aza 3
ŋeḏre ŋizaw ŋeḏi likwruztyan
1 kiḏayine zi ezi ketize yey ŋeḏi kla leḏi zulṯa tɔk; er enye nana, er nani lu cugwɔ-cugwɔp, likitaḏi eḏaki ŋɔḏɽor tatap ŋeni ŋizaw; 2 er ere ermiḏeḏa kwizi kwere nana mac ŋiɽaŋal ŋi ŋiki, er efrici ŋurreḏa ŋeŋen, er orɔ liḏi rugwori, mindaŋ mezi lizi izaci ŋiɽena ŋeŋen. 3 kaka urir gwu nyiŋa kerreny lizi liḏiki, lir lidurlaḏu, liṯuḏi, lir luway leḏi kaduwa, na ṯinyiŋlana ṯir-na ter ter ṯeḏi ṯurmun, lidirnaṯi ki ɔɽɔm-na, na leṯi ke ŋiɽany tɔk, luweze zi lizi, ner eni nyiŋa luweḏizena wuɽe-wuɽeny tɔk. 4 lakin na ma ŋizana ŋeḏi Kwigileḏa kweri kweni Allah ruwenelu, ŋimɽi ŋi ŋuŋun nani gwu lizi, 5 nuŋw kileḏi nyuŋwuzi; lakin nuŋw ere kileḏi nyuŋwuzi mac ŋiɽaŋal ŋi ŋeḏi ŋɔḏɽor ŋere ŋeni ŋizaw ŋimerzerri, lakin ŋimɽi ŋi ŋuŋun dak, ŋuma ŋi ŋeḏi ṯizuɽu-na ṯeḏi ŋelŋe ŋiaŋ, na ŋimiiḏa ŋiaŋ Tigɽim ṯi ṯirlinelu ter, 6 kḏa ṯimɔŋw baliza nyuŋwuzi nana beyin Yecu ŋgi kweni Kwruztu, kwir Kwigileḏa kweri. 7 mindaŋ muŋw ruzi nyuŋwuzi lizuɽu-na ṯimeca ṯi ṯeḏi ŋimɽi ŋuŋun, eḏorɔ ŋor ŋeḏi ŋimiiḏa ŋiaŋ ŋinḏi eḏi nanniḏa dɔk, kaka eṯir gwu ṯa əkizi kizen. 8 ŋiɽaŋal ŋu ŋiri rerem.
nyi kwunaŋna ŋa eḏizandaci ŋama-ŋamaŋ ŋeni ŋu: kla limalliḏa Allah rugwori nana ṯəmna ṯi, er zi aŋraci eḏizerri ŋeni ŋizaw ŋwamin ŋweŋen tatap, eḏi zi ŋi meci liḏaḏu tɔk. 9 lakin, orlace ŋiɽaŋali ŋwudɔŋw ŋeṯi zi mumur la ŋeni luŋw, na ŋeḏi kla linani kerreny tuk, ŋelŋe ŋi ŋeŋen tɔk, na ŋaŋlaḏi ŋgi ŋiɽaŋal ŋi ŋeḏi kuruu, kaka iti eḏir gwu fayḏa kwere mac ki yey-na yeḏi lizi, ner ŋi ere meci liḏaḏu tɔk mac. 10 ma kwizi orɔ kwirŋaza, ŋizaw eḏi kirinyaḏa ŋunduŋwu, na ma kirinyaḏa nyamin-na nyiɽen, muŋw nani ṯirṯir, efrinje, 11 kaka ilŋiica ŋa gwu rerem eḏaruŋw, kwizi kwere kaka ŋgwu kweni kwukwurli tugwor lu, kweṯi dirnaṯi ki ŋikya-na na kwukitana kaṯiya nana ki rɔgwɽɔ ruŋwun.
ŋiɽaŋal ŋeḏi rɔgwɽɔ reḏi buuluz
12 ma ŋa tiŋaca artimawuzŋw ya tihiikuzŋw, fiɽgaḏi eḏila kezir weni nikɔbuluz fitak, kaka inḏi nyi gwu eḏi nani kinanɔŋw ko gi. 13 kite ŋuma beten eḏi meci zinazŋw, kwir kwor kwilŋiiḏi kuruu-na, na abuluuzŋw tɔk, mindaŋ a kwɔmne ere kwere mac eḏiiraci ŋunduŋwuzi ki tay la. 14 eḏi lizi leri elŋe eḏerri ŋɔḏɽor ŋizaw, eḏi ŋi meci lizi liira kwɔmne-na, mindaŋ er ere orɔ mac kwaɽi kweri kiraḏi.
15 lizi tatap linani nyi li lagnaŋa beten. agnicanyji kla leṯinyji amindi ki təmna-na.
eḏi ṯimeca teḏi ŋimɽi nani daŋgal-na tatap.
Ŋethre ŋǝthi lɔgrɔstiyan ki-lizi-nǝ.
1 Kithǝyinǝ lizi lɔɔŋwa ethi niŋnithici rɔ-asa naana, nǝ kila lǝthi sɔlṯa tok, ethisi iinyici naana, nǝ ethi kittatha ethisi ǝrri ŋette nyithak ŋisaaw. 2 Ǝsi andaci etheere ǝrmithǝthǝ kwizi kweere naana ŋiɽaŋali ŋigii mac, laakin ethi nanni liiɽǝnnǝ, lir ŋɔmathi lizi naana, nǝ ethi ṯiici lizi naana tatap jiɽeem. 3 Kaka nɔrɔr-gwɔ yǝɽiyǝŋ ṯǝŋw nyiiŋǝ tok, lir lɔdɔrllathɔ, lɔthɔɔthɔ, ludunnunǝ naana sɔɔrɔm-gi kwirna ter-ter, nǝr nanni ŋimiitha-ŋi ŋǝri ki-ŋiɽaŋal-na ŋigii, nǝ ŋirŋasa tok, ǝṯir-nyji wǝsi, nǝ ǝṯirsi wǝzi nyiiŋǝ tok. 4 Laakin mǝ ŋisanna-ŋǝ ṯamɽa-thi ṯǝthi ŋiiɽǝnnǝ ŋǝthi Allah wir Kwiglǝthǝ kwǝri ruwǝnnǝlɔ tǝ, 5 nɔŋw kilǝthi nyuŋwsi. Nǝreere ǝniŋw, a kwǝrrǝri ŋothɽor ŋeere ŋirllalɔ mac, laakin ŋiɽaŋal-ŋi ŋǝthi ŋimɽi ŋuuŋun, nɔŋw-mǝ kilǝthi nyuŋwsi. Ṯigɽim-thi Ṯirllinǝlɔ ter ṯinḏǝthǝ-nyŋi ŋelŋe ŋiyaŋ, ṯusuuɽunnǝ-thi ṯǝthi ŋimiitha ŋiyaŋ. 6 Kitha ṯimǝŋw balsa nyuŋwsi naana bǝyin, Yǝcu Kwɔrɔstɔ-ŋgi kwir Kwiglǝthǝ, 7 mindaŋ mǝr suuɽunni ne@ma-gi kwuuŋwun, mindaŋ mǝr aavi ŋimiitha ŋǝṯi nannitha dok-dok ŋǝkkicǝrsi nyiiŋǝ kizǝn. 8 Ŋiɽaŋal ŋɔ ŋir rerrem.
Nyii kwɔnaŋna-ŋa ethisi andaci kodɔŋori kwomne-gi ŋgwɔ, mindaŋ mǝ kila lǝṯi ǝmminici Allah ǝrri ŋothɽor ŋisaaw rogɽo-ri reeŋen, nǝrṯoro ŋisaaw nǝ ŋɔvthannica lizi tatap. 9 Laakin ŋa tǝ, a rucci ṯɔppathalɔ-na ṯir ŋǝɽiyǝŋ kinǝŋgwu tuk, nǝ ŋittǝzir ŋǝthi lugwurnǝ-ŋǝ, nǝ ŋaŋlathi tok, nǝ ṯurrǝthǝ ŋiɽaŋal-ŋi ŋǝthi Sherii@a. Kaka niti nɔvthanna-ŋgwɔ kweere mac. 10 Ŋgwa kwǝṯi undundǝthǝ lizi-nǝ, a kirinyatha nyaamin-na nyeere nyiɽǝn, mɔŋw-tǝ naani kwette-kwette tǝ, e-ta ere kettice yǝy kwokwony mac. 11 A kwilŋithi kwizi kwir kaka-ṯǝŋw kwǝni kwigii-na cil-cil, kwuruusǝ rogɽo ruuŋwun kaṯṯi ŋikiya-ŋi ŋuuŋun.
Ŋiɽaŋal ŋǝthi Bɔɔlɔs nǝ ṯaaginna.
12 Mǝŋǝ usicǝ Arṯiimaas-ŋwɔ ya Ṯiikhiikus-ŋwɔ tǝ, a fiɽigatha ethiila ŋa fittak naaniny-gwɔ Niikuubuuliis, kaka mǝnyii-gwɔ kittatha ethi nanni koo-gi kinanaŋw. 13 E-ta a kitta ŋɔma tig-tig ethi mǝccǝ Ziinaas-ŋwɔ kwir mɔ@allim kwǝthi Sherii@a, nǝ Abɔllɔɔs tok, ethi aara ibṯǝḏi safara kweeŋen, nǝ ǝsi iisa mindaŋ mǝsi kwomne ere kweere kwiiracasi mac. 14 Nǝ laazim a lizi lǝri aari @allima ethisi ǝrri-ri ŋisaaw ŋundu-ŋǝ wɔɽe-wɔɽeny, mindaŋ mǝrǝthi kwomne ki-rii-na kwǝthi-gi mǝccǝthisi; ǝreere oro lizi liira faayitha-na mac.
15 Kila tatap linaaniny-li kɔnɔŋw, lithiŋaca-ŋa ṯaaginna ṯeeŋen. Aaginnica-nyji kila lǝṯi-nyji amɽi ki-ṯǝmminǝ-nǝ. Ǝthi nǝ@ma nanni ŋaaŋa-li tatap.