aza 1
ṯagna na ṯortaḏa
1 nyiŋa liri leni buuluz-ŋa zilwaanuz gi na timuṯaawuz tɔk lagnaŋazi ledi kaniiza kinani ṯazaluniiki, lir ledi Allah wir Papa, na Kweleny kweni Yecu Kwruztu, eḏi ṯimeca ṯeḏi ŋimɽi nani daŋgal-na ŋiɽena ŋi.
2 nyiŋa leṯeca Allah zukran ŋeni ŋaŋa tatap, mer ŋazi ortuti kworɔ dɔk, ki ṯara-na ṯeri ki yiriny. 3 nyiŋa leṯi kikiḏayini ki yey-na yeḏi Allah weri wir Papa, ŋɔḏɽor ŋalu ŋedi ṯəmna, na ŋedi ṯamɽa, na ṯindinyana nana ṯalu ṯəkiza ṯi kizen ṯimɔ ṯi alliḏa Kwelenyi kweri kweni Yecu Kwruztu rugwori nana. 4 kaka ilŋiiḏinyi gwu, lieŋgeri lamɽa zi Allah, eḏaruŋw, Allah wumɔŋazi ecena; 5 kaka iti ilicaŋazi gwu ŋiɽaŋal ŋir injiil weri kandiza gi tuɽuk mac, lakin ŋuma ŋi tɔk Ṯigɽim ṯi ṯirlinelu ter, mindaŋ mezelŋe eḏaruŋw rugwor ri minmin, ŋiri mi rerem, ŋilŋiiḏi ŋazi rac, a limenyjinḏa lir lor lurti ḏa daŋgal-na ŋiɽaŋal ŋi ŋeni ŋalu. 6 na a limenyji kwakiḏa eḏaɽani nyuŋwuzi na Kwelenyi tɔk, kaka ma gwu emni ŋiɽaŋali ki ṯurfa-na ṯuru ṯinyiŋla ṯi-na ṯeḏi Ṯigɽim tirlinelu ter; 7 ṯaŋwu ta, a ma orɔ leṯir zi gwu izazi tatap kla leḏici Kwelenyi ṯəmna linani makḏunya na akaya tɔk. 8 a limɔrərmi ŋiɽaŋal lu ŋeḏi Kweleny makḏunya na akaya tɔk, na ṯəmna ṯalu ṯeṯinani eḏi Allah-na ṯimɔfaḏiḏa ezir nana ndendeṯ; ṯaŋwu na ŋiɽaŋal ere nani ŋere kwokwony mac eḏizandazi. 9 ŋeṯi zi lizi andindazi ŋimernyji ŋi enji kiloɽu-na, ner iṯiḏi ŋiɽaŋal la ŋeni ŋaŋa ŋimɔ ŋi orlaca kwɔmne ŋwudɔŋw kwudaɽmaḏir rii ri, eḏi kwoce Allah lu wumiiḏu wir rerem, ŋɔḏɽor ŋi ŋalu, 10 na eḏəkizi Toru tuŋwun kizen, tinḏi eḏila teḏi kilerena, tinderṯa timɔŋw diɽi ki ŋiɽany-na, teni Yecu, kweṯinyji kileḏi ki ŋirŋaza-na ŋinḏi eḏila.
1 Nyiiŋǝ lir lǝni Bɔɔlɔs-ŋa Silwaanus-gi nǝ Ṯiimɔɔthaaws tok. Nyii-ŋǝ kila lithiŋaca-ŋǝsi ṯaaginna lǝthi kǝniisǝ kǝthi Ṯasaaluuniiki-ŋw, ŋaaŋa kila lir lǝthi Allah wir Papa, nǝ Kweeleny kwǝni Yǝcu Kwɔrɔstɔ:
Ethi ne@ma-ŋǝ ŋiiɽǝnnǝ-ŋi nanni daŋgal-na.
Ṯǝmminǝ ṯǝthi kǝniisǝ kǝthi Ṯasaaluuniiki-ŋw.
2 Nyiiŋǝ lǝṯi ǝccǝ Allah shukran nyaamin tatap ŋiɽaŋal-ŋi ŋaalɔ, nǝ ǝṯi-nyii ɔrti ŋaaŋwɔsi kworo nyaamin tatap ki-ṯaara-na kiyiiriny ṯǝri. 3 Ǝṯi-nyii kikithaayini kiyǝnǝ yǝthi Allah wǝri nǝ Papa ŋothɽor ŋaalɔ ŋǝthi ṯǝmminǝ, nǝ ṯɔgwɔrmɔṯanna ṯǝthi ṯamɽa ṯaalɔ, nǝ ṯǝnyjǝ ŋwaaralɔ ki-ṯǝkkizǝ-nǝ kizǝn ṯaalɔ ethi Kweeleny-na kwǝri kwǝni Yǝcu Kwɔrɔstɔ. 4 Nyiiŋǝ lilŋithi rac liyǝŋgǝri; Allah wǝni wamɽa-ŋǝsi, mindaŋ nɔŋw alla ŋaaŋwɔsi ethoro luuŋwun. 5 Kaka niti nǝvicǝr-ŋǝsi-gwɔ Inyjiilǝ wǝri kandisa-ŋi domony mac, laakin ŋɔma-ŋi tok nǝ Ṯigɽim-thi Ṯirllinǝlɔ ter, nǝ elŋeŋgi kwir min-min. Ŋilŋithi-ŋǝsi rac ethaarɔŋw, nyiiŋǝ linanni aŋgwɔrɔ kinaŋw ninaani-nyii daŋgal-na ŋiɽaŋal-ŋi ŋǝthi faayitha kwaalɔ. 6 Nǝṯir-nyji-gwɔ ṯǝccicini nǝ Kweelenyi tok. Ninḏaŋa-va kinnǝni ṯurvǝ biɽe-biɽeṯ tok, nǝtǝ aavi ŋiɽaŋali ṯir-ṯir ṯinyiŋla-thina ŋinḏi naanɔ-gwɔ Ṯigɽim Ṯirllinǝlɔ ter. 7 Mindaŋ noro mǝthǝl kwǝthi kila tatap lǝthi ṯǝmminǝ lǝthi Makḏuuniiyyǝ-ŋw nǝ Akhaa-iyya-ŋw tok. 8 Kaka niti mǝgwɔ ŋiɽaŋal ŋǝthi Kweeleny ere faathalɔ daŋgal-na ṯɔɽɔk Makvuuniiyyǝ-ŋgi nǝ Akhaa-iyya-ŋgi dak mac, laakin nǝ kǝniny khabar kǝthi ṯǝmminǝ ṯaalɔ ethi Allah-na faathitha ǝzir naana tatap, mindaŋ ninyeere ǝthi ŋiɽaŋali ŋeere mac ŋǝthisi andasi. 9 Kaka nandisa-gwɔ lizi kila tatap ŋiɽaŋali ŋaalɔ ŋa ŋaalinar-nyji-ŋi kinaŋw a-naani-nyii daŋgal-na, nǝ ŋaaŋa lɔrllacca riiɽuwǝ ŋwɔdoŋw aŋgwɔrɔ etheele naanɔ-gwɔ Allah, mindaŋ ethi ǝkkici Allah wɔmiithɔ ŋothɽor nǝ wir rerrem tok. 10 Nǝ ethi ǝkkici Tɔɔrɔ tuuŋwun kizǝn ethi ɔɽa ki-leere-na, tir Tɔr tuuŋwun tǝni Yǝcu timǝŋw diiɽǝ ki-ŋiɽany-na, nǝ timǝ-nyji kilǝthi ŋirŋasa naana ŋinḏi ethiila.