Ṯa@liim tǝthi ǝthi wǝthi lugwurnǝ.
(Maṯṯa 15:1-9)1 Mǝ Lifirriisiiyyiin ɔɽɔmaṯṯa dɔŋw mɔ@allimiin-gi kwǝthi Sherii@a kwɔɔɽɔ Urshaliim-ŋgi, nǝr iila naanɔ-ŋgwɔ. 2 Mindaŋ nǝreese ṯalaamiiza ṯuuŋwun ṯokwo ṯiṯhna rii-ri ruruuŋwɔ riṯi rɔɔnarsi mac. ( 3 Kaka nǝṯi-gwɔ Lifirriisiiyyiin-ŋǝ Yahuuḏ-yi ere ethne mac, mǝreere iiyi rii-na reeŋen mac, kaka nǝṯir-gwɔ mithǝ ǝthiyǝ wǝthi lugwurnǝ lǝthi kerreny-ŋwɔ; 4 na mǝr aaɽa ki-suug-nǝ ǝṯireere ethne mac mindaŋ mǝr suuɽi rogɽo reeŋen rac kerreny. Nǝ ǝthi naani wɔthaathɔ wittǝzir wǝṯir mithǝ, ethi iyi nyiṯiraŋi-na, nǝ ŋwibriigǝ mindaŋ, nǝ looro lǝthi lisartɔ tok.) 5 Nǝ Lifirriisiiyyiin-ŋǝ mɔ@allimiin-gi kwǝthi Sherii@a uṯicǝlɔ nǝrǝccǝŋw, “Ṯaiaamiiz ṯɔɔŋwa ṯende ṯǝṯi rɔɔmi ǝthiyǝ wǝthi lugwurnǝ lǝri lǝthi kerreny-ŋwɔ, mindaŋ ǝṯiraami ethne liti lɔɔna rii mac?” 6 Nǝsi Yǝcu ǝŋnici nɔŋwsǝccǝŋw, “Isha@ya kwaami andasiŋw ŋiɽaŋali ŋǝni ŋaalɔ, ŋaaŋa kila lǝṯi arri-ri ŋidiny, kaka nɔlɔɔthɔnar-gwɔ ŋaarɔŋw-ŋiŋw,
‘Lizi kɔlɔ lǝṯi-nyii iiɽinǝ ruunyu-ri dɔmɔny,
laakin ǝṯi rɔgwor reeŋen rucci nyuŋwɔ-nǝ tuk;
7 lende lǝthi faayitha kweere ethi kwocce nyuŋwɔ-lɔ,
kaka nǝṯir-gwɔ ǝccǝ lizi @allima waamira wǝthi ŋizigwunǝŋ,
mindaŋ ǝṯiraami ruusi kaka wiinyi wiri!’
8 Ǝṯi dappi waamir-yila wǝthi Allah, nǝ ǝṯi mithǝ ǝthiyǝ tetter wǝthi lizigwunǝŋ.”
9 Nɔŋwsi ǝccǝŋw, “Ŋaaŋa lǝthi ṯǝrṯiibǝ ṯette ṯiccaaw ṯǝṯi-thi dirnatha waamira-lɔ wǝthi Allah, mindaŋ ǝṯi mithǝ ǝthiyǝ waalɔ ethi aŋraci! 10 Kaka naarɔ-gwɔ Muusǝ-ŋw, ‘Ǝṯiiɽi ṯarnyalɔ-ŋwɔsi-na laanyalǝ-gi’, nǝ ‘Kweere kwǝṯi ǝrmithǝthǝ ṯǝrnyin-ŋwɔsi lǝnyin-gi naana ŋiɽaŋal-ŋi ŋigii, ethiŋwɔ ai rerrem’; 11 laakin ŋaaŋa-tǝ naarɔŋw, ‘Mǝ kwizi kweere ǝccǝ ṯǝrnyin-ŋwɔ alla lǝnyin, kwomne-ŋgwɔ kwǝŋgi-ŋǝsi-gi mǝcci rac, laakin kwɔmoro kwǝthi gɔrbaan’ (ŋǝniŋw kwomoro kwǝthi Allah). 12 Ŋwɔṯaŋw ǝṯeere duŋgwǝci kwizi ŋgwa mac ethi ǝrrici ṯǝrnyin alla lǝnyin kwomne kweere ḏuṯ. 13 Nǝ ṯǝrṯiib-thi-ṯǝ kɔthɔ ṯǝthi ṯa@liim ṯaalɔ ṯǝtisi ilŋithini lithaathɔ, ǝṯi iiri ŋiɽaŋali ŋǝthi Allah yǝnǝ. Na nǝr naani ŋittǝzir ŋirṯaŋw ŋǝṯisi ǝrri.”
