطْمُسَ مِنْ أجلِ كلِمَةِ اللهِ وشهادَةِ يَسوعَ، 10 فاَختَطَفَني الرّوحُ في يومِ الرّبّ، فسَمِعتُ خَلفي صوتًا قَوِيّا كصوتِ البُوقِ 11 يَقولُ: «أُكتُبْ ما تَراهُ في كِتابٍ وأرسِلْهُ إلى الكنائِسِ السّبعِ في أفسُسَ وسِميرْنَةَ وبَرْغامُسَ وثياتيرَةَ وسارْديسَ وفيلادَلْفيةَ ولاوُدِكيّةَ».
12 فاَلتَفَتّ لأنظُرَ إلى الصّوتِ الذي يُخاطِبُني، فرَأيتُ سَبعَ مَنائرَ مِنْ ذَهَبٍ 13 تُحيطُ بِما يُشبِهُ اَبنَ إنسانٍ، وهوَ يَلبَسُ ثَوبًا طويلاً إلى قَدَمَيهِ، وحَولَ صَدرِهِ حِزامٌ مِنْ ذَهَبٍ، 14 وكانَ شَعرُ رأْسِهِ أبـيضَ كالصّوفِ الأبـيضِ أو كالثّلجِ، وعَيناهُ كشُعلَةٍ مُلتَهِبَةٍ، 15 ورِجلاهُ كنُحاسٍ مَصقولٍ مُحمّى في أتونٍ، وصَوتُهُ كصوتِ مِياهٍ غَزيرَةٍ. 16 وكانَ في يَدِهِ اليُمنى سَبعةُ كواكِبَ، وفي فَمِهِ سيفٌ طالِـعٌ مَسنونُ الحَدّينِ، وَوَجهُهُ كالشّمسِ في أبهى شُروقِها. 17 فلمّا رأيتُهُ وقَعتُ عِندَ قَدَمَيهِ كالمَيْتِ، فلَمَسَني بـيَدِهِ اليُمنى وقالَ: «لا تخَفْ، أنا الأوّلُ والآخِرُ، 18 أنا الحيّ! كُنتُ مَيتًا، وها أنا حيّ إلى أبَدِ الدّهورِ. بِـيَدي مَفاتيحُ الموتِ ومَثْوى الأَمواتِ. 19 فاَكتُبْ ما رَأيتَ، وما يكونُ الآنَ، وما سيَكونُ بَعدَ ذلِكَ. 20 أمّا سِرّ الكواكِبِ السّبعَةِ التي تَراها في يَميني ومَنائِرِ الذّهَبِ السّبعِ، فهوَ أنّ الكواكِبَ السّبعةَ هِيَ ملائِكَةُ الكنائِسِ السّبعِ، والمَنائِر السّبع هِـيَ الكنائِسُ السّبعُ».