1 Nyii kwɔɔracca-ŋa kiyǝnǝ yǝthi Allah, nǝ yǝthi Kwɔrɔstɔ kwǝni Yǝcu kwinḏi ethisi ǝccǝ haakima kila limiithɔ nǝ laayɔ tok, mɔŋw ruwǝnnǝlɔ Ŋeeleny-ŋi ŋuuŋun. 2 Aari bǝshirǝ ŋiɽaŋali ŋǝthi Allah. Ǝṯisi tuurǝccǝlɔ mǝsi andasi, ki-tɔɔmɔr-la tisaaw, alla titi tisaaw mac, ǝṯisi kiɽacci, nǝ ǝṯisi ulici tok, nǝ ǝṯisi ɔkkwazi ethisi firllasi-la, ǝṯisi ǝccǝ @allima ṯindinyanna-thi naana. 3 Kaka ninḏi-gwɔ lɔɔmɔr ethiila liti linḏi-li lizi ethi kettice ṯa@liima ṯisaaw yǝni mac, laakin ǝri kwakithatha sɔɔrɔmalɔ kwǝthi rogɽo reeŋen, mindaŋ ǝri ɔṯɔṯa mɔ@allmiina-na kweeŋen wɔɽeny kwuuru kwinḏisi ethisi andaci ŋa ŋǝṯi ǝmi yǝni-nǝ yeeŋen. 4 Ǝrisi ɔrlacca ŋa ŋwɔdoŋw ŋir rerrem ŋǝthisi kettice yǝni, e-ta ǝrsi kettice ŋa yǝni ŋir riŋeeroŋw-lɔ domony. 5 Laakin laazim a mithǝ rogɽo rɔɔŋwa tetter ki-ŋiɽaŋal-na tatap; ǝṯi indinyanni ṯurvǝ naana, ǝṯi akkɔ ŋothɽor ŋǝthi mɔbǝshir ŋǝthi Inyjiil, a ṯimmasi ŋothɽor kworo dap-dap.
6 Nǝ nyii tǝ, nyi-mǝ elŋece ethaarɔŋw saa@ kwiinyi kwɔmǝ iila kwǝthi-gi ele naanɔ-ŋgwɔ; tɔɔmɔr timǝ ɔppatha kirem ethi ɔrlacci ŋimiitha ŋɔ ŋwɔdoŋw. 7 Nyii kwɔmǝ ṯɔgthi ṯɔthɔgtha ṯisaaw, nǝnyii ṯimmasi kalmiṯathɔŋw kworo, nǝnyii mithǝ ṯǝmminǝ tetter. 8 Nǝ kire-kirem-ŋgwɔ tǝ, nǝnyii taŋgi ǝkkici kizǝn tir haḏiiyyǝ wǝthi ŋirllalɔ, winḏi-nyii Kweeleny kwǝthi hɔkwɔm wirllalɔ ethi inḏǝthǝ ki Laamin-la kila, nǝreere ǝni nyii dak mac, laakin kila tatap lǝṯi ǝkkici ŋunduŋw kizǝn ṯamɽa-thi ethi ruwǝnnǝlɔ.