Kwomne kwǝti ruuŋwuci kwizi ṯɔgwori.
(Maṯṯa 15:10-20)14 Nɔŋw ɔrnɔṯi lizi etheele naanɔ-ŋgwɔ kwɔkwɔny, mindaŋ nɔŋwsi ǝccǝŋw, “Niŋnacar-nyii-ṯi tatap, ǝsi elŋe tok ethaarɔŋw, 15 kwomne kwiti kweere mac kwǝthi parŋgala kwɔtǝthi ŋɔma ethi ruuŋwuci kwizi kweere ṯogwori mɔŋgwɔ ǝndinǝ. [ 16 Mɔŋwɔthi kweere yǝni yǝthi-yi neŋne ethiŋw nǝŋne.”] 17 Mɔŋw ɔrlacci lizi ŋwɔdoŋw, mɔŋw ǝnḏi kiininy, nǝ ṯalaamiiz ṯuuŋwun uṯicǝlɔ mǝthǝl-gi ethisi uppucinǝ. 18 Nɔŋwsǝccǝŋw, “Ŋiṯi ŋilŋithi-ŋǝsi ŋaaŋa tok mac-a? Ŋiti ŋilŋithi-ŋǝsi mac ethaarɔŋw kwomne kwǝthi parŋgala kwǝṯi ɔɽi kwizigwunǝŋ-nǝ kwiti kwǝṯi ruuŋwi ŋunduŋw-nǝ mac, 19 kaka ǝṯɔŋgweere ǝnḏi ki-ṯɔgwor-na mac, laɔkin aṯɔŋw ɔɽi kaari-na, mindaŋ ǝṯɔŋw ruwǝthǝlɔ par-a?” (Ŋwɔṯaŋw nǝ ethne ǝni tatap wɔsɔɔɽɔ.) 20 Ṯaŋw nɔŋwandasi bɔɔcǝk, nɔŋwsi ǝccǝŋw, “Ŋǝti ruuthǝ kwizi-nǝ, nǝroro ŋǝṯi ruuŋwuci ṯɔgwori ŋir kaka: 21 afkǝr wigii, ŋurṯǝthǝ, ḏimmii 22 ŋiijin, ḏaalim, ṯigiirɔ, ŋǝluŋw, @eeb, kee ŋiɽany, ṯɔŋwɔn, ṯippiiŋǝ rogɽo, ŋithiya kii, 23 kwomne-ŋgwɔ tatap nɔŋwɔni kwigii kwǝṯi ruuthǝ ininyŋgǝ-nǝ kwundǝr-ṯǝ kwǝṯi ruuŋwi kwizigwunǝŋi-nǝ.”
Ṯǝmminǝ ṯǝthi kwaaw kwir Kan@aaniiyya.
