1 Liyǝŋgǝri liinyi ṯɔgwor ṯiinyi ṯir sɔɔrɔm beṯṯen ki-lizi liinyi, mindaŋ ǝṯi-nyji ǝricci Allah kiyiiriny ethi kilaaw. 2 Nyii kwǝthi ŋɔma ethi-ŋi ɔnḏi kii ŋǝni ŋeeŋen ethi aarɔŋw, lǝthi sɔɔrɔma beṯṯen kwǝthi Allah, laakin liti lǝthi ṯilŋiṯṯana ṯir rerrem mac. 3 Kaka nithimthir-gwɔ ŋirllalɔ ŋǝṯiila naanɔ-gwɔ Allah, ǝṯirsi naŋni ŋa ŋǝthi rɔgwor reeŋen, nǝ ǝṯireere ǝmmini ṯaay ṯǝthi ŋirllalɔ ŋǝthi Allah mac. 4 Kaka mǝgwɔ Kwɔrɔstɔ rimthithi Sherii@a kworo, mindaŋ mɔŋw ǝthi kweere ṯǝmminǝ-tǝ, gwɔ suuɽunni.
Ŋiglǝthǝ ŋǝthi lizi tatap.
5 Nǝ Muusǝ lɔ ŋiɽaŋali ŋǝthi kwizi ŋgwa kwǝṯisi ǝrri ŋirllalɔ ŋǝccinǝ ki Sherii@a-la nɔŋwaarɔŋw, “Kweere nyithak kwǝsi ǝrri ŋa ŋǝthi waamir wǝthi Sherii@ǝ ŋwɔ-ŋi miithi.”
6 Laakin ŋirllalɔ ŋa ŋǝccinǝ ki-ṯǝmminǝ-lǝ nǝraarɔŋw. “Ǝṯeere aarɔŋw mac ki-ṯɔgwor-na ṯɔɔŋwa-ŋw, ‘Ǝyǝ kwɔrɔ kwɔdallɔ ki-leere-na?’ ” (Ŋǝniŋw ethi dappisa Kwɔrɔstɔ-ŋwlɔ.) 7 Alla “Ǝyǝ kwinḏi ethi ɔɽi lac-lac?” (Ŋǝniŋw ethi dallisa Kwɔrɔstɔ-ŋw ki-ŋirany-na.) 8 Laakin nǝroro ŋɔ ŋaarɔŋw-ŋiŋw, “Ŋiɽaŋal ŋinaanisa-ŋa keṯṯok, ki-ṯuunyu-nǝ ṯɔɔŋwa, nǝ ki-ṯɔgwor-na ṯɔɔŋwa tok.” (Ŋǝniŋw ŋiɽaŋal ŋǝthi ṯǝmminǝ ŋǝṯiny-ŋi aari nyiiŋǝ bǝshirǝ.) 9 Kaka mǝsi ruwǝzǝlɔ ṯuunyu-thi ṯɔɔŋwa ethaarɔŋw Yǝcu kwir Kweeleny, na mǝ ǝmmini ki-ṯɔgwor-na ṯɔɔŋwa ethaarɔŋw kwɔmǝ Allah diiɽǝ ki-ŋiɽany-na tǝ a kilaaw. 10 Kaka nǝṯi-gwɔ kwizi ǝmmini ṯɔgwor-thi ṯuuŋwun mindaŋ ǝṯɔŋw suuɽunni, nǝ mɔŋwsi ruwǝzǝlɔ ṯuunyu-ṯhi ṯuuŋwun tǝ ǝṯɔŋw kilaaw. 11 Nǝ Kiṯaab Kirllinǝlɔ ter aarɔŋw, “Kwiti kweere mac kwǝṯi ǝmminci ŋunduŋw mindaŋ ethi-mǝ ṯɔrony yee-na kwokwony.” 12 Kaka niti ninaanɔ-gwɔ fǝrig kweere mac ki Yahuuḏ-nǝ ŋundu-ŋǝ Yuunaaniiyyiin-yi; nǝ Kweeleny-ṯǝ ŋgwa kwette-kwette, nɔŋworo Kweeleny kwǝthi tatap, nǝ ǝṯɔŋwsi inḏǝthǝ kila tatap ŋɔrṯɔwa ŋuuŋun lǝṯi ɔrnɔṯi ŋunduŋw. 13 Kaka ŋaarɔŋw, “Mǝ kweere nyithak aari kiyiiriny yiriny-yi yǝthi Kweeleny ŋwɔ kilaaw.”
14 Laakin ǝri-mǝ aari ŋgwa kiyiiriny aŋgwɔrɔ kwiti kwǝmminicǝr mac? Nǝ lǝmminici ŋgwa aŋgwɔrɔ kwiti kwɔmǝr-gi neŋne kǝzir weere mac? E-ta ǝri-mǝ neŋne aŋgwɔrɔ liira kwizi-nǝ kweere ethisi ǝccǝ bǝshirǝ? 15 Nǝ lizi laari bǝshirǝ aŋgwɔrɔ mǝrseere ɔɔsi mac? Kaka nɔlɔɔthɔnar-gwɔ ŋa ŋaarɔŋw, “Athrɔ ŋwaara ŋwir-mba ŋwisaaw ŋwɔthi kila lǝṯi aari bǝshirǝ ŋiɽanali ŋisaaw!” 16 Laakin nǝreere iinyici tatap lnyjiilǝ naana mac. Kaka naarɔ-gwɔ Isha@ya-ŋw, “Kweeleny ǝyǝ kwɔmǝsi ǝmmini ŋa ŋiniŋna-ŋwsi naaniny-gwɔ?” 17 Ŋwɔṯaŋw ǝṯi ṯǝmminǝ iila ŋiɽanal-ŋi ŋa ŋiniŋninǝ, na ǝṯi ŋiɽanal iila mǝ Kwɔrɔstɔ ǝrinni bǝshirǝ.
18 Laakin nyii ŋgwɔ kwɔṯalɔ nǝnyaarɔŋw: Ŋiti ŋimǝrsi neŋne mac-a? Imba ŋimǝrsi-pǝ neŋne rac rerrem. Kaka ŋandisasi Kiṯaab ŋaarɔŋw-ŋiŋw,
“Rogɽo reeŋen rimǝ faathitha wurǝyuŋi naana tatap,
nǝ ŋiɽaŋal ŋeeŋen ɔppathi tok ṯurmunǝ naana ndendeṯ.”
19 Ethi-nyii-ṯi aaɽi nyɔṯalɔ kwokwony: Ŋiti ŋilŋithisi Israa-iil mac-a? Kerreny nǝ Muusǝ aarɔŋw,
“Nyii kwɔŋǝsi ruusi ligii ŋiɽany lizi naana kila lirtalɔŋw,
ŋǝsi ruusi lǝriyǝ lizi naana kila lir yǝɽiyǝŋ.”
20 Nǝ ŋwɔṯaŋw tok nǝ Isha@ya oro kwuugwul beṯṯen ethaarɔŋw,
“Limǝ-nyii kaṯṯasi kila liti linaŋna-nyii-lɔ mac;
nǝnyji ruwǝcci rogɽo-lɔ riinyi kila liti lɔṯɔnygalɔ mac.”
21 Laakin nɔŋwsi andasi ŋǝthi Israa-iil nɔŋwaarɔŋw, “Aŋwɔnɔ ki-leere min-min ǝṯi-nyii ǝllici lɔdɔrllathɔ nǝ luuɽu yǝninǝ tok rii-na riinyi balbal.”
aza 10
1 lieŋgeri linyi, ṯugwor ṯinyi ṯir zurum, na eṯinyji erici Allah ki yiriny mindaŋ er kilaw. 2 nyi kweḏi ŋuma eḏi zi unḏizi ki, eṯir orɔ zurum nani gwu Allah lakin eṯir ṯime ŋiɽaŋali ŋuŋun. 3 kaka timḏir gwu ṯofḏana tinḏi nani gwu Allah, eṯir naŋnini kḏa ṯeŋen, ner ere ejilini ki rɔgwɽɔ mac eḏafi ṯofḏana ṯeḏi Allah. 4 kaka ur gwu Kwruztu ŋgwa kwumɔ zi ṯimazi kworɔ ndeṯ ŋeḏi kuruu, mindaŋ eḏi zi Allah ruzi luzuɽu-na kla tatap leḏi ṯəmna.
ṯay ṯiaŋ ṯinḏi ki ṯofḏana-na ṯiri ṯeḏi lizi ndendeṯ
5 kaka luḏi zi gwu muuza, ŋwu: ŋgwa kweṯizerri ŋir ŋofḏana kuruu gi, ŋwu kaṯazi ŋimiiḏa ṯaŋwu. 6 lakin na ṯofḏana ṯəmna ṯi aruŋw: eṯere ari ki ṯugwor-na ṯɔŋwa mac, eya kwinḏi eḏi dallu kilerena? (ŋeni ŋu, eḏi dapiza Kwruztuŋw lu) 7 ya, eya kwinḏi eḏoɽu lac? (ŋeni ŋu, eḏalliza Kwruztuŋw lu ŋiɽany-na). 8 lakin eṯuŋw ari ḏa? ŋiɽaŋal ŋeṯi ŋazi nanazi keṯɔk, ki runyu-na ralu na ki rugwor-na ralu, (ŋeni ŋu, ŋiɽaŋal ŋeḏi ṯəmna, ŋinde ŋiri ŋeṯir zi andazi); 9 kaka inḏi ŋa gwu eḏi kilaw mezi andazi pɔrpɔr runyu ri eḏaruŋw, Yecu kwiri Kweleny; na ma emni rugwor ri eḏaruŋw, Allah wumɔdiɽa ŋunduŋwu ki ŋiɽany-na. 10 kaka eṯi gwu ṯəmna ṯeṯafa ṯofḏana nani ki rugwor-na, na eṯi gwu ŋiɽaŋal ŋeḏi ṯəmna ŋeṯafa ŋigileḏa nani ki runyu-na. 11 kaka luḏinar gwu, ŋaruŋw: kwere nyiḏak kweṯalliḏa ŋunduŋwu ṯugwori nana, a ṯurony ere ye mac. 12 kaka iti nani gwu ṯuɽenena mac ṯeḏi yahuuḏ-ŋa yunaan yi. Kweleny kwir kwutuput kwiri Kweleny kweḏi ndendeṯ, na eṯuŋw zi inḏeḏa kla tatap leṯuṯizelu ŋurṯua ŋuŋun. 13 kaka luḏinar gwu, ŋaruŋw: kwere nyiḏak kweṯari yiriny yi yeḏi Kweleny, ṯəmna ṯi, kwinḏi eḏi kilaw.
14 lakin lizi leḏi ŋuma aŋgwuru eḏari yiriny yi yuŋwun ṯəmna ṯi, mer ere eḏici ŋunduŋwu ṯəmna mac? ta, er eḏici ŋunduŋwu ṯəmna aŋgwuru mer zi ere neŋne ŋuŋun mac? ta, er zi neŋne aŋgwuru mer ere eḏi kafura mac? 15 ta, a yafur ele eḏizandaci aŋgwuru, mer zi ere ṯiŋaḏa mac? kaka luḏinar gwu, ŋaruŋw: aḏa kwiri kwizawi kaka ŋwara ŋweḏi kla leṯafa ŋiɽaŋali ŋeni ŋami ŋeḏi kwɔmne kwizaw! 16 lakin ner ere tatap inyici ŋiɽaŋali nana ŋeḏi injiil mac; kaka ari gwu izaya, ŋwu: Kweleny, eya kwiri kwemni ŋiɽaŋali ŋineŋnaŋw zi nani nyi gwu? 17 ṯaŋwu, eṯi ma ṯəmna ila ŋiɽaŋal ŋi ŋimerzi neŋne, na ŋa ŋineŋnarzi ner orɔ ŋeḏi Kwruztu.
18 lakin nyi kwuṯalu: ŋiti ŋimerzi neŋne manya? ŋimerzi neŋne rac, kaka luḏinar gwu, ŋaruŋw:
rɔgwɽɔ reŋen rimerzi neŋne ṯurmuna nana tatap,
na ŋiɽaŋal ŋeŋen ŋimɔ fadiḏa ṯaŋwu, ṯurmuna nana tɔk.
19 nyi kwuṯalu kwokwony: ŋimɔ zi lizi leḏi izrayiil ṯime, a? na kerreny na muuza aruŋw:
nyi kwɔŋazi ukwazi eḏi zi kiici ŋiɽany ŋeḏi kla liti lir leḏi ŋeleny ŋere mac;
nyi kwɔŋazi ukwazi eḏorɔ lirŋaza ŋeleny ŋi ŋete ŋeni ŋiḏiki.
20 mindaŋ na izaya bonye eḏaruŋw:
limenyjinḏa kla liti limenyi naŋnini mac;
limenyji ruweci rɔgwɽɔ lu kla liti leṯinyi gi uṯalu tɔk mac.
21 lakin nuŋw zi andazi ŋeḏi izrayiil, nuŋw aruŋw:
ŋwamin tatap nyi kwumɔ ṯiŋaḏa rii lu nani gwu lizi lir ludurlaḏu, liti leṯi ketize ŋiɽaŋali ŋinyi yey mac.