9 Fiɽigatha ethi iila naaniny-gwɔ fittak. 10 Kaka mǝgwɔ Ḏiimaas amɽi ṯurmunǝ kɔthɔ, mindaŋ nɔŋw ɔrlacci nyuŋw ŋwɔdoŋw nɔŋweele Ṯasɔɔluuniiki; Kiriiskiis kwɔmeele Ghalaaṯiiyya, nǝ Ṯiiṯus tǝ, nɔŋweele Ḏilmaaṯiiyyǝ. 11 Luuga kwirta-ŋgwɔ dak kwɔnaaniny-gi. Mɔltha Mɔrgus-ŋwɔ ǝgiila; kaka nǝthi ŋgwɔ faayitha ethi ǝkkici nyuŋwɔ ŋothɽor. 12 Nǝ Ṯiikhiikus tǝ, nǝnyii ɔɔsi Afasuus. 13 Mǝ iila tǝ, a dimmǝnnǝ kabuuthǝ ŋga kiṯayyany-lɔ Ṯɔrwaas naanɔ-gwɔ Kaaribus, nǝ yiṯaab tok, nǝ yirna kiya rerrec yiluuthi-nyji naana, ǝsi aavinna tok. 14 Iskǝndǝr kwir kworṯo kwǝthi nɔhaas kwǝrricǝ-nyii ŋiɽaŋali ŋigii beṯṯen; ethisi Kweeleny ǝrrici ŋir kaka-ṯǝ ŋa ŋǝrrǝŋwsi. 15 Ǝṯi iidinǝ mac ŋundu-ŋgi aŋrica, kaka nǝṯɔ-ŋgwɔ ɔppɔpɔthaci nyuŋwsi ŋiɽaŋal-lɔ ŋɔmmaŋi. 16 Nǝ kinaŋw nirilli-nyii ker-kerreny ki-mahkama-na, nǝ kwizi ere kweere mac kwɔgɽǝthi-nyii naana, nǝrnyii faathaci tatap. Ethisi Allah iɽinyacalɔ ŋa ŋeeŋen! 17 Laakin nǝnyii-tǝ Kweeleny naanasi, mindaŋ nɔŋw inḏǝthǝ nyuŋw ŋɔma, nǝnyii-ŋi ǝndaci Umama tatap ŋiɽaŋali ŋǝthi Allah ŋir min-min ethisi neŋne; ŋwɔṯaŋw nǝnyii kilatha sundaŋa kworo. 18 Nǝ Kweeleny kwǝnyii-tǝ kilǝthi rac ki-ŋiɽaŋal-na tatap ŋigii, mindaŋ ŋwiili nyuŋw ki Ŋeeleny-na ŋuuŋun ŋǝthi ki-leere-naŋw. Ethi ŋinith ŋuuŋun nannatha dok-dok. Amiin.
Ṯaaginna ṯirimthithɔ.
19 Aaginnica-nyii Biriskillǝ-ŋwɔsi Akkillǝ-gi, nǝ dɔɔnɔŋw tatap kwǝthi Uniisiifuurus. 20 Araasṯus kwɔmǝ naani ŋundu Kɔɔrɔnthɔɔs, nǝ Ṯuruufiimus tǝ, nǝnyii ṯayyalɔ Miiliṯus kwuumǝ. 21 Fiɽigatha ethiila niti nɔppathi koo kinnǝni mac. Afbuulus-ŋǝ laaginna-ŋa Buuḏiis-gi, nǝ Liinus-ŋǝ Kalaafaḏiiyyǝ-gi, nǝ liyǝŋgǝri tatap. 22 Ethi Kweeleny naani ṯigɽim-thi ṯɔɔŋwa. Ethi ne@ma naani ŋa-gi.
aza 4
1 nyi kworacaŋa ki yey-na yeḏi Allah na yeḏi Kwruztu kweni Yecu kwinḏi eḏi zi hakwumi leni limiiḏu tɔk, na leni layyu tɔk, ṯuruwene ṯi lu ṯuŋwun, na ŋeleny ŋi ŋuŋun tɔk, 2 eṯandazi ŋiɽaŋali ŋeḏi Allah, eṯaŋraḏa eḏi zi nanjelu cugwɔ-cugwɔp ŋwamin tatap; eṯi zi ilŋiiḏini ŋeḏi ŋikya ŋeŋen eṯi zi ŋi ermici, na eṯi zi ukwazi eḏizerri ŋizaw, eṯere əmrəṯizi ṯindinyana nana mac, na ṯilniiḏina ṯɔŋwa tɔk mac. 3 kaka inḏi gwu lamin eḏila liti ler li naŋni eḏi neŋne ṯaliima ṯirlalu mac. lakin na kaduwa gi keḏi rugwor reŋen er mulɔtɔ limuallima linaŋna eḏi zi ilŋiiḏini ŋeṯi zi əmi ŋunduŋwuzi-na domony eḏi zi neŋne. 4 er derne eḏi ketize ŋiɽaŋali ŋir rerem yəni, er zi ṯirenje lu mindaŋ er zi kwakiḏalu ŋeni ŋiŋerɔŋw domony. 5 na ŋa ta, eṯi ferle teter; eṯemni eḏindinyani ṯurfa nana; eṯaki ŋɔḏɽor ŋir ŋeḏi kafur keḏi injiil; eṯi zi ṯimazi dap ŋeḏi ŋafur ŋɔŋa.
6 na nyi pa, nyi kwilŋiica eḏaruŋw, ŋimiiḏa ŋinyi ŋinḏi eḏi ketinici Allah lu; lomur limenyi ilica eḏi li ele. 7 nyi kwumɔ ṯugwuḏi ṯiṯugwuḏa ṯizaw, nyi kwumɔ ṯimazi ṯikalmiṯaḏa ṯinyi, nenyi aŋraci ṯəmna ŋamaŋ. 8 na kirem ta, na kwɔmne nanje nyuŋwu lu kwir taŋgi teḏi ṯofḏana tinḏi Kweleny eḏinḏeḏa nyuŋwu ki lamin ṯa kla, ŋgwa kweṯi zi ŋi hakwumi ŋirlalu. na ŋwere inḏeḏa nyuŋwu dak mac lakin ŋwu zi inḏeḏa kla tatap limamɽi ŋiɽaŋali ŋaruŋw, Kweleny kwinḏi eḏaɽa.
ŋiɽaŋal ŋedi rɔgwɽɔ ruŋwun
9 firgaḏi eḏila nani nyi gwu fitak. 10 kaka me nyi gwu diimaz arṯaḏalu, kaka muŋw gwu amɽi ṯurmuna ṯeḏi kiremŋw, nuŋwele ṯazaluniiki; na karizkiiz nuŋwele galaaṯya, na tiiṯaz nuŋwele dalmaaṯya. 11 na luuga orɔ ŋgwu ṯuɽuk kwunani nyi gi. mulḏa marguzŋw a gi ila inḏaca nyi gwu ŋɔḏɽor nani nyi gwu. 12 na tihiikuz ŋundu nenyuzi afazuz. 13 ma ila ta a dimana kabuṯ ŋga kiṯaya nyi lu tarwaaz nani gwu kwor kweni kaarbuz, na yiṯami tɔk, na minfaḏlak, eti ṯuḏina mac warga yi wuluḏi nyi. 14 izkanḏar kwir kwɔrṯɔ, kwerricenyi ŋiɽaŋali ŋiki cilcil; na ŋe zi Kweleny errici ŋunduŋwu tɔk kaka ŋimɔŋw zi errici nyuŋwu. 15 ŋizaw duŋgwɔŋa eḏaŋrani nana nanuŋw gwu tɔk, kaka eṯuŋw gwu upupuḏaci nyuŋwuzi ŋiɽaŋal lu. 16 menyi rilli ki zeyria-na kweḏi kerrenyŋwu, na kwizi ere kwere mac kwukiɽeḏi nyi nana, ner nyi artaḏalu tatap, eḏi zi Allah ere ruzi kaṯi mac. 17 lakin nenyirli Kweleny gi, nuŋw firli nyuŋwu eḏandazi ŋiɽaŋali ŋuŋun ŋama-ŋamaŋ, mindaŋ eḏi zi lizi lir umam tatap ami neŋnaŋw. taŋwu, nenyi kilaḏa kworɔ kweḏi zundaŋ. 18 Kweleny kwenyi kileḏi ki ŋiɽaŋal-na tatap ŋeni ŋiki, na kwenyi kileḏi eḏenji nyuŋwu ki ŋeleny-na ŋuŋun kilerena, eḏi ŋinit nani nanuŋw gwu dɔk dɔk. emba.
19 agnicenyi brizkilla ŋwuzi akilla gi, na lizi leḏi duənu kweḏi unizufiiruz. 20 araaztuz kwumɔ taḏinalu kurintuuz, na turufiinuz nenyi tay lu miliituz, kwurna. 21 firgaḏi eḏila iti inḏi ko kinna mac. afbuuluz kwagnaŋa, na buuḏiiz, na liinuz, na kalaafiḏiiya, na lieŋgeri tatap.
22 eḏi Kweleny kweni Yecu Kwruztu nanni ki ṯigɽim-na ṯɔŋwa. eḏi ṯimeca ṯeḏi ŋimɽi ŋeḏi Allah nani ŋa gwu. emba.