(Maṯṯa 15:21-28)24 Nǝ Yǝcu diiɽǝ kinaŋw nɔŋweele kǝzir wǝthi Sɔɔr-ŋǝ Sayda-gi. Nɔŋw ǝnḏi ki-dɔɔnɔ, mindaŋ nɔŋweere naŋni kweere ethi elŋece ŋunduŋw ǝzir mac; laakin nɔŋweere ǝthi ŋɔma mac ethi luccuni. 25 Mǝ kwaaw kwette kwǝthi tɔɔrɔ tir tiirɔ tǝthi ṯigɽima-nǝ ṯigii, neŋne ŋiɽaŋali ŋǝni Yǝcu, nɔŋw iilanna fittak, nɔŋw iidǝthǝ ŋwɔɽelle-na ŋwuuŋwun. 26 Laakin kwaaw ŋgwa tǝ, nɔŋworo Yuunaaniiyya kwǝthi Fiiniigliyyǝ-ŋw kwǝthi Suuriiyya-ŋw. Nɔŋw tuurǝccǝlɔ tur ethi ǝllici tiira ṯigɽima ṯigii kithaay. 27 Nɔŋwɔccǝŋw, “Ethi kwelle ethne kerreny, ŋende ŋɔvthanna ethi dimmethe kwelle ethneya ethi kaṯṯici nyinyǝnu.” 28 Nɔŋw ǝŋnici nɔŋwɔccǝŋw, “Imba Kweeleny, nyinyǝn nyǝṯi-pǝ naani ṯerbeeza kuṯṯu ǝṯir ɔṯanni kwuuthunǝŋi kworo kwɔbiinḏǝthǝ-lɔ!” 29 Nǝ Yǝcu ǝŋnici nɔŋwɔccǝŋw, “Kaka mǝgwɔ andasi ŋiɽaŋali ŋɔ ṯǝ, nḏi kaniny nǝ ṯigɽim ṯigii ṯimǝ ruu kithaay ŋiira-na ŋɔɔŋa!” 30 Mɔŋw aaɽitha dɔɔnɔ, nɔŋw kaṯṯasi tiira ṯinḏiralɔ kwaŋgiraŋ-la, timǝ ruu ṯigɽimǝ-nǝ kithaay ṯigii.
Ṯisǝwǝ ṯǝthi kwɔr kwiriimǝ yǝninǝ, nɔŋworo kwiila tok.
31 Ŋwɔṯaŋw na Yǝcu ṯayya ǝzirlɔ wǝthi Sɔɔr-ŋwɔ, nɔŋw ṯamthɔ Sayda-ŋgi mindaŋ nɔŋw ɔppathi ki-bahar kwǝthi Jǝliil-ŋwɔ, kwuthǝmthi ǝzir-yinǝ wǝthi Ḏikabɔɔlɔs-ŋwɔ. 32 Nǝr mɔlca kwette kwiriimǝ yǝni-nǝ, nǝ nɔŋw rɔɔthanni kwiila tok; nǝr daadica-lɔ ethi kette rii naana. 33 Mɔŋw mɔlɔ mɔŋgi rucci lizi-nǝ kwokwo tǝ, nɔŋw anyjici nyaamin ki-yǝni-nǝ yuuŋwun, nɔŋw ɔnyaci ŋwony, mindaŋ nɔŋw mummuci ṯiŋla; 34 mɔŋw baaŋatha leereya-la tǝ, nɔŋw kaṯṯɔ wǝŋ nɔŋwɔccǝŋw, “Afthah,” ŋǝniŋw, “Kiṯṯinǝ!” 35 E-ta nǝ yǝni kiṯṯini, nǝ ṯiŋla kǝdinni tok tɔc, mindaŋ nɔŋw andisalɔ dar-dar. 36 Taŋw nɔŋw ellici lizi waamira ethiseere andaci kweere nac; laakin nellice-ŋwsi-vǝ kinne waamira tok, nǝrsi me kǝniny iirǝci rerrec. 37 Nǝr liŋɽi beṯṯen, nǝraairɔŋw, “Kwɔmǝ ǝrri ŋiɽaŋali tatap ŋir dap-dap; mindaŋ lirimǝ yǝninǝ limǝ neŋne tok, nǝ lanninna riŋla-lɔ limǝ andasi!”