aza 3
ṯuza ṯeḏi timuṯaawuz
1 ŋwu ṯaŋwu, menyere eḏi ŋuma eḏapani ṯofi kḏu kwokwony mac ta, nenyi kitaḏa eḏi ṯaḏini aṯiina kwutuput, 2 neŋazi uziza timuṯaawuzŋw, kwir eŋgeri kweri, na kwir kaḏaam keḏi Allah ki ŋiɽaŋal-na ŋeḏi Kwruztu, eḏi firlazi ŋaŋwuzi la ki ṯəmna-na ṯalu, na eḏukwazi ŋaŋwuzi, 3 eḏi kwizi ere kwere mac daŋgal-na ajili ṯugwori ŋiḏeny ŋi, ŋiɽaŋal ŋi ŋeḏi ṯurfa kḏu. ŋilŋiiḏiŋazi ŋaŋa rac eḏaruŋw, ŋeṯir zi əkici kizen. 4 kinaŋw nani nyi gwu ŋaŋa li, ner ŋazi andaci kerreny, ner ŋazi eca ŋwu: a kwer kaṯazi ṯurfa; na ŋimerrini ṯaŋwu tɔk kaka ilŋiicaŋazi gwu. 5 ŋinderṯa ŋu, menyjere eḏi ŋuma kwokwony mac eḏapani ṯofi kḏu, nenyuza eḏi ma elŋece ṯəmna ṯalu, ṯinya nyi gwu ŋgwa kweṯi zi mummi kwumɔŋazi mummi kezir were, mindaŋ eŋgi ŋɔḏɽor ŋinyi ere eḏi fayḏa-na kwere mac.
6 lakin kirem timuṯaawuz kwumila, kwunani nani ŋa gwu, nuŋw efica nyuŋwuzi ŋiɽaŋali ŋizaw ŋeḏi ṯəmna ṯalu na ṯamɽa ṯalu, kwaruŋw ŋaŋa leṯinyji kikiḏayini ŋwamin tatap ŋimɽi ŋi, na orɔ zurum eḏeze nyuŋwuzi, kaka ur nyi gwu zurum nyiŋa tɔk eḏeze ŋaŋwuzi. 7 ŋiɽaŋal ŋi ṯa ŋu, lieŋgeri, ŋimenyji kandizelu ki ṯurfa-na, na ki ṯundeŋna-na tɔk tatap, ŋiɽaŋal ŋi ŋeni ŋalu, ṯəmna ṯi ṯalu. 8 na kirem nyiŋa limiiḏi ma rilli ŋaŋa titir eḏi Kweleny-na. 9 na ṯortaḏa ṯiri ṯaŋ ṯenyi inḏeḏa Allah ṯeni ŋaŋa, kaka menyi gwu ureni ṯinyiŋlana ŋiɽaŋal ŋi ŋalu ki yey-na yeḏi Allah weri? 10 nyiŋa leṯari ki yiriny beṯe-beṯen yuluŋa yaŋwunu, mindaŋ ma iziḏi ŋaŋa li kiyeyna, na eḏi kiɽeci ŋaŋwuzi ŋgwa kwəmɽeṯu kworɔ ki ṯəmna-na ṯalu.
11 eḏi ma Allah weri ŋundu wir Papa, na Kweleny kweri kweni Yecu daɽmaci nyuŋwuzi ṯay eḏila nani ŋa gwu. 12 na eḏi ŋazi Kweleny duŋgwuŋgwazi, na eḏureni ṯamɽa-na eḏamɽaḏizina wuɽe-wuɽeny, na lizi liḏaḏu tatap, kaka ŋeṯir ŋazi ŋi amɽi tɔk. 13 ṯaŋwu, eḏuŋw ma firlazi rugwori la ralu, eḏere eḏi loma-na lere mac, lirlinelu ter ki yey-na yeḏi Allah wir Papa, ma Kweleny kweni Yecu aɽa lizi li luŋwun tatap lirlinelu ter.
1 Ŋwɔṯaŋw mǝnyeere ǝthi ŋɔma ethisi indinyanni naana mac tǝ, nǝnyaarɔŋw ŋɔvthanne ethi ṯathina-lɔ Athiinǝ-nǝ cuk-cuk. 2 Nǝrŋǝsi ṯiŋacca Ṯiimɔɔthaaws-ŋwɔ kwir ǝŋgǝri kwǝri, nǝ kwir khaḏaam kǝthi Allah, ki-ŋothɽor-na ŋǝthi ṯǝbshiir ṯǝthi Inyjiil wǝthi Kwɔrɔstɔ, ethi ɔkkwazi ŋaaŋwɔsi nǝ ethi firllasi ṯǝmminǝ-lɔ ṯaalɔ tok, 3 mindaŋ mǝ kweere ere aaɽitha kwathan-gi mac, ŋiɽaŋal-ŋi ŋǝthi ṯurvǝ kɔthɔ. Ŋilŋithi-ŋǝsi rac ŋaaŋa rogɽo-ri raa-lɔ ethaarɔŋw ṯurvǝ ṯɔrɔŋw ṯǝmminicǝ Allah ethiilicǝ nyuŋwsi. 4 Kaka kinaŋw a-naaniny naaniŋa-gwɔ, nǝrŋǝsi rarmatha ker-kerreny nǝrŋǝsi ǝccǝŋw, a kwinḏir ethi inḏa ṯurvǝ, na ŋimǝ-ṯǝ oroŋw dap-dap, kaka nilŋithi-ŋǝsi gwɔ rac. 5 Nǝṯǝ sǝbǝb oro ŋgwɔ, mǝnyeere ǝthi ŋɔma mac ethi mithǝ rɔgwori tǝ, nǝrŋǝsi usicǝ ŋunduŋw ethiila ethi iisa ṯǝmminǝ ṯaalɔ, kaka nithiinyany-gwɔ ethi kwɔmɔmma ŋgwa mɔmmi ŋaaŋwɔsi kǝzir weere mindaŋ ethi ŋothɽor ŋǝri tatap orolɔ doozon.
6 Laakin kirem tǝ, Ṯiimɔɔthaaws-ŋgwɔ kwɔmaaɽa a-naanɔ-ŋgwɔ daŋgal-na, mindaŋ nɔŋw ǝvicǝ nyuŋwsi ŋiɽaŋaii ŋisaaw beṯṯen ŋǝthi ṯǝmminǝ ṯaalɔ ṯamɽa-thi tok. Nɔŋw andaci nyuŋwsi nɔŋwaarɔŋw, ŋaaŋa lǝṯi-nyji kikithaayini ŋiɽaŋal-gi ŋisaaw nyaamin tatap, nǝ nǝrnyii naŋni beṯṯen etheese ŋaaŋwɔsi. 7 Nǝ sǝbǝb-gi ṯǝ ŋgwɔ iiyǝŋgǝri, nǝnyji ŋiɽaŋal ŋɔ kandisalɔ ki-ṯurvǝ-nǝ ṯǝri nǝ ki-ṯiraara-na ṯǝri tok, ŋiɽaŋal-gi ŋǝthi ṯǝmminǝ ṯaalɔ. 8 Nǝ kirem tǝ, nyiiŋǝ laami miithiŋw mǝ ǝnyji ŋwaara-lɔ tetter ethi Kweeleny-na. 9 Nǝ kirem tǝ, nyǝthi ŋɔma ethi ǝccǝ Allah shukran ŋiɽaŋal-ŋi ŋǝni ŋaalɔ. Wǝccǝ-nyii shukran ŋiɽaŋal-ŋi ŋǝthi ṯinyiŋlana ṯǝthi-nyii kiyǝnǝ yuuŋwun ŋiɽaŋal-ŋi ŋaalɔ. 10 Ǝṯi-nyii-gwɔ aari ŋunduŋw kiyiiriny yulŋǝ yaaŋwɔnɔ, wuṯicǝnyii-lɔ mindaŋ ethi duŋgwǝci nyuŋwsi ethi iizithizi kiyǝnǝ, nǝ ethi inḏǝthǝ ŋaaŋwɔsi ŋgwa kwiiraca-ŋǝsi ki-tǝmminǝ-nǝ.
11 Ethi Allah wǝri wir Papa ŋundu wɔɽe-wɔɽeny, na Kweeleny kwǝri kwǝni Yǝcu daɽimaci nyuŋwsi ṯaay-lɔ ethiila naanŋa-gwɔ. 12 Ethi Kweeleny dɔŋgwɔ-ŋgwazi ŋaaŋwɔsi, nǝ ŋwɔ kikiɽǝci ŋaaŋwɔsi ṯamɽa ethi amɽathisi-na, nǝ lizi lithaathɔ beṯṯen tok, kaka-ṯǝ nǝṯir-ŋǝsi-gwɔ amɽi. 13 Nǝ ṯaay-thi ṯǝ kɔthɔ, ŋwɔ firllasi ŋaaŋwɔsi-la, mindaŋ moro min-min lirllinǝlɔ ter kiyǝnǝ yǝthi Allah wǝri nǝ Papa kwǝri, mǝ Kweeleny kwǝri kwǝni Yǝcu aaɽa ŋundu-ŋǝli kila lirllinǝlɔ ter lir luuŋwun.