1 Nyiiŋǝ lir lǝni Bɔɔlɔs-ŋǝ Silwaanus-gi nǝ Ṯiimɔothaaws tok, lɔlɔcca-ŋǝsi juwaaba ŋaaŋa lǝthi kǝniisǝ kǝthi Ṯasaaluuniiki-ŋw, lir lǝthi Allah wǝri wir Papa, nǝ Kweeleny kwǝni Yǝcu Kwɔrɔstɔ:
2 Ethi-ŋǝsi Allah wir Papa, nǝ Kweeleny kwǝni Yǝcu Kwɔrɔstɔ inḏǝthǝ ŋaaŋwɔsi ne@ma-ŋwɔsi ŋiiɽǝnnǝ-ŋi.
Hɔkwɔm winḏi ethi naani ki Laamin-la linḏi-li Kwɔrɔstɔ ethaaɽa.
3 Liyǝŋgǝri lǝri, laazim nyǝccǝ Allah shukran ŋiɽaŋal-ŋi ŋǝni ŋaalɔ. Ŋɔvthannica-nyji rac ethisi ǝrri ŋɔ, kaka mǝgwɔ ṯǝmminǝ ṯaalɔ peŋe beṯṯen, nǝ ṯamɽa ṯaalɔ tatap ṯǝthicǝ-ŋǝ lithaathɔ, nɔŋw kikiɽǝthi beṯṯen tok. 4 Nǝrṯoro ŋǝ ŋǝṯiny-ŋi ǝllini ki-rogɽo ŋiɽaŋal-ŋi ŋaalɔ ki-yǝniisǝ-nǝ yǝthi Allah. Nyiiŋa lǝṯi ǝllini ki-rogɽo ŋiɽaŋal-ŋi ŋǝthi ṯaay ṯaalɔ ǝnyji-ŋgi ŋwaara-lɔ tetter ṯinḏaŋa-gwɔ ṯurvǝ-nǝ mindaŋ nǝtǝ ǝmmini nǝwɽǝr-ŋǝsi-vǝ kinnǝni yǝy-lɔ tok liraara ṯeṯṯec, nǝ kitha-ṯa ṯǝni ṯinaaniŋa-ŋwɔna. 5 Nǝ ŋɔ tatap ǝṯir ilŋithini ethaarɔŋw hɔkwɔm wǝthi Allah wǝni wirllalɔ, ŋwɔṯaŋw mindaŋ mǝ ɔvthanni ethoro lǝthi Ŋeeleny ŋǝthi Allah, ŋa ŋirǝrinicǝ-ŋǝsi. 6 Ŋinḏisi ethisi Allah ǝrri ŋɔvthanna rac e-ta ŋwɔsi rǝri kila tok lirǝrǝ-ŋǝsi, 7 mindaŋ ŋwɔ kǝṯṯini ŋaaŋwɔsi wǝŋ nyii-ŋǝli, nǝṯir-gwɔ inḏa ṯurvǝ, mindaŋ mǝ Kweeleny kwǝni Yǝeu ruwǝnnǝlɔ ki-leere limeleka-li luuŋwun lǝthi ŋɔma ŋɔppa iigǝ-yi wɔfɔɔdɔ, 8 ŋwɔsi inḏǝthǝ jiizǝ kila lǝṯi dirnnatha Allah-lɔ, nǝ kila tok liti lǝṯi iinyici Inyjiilǝ naana mac wǝthi Kweeleny kwǝri kwǝni Yǝcu. 9 Linḏi ethi kaṯṯasi jiizǝ kwǝthi ṯigiirathalɔ ṯǝṯṯi nannatha dok-dok, nǝ luruccǝ Kweeleny-na tuk, nǝ ŋinithi ŋǝthi ŋɔma ŋuuŋun ŋɔppa ŋimini. 10 Mɔŋwiila ki Laamin-la ṯǝ kila ethaavi ŋinithi naanɔ-gwɔ lizi luuŋwun lirllinǝlɔ ter, nǝ ṯiiɽǝnǝ tok naanɔ-gwɔ kila tatap lǝthi ṯǝmminǝ. Ŋaaŋa linḏi ethi ɔɽɔmaṯṯi ŋundu-ŋǝli tok, kaka nǝmminǝŋǝ-gwɔ shahaaḏa ŋgwa kwandicar-ŋǝsi. 11 Sǝbǝb kwindǝr-ṯǝ ŋgwɔ kwǝṯir-ŋǝsi-gi ǝrici kiyiiriny nyaamin tatap, mindaŋ mǝŋǝsi Allah wǝri ruusi lɔvthanna ki-ŋethre-na ŋa ŋɔrnacar-ŋǝsi. Ethiŋw urǝcci ŋaaŋwɔsi sɔɔrɔma kwaalɔ kworo kwisaaw ŋɔma-ŋi ŋuuŋun, nǝ ŋwɔ ṯimmǝci ŋaaŋwɔsi ŋothɽor ŋaalɔ kworo ŋǝthi ṯǝmminǝ. 12 Ŋiɽaŋal-ŋi ṯǝ ŋɔ, a yiriny yǝthi Kweeleny kwǝri kwǝni Yǝcu niini-nǝ daŋgal-na, nǝ ŋaaŋa tok duŋgwun-nǝ ne@ma-gi kwǝthi Allah wǝri nǝ Kweeleny kwǝni Yǝcu Kwɔrɔstɔ.
aza 1
ṯagna na ṯortaḏa
1 nyiŋa liri leni buuluz-ŋa zilwaanuz gi, na timuṯaawuz tɔk lagnaŋazi leḏi kaniiza kinani ṯazaluniiki, lir leḏi Allah wir Papa kweri, na Kweleny kweni Yecu Kwruztu.
2 eḏi ṯimeca ṯeḏi ŋimɽi nani daŋgal-na ŋiɽena ŋi, ŋinḏi nani gwu Allah wir Papa, na Kweleny kweni Yecu Kwruztu.
3 nyiŋa leṯeca Allah zukran ŋwamin tatap ŋeni ŋaŋa, lieŋgeri, kaka ofḏanir gwu, kaka eṯi gwu ṯəmna ṯalu duŋgwuŋgwa ṯitezir, na eṯi gwu ṯamɽa ṯalu, ṯeṯi ṯi amɽaḏizina wuɽe-wuɽeny, kikindeḏi. 4 ŋwu ṯaŋwu, nyiŋa leṯi ŋazi gwu ellineḏa ki yaniiza-na yeḏi Allah, ŋiɽaŋal ŋi ŋeḏi ṯifirlaḏa la ṯalu, na ṯəmna ki ṯowɽina yey ṯalu tatap, na ki ṯurfa-na kḏa ṯindinyana ŋa nana.
5 ŋinderṯa ŋeṯi ruwenizi hukma lu wofḏana weḏi Allah, mindaŋ er ma daɽmani eḏeni lofḏana eḏi nani ki ŋeleny-na ŋeḏi Allah, ŋirərinicaŋazi ŋi kirem. 6 kaka enir gwu ŋofḏana keni ki yey-na yeḏi Allah eḏi zi kwumaci-na ŋir ṯurfa kla leṯiŋazi inḏini ṯurfa, 7 na eḏi kətini ŋaŋwuzi wəŋ nyiŋa li, leṯinḏa ṯurfa, ki lomur linḏi li Kweleny kweni Yecu eḏi ruwene lu kilerena limaleyka li luŋwun, leni leḏi ŋuma ŋiṯemḏizi la, igə yi wufudu burbur. 8 ŋwu zi inḏeḏa kla jiiza leṯi derne eḏelŋe Allah, na kla tɔk liti linyiza ŋiɽaŋali nana mac ŋir injiil weḏi Kweleny kweri kweni Yecu. 9 linderṯa linḏi eḏafi jiiza kwir ŋikiraḏalu ŋinḏi eḏi nanniḏa dɔk, na er leŋḏeni par ki yey-na yeḏi Kweleny, na ki ŋiniṯ-na ŋeḏi ŋuma ŋuŋun ŋiṯemḏizelu, 10 muŋw ila ki lamin ṯa kla, na mer biɽeḏa ŋunduŋwu yiriny ŋiɽaŋal ŋi ŋeḏi lizi luŋwun lirlinelu ter; er liŋɽi tɔk ŋiɽaŋal ŋi ŋeḏi lizi tatap limalliḏa ŋunduŋwu rugwori nana, kaka emna ŋa gwu ṯunḏiza ṯeri ki daŋgal-na. 11 ŋwu ṯa nyiŋa leṯi ŋazi erici ki yiriny ŋwamin tatap, eḏi ma Allah weri ruzi ŋaŋwuzi lofḏana kaka ornuṯuŋw gwu ŋaŋwuzi, na eḏuŋw ma ṯimaci ŋaŋwuzi ṯikitaḏa tatap tizaw, na ŋɔḏɽor ŋeḏi ṯəmna, ŋuma ŋi ŋuŋun, 12 mindaŋ eḏi yiriny yeḏi Kweleny kweni Yecu ortani ŋiɽaŋal ŋi ŋalu, na ŋaŋa a ma ortani ŋundu ŋgi tɔk, ŋiɽaŋal ŋi ŋeḏi ṯimeca ṯeḏi ŋimɽi ŋeḏi Allah weri, na Kweleny kweni Yecu Kwruztu.