aza 7
lizi luɽicerzi nimra ki yuḏul la
1 mer ernine ŋu, nenyeze limaleyka kwaɽŋan lirlu kezir kwaɽŋan weḏi ṯurmun, limiḏi kuruni kwaɽŋan keḏi ṯurmun, mindaŋ eŋgi kurun ere ari mac kureyu lu ya ki ṯujul la ya yaɽi nana yere nyiḏak. 2 nenyeze maleyka kwete kwir ter kwudiɽu la kezir weṯi gwu aŋwun alliḏa, kwapa kwɔmne kweḏi Allah wumiiḏu eḏi gi lɔ ŋwuli, nuŋw ornuṯi limaleyka lir kwaɽŋan ṯɔgwɽɔ ṯi ṯupa, linderṯa kla linḏeḏer zi zulṯa eḏi kirazi ureyuŋwuzi lu ṯujul ṯi, 3 kwaruŋw: eṯi kiraza ureyuŋwuzi lu ṯujul ṯi mac, na yaɽi tɔk mac, mindaŋ mer loce yaḏaama yeḏi Allah weri ŋwuli ki yuḏul la. 4 nenyi neŋne ŋwuɽuŋi ŋweḏi kla limerzi loce ŋwuli, ner eni litezir, lir miya-wa-arba-wa-arbayiin alif, lir 144,000, leḏi yabiila tatap yeḏi kwelle kweḏi izrayiil; 5 kla leḏi ŋwuli ki yuḏul la leḏi gabiila keḏi yahuuḏa, ner orɔ eṯnaza alif, lir 12,000; leḏi gabiila keḏi rawbiin, ner orɔ eṯnaza alif, lir 12,000; leḏi gabiila keḏi jad, ner orɔ eṯnaza alif, lir 12,000; 6 leḏi gabiila keḏi azur, ner orɔ eṯnaza alif, lir 12,000; na leḏi gabiila keḏi nafṯali, ner orɔ eṯnaza alif, lir 12,000; na leḏi gabiila keḏi manaza, ner orɔ eṯnaza alif, lir 12,000; 7 leḏi gabiila keḏi zimaan, ner orɔ eṯnaza alif, lir 12,000; na leḏi gabiila keḏi laawi, ner orɔ eṯnaza alif, lir 12,000; na leḏi gabiila keḏi yazakar, ner orɔ eṯnaza alif, lir 12,000; 8 leḏi gabiila keḏi zablun, ner orɔ eṯnaza alif, lir 12,000; na leḏi gabiila keḏi yuzif, ner orɔ eṯnaza alif, lir 12,000; na leḏi gabiila keḏi banyamiin, ner orɔ eṯnaza alif, lir 12,000 limerzi loce ŋwuli ki yuḏul la.
lizi limɔ zi Kweleny kweri alla ki ŋuway-na ŋedi ŋikya ŋin ŋi ŋuŋun
9 mer ere ŋu, nenyeze lizi litezir, liti leḏi ŋuma eḏi zi kwizi kwere iɽeḏa mac, leḏi ŋeleny ter ter tatap, leḏi yabiila ter ter tatap, na leḏi jinz ter ter tatap, na ledi kandiza kir-na ter ter tatap tɔk, lirlaca kwurzi lu kweḏi ŋeleny, na ki yey-na yeḏi Tirany, likinna yireṯi yifiiḏu pərpər, lapa ril reḏi yaɽi yeḏi ḏamur, 10 ner ari ŋuma ŋi, ŋwu: ŋigileḏa ŋiri ŋeḏi Allah weri weṯinani kwurzi la kweḏi ŋeleny, na ŋeḏi Tirany tɔk! 11 na limaleyka tatap rilli, lirikaḏi kwurzi lu na lijowiṯi lu na kwɔmne lu ŋgwa kwumiiḏu kwir kwaɽŋan, ner iideci kwurzi lu tatap yey yelu, ner kwoce Allah lu, 12 laruŋw: emba, eḏi tortaḏa, na ŋiniṯ, na teḏinayeyna, na zukran, na ṯiniiyana, na ŋuma ŋiṯemḏi, na zulṯa tɔk tatap, er orɔ ŋeḏi Allah weri dɔk dɔk. emba.
13 mindaŋ na kwete kwir kwijowiṯ orlaḏa nyuŋwu nana, nuŋw eca nyuŋwu ŋwu: eyaŋa liri likinna yireṯi yifiiḏu pər pər, na linḏi ṯaka ŋgi? 14 nenyeca ŋwu: zaidi, ŋa kwilŋiiḏi. nuŋw eca nyuŋwu ŋwu: linderṯa kla limɔruḏa ki ṯurfa-na kḏa ṯir nyɔrɔ nyɔrɔ; limɔ yii yireṯi yeŋen, yimerzi fiiḏi pər pər ki ŋin-na ŋeḏi Tirany.
15 ṯaŋwu, eṯir nanazi kwurzi lu kweḏi Allah,
eṯir əkizi ŋunduŋwu ŋɔḏɽor ki heykal-na wuŋwun, kaŋwun kaŋwun kulu kulu;
na ŋgwa kweṯinanalu kwurzi la kweḏi ŋeleny, kwinḏi eḏi nanni deŋgen-na eḏi zi karni.
16 ezi yaŋwu ere ye kwokwony mac; ezi owḏa ere ye kwokwony tɔk mac;
ezi aŋwun ere fuḏeḏa mac, ezi kijaŋ ere fuḏeḏa circir tɔk mac.
17 kaka inḏi gwu Tirany, tinani kwurzi la keligeny-na, eḏorɔ taɽa teŋen,
ŋwu zi iŋnaci kereny eḏele kezir weṯi gwu ŋaw irelu, ŋetizinḏeḏa ŋimiiḏa;
ezi Allah firtaḏa ŋwal ŋwere ŋwere ŋweḏi yey yeŋen.
Lizi lǝthi Israa-iil lir 144,000.
1 Kwaathan tǝ ninyeese limeleka kwaɽiŋan lirlɔ ki-rɔkɔn kwaɽiŋan rǝthi ṯurmun, limthi kɔrɔni kir kwaɽiŋan, mindaŋ ethi kɔrɔn ere ɔppalɔ ki-ṯurmun-nǝ mac, wala ki-bahar-la, wala ethi ɔppɔpatha kwaaɽi naana kweere. 2 E-ta ninyeese meleka kwɔthaathɔ kwɔthaaŋwɔ aaŋwɔn-yi, kwɔppa khaaṯima kǝthi Allah wumiithɔ, mindaŋ nɔŋw ɔrnɔṯi limeleka kwaɽiŋan ṯogɽo-thi ṯɔppa, kila linḏǝthǝrsi ŋɔma ŋǝthi-ŋi kiirasi ṯurmunǝ-lɔ nǝ bahar tok, 3 mindaŋ nɔŋwaarɔŋw, “Ǝṯi kiirasa ṯurmunǝ-lɔ mac, wala bahara wala yaaɽi, mindaŋ mǝnyii uɽuci yaḏaama rac yǝthi Allah wǝri nimrǝ ki-yithul-lǝ yeeŋen.” 4 Nǝ nenyii neŋne ŋwɔɔɽɔŋi ŋwɔthi kila luuɽunnǝ, lir miiyyǝ arba@ wa arba@iin alf luuɽunnǝ, lǝthi yǝbiilǝ tatap yǝthi nyɔr nyǝthi Israa-iil yir wrii-kwuɽǝn:
5 lǝthi gǝbiilǝ kǝthi Yahuuthǝ nǝrsi uɽu 12,000,
lǝthi gǝbiilǝ kǝthi Ra-ɔbiin nǝrsi uɽu 12,000,
lǝthi gǝbiilǝ kǝthi Jaaḏ nǝrsi uɽu 12,000,
6 lǝthi gǝbiilǝ kǝthi Ashiir nǝrsi uɽu 12,000,
lǝthi gǝbiilǝ kǝthi Nafṯaali nǝrsi uɽu 12,000,
lǝthi gǝbiilǝ kǝthi Manassa nǝrsi uɽu 12,000,
7 lǝthi gǝbiilǝ kǝthi Sham@uun nǝrsi uɽu 12,000,
lǝthi gǝbiilǝ kǝthi Laawi nǝrsi uɽu 12,000,
lǝthi gǝbiilǝ kǝthi Yassaakir nǝrsi uɽu 12,000,
8 lǝthi gǝbiilǝ kǝthi Zabuuluun nǝrsi uɽu 12,000,
lǝthi gǝbiilǝ kǝthi Yuusuf nǝrsi uɽu 12,000,
lǝthi gǝbiilǝ kǝthi Ban-yaamiin nǝrsi uɽu 12,000.
Lɔdɔŋw lɔppa lǝthi lizi ki-leere-na.
9 Kwaathan tǝ nenyii dimmǝ yǝy, ninyeese lɔdɔŋw lɔppa. Mindaŋ nǝ kwizi ere kweere mac kwǝthi ŋɔma ethi iiɽǝthǝ lizi tatap, kila linḏi jinisǝ-nǝ ter-ter, yǝbiilǝ mindaŋ, ŋeeleny mindaŋ, nǝ lir riŋla-na ter-ter, nǝr rilli kiyǝnǝ yǝthi kwɔrsi kwǝthi ŋeeleny, nǝ kiyǝnǝ yǝthi Tirany tok, liginna lɔɔvana lifiithɔ per-per, lappa rill rǝthi kwaaɽi kwǝthi ḏǝmur ki-rii-na reeŋen. 10 Nǝr urnuni rogɽo-ri rɔppa laarɔŋw, “Ŋiglǝthǝ ŋǝṯi iila naanɔ-gwɔ Allah wǝri, wǝṯi naanalɔ kwɔrsi-la kwǝthi ŋeeleny, nǝ naanɔ-gwɔ Tirany tok!” 11 Nǝ limeleka tatap rilli lirikkathǝ kwɔrsiya-lǝ kwǝthi ŋeeleny, nǝ lishiyuukh tok, nǝ haywaanaaṯ tok wɔmiithɔ wir kwaɽiŋan. E-ta nǝr iidǝcci kwɔrsiya-lɔ kwǝthi ŋeeleny lɔgwɔcca Allah-lɔ, 12 laarɔŋw, “Amiin! Ethi ṯibɽǝthǝ yiriny, nǝ ŋinith mindaŋ, ṯǝthinǝ yǝnǝ mindaŋ nǝ shukran mindaŋ, ṯiiɽǝnǝ mindaŋ, ŋɔma mindaŋ, na sɔlṯa tatap tok, ethiŋworo kwǝthi Allah wǝri wǝṯi nannatha dok-dok! Amiin.”
13 Nǝ kwette kwǝthi lishiyuukh uṯici nyuŋw-lɔ nɔŋwaarɔŋw, “Lizi lindǝr lǝndu kɔlɔ liginna lɔɔvana lifiithɔ per-per, linḏi ṯaka-ŋgi?” 14 Nǝnyii ǝŋnici nenyii ǝccǝŋw, “Yaa sǝyyiḏ lende lilŋica-nyji ǝzir mac, ŋa kwɔrɔ kwilŋicasi ǝzir.” E-ta nɔŋwɔccǝ nyuŋwɔŋw, “Lizi kɔlɔ lindǝr limǝ aaɽa liglathɔ ki-ṯurvǝ-na ṯɔppa ṯǝthi ṯǝwɽǝ yǝy-lɔ. Lindǝr-ṯǝ limǝ iyi lɔɔvana leeŋen, mindaŋ nǝrsi fiithi per-per ŋin-ŋi ŋǝthi Tirany. 15 Ŋindǝr-ṯǝ ŋɔ mindaŋ ǝṯir-mǝ rilli kiyǝnǝ yǝthi kwɔrsi kwǝthi ŋeeleny ŋǝthi Allah, na ǝṯir ǝkkici ŋothɽor yaaŋwɔn nǝ yulŋǝ tok ki heikal-na wuuŋwun. Nǝ ŋgwa kwǝṯi naanalɔ kwɔrsi-la kwǝthi ŋeeleny, kwinḏi ethi nanni deŋgen-na ethisi aŋraci. 16 Ǝsi yaaŋwɔ ere yee kwokwony mac, wala ethisi ǝwthǝ yee kwokwony; wala ethisi aaŋwɔn dɔnni, wala ethisi kiijaŋ dɔnni. 17 Kaka nɔrɔ-gwɔ Tirany taaɽa teeŋen kira tinaanɔ kelgeny-na kǝthi kwɔrsi kwǝthi ŋeeleny. Mindaŋ ŋwɔsi mɔltatha rɔwǝ naana rǝthi ŋaaw ŋimiithɔ. E-ta ǝsi-mǝ Allah firṯatha ŋwal ki-yǝy-nǝ yeeŋen.”