aza 9
1 na maleyka, kwir nimra ṯuḏni, əri bruza kwuŋwun, nenyeze ṯorumi tete ṯiidu ki lere nuŋw oɽa kureyu lu, ner inḏeḏa mufṯah kweḏi ogwur weḏi ezir woɽu lac kuṯelu; 2 nuŋw kiti ogwur weḏi ezir wa, na gwu kwulu ruḏa-na kwupa, kwulu kwir kaka kweḏi igə wupa weḏi kəmruŋw, na aŋwun orɔ kirim ezir yi wa, kwulu gi ŋgwa. 3 na kwulu-na na yama ruḏa, nerele ṯurmuna nana, ner zi inḏeḏa ŋuma ŋir kaka ŋuma ŋeḏi ŋwebdeny. 4 ner zi eca ŋwu: etere ye karwa keḏi ureyu mac, yaɽi yere tɔk mac, lakin lizi kla ṯuɽuk, liti leḏi nimra kweḏi Allah ki yuḏul la yeŋen mac; 5 ner zi inḏeḏa zulṯa eḏi zi biḏini ṯurfa domony yowa ṯuḏni, eḏi zi ere eɽenye mac, na ṯurfa ṯeŋen orɔ kaka ṯeḏi lebdeny muŋw ye kwizi. 6 na ki ŋwamin la ṯa ŋwa, a lizi naŋna ŋiɽany er zi ere inḏa mac; er orɔ zurum eḏay wuɽeny, ezi ŋiɽany arṯiḏalu.
7 na yama aɽani limɔrṯa lirlice ṯiṯugwuḏa cugwɔ-cugwɔp; ki ŋwoɽa la ŋweŋen na kwɔmne nani kwir kaka nyaŋgi nyir ḏahab, ner orɔ kiyeyna kaka lizigwunaŋ, 8 ner eḏi owɽu wir kaka weḏi law, na yiŋaṯ yeŋen orɔ kaka yeḏi lizundaŋ; 9 ner eḏi yamnya yir kaka ŋwerua ŋwir zarṯu, na kwurna kweḏi yufu yeŋen orɔ kaka kwurna kweḏi yarabiya, yeṯi zi limɔrṯa mulɔtɔ mer afri eḏi ṯugwuḏi; 10 na ria reŋen orɔ kaka reḏi ŋwebdeny, ner eḏi runi tɔk, na ŋuma eḏi ŋi biḏini lizi ṯurfa yowa ṯuḏni nani ki ria-na reŋen. 11 ner eḏi kwelenyi kwir maleyka kweḏi ezir woɽu lac kuṯelu, na lizi leḏi yahuuḏ ner enjici yiriny yeni abaḏun, na lizi lir yunaan, ner eca abullun.
12 ṯurfa tir ṯiŋna ṯimɔṯamḏu; izaṯi, kḏata ṯuɽen ṯinḏi kinna eḏila.
13 na maleyka, kwir nimra nyirlil, əri bruza kwuŋwun, nenyi neŋne ṯɔgwɽɔ ṯuruḏi nani gwu ril rir kwaɽŋan ki ŋweḏgwun la ŋwir ḏahab, ŋwunani ki yey-na yeḏi Allah, 14 nuŋw eca maleyka kwir nimra nyirlil, ŋgwa kweḏi bruza, ŋwu: kediḏi limaleyka lir kwaɽŋan, likəkine nani gwu kufurṯa kupa keḏi ŋaw, keni al furaṯ. 15 ŋwu ṯa, na limaleyka lir kwaɽŋan kedini, likita zi leḏi zaa, na lamin, na owa, na kiḏla tɔk, na lizi yiḏriḏa ṯɔɽɔl ner eɽenye kete. 16 na ŋwuɽu ŋweḏi orṯa weḏi limɔrṯa uri dedep, ŋwir miyaṯen milyuun, kaka 200,000,000, nenyi neŋne ŋwuɽuŋi ŋweŋen. 17 ner orɔ ŋwu nenyeze limɔrṯa ki ŋiŋliṯa-na ŋinyi; kla lelliḏi gwu la leḏi ŋwerua ŋweḏi tuwən. ŋwir kaka igə mindaŋ, na kaka kwulu, na kaka kibriṯ. na ŋwoɽa ŋweḏi limɔrṯa aɽani ŋwoɽa ŋweḏi lizundaŋ, na kworɔ-na kweŋen na igə ruḏa kwulu gi, na kibriṯ gi. 18 na lizigwunaŋ yiḏriḏa ṯɔɽɔl, na ki jiiza-na ŋgwu kwir ṯɔɽɔl, na gi kete ay igə yi, na kwulu gi, na kibrit gi tɔk, kuruḏi kworɔ-na kweŋen. 19 kaka nani gwu ŋuma ŋeḏi limɔrta kworɔ-na kweŋen, na ki ria-na reŋen tɔk; na ria reŋen aɽani yumowa yeḏi ŋwoɽa ŋwetir ŋi erezi kwɔmne-na.
20 na lizi liḏaḏu-na, kla liti limay mac jiiza gi ŋgwu, ner ere urla rugwori lu mac eḏi duŋgweci ŋɔḏɽor ŋeḏi rii reŋen, ner ere duŋgweci ṯikwocalu teḏi libayil mac, na kwɔmne kwudaɽmina rii ri kwir ḏahab na faḏḏa gi na lizarṯu lir zurman, na yal tɔk, na ŋwuɽi, kwɔmne kwiti kweḏi ŋuma mac eḏeze ezir, ya eḏi neŋne, ya eḏele; 21 ner ere orlaci ŋiɽaŋali ŋwudɔŋw mac ŋeṯir ŋi kete ḏimya, ya eḏi duŋgweci ŋuzura ŋeŋen, ya eḏi duŋgweci ŋijina ŋeŋen, ya ŋoɽami ŋeŋen too.
1 E-ta nǝ meleka kwir nimrǝ ṯɔthni ǝrii kibooɽonya. Mindaŋ ninyeese ṯɔɔrɔmi ṯiidu kileere nɔŋwɔɔɽa ki-ṯurmun-nǝ, mindaŋ nǝr inḏǝthǝ mɔfṯaah kwǝthi ǝzir wǝthi ṯakka kizǝn kuṯṯǝlɔ lac. 2 Nǝ ṯɔɔrɔm kiṯṯi ǝzir wǝthi ṯakka kizǝn kuṯṯǝlɔ, nǝgwɔ kwuulu dallitha-na kwir kaka kwuulu kwǝthi ǝṯuun wɔppa; mindaŋ nǝ fɔɔri kwǝthi aaŋwɔn oro kirim, nǝ leere tok kwuulu-gi kwǝllithi kǝzir wǝthi ṯakka kizǝn. 3 Mindaŋ nǝ yaama ruuthǝ kwuulu-nǝ, nǝreele ki-ṯurmun-nǝ, nǝrsi inḏǝthǝ ŋɔma ŋir kaka ŋǝthisi ŋwebdeny ŋwɔthi ṯurmun-nǝ. 4 Nǝrsi andaci etheere kiirasi karawa-lɔ mac, wala yaaɽi, wala kwomne kweere kwigiithinǝ; laakin ethi kiirasi lizi-lɔ ṯɔɽɔk kila liti lǝthi yaaṯima yǝthi Allah ki-yuthul-lǝ yeeŋen mac. 5 Nareere duŋgwaci yaamaŋi ethi peenye lizi mac, laakin ethisi kǝniny biithini ṯurvǝ yǝwǝ ṯɔthni. Nǝ ṯurvǝ ṯeeŋen oro kaka ŋijma ŋǝthi lebdeny lǝṯi yee kwizi. 6 Nǝ ki-yǝwǝ-lǝ ṯǝ kiya yir ṯɔthni, a lizi naŋni ŋiɽany, laakin ǝrseere kaṯṯasi mac; ǝroro sɔɔrɔm ethi ai, laakin ǝsi ŋiɽany arṯitha-lɔ.
7 Nǝ yaama aaɽanni limɔrṯa linanyja ŋǝryǝ-lɔ cɔgwo-cɔgwop; na ki-ŋwɔɽa-lɔ ŋweeŋen nǝrǝthi kwomne kwette kwir kaka nyaŋgi nyǝthi ḏahab; nǝ kiyǝnǝ kweeŋen aaɽanni lizigwunǝŋi. 8 Nǝ ǝwɽu weeŋen aaɽanni ǝwɽu wǝthi laaw, nǝ yiŋath yeeŋen aaɽanni yiŋath yǝthi lisɔndaŋa. 9 Nǝr kenne ki-lɔrdɔm-la leeŋen kwomne kwir kaka yethre yǝthi lisarṯɔ, nǝ kwuurunnǝ kwǝthi yɔvɔɔ yeeŋen oro kaka kwuurunnǝ kwǝthi yaarrɔ yǝthi lɔmɔrṯa, lugwuɽutǝthu ethi avratha ki-ŋǝryǝ. 10 Nǝrǝthi riiya rɔn-ri rir kaka rǝthi ŋwebdeny, na nǝrǝthi ŋɔma ki-riiya reeŋen, ethi-ŋi inḏini lizi ṯurvǝ yǝwǝ ṯɔthni. 11 Nǝrǝthi mǝlik-gǝ kwimthisi, kwir mǝlika kwǝthi ǝzir kuṯṯǝlɔ wǝthi ṯǝkkizǝ kizǝn. Nǝ yiriny yuuŋwun Ŋibraaniiyyiina ǝni Abaaḏuun, nǝ Ŋiyuunaaniiyyiina, ǝni Aballiiyyuun (yǝniŋw, “Ŋgwa kwǝṯi Kiirasalɔ”).
12 Nǝ ṯurvǝ ṯamthɔ ṯir nimrǝ kwette; na nǝtǝ ṯurvǝ naani ṯiɽǝn kinnǝni ṯinḏi ethiila kwokwony.
13 E-ta nǝ meleka kwir nimrǝ nyirlil ǝrii kibooɽonya kuuŋun. Mindaŋ nenyii neŋne ṯogɽo ṯuruuthu ki-rɔkɔn rir kwaɽiŋan rǝthi ŋwɔthgwun ŋwɔthi ḏahab ŋwɔṯi naani kiyǝnǝ yǝthi Allah. 14 Nǝ ṯogɽo ǝccǝ meleka kwir nimrǝ nyirlil ŋgwa kwappa kibooɽonya-ŋwɔ, “Kǝdithi limeleka kila lir kwaɽiŋan ligǝkkinǝ ki-bahar-la kwɔppa kwǝni Alfɔraaṯ!” 15 Ŋwɔṯaŋw mindaŋ nǝ limeleka kila lir kwaɽiŋan kǝdinni, kila linanyja saa@-lɔ cɔgwo-cɔgwop, laamin tok, ǝwǝ tok, nǝ kithlǝ tok, ethi ɽeenye kithritha kette kǝthi ṯoɽol kǝthi lizi. 16 Nǝrnyii ilŋithini ŋwɔɔɽɔŋi ŋwɔthi jesh ŋwir miyǝṯein milyɔɔn (200,000,000). 17 Nǝ ki-rɔ-ɔya-na, ninyeese lɔmɔrṯa, nǝ kila lǝllithisi-gwɔlǝ: nǝr kenne yethreŋi yɔɔri kaka iigǝ, nǝ yaaguuṯ ǝzrǝg, nǝ kibriiṯ tok. Nǝ ŋwɔɽa ŋwɔthi limɔrṯa oro kaka ŋwɔthi lisɔndaŋa, nǝ iigǝ ruuthǝ kworo-na kweeŋen kwuulu-gi nǝ kibriiṯ tok. 18 Nǝ jiizǝ-gi ŋgwɔ kwir ṯoɽol, nǝr-gi ɽeenye lizi kithritha kette kǝthi ṯoɽol: kwir iigǝ-ŋǝ kwuulu-gi nǝ kibriiṯ tok, kwuruuthu kworo-na kweeŋen. 19 Kaka nǝṯi-gwɔ ŋɔma ŋǝthi lɔmɔrṯa kila naani kworo-na kweeŋen, nǝ ki-riiya reeŋen tok. Ǝṯi riiya reeŋen aaɽanni yimǝwǝ ŋwɔɽa-ŋi, ǝṯir-ri indǝthǝ lizi jiizǝ.
20 Nǝ lizi kila limǝ ǝɽinni tatap liti limǝrsi ɽeenye mac jiizǝ-gi ŋgwɔ, nǝreere ɔrlacca ŋundu-ŋǝ kwomne-ŋgwa ŋwɔdoŋw mac, kwɔdandimathir rii-ri reeŋen. Nǝreere aalitha rii ṯɔgwɔccalɔ ṯǝthi shayaaṯiin mac, wala kwomne-lɔ kwir ḏahab, wala kwir fiḏḏa, wala nɔhaas, wala kaali keere, wala ŋwuuɽi, kaka niti nǝṯɔ-ŋgwɔ iisithi mac, wala ethi neŋne, wala ethi ele, 21 wala ethi urlǝ rɔgwor-lɔ kegitte-ŋgi ḏimmiya ṯeeŋen, nǝ ki-ŋozŋor-na ŋeeŋen, nv ki-ŋiijin-nǝ ŋeeŋen, ya ŋɔɔɽam-na ŋeeŋen.