aza 15
ṯidiɽa ṯeḏi kla limay
1 na ŋazi naŋni, lieŋgeri linyi, eḏi zi ilŋiiḏini ŋir injiil ŋimɔ ŋazi andaci, ŋimɔ zi miḏa, na ŋeṯi gwu dirnaṯi-na, 2 ŋimɔ ŋi kilaw tɔk mezi miḏa teter, illi keni ma urla rugwori lu ŋidiny.
3 kaka na ŋazi gwu andaci ŋa ŋeni ŋupa, ŋafanyji nyi tɔk ŋeni ŋu, Kwruztu kwumenyji eyzi ŋiɽaŋal ŋi ŋeḏi ŋikya ŋeri, kaka luḏinar gwu; 4 ner aniḏa, nuŋw diɽa ki ṯimamu-na ki ŋwamin ṯɔɽɔl kaka luḏinar gwu tɔk; 5 mindaŋ nuŋw ruweḏa zafaŋw nana, na liḏaḏu lir wri-kwuɽen tɔk; 6 kwaḏan ta nuŋw zi ruweḏa nana kla leḏi ŋumaṯ litezir, liṯemḏi ruɽi-ṯuɽi-la-ruɽi-ṯuḏni kiduŋw lutuput, ner nani luru deŋgen-na limiiḏu kire-kirem ŋgwu, lakin na lɔkwɔ linḏiri ŋwaru ŋweni ŋiɽany. 7 kwaḏan ta, nuŋw ruweḏa yaguubŋw nana, na yafura nana yiḏaḏu yeḏi Kwruztu tatap. 8 nenyi orɔ nyi kwir kwaḏan kwaḏan kwumɔ ŋwi ruwenicelu, kwir kaka kwete kwumer ere elŋe mac ki lomur lofḏana. 9 kaka ur nyi gwu kwɔkwɽeny beṯen eḏi yafur la yiḏaḏu, yica zi Kweleny-na kwiti kwofḏana mac eḏeni kafur, kaka owɽenyi gwu kaniiza yey keḏi Allah. 10 lakin nenyi orɔ kaka izari nyi gwu kirem ṯimeca ṯi ṯeḏi ŋimɽi ŋeḏi Allah; na ṯimeca ṯeḏi ŋimɽi ŋuŋun kḏa ṯinḏeḏaŋw nyuŋwu, nuŋw ere orɔ luŋw zagi mac. beri ma; kaka eṯi nyi gwu keni aki ŋɔḏɽor ŋifirli beṯen eḏi kwere la deŋgen-na, lakin ŋu tatap ner ere orɔ ŋinyi mac, lakin ṯimeca ṯiri ṯeḏi ŋimɽi ŋeḏi Allah ṯeṯi nyi gwu nani-na. 11 menyi kinna orɔ, nyi ya ŋunduŋa, ner ŋazi ṯa andaci nezi ṯa emni.
12 na kwokwony, mer ŋazi andaci ŋeḏi Kwruztu kwumer diɽa ki ŋiɽany-na, lɔkwɔ lalu lɔḏɔ laruŋw, ṯidiɽa ṯeḏi kla leṯay titi mac? 13 eŋgi ṯidiɽa ere mac ṯeḏi kla leṯay ta, eŋgir ma ere diɽa Kwruztuŋw tɔk mac. 14 eŋgir ere diɽa Kwruztuŋw mac ta, eŋgi ŋiɽaŋal ŋeri ŋeṯir zi andaci ŋiti ŋeḏi fayḏa kwere tɔk mac; na ṯəmna ṯalu tɔk ṯende ṯeḏi fayḏa kwere. 15 epa, na nyiŋa tɔk er nyji ruzi ləluŋ, leṯunḏizi Allah ki, kaka eṯir zi gwu andaci ŋeḏi ṯidiɽa ṯeḏi Kwruztu ŋiɽany-na ŋuma ŋi ŋeḏi Allah, ŋgwa kwiti kwudiɽa ŋwu mac eŋgir orɔ ŋwu rerem eḏaruŋw, kla leṯay liti linḏi eḏi diɽa mac. 16 eŋgir ere diɽa mac kla leṯay ta, eŋgi Kwruztu eni kwiti kwumer dira tɔk mac. 17 na eŋgir ere diɽa Kwruztuŋw mac, eŋgi ṯəmna ṯalu ere eḏi fayḏa tɔk mac, na eŋgi ta nanniḏa ki ŋikya-na ŋalu. 18 ṯaŋwu tɔk, kla leṯinḏiri ŋwaru ŋweni ŋirany eḏi Kwruztu-na, er eni limɔ kiraḏa lu. 19 ma ṯəkiza ṯeri kizen eḏi Kwruztu-na orɔ ṯeḏi ŋimiiḏa ŋu dak ta, er ṯamdu nyiŋa lizi la tatap ṯuronyina ṯi.
20 lakin, ŋiɽaŋal ŋu ŋiri rerem, Kwruztu kweni kwumer diɽa ki ŋiɽany-na, enuŋw gwu lola lir nda leḏi lizi kla tatap linḏiri ŋwaru ŋweni ŋiɽany. 21 kaka inḏi gwu ṯa ŋiɽany kwor ŋgi kwete, ṯaŋwu na ṯidiɽa ṯeḏi kla leni layyu ṯimila kwor ŋgi kwete tɔk. 22 kaka ay ri gwu tatap linani eḏi adam-na, ṯaŋwu er miiḏi tatap linani eḏi Kwruztu-na. 23 lakin er ṯa miiḏi ŋwuduŋw ŋwere ŋwere, eni gwu Kwruztu lola lir nda, na kwaḏan, inḏuŋw gwu eḏaɽa, kla lir leḏi Kwruztu er diɽi tɔk. 24 mindaŋ ma ŋiɽaŋal ṯimayini kworɔ dap, kirazaŋw gwu ŋelenyi lu ŋir-na ter ter tatap, na lizulṯa tatap, na ŋuma ŋir-na ter ter tatap tɔk, a Kwruztu inḏeḏa Allah wir Papa ŋelenyi. 25 kaka ofḏanar gwu duŋgwun eḏi miḏa ŋelenyi mindaŋ muŋw annazi ṯuwənu lu ṯuŋwun tatap ŋwara ŋi. 26 na ṯuwən ṯeḏi kwaḏanŋw ṯinḏi eḏi kiraḏa lu, tiri ŋiɽany. 27 luḏinar gwu ŋwu: Allah wumɔ annazi kwɔmne lu tatap ŋwara ŋi ŋwuŋwun. lakin, mer aruŋw: kwɔmne tatap, a kwilŋiiḏir eḏaruŋw, ŋgwa kwumɔ annazi kwɔmne lu ŋwara ŋi ŋweḏi Kwruztu, nuŋw ere orɔ ki rɔgwɽɔ ruŋwun kwannizelu mac. 28 na ma Allah annazi kwɔmne lu ŋwara ŋi ŋweḏi Tor tuŋwun ta, a Tor inḏeḏa ŋunduŋwu rɔgwɽɔ ruŋwun, ŋgwa kwumɔ annazi kwɔmne lu tatap ŋwara ŋi ŋwuŋwun, mindaŋ a Allah orɔ wuṯemḏizila ndendeṯ.
29 na kla layyu mer ere diɽi mac, na maana kweneya ŋgwa kweṯi gi lizi aruŋw: nyiŋa libaptazine ki ŋwobi ŋweḏi kla limay? lɔḏɔ linaŋna eḏi baptazini ki ŋwobi ŋweḏi yaŋna yayyu? 30 nyi kwɔḏɔ kwunani ŋiɽany kworɔ ki ŋwomur tatap? 31 nyi kwecaŋazi ma ŋwa, lieŋgeri linyi, ki ṯellina ṯinyi ṯeṯi nani daŋgal-na eḏi Kwruztu-na kweni Yecu, kwir Kweleny kweri, eṯi nyi nanni ŋwamin tatap ŋiɽany kworɔ, eṯinyjəkici kizen tɔk. 32 aḏa kwinḏi nyi eḏəgini, ṯugwuḏinyi gwu lizi li lir kaka yiraw afazuz? mer zi ere diɽi ŋiɽany-na mac kla limay ta, a kwiti kwer ari pa ŋwu manya: er eḏne mindaŋ, er ii mindaŋ, kaka inḏir gwu eḏay ŋurpu? 33 eṯi keɽinyjinelu mac, kaka luḏinar gwu ŋaruŋw: eṯi gwu ŋumaṯ ŋiki kii ŋeḏre ŋizaw. 34 kiɽtiri ki ŋwaru-na ŋweḏi ṯurlela, mindaŋ mezi ere aki ŋere kwokwony pir mac. kaka nanir gwu lɔkwɔ daŋgal-na liti lilŋiiḏi Allah mac. eḏi turony miḏa ŋaŋwuzi kaka ma ŋazi gwu andaci ŋu.
35 lakin, a kwizi uṯa lu kwere kezni, ŋwaruŋw: lizi layyu lidiɽi aŋgwuru? na yaŋna yiri taŋ yinḏir yi eḏi diɽi? 36 a kwiri kwor kwiḏiki. ŋgwa kweṯi kwe kwende kweṯi miiḏi illi muŋw keni ay. 37 na ŋgwa kweṯi kwe, eṯuŋw ere orɔ kinna mac aŋna wa winḏuŋw eḏorɔ, lakin eti keni lola orɔ, kezni leḏi ŋwan, ya leḏi ŋwola ŋwete nyiḏak. 38 lakin eti Allah inḏeḏa lola kla aŋna kaka wicaŋw-na eḏinḏeḏa, na eṯuŋw inḏeḏa tɔk ŋwola yaŋna yeŋen, yir-na ter ter. 39 kaka iti ur gwu yiiḏi yutuput mac, lakin na lizigwunaŋ eḏi yiiḏi yeŋen, nezi ŋirel eḏi yir ter, nezi ndow eḏi yir ter, nezi lum eḏi yir ter tɔk. 40 na yaŋna nani yeḏi kilerena ner nani yeḏi ṯurmun tɔk; lakin na ŋiniṯ ŋeḏi kilerena orɔ ter, na ŋeḏi ṯurmun ner orɔ ter. 41 na aŋwun eḏi ŋiniṯi ŋete, na owa eḏi ŋiniṯi ŋir ter, na rorum tɔk, kaka eti rorum eḏi ŋiniṯi ŋeŋen ter ter.
42 ner ṯa orɔ ŋwu tɔk ŋeḏi ṯidiɽa ṯeḏi lizi layyu, na aŋna weṯir kwe, wumer aniḏa, eṯuŋw digɽi, na wa weṯidalliḏa ki ṯidiɽa-na, wunderṯa witi weḏi ŋuma eḏi digɽi mac. 43 eṯir aniḏa wiira ṯiniiya-na, na eṯuŋw dalliḏa ki ṯidiɽa-na ŋiniṯ ŋi; eṯir aniḏa weni wajila, na eṯir dalliḏa ki ṯidiɽa-na ŋuma ŋi-na. 44 eṯir aniḏa wir ŋizigwunaŋ, eṯuŋw dalliḏa ki ṯidiɽa-na aŋna yi weḏi kilerena, ma aŋna nani weḏi ṯurmun ṯa, eṯuŋw nani tɔk weḏi kilerena. 45 ṯaŋwu ner lɔḏine, ŋaruŋw: na kwor kwiŋna kweni adam nuŋw orɔ rɔgwɽɔ rimiiḏu; Adam kweḏi kwaḏanŋw, nuŋw orɔ Ṯigɽim ṯeṯinḏeḏa lizi ŋimiiḏa. 46 lakin na aŋna weḏi kilerena ere nani kerreny mac, nuŋw keni orɔ weḏi ṯurmun wiŋna na kwaḏan ta wa weḏi kilerena. 47 na kwor kwiŋna nuŋw orɔ kweḏi ureyu, kwudaɽmaḏir kullu gi; na kwor kweḏi kwaḏanŋw, nuŋw orɔ kweḏi kilerena. 48 kaka urŋw gwu ŋgwa kwudaɽmaḏir kullu gi, ner ṯa orɔ ŋwu kla tatap tɔk leḏi kullu; na kaka urŋw gwu ŋgwa kweḏi kilerena ta, ner ṯa orɔ ŋwu tɔk lir leḏi kilerena. 49 kaka kitarnyji gwu ṯayṯi eḏaɽani kworu kweḏi kullu, ṯaŋwu er aɽani kwaḏan kworu kweḏi kilerena. 50 nyi kwecaŋazi ma ŋwa, lieŋgeri linyi: yaŋna-na ŋin ŋi yiti yeḏi ŋuma mac eḏorɔ yeḏi ŋeleny ŋeḏi Allah, na kwɔmne ŋgwa kweṯi digɽi, kwiti kweḏi ŋuma tɔk mac eḏorɔ kweḏi ŋgwa kwiti kweḏi ŋuma eḏi digɽi mac.
51 izarṯi, nyi kwɔŋazi ruweci ŋejmeṯi lu. a kwiti kwinḏir tatap mac eḏinḏiri ŋwaru ŋweni ŋiɽany, lakin lenyji riiḏi tatap. 52 fita-fitak, ki lomur linḏi li bruz kweḏi kwaḏanŋw eḏurnini; kaka inḏi gwu bruz eḏari, mindaŋ a lizi kla layyu diɽa ŋimiiḏa ŋi ŋeṯinnanniḏa dɔk mindaŋ mer nyji riiḏi. 53 kaka ofḏanar gwu eḏi yaŋna kyu yeṯi digɽi reḏe mindaŋ mer orɔ kaka kya yiti yeṯi digɽi mac; na kya yeṯay, er zi riiḏi eḏorɔ kaka kya yiti yeṯay mac. 54 mindaŋ muŋw kenne wa weṯi digɽi aŋna wir ter, witi weṯi digɽi mac, na wa weṯay eḏi kenne wa witi weṯay mac, er ṯa ila ŋa ŋuluḏina, ŋaruŋw:
ṯillaza ki ṯimofḏaḏa ŋiɽany.
55 wə ŋiɽany, ṯillaza ki ṯɔŋwa ṯende?
wə ŋiɽany, ṯun ṯɔŋwa ṯende?
56 eṯi ṯun ṯeḏi ŋiɽany orɔ ŋikya, na eṯi kuruu eḏi ŋuma eḏi zi baŋaci ŋa ŋeni ŋiki. 57 lakin er eca Allah zukran, weṯinyjinḏeḏa ṯillaza ki Kweleny ŋgi kweni Yecu Kwruztu.
58 ŋwu ṯaŋwu, lieŋgeri linyi lamɽanyji beṯen, enjer ŋwara lu teter, liti lara lu tiŋgil tiŋgil mac: eṯaki ŋɔḏɽor ŋiṯemḏelu purpur ŋeḏi Kweleny, lilŋiica rac eḏaruŋw: ŋɔḏɽor ŋeri ŋiti ŋinḏi eḏorɔ lu zagi mac eḏi Kweleny-na.
Kwɔrɔstɔ mɔŋgwɔ diiɽǝ ki-ŋiɽany-na.
1 Nyii ŋgwɔ kwɔŋǝsi kithǝyini liyǝŋgǝri liinyi Inyjiilǝ wa wǝccǝ-ŋǝsi-yi bǝshirǝ, na nǝ mithǝ, mindaŋ ǝṯigwɔ dirnaṯṯina tetter, 2 na nǝ-yi kilaaw, mǝgwɔ kǝniny dirnaṯina tetter, na mareere orogw mac tǝ, a ṯǝmminǝ ṯaalɔ orolaŋw domony.
3 Kaka ninḏǝthǝ-ŋǝsi-gwɔ ŋa ŋir mɔhim beṯṯen ŋaava-nyji ker-kerreny ŋǝniŋw: Kwɔrɔstɔ kwayɔ ŋiɽaŋal-ŋi ŋǝthi ŋikiya ŋǝri, kǝkǝ nɔlɔɔthɔnar-gwɔ ki Yiṯaab-na Yirllinǝlɔ ter ŋaarɔŋw; 4 kwǝni kwaanathir mindaŋ nɔŋw diiɽǝ ki-ŋiɽany-na, mǝ ŋwaamin ṯoɽol ere, kaka nɔlɔɔthɔnar-gwɔ ki Yiṯaab-na Yirllinalɔ ter, 5 nɔŋw ruwǝthǝ Bɔṯrɔs-ŋwɔ naana, nǝ kila lithaathɔ lir wrii-kwuɽǝn. 6 E-ta nɔŋwsi ruwǝthǝ naana lithǝmthi ruɽi-ruɽi-ŋw-lǝ la ruɽi-ṯɔthni lǝthi ŋɔmath ki-taamin tɔtɔpɔt, nǝrṯǝ ǝni linaanɔ kinnǝni limiithɔ luuru beṯṯen. Nǝ lokwo tǝ nǝr ai. 7 Nǝ kwaathan tǝ nɔŋw ruwǝthǝ Ya@guub-ŋwɔ naana, nǝ yaavɔra naana tatap tok. 8 Nǝ ninyoro nyii kwir kwǝthi kwaathan-kwaathan kwɔmǝŋwɔ ruwǝthǝthǝ naana, kwir kaka kwǝɽǝrnǝ. 9 Kaka nɔrɔny-gwɔ kwokwɔɽony ethi yaavɔr-la yithaathɔ tatap, nǝ ninyeere ɔvthanni mac ethi ǝccǝ nyuŋwɔŋw kaavɔr, kaka nɔwɽǝnyii-gwɔ kǝniisǝ yǝy-lɔ kǝthi Allah. 10 Nǝ ne@ma-gi kwǝthi Allah nǝnyii-ṯǝ oro ŋgwɔ, nǝ ne@ma-ŋgwa kwinḏǝthǝŋw nyuŋwɔ, nɔŋweere orolɔŋw domony mac laakin nǝnyii-mǝ oro kǝniny nyii rerrec kwakkwɔ ŋothɽor ŋuuru ŋithǝmthisǝ-lɔ ŋǝthi yaavɔr. Niti-vǝ nɔrɔ-nyii kinnǝni kwǝrrǝsi mac, laakin nǝ ne@ma oro kwǝthi Allah kwakkisi nyii-ŋgi. 11 Mǝnyii kinnǝ oro nyii, ya ŋundu-ŋǝ, nǝrṯoro ŋɔ tatap ŋette-ŋette ŋǝṯiny-ŋi aari tatap bǝshirǝ, mindaŋ nǝsi ǝmmini.
Ṯidiiɽa ki-ŋiɽany-na.
12 Nǝ kaka nǝccǝr-ŋǝsi bǝshirǝ Kwɔrɔstɔ-ŋw-ŋgi kwɔmǝr diiɽǝ ki-ŋiɽany-na, e-ta lotho linaanɔ lokwo daŋgal-na laarɔŋw ṯidiiɽǝ ṯiti mac ki-ŋiɽany-na? 13 Laakin mǝ ṯidiiɽǝ ere naani ṯǝthi kila laayɔ mac tǝ, e-ta nǝ Kwɔrɔstɔ ǝni kwiti kwɔmǝr diiɽǝ mac ki-ŋiɽany-na-pa; 14 mǝreere diiɽǝ Kwɔrɔstɔ-ŋw ki-ŋiɽany-na mac tǝ, a ṯǝbshiir ṯǝri orolɔŋw domony, nǝ a ṯǝmminǝ ṯaalɔ orolɔŋw domony tok. 15 E-ta ǝroro shuhuuḏ kwir lǝluŋw nǝṯirsi-gwɔ andasi ŋǝni Allah, kaka naarir-gwɔŋw, Allɔh wɔmǝ diiɽǝ Kwɔrɔstɔ-ŋwɔ, laakin ŋundu-tǝ kwiti kwɔmǝŋwɔ diiɽǝ mac, mǝroro kǝniny rerrem ŋǝthi ṯidiiɽǝ ki-ŋiɽany-na ṯiti mac. 16 Mǝ laayɔ ere dindǝ mac tǝ, nǝ Kwɔrɔstɔ kwiti-mǝ kwɔmǝr diiɽǝ tok mac. 17 Mǝreere diiɽǝ Kwɔrɔstɔ-ŋw mac tǝ, a ṯǝmminǝ ṯaalɔ orolɔŋw domony, e-ta nǝtǝ nannitha kinnǝni ki-ŋikiya-na ŋaalɔ. 18 Na nǝr ǝniŋw tok, kila limǝ ai ethi Kwɔrɔstɔ-na, lǝni limǝ kiirathalɔ. 19 Mǝ ṯǝkkizǝ ṯǝri kizǝn ethi Kwɔrɔstɔ-na oro ṯǝthi ŋimiitha ŋɔ dak, e-ta ǝri ṯamthɔ nyiiŋǝ lizi-lǝ tatap ṯɔrɔɔnyɔna-thi.
20 Laakin ŋiɽaŋal ŋɔ nǝroro rerrem ŋǝthi Kwɔrɔstɔ kwɔmǝr diiɽǝ ki-ŋiɽany-na, nɔŋworo kwiŋna kwir nda kwɔmǝ diiɽǝ ki-lizi-nǝ kila limǝ ai. 21 Nǝ kaka ninḏi-gwɔ ŋiɽany kwizi-gi kwɔtɔpɔt, nǝ nǝrṯoroŋw tok, nǝ ṯidiiɽǝ ki-ŋiɽany-na iila kwizi-gi kwɔtɔpɔt tok. 22 Nǝ Aḏam-ŋgi nǝr ai tatap, nǝ ŋwɔṯaŋw tok ǝrisi miithi tatap ethi Kwɔrɔstɔ-na. 23 Laakin ǝṯir diiɽǝ ŋgwɔ ṯǝrṯiib-thi ṯuuŋwun: Kwɔrɔstɔ ker-kerreny, nɔ ki-laaamar-la linḏiŋw-li ethiila ta, arsi diiɽǝ kila lǝni luuŋwun. 24 Nǝ kwaathan tǝ a lɔɔmɔr iila lirimthithɔ; e-ta mǝ Kwɔrɔstɔ ṯiinyi rɔ-asa-ŋwɔsi lisɔlṯaan-li nǝ ŋɔma tatap tǝ, ŋwɔmǝ inḏǝthǝ Allah wir Papa Ŋeelenyi. 25 Ŋwɔṯaŋw laazim a Kwɔrɔstɔ mithǝ ŋeelenyi, mindaŋ mǝ Allah ṯiinyi ṯuwǝnu rac tǝ, ŋwɔsi-mǝ kettice-lɔ tatap ki-ŋwaara-na ŋwuuŋwun. 26 Nǝ ŋiɽany oro ŋir ṯuwǝn ṯirmithithɔ ŋinḏiŋwsi ethisi kiirasalɔ. 27 Kaka naarɔ-gwɔ Kiṯaab ŋwɔ, “Kwɔmǝ Allah kettice kwomne-lɔ tatap ki-ŋwaara-na ŋwuuŋwun.” Nǝ ŋiɽaŋal ŋǝniŋw, “Kwomne tatap” ŋilŋithina por-por rac ŋiti ŋǝnyjǝ Allah mac rogɽo-ri ruuŋwun, kaka nɔrɔ-ŋgwɔ kwɔgittica Kwɔrɔstɔ-ŋw kwomne-lɔ tatap ki-ŋwaara-na ŋwuuŋwun. 28 Mǝ Kwɔrɔstɔ mithǝ kwomne tatap ki-rii-na ruuŋwun, e-ta a Tɔr kette rogɽo ruuŋwun wɔɽe-wɔɽeny kirii-na rǝthi Allah, mindaŋ ŋwɔ mḏǝthǝ kwomne tatap kirii-na ruuŋwun. Mindaŋ mǝ kwomne tatap naani ki-thii-na ṯǝthi Allah.
29 E-ta ǝŋgi ṯidiiɽǝ ṯǝthi kila laayɔ ere naani mac tǝ, nǝ ma@na kwǝni ǝyǝ ŋgwa kwǝṯi-gi lizi aari @ammiḏa ki-ŋwɔɔbi ŋwɔthi kila laayɔ? Ǝŋgi kila laayɔ ere dindi mac, e-ta lizi lotho lǝṯi aari @ammiḏa ki-ŋwɔɔbi ŋweeŋen? 30 Nǝ a kwotho kwǝtir inḏǝthǝ rogɽo rǝri ŋiɽany ŋwɔɔmɔri tatap? 31 Liyǝŋgǝri liinyi, nyii kwǝṯi-mi inḏǝthǝ rogɽo riinyi ŋiɽany ŋwaamin tatap! Ŋandisa-nyji ŋɔ ṯippiŋǝ-thi rogɽo ṯǝthi-nyii ṯǝni ŋaaŋa, ki-ŋɔmath-na ŋǝthirsi ethi Kwɔrɔstɔ-na kwǝni Yǝcu kwir Kweeleny kwǝri. 32 Ŋiɽaŋal-ŋi ŋǝthi ŋizigwunǝŋ, aatha kwɔrɔ kwǝŋgi-nyii ǝgini kinaŋw a ṯɔgthi-nyii yiiraaw-yi Afasuus-na? Mǝrseere dindǝ kila mac tǝ, “Ilar-pa ǝri e thne nǝ ǝri-ii tok, kaka ninḏir-gwɔ ethi ai ŋɔrpɔ-ŋgwɔ.” 33 Ǝṯir-ŋǝsi kǝɽmyjǝlɔ mac, “Nǝ ŋɔmath ŋigii ŋǝṯi kii ŋethre ŋisaaw.” 34 Kiɽiṯir aaɽitha ki-fikir-lǝ kwaalɔ kwisaaw, mindaŋ meere ǝrri ŋikiyaŋi ŋeere kwokwony mac. Kaka a-naanir-gwɔ lokwo laalɔ liti lilŋithi Allah mac. Ŋandisa-nyji ŋɔ ethi ṯɔrony mithǝ ŋaaŋwɔsi.
Aŋna winḏi ethi rotto tha mɔŋw diiɽǝ.
35 Laakin a kweere ɔṯalɔ ŋwaarɔŋw, “Lizi laayɔ lǝṯi diiɽi aŋgwɔrɔ? Nǝ yaŋna yɔrtɔ aŋgwɔrɔ yǝrsi ǝthi?” 36 Ŋa kwɔr kǝɽiyǝŋ ŋgwɔ! Ŋgwa kwǝṯir kwee, kwiti kwǝṯi miithi mac mɔŋweere uthǝthi mac. 37 Ŋgwa kwɔgwɔɔthɔna nǝ aŋna ere oro mac, laakin nǝ lɔɔla oro lette, ya ŋwɔrɔ lǝthi ŋwan, ya ŋwɔɔla ŋweere nyithak ŋwɔthaathɔ. 38 Laakin ǝṯɔŋw inḏǝthǝ aŋna wirga wɔnaŋna-ŋwɔ ethi inḏǝthǝ; nǝ ǝṯɔŋw inḏǝthǝ ŋwɔɔla yaŋna yeeŋen yirna ter-ter. 39 Kaka nǝṯi-gwɔ yaŋna ere biɽithina tatap mac, nǝr naani yǝthi lizigwunǝŋ, nǝr naani yǝthi haywaanaaṯ, nǝr naani yǝthi ndǝw, na nǝr naani yǝthi lɔm tok. 40 Nǝ yaŋna naani yǝthi ki-leere-naŋw, na nǝr naani yǝthi kwurǝyulu-ŋw; laakin nǝ ŋinith ŋǝthi ki-leere-naŋw oro ŋette, nǝ ŋǝthi yaŋna yǝthi kwurǝyulu-ŋw oro ŋithaathɔ. 41 Nǝ aaŋwɔn ǝthi ŋinithi ŋuuŋɔn, na nǝsi ǝwǝ ǝthi ŋuuŋun, na nǝsi rɔɔrɔm ǝthi ŋeeŋen tok. Laakin ki-rɔɔrɔm-na tǝ, nǝrǝthi ŋisanna ŋirna ter-ter.
42 Nǝrṯoroŋw tok ŋǝthi ṯidiiɽǝ ṯǝthi kila laayɔ. Ǝṯi aŋna aananni wǝṯi ernene, e-ta ǝṯɔŋw diiɽǝ wa wǝṯi nannatha. 43 Ǝṯir aanitha wiira ŋinithi-nǝ, e-ta ǝṯɔŋw diiɽǝ ŋinith-ŋi. Ǝṯir aanitha wajla cige-cigep, e-ta ǝṯɔŋw diiɽǝ wǝthi ŋɔma. 44 Ǝṯɔŋw aananni wir aŋna domony, e-ta ǝṯɔŋw diiɽǝ wir ṯigɽim. Mǝ aŋna naani wir domony tǝ, ǝṯɔŋw ṯǝ naani wir ṯigɽim tok. 45 Kaka nɔlɔɔthɔnar-gwɔ ŋaarɔŋw, “Kwizi ŋgwa kwiŋna kwǝni Aḏam kwɔgittar ethi miithi”; laakin Aḏam kwǝthi kwaathan-ŋwɔ tǝ, ǝṯɔŋworo Ṯigɽim ṯǝṯi inḏǝthǝ lizi ŋimiitha. 46 Laakin nɔŋweere naani ŋgwa kwir ṯigɽim kerreny mac, laakin nǝ aŋna oro, nǝ kwaathan tǝ, ṯigɽim. 47 Aḏam ŋgwa kwiŋna nɔŋw daɽimanni kɔlɔɔ-gi kǝthi wurǝyu; nǝ Aḏam kwɔthaathɔ tǝ, nɔŋw ɔɽa ki-leere-na. 48 Kila lǝthi kwurǝyulu-ŋw, nǝr aaɽanni ŋgwa kwɔdaɽiminna wurǝyu-yi; nǝ kila lǝthi ki-leere-naŋw nǝrtǝ aaɽanni ŋgwa kwɔɔɽɔ ki-leere. 49 Nǝ kaka-ṯǝ niginnar-gwɔ suurǝ kwǝthi ŋgwa kwɔdaɽiminna kɔlɔɔ-gi, nǝ ŋwɔṯaŋw tok, ǝri kenne suurǝ kwǝthi ŋgwa kwɔɔɽɔ ki-leere-na. 50 Nyii kwǝccǝ-ŋǝsi-mǝ ŋwɔ liyǝŋgǝri liinyi, ŋgwa kwǝthi aŋna-ŋwɔsi ŋin-ŋi kwiti kwǝthi ŋɔma mac ethi aavi Ŋeelenyi ŋǝthi Allah, wala wa wǝṯi ernene ethaavi wa witi wǝṯi ernene mac.
51 Niŋnar-ṯi ŋǝsi andaci ŋejimethi ŋɔ. A kwiti kwinḏir ethi ai tatap mac, laakin a kwinḏir ethi reethe tatap, 52 fita-fittak kaka nǝṯi-gwɔ lǝy aari kimǝr, mǝ buruz aara kwir kwaathan-kwaathan. Mǝ buruz aari tǝ, a lizi laayɔ diiɽǝ, mindaŋ ǝreere ai kwokwony mac, e-ta ǝri reethe tatap. 53 Ŋwɔṯaŋw laazim a aŋna wa wǝṯi ernene ŋwɔ reethe ethi kenne wa witi wǝṯi ernene mac; nǝ wa winḏi ethi ai, laazim ŋwɔ reethe ethoro wa witi winḏi ethi ai mac. 54 Na mǝ aŋna wa wǝṯi ernene kenne wa witi wǝṯi ernene mac, nǝ wa wǝṯi ernene kenne wa witi wǝṯi ernene mac tǝ, e-ta a ŋiɽaŋal ǝṯhi yǝnǝ ŋaari-ŋi Kiṯaab-ŋwɔ, “Ŋillaza kii ŋimǝ ṯimmanni kworo, nǝ ŋiɽany-tǝ, ŋimǝ kiirathalɔ.”
55 “Wa ŋiɽany, ŋillaza ŋɔɔŋa kii ŋende?
Wǝ ŋiɽany, ṯɔn ṯɔɔŋwa ṯende?”
56 Ṯɔn ṯǝthi ŋiɽany nɔŋworo ŋikiya, nǝ ŋɔma ŋǝthi ŋikiya tǝ, nǝ Sherii@a oro. 57 Laakin ǝri ǝccǝ Allah shukran, wǝṯi-nyji inḏǝthǝ ṯillaza kii, Kweeleny-ŋgi kwǝri kwǝni Yǝcu Kwɔrɔstɔ.
58 Ŋwɔṯaŋw liyǝŋgǝri liinyi lamɽa-nyji; ǝnyjǝr ŋwaara-lɔ tetter, liti laaralɔ tiŋgil-tiŋgil mac. Ǝṯi kǝkkini tetter ŋwɔɔmɔri tatap ŋothɽor-ŋi ŋǝthi Kweeleny, nǝ ŋilŋica-ŋǝsi rac ethaarɔŋw, ŋothɽor ŋa ŋǝṯisi ǝkkici Kweelenyi ŋiti ŋǝṯoro-lɔ dozon mac.