Dire gwa Liⓐaazar dai
1 Kwiji gweta gwijo gwuma, gwan Liⓐaazar, gwa Betⓐanya gi len la Maryamŋa megen gwai gwan Martha. 2 (A Maryam ro gwina gwibrutho Kwelenya ŋela ŋai ŋina ŋiro gwudhurul, ŋwudamire ŋwora ŋwuŋun uru yai yuŋun; megen gwan Liⓐaazar gwiro gwina gwuma). 3 A limegen ukeje dugun, alaicinu, Kweleny gwai, aŋadhi, gwina gwuminyaŋa gwa gwuma. 4 Dina ma Yasuuⓐ diŋini dhuŋuna ibidhe, ŋwarnu, Gumiye ibiga gati ga dhai no, abi gan majdh gwa Kalo, di Ŋari ŋa Kalo majidhini. 5 Athi Yasuuⓐ uminyi Marthaŋaije megen gwai, a Liⓐaazar. 6 Dina muŋwdiŋini darnu ŋeda gwa gwuma, ŋwujalo nanaŋ ŋwamun ram kalo geta geta gina gijuŋwuna. 7 Ma ŋwamun ibiŋwe erna, ŋwabiŋaijo calmiz juŋun, ŋwulaici, Alela Yahuudiiya manaŋ. 8 A calmiz juŋun aicinu, Muⓐallim gwai, Yahuud lara laŋaice nyol nyai kwereny; ŋabare gwela mine manaŋ a? 9 Al Yasuuⓐ aicinu, Saaⓐa jati jathiro die‐a‐ram gi lamun letipo na? Ada kwiji gweta gwimela aŋina, athuŋw dikudhinu no, ŋinena aŋadhuŋw fure gwadhi gidhila ibiga. 10 Abi ada kwiji gweta gwimela gile, gwadikudhini, ŋinena irinii fure dugun. 11 Gwabiŋu dhuŋuna ibidhe; a gwaji ŋwulabiŋaijo, ŋwulaici, Madhiguri gwan Liⓐaazar gwa gwidhiro; abi nyi gwela gwiny birtheye ŋwar. 12 A calmiz juŋun aicinu, Kweleny gwai, ada ŋeda gwimadhire, gwaji gwiŋir. 13 Abi Yasuuⓐ abiŋa dai gwuŋun; alabiŋini, alarnu gwarnu gwidhiro ŋwugathuwa. 14 Al Yasuuⓐ abiŋaijo momaŋ, ŋwulaici, Liⓐaazar gwimai. 15 Nyi gwiŋir dhugore dagalo nyi gwati gwijo mine no, ŋinena ada nyaŋa limuminyi; abi abricije alela dugun. 16 A Tuuma, gwina gwan Towam, aici calmiz jiter nu, Alela ko, allai ŋeda ŋalai.
17 A dina ma Yasuuⓐ ela, ŋwubuje gwimadhire gi dhel ganu ŋwamun kworoŋo. 18 A Betⓐanya gwijo githo Urushaliim gwaro miil ram. 19 A Yahuud loinyadho eladha di Marthaŋa Maryam gwai, linudhilo dhuŋun dhai dha megen. 20 A Martha diŋini darnu Yasuuⓐ gwa gwidhi, ŋwunela ganu, algwibudhe; abi Maryam jalo nanaŋ dunu. 21 A Martha aici Yasuuⓐuŋw nu, Kweleny gwai, ada ŋa gwina gwijii mina, maguri gwati gwaiai no. 22 Abi nyi gwiliŋidhi ŋinena dhuŋun peth dhina dhaŋa dhothaije Kaloŋa galo, dhaji dhaŋa Kalo dhedha. 23 A Yasuuⓐ aicinu, Magalo gwadire manaŋ. 24 Abi Martha aicinu, Nyi gwiliŋidhi darnu ŋeda gwaji gwadire manaