Đəbwa d̶aɽənda ed̶ənaica pred̶
1 Ndə egəɽwata olia gəled̶a walla gəmalaiyəka, orn egero d̶əbwa, egarno d̶əpeima d̶əsatrtr d̶əpunia walla iməŋ gəbara, 2 na ndə egerṯo d̶ənaica ṯa egaɽwad̶aṯa igəbërrəŋaid̶ia ŋen ŋə-Rəmwa, na egaləŋeṯo ŋaməɽa pred̶, na d̶ələŋeṯa pred̶, na ndə egerṯo d̶wonaṯa pred̶ ṯa egaɽwad̶aṯa egabaṯa aiyən alo ywomən, na egero d̶əbwa, egarno wagero. 3 Ndə egənaid̶o laŋge pred̶ əllëɽəñi egerṯəlo, na ndə egənaid̶o aŋəno ilëɽəñi ṯa aiyuɽəni, orn egero d̶əbwa, d̶aɽəjaica d̶ero.
4 Đəbwa d̶walia arano, na d̶ananaid̶ia ŋen ŋəŋəra, d̶əbwa d̶aber d̶əgiyaca eŋen, d̶əbwa d̶aber d̶emima bəɽan, walla d̶inia egare. 5 Đəbwa d̶aber d̶əbəd̶ia ŋen iŋi ŋeicia led̶a nano na d̶ero d̶əɽia etəd̶a Đero ŋad̶ənano, na d̶aber d̶ərəmoṯwa ŋen ŋeicia, 6 d̶aber d̶əŋaŋerṯia ŋen nano ŋeicia, orn d̶aŋəra nano ŋenŋa ŋəd̶eṯəm. 7 Đəbwa d̶aɽiñaṯa ŋen pred̶, na d̶əbəkendia ŋen pred̶ na d̶əṯurṯia eŋen pred̶, na d̶wonḏəṯo eŋen pred̶.
8 Đəbwa d̶aber d̶amənded̶əma. Đəɽwata d̶ëni d̶əŋen ŋə-Rəmwa, orn d̶id̶i ad̶əməndëd̶əni Olia gëni gero gələŋinia, orn gid̶i aŋerṯe. Đələŋeṯa d̶ëni, orn d̶id̶i ad̶əmənded̶əm 9 Ŋen ŋanṯa d̶ələŋeṯa id̶ëndr d̶afo pwa na d̶əɽwata ŋen ŋə-Rəmwa id̶ëndr d̶afo pwa. 10 Orn ndə ŋen ŋeṯo ŋəɽiñad̶einu, ŋen iŋi ŋəfo pwa ŋid̶i aŋəməndëd̶əni.
11 Iliga egəɽo ŋere ŋəta, egaɽwata ndə ŋere ŋəta na igalëldəŋəd̶einia eŋen garno ŋere ŋəta, na igëbəd̶ia ndə ŋere ŋəta, orn ndə egəɽo maje goɽra igaŋgeicu ŋen ŋəŋere ŋəta. 12 Đəñid̶i ləgwondaṯar ŋərəmia egaləmeraiye, orn ləgid̶r alopəd̶aid̶r alseid̶r isiano ŋopia Đəñid̶i d̶ələŋeṯa d̶əlëɽəñi d̶afo pwa orn igid̶i eləŋeṯe ŋopia d̶urri ŋen ŋarno igələŋinu t-Rəmwa.
13 Nṯia laŋge ildi liɽijin laɽaŋa, d̶wonaṯa, na d̶əṯurṯia ŋen, na d̶əbwa orn d̶əbwa d̶oɽra d̶aɽənda iŋulu.
المحبة
1 لَو تَكَلّمتُ بِلُغاتِ النّاسِ والملائِكَةِ، ولا مَحبّةَ عِندي، فما أنا إلاّ نُحاسٌ يَطِنّ أو صَنْجٌ يَرِنّ.
2 ولَو وهَبَني اللهُ النُبوّةَ وكُنتُ عارِفًا كُلّ سِرّ وكُلّ عِلمٍ، وليَ الإيمانُ الكامِلُ أنقُلُ بِه الجِبالَ، ولا مَحبّةَ عِندي، فما أنا بِشَيءٍ.
3 ولَو فَــرّقْتُ جميعَ أموالي وسَلّمْتُ جَسَدي حتى أفتَخِرَ، ولا مَحبّةَ عِندي، فما يَنفَعُني شيءٌ.
4 المَحبّةُ تَصبِرُ وتَرفُقُ، المَحبّةُ لا تَعرِفُ الحَسَدَ ولا التَفاخُرَ ولا الكِبرِياءَ.
5 المَحبّةُ لا تُسيءُ التّصَرّفَ، ولا تَطلُبُ مَنفعَتَها، ولا تَحتَدّ ولا تَظُنّ السّوءَ.
6 المَحبّةُ لا تَفرَحُ بِالظّلمِ، بَلْ تَفرَحُ بالحَقّ.
7 المَحبّةُ تَصفَحُ عَنْ كُلّ شيءٍ، وتُصَدّقُ كُلّ شيءٍ، وتَرجو كُلّ شيءٍ، وتَصبِرُ على كُلّ شيءٍ.
8 المَحبّةُ لا تَزولُ أبَدًا. أمّا النّبوّاتُ فتَبطُلُ والتّكَلّمُ بِلُغاتٍ ينتَهي. والمَعرِفَةُ أيضًا تَبطُلُ، 9 لأنّ مَعرِفَتَنا ناقِصَةٌ ونُبوّاتِنا ناقِصةٌ. 10 فمَتى جاءَ الكامِلُ زالَ الناقصُ.
11 لمّا كُنتُ طِفلاً، كَطِفلٍ كُنتُ أتكَلّمُ وكَطِفلٍ كُنتُ أُدرِكُ، وكَطِفلٍ كُنتُ أُفَكّرُ، ولمّا صِرْتُ رَجُلاً، تَركْتُ ما هوَ لِلطّفلِ. 12 وما نَراهُ اليومَ هوَ صُورةٌ باهِتَةٌ في مِرآةٍ، وأمّا في ذلِكَ اليومِ فسَنَرى وَجهًا لِوَجهٍ. واليومَ أعرِفُ بَعضَ المَعرِفَةِ، وأمّا في ذلِكَ اليومِ فسَتكونُ مَعرِفَتي كامِلَةً كمَعرِفَةِ اللهِ لي.
13 والآنَ يَبقى الإيمانُ والرّجاءُ والمَحبّةُ، وأعظَمُ هذِهِ الثّلاثَةِ هيَ المَحبّةُ.