aza 1
ṯagna
1 nyi, kweni zimaan buṯruz, kwir kaḏaam keḏi Yecu Kwruztu na kafur kuŋwun, kwagnaŋazi leni limenyi li afi ṯəmna ṯibiɽcer nyji-na titir ki ṯofḏana-na ṯeḏi Kwigileḏa kweni Yecu Kwruztu, kwir Allah weri tɔk.
2 eḏi ṯimeca ṯeḏi ŋimɽi, ŋiɽena ŋi, orɔ ŋalu beyin, ṯilŋiiḏina ṯi ṯeḏi Allah, na ṯeḏi Yecu, kwir Kweleny kweri.
3 kaka mer nyji gwu inḏeḏa, ŋuma ŋi ŋuŋun ŋir yilim, kwɔmne tatap kweṯir naŋni eḏi gi dirnaṯi ki ŋimiiḏa-na ŋeḏi Allah, inḏeḏaŋw gwu nyuŋwuzi ŋuma eḏelŋe ŋunduŋwu, kwumenyi ornuṯi eḏenḏi ki ŋiniṯ-na ŋuŋun wuɽe-wuɽeny, ŋizana ŋi ŋuŋun ŋiṯemḏelu purpur. 4 na ŋiniṯ ŋi ŋu ŋizana ŋi, nuŋw ŋi inḏeḏa nyuŋwuzi ṯikitaḏa ṯuŋwun, ṯir gaali ṯiṯemḏelu, na ŋiɽaŋal ŋi ŋeḏi ṯikitaḏa kḏu ta, a leḏi ŋuma eḏarṯiḏa ṯidigɽa lu ṯeṯinanni ki ṯurmun-na, ŋiɽaŋal ŋi ŋeḏi kaduwa kiki, mindaŋ ma oɽmaṯi ki rɔgwɽɔ-na reḏi Allah ŋundu. 5 ŋwu ṯaŋwu, eṯi deŋṯini eḏefrici ṯəmna ṯalu eḏizerri ŋir minmin; na eṯi kikindeci ŋeḏre ŋu ṯilŋiiḏina; 6 na eṯi kikindeci ṯilŋiiḏina rugwori riniŋneḏu; na eṯi kikindeci ŋiɽaŋali ŋu ṯukwurmɔṯana; na eṯi kikindeci ṯukwurmɔṯana ŋeḏre ŋizaw ki yey-na yeḏi Allah; 7 na eṯi kikindeci ŋeḏre ŋu ŋizaw ṯamiḏana ṯalu ṯeḏi ŋiaŋga; na eṯi kikindeci ṯamiḏana kḏu ṯamɽa. 8 mer nani ŋu tatap daŋgal-na mindaŋ mer ṯamḏalu, eṯir eḏi ŋuma eḏaŋraci ŋaŋwuzi mindaŋ ma ere kiraḏi mac, liira ŋuma eḏi zi erri ŋere mac ki ṯilŋiiḏina ṯeḏi Kweleny kweri kweni Yecu Kwruztu. 9 na ŋgwa kwiira kwɔmne ŋgwu eṯuŋw orɔ kaka kwunduŋ kwiti kweṯeze ezir ŋamaŋ mac, kwumɔ ṯuḏina ṯuzuɽa ṯi-na ṯeḏi ŋikya ŋuŋun ŋeḏi kerrenyŋw. 10 ŋwu ṯaŋwu, lieŋgeri, ketizari ŋiɽaŋali yey ŋeḏi ṯornuṯa ṯeḏi Allah, na ṯica-na ṯuŋwun muŋw gwu ece ŋaŋwuzi-na. kaka mezi erri ŋu tatap ta, a ere iidi ḏuṯ. 11 ṯaŋwu ta, a inḏa ṯenḏa ki ŋeleny-na ŋeṯinanniḏa dɔk ŋeḏi Kweleny kweri kwir Kwigileḏa kweri tɔk, kweni Yecu Kwruztu.
buṯruz muŋw ilici ŋiɽany
12 ŋwu ṯaŋwu, nyi kwumɔkitaḏa eḏi kiḏayinici ŋaŋwuzi ŋiɽaŋali ŋu ŋwamin tatap, ŋilŋiiḏi ŋazi keni rac, ami ŋa gwu nanuŋw ki ŋiɽaŋal-na ŋirlalu, ŋeṯizi miḏa rugwor ri ralu. 13 emba, ŋeni ŋofḏana duŋgwinyi, nani nyi gwu aŋna yi wu, eḏukwazi ŋaŋwuzi ṯiṯiŋayinica ṯi. 14 ŋilŋiicanyji rac eḏaruŋw, nyi kwuṯayi aŋna lu wu kwaḏan kwɔkwɔ, kaka menyji gwu Kweleny kweri kweni Yecu Kwruztu ilŋiiḏini. 15 nyi ŋi kitaḏa ŋu mindaŋ menyele ta, a eḏi ŋuma eḏi ṯiŋayini kwɔmne ŋgwu tatap.
ṯiruwecelu ṯeḏi buṯruz na ṯeḏi liɽi tɔk
16 kaka ma ŋazi gwu ilŋiiḏini ŋuma ŋeḏi Kweleny kweri kweni Yecu Kwruztu, na ŋeḏi ṯiruwenelu ṯuŋwun tɔk ṯinḏi eḏila, eṯinyere kwakiḏaḏa ŋiɽaŋali mac ŋiti ŋir rerem mac, lakin nenyi keni eze ŋiniṯi ŋuŋun yey yi yeri. 17 na ki lomur ṯa kla, afaŋw li gwu ṯiniiya-na ŋwuzi ŋiniṯi ŋi nani gwu Allah wir Papa, na ṯɔgwɽɔ ṯete ruḏa ki ŋiniṯ-na ŋuŋun ŋiṯemḏizelu tatap, ṯaruŋw: kwunde kwiri kwir Tor tinyi tamɽanyi, tiɽenyina tɔk. 18 na nyiŋa pa, nenyi neŋne ṯɔgwɽɔ kḏa ṯuruḏa kilerena, kaka nani nyi gwu ŋundu ŋali kayin la wirlinelu ter. 19 na kwɔmne ŋgwu tatap nuŋw ruḏaḏa nyuŋwuzi rerem eḏaruŋw, ŋiɽaŋal ŋeḏi liɽi ŋeni ŋirlalu; ŋofḏana eḏi zi ketize yey ŋamaŋ, ŋir kaka lɔmba leṯi ṯiŋaḏa fori lu kirim-na, mindaŋ ma ezir zuɽi lu na ṯorum ṯeḏi ŋurpanaŋw alliḏa ki rugwor-na ralu. 20 lakin, kerreny, eṯizi ṯiŋayini eḏaruŋw, ŋiɽya ŋuluḏina ŋiti ŋiri ŋeḏi lizi lete eḏizelŋe oɽeny mac. 21 kaka ma gwu ŋiɽya ŋirlalu ere ila kerreny tuk rugwor ri reḏi lizigwunaŋ oɽeny mac, lakin nezi lor lirlinelu ter andazi kaka ilŋiiḏinezi gwu Ṯigɽim ṯirlinelu ter nani gwu Allah.
1 Nyii kwɔrɔ kwǝni Sim@aan Bɔṯrɔs, kwir khaḏaam nǝ kaavɔr tok kǝthi Yǝcu Kwɔrɔstɔ. Nyii ŋgwa kwɔlɔcca-ŋǝsi kila limaavi ṯǝmminǝ ṯibɽicǝr-nyjinǝ tǝtǝp, ŋirllalɔ-ŋi ŋǝthi Allah wǝri, nǝ Kwiglǝthǝ kwǝni Yǝcu Kwɔrɔstɔ.
2 Ǝthi ne@ma-ŋǝ ŋiiɽǝnnǝ-ŋi kikindǝthici ŋaaŋwɔsi, ṯilŋiṯṯa-thi ṯilŋiṯhiŋǝ-thi Allah, nǝ Yǝcu-ŋw kwir Kweeleny kwǝri.
Ṯurnunǝ ṯǝthi Allah ṯiccathi-na ṯuuŋwun.
3 Ŋɔma ŋǝthi Allah ŋimǝ-nyji inḏǝthǝ kwomne tatap kwɔnaŋnar, ethi-gi miithi ŋimiitha-ŋi ŋir rerrem ŋǝthi ḏiin, ṯilŋiṯṯa-thi kitha ṯilŋithir-thi ŋgwa kwɔrnɔṯɔ-nyji, ethi-li ɔɽɔmɔṯṯi ki-ŋinith-nǝ ŋuuŋun wɔɽe-wǝɽeny ŋisanna-ŋi ŋuuŋun. 4 Nǝ ṯaay-thi ṯǝ kɔthɔ, nɔŋw inḏǝthǝ nyuŋwsi haḏaaya wuuŋwun wɔppa wir ghaali, wɔgittathɔŋw-yi, nǝ ŋiɽaŋal-ŋi ŋǝthi haḏaaya wɔ ǝthi ŋɔma ethi arṯitha kǝdɔwa-lɔ kigii-na cil-cil, kinaanɔ ki-ṯurmun-nǝ, mindaŋ mǝ ǝthi ŋɔma ethi ɔɽɔmɔṯṯi dɔŋw ki-ɔobii@a-na ɔǝthi Allah. 5 Nǝ sǝbǝb-gi ṯǝ ŋgwɔ oro kiiɽi-kiiɽi ethi kikindǝci ṯǝmminǝ ṯaalɔ ŋisanna, nǝ a kiɽǝcci ŋisanna ŋaalɔ ṯilŋiṯṯa-na; 6 nǝ ki-ṯilŋiṯṯa-na taalɔ, a kiɽǝcci ṯimthǝ ṯɔgwori; nǝ ki-ṯimthǝ-nǝ ṯǝthi ṯɔgwor, a kiɽǝcci ṯindinyǝnnǝ naana; nǝ ki-ṯindinyǝnnǝ naana, a kiɽǝcci ṯiiɽǝnǝ ṯǝthi Allah; 7 nǝ ki-thiiɽǝnǝ ṯǝthi Allah, a kiɽǝcci ṯiyathisa rɔgwor-na rǝthi ŋiyaŋga, nǝ ki-thiyathisa rɔgwor-na rǝthi ŋiyaŋga, a kiɽǝcci ṯamɽa. 8 Nǝ moro lǝthi kwomne-ŋgwɔ tatap, mindaŋ mǝthi kwɔbɔɔnalɔ bonoṯ tǝ, ŋwuruusi ŋaaŋwɔsi kiiɽi-kiiɽi ki-ŋothɽor-na, nǝ ki-thilŋiṯṯa-na ṯaalɔ tok ṯilŋithiŋǝ-thi Kweelenyi kwǝri kwǝni Yǝcu Kwɔrɔstɔ-ŋw. 9 Laakin mǝ kweere nyithak ere ǝthi kwomne ŋgwɔ mac tǝ, nɔŋwɔni kwir kwunduŋ, kwiti kwǝthi ŋɔma mac ǝthi iisithi, nǝ naŋwɔni kwɔmǝ ṯɔɔthina ṯisuuɽunnǝ-thi ṯimǝŋw-thi suuɽunni ki-ŋikiya-na ŋuuŋun ŋa ŋǝthi kerreny-ŋwɔ. 10 Ŋwɔṯaŋw liyǝŋgǝri liinyi, ǝɽir kǝniny a ṯǝcci tig-tig, ǝthi ǝnḏǝlɔ tǝttǝr daŋgal-na; na mǝsi ǝrri ŋɔ tǝ, ere ɔrlacci ṯǝmminǝ ṯaalɔ ŋwɔdoŋw mac. 11 Ŋwɔṯaŋw ǝrŋǝsi ǝmminici rerrem ethi ǝnḏi ki Ŋeeleny-na ŋǝṯi nannitha dok-dok, ŋǝthi Kweeleny kwǝri nǝ Kwiglǝthǝ kwǝni Yǝcu Kwɔrɔstɔ.
12 Ŋwɔṯaŋw ǝṯiny kittatha ǝthi kithǝyini ŋaaŋwɔsi dok-dok ŋiɽaŋali ŋɔ, nilŋithi-ŋǝsi-vǝ kinnǝni rac, nǝ ǝṯi-ŋi ǝnḏinǝ tetter ŋa ŋir rerrem ŋǝthi-ŋǝsi. 13 Nyii kwaarɔŋwa, ŋɔvthannica-nyii ǝthi ɔkkwazi ŋaaŋwɔsi a-naani-nyii tǝ kinnǝni aŋna-yi wɔ ethi kithǝyini ŋaaŋwɔsi ŋiɽaŋali ŋɔ. 14 Ŋilŋithi-nyji rac, nǝ kwaathan kwokwo nyii ṯayyi aŋnalɔ wɔ, kaka nandicany-gwɔ Kweeleny kwǝri kwǝni Yǝcu Kwɔrɔtsɔ-lɔ por-por. 15 Nyii kwɔgette ŋɔma tig-tig, ǝthi kǝtticǝ ŋaaŋwɔsi ṯaayi-lɔ cɔgwo-cɔgwop, mindaŋ mǝnyii ai rac tǝ, a-ta ǝṯi ṯiŋaayini ŋiɽaŋali ŋɔ dok-dok.
Shuhuuḏ kwǝṯhi ŋinith ŋǝthi Yǝcu Kwɔrɔstɔ.
16 Nǝ ǝṯinyeere kwakithatha ŋiɽaŋali-lɔ ŋir ŋishaaṯir domony mac, kinaŋw nilŋithinǝr-ŋǝsi ŋɔma nǝ kilyǝ kǝthi Kweeleny kwǝri kwǝni Yǝcu Kwɔrɔstɔ, laakin ninyoro shuhuuḏ yǝy-yi yǝri kwǝthi ŋinith ŋuuŋun. 17 Ninyǝni linaanɔ kinanaŋw, kinaŋw mǝ Allah wir Papa iiɽi ŋunduŋw-nǝ ŋinith-ŋi, mindaŋ nǝ ṯogɽo iila naanɔ-ŋgwɔ ṯuruuthu ki Ŋinith-nǝ Ŋɔppa, ṯaarɔŋw, “Tɔr tiinyi tir-ṯa kɔrɔ tamɽany-na beṯṯen, nǝ taaminy-rina tok!” 18 Nǝnyii nǝŋne rogɽo-ri rǝri wɔɽ-wɔɽeny ṯogɽo ṯɔɔɽɔ ki-leere-na, kinaŋw a-naaniny-gi kaayin-la wirllinǝlɔ ter.
19 Ŋwɔṯaŋw nǝnyii ruusi ŋiɽaŋali ŋa rerrem ŋandisasi liɽii. Nǝr saawi beṯṯen daŋgal-na ethisi kettice yǝy, kaka naaɽinnar-gwɔ lombo lǝṯi erṯelɔ kǝzir-nǝ wir kirim, mindaŋ mǝ Laamin ṯiŋatha fɔɔri-lɔ, nǝ a fɔɔri kwǝthi ṯɔɔrɔrn ṯǝni kwɔkwɔbel erṯelɔ fɔɔri-gi ki-rɔgwor-na raalɔ. 20 Laazim ǝsi elŋe ŋɔ ker-kerreny, ethaarɔŋw kwiti kweere mac kwǝthi ŋɔma wɔɽe-wɔɽeny ǝthi uppi ŋiɽiyaŋ-na ŋǝthi Kiṯaab Kirllinǝlɔ ter. 21 Kaka niti nǝṯ-gwɔ ŋiɽaŋal ŋǝthi ŋiɽiiya iila domony ṯɔgwor-thi ṯǝthi kwizigwunǝŋ mac, laakin nǝsi Ṯigɽim Ṯirllinǝlɔ ter mɔlɔ nɔŋwsi ilŋithini ethi andasi ŋiɽaŋal ŋa ŋinḏi naanɔ-gwɔ Allah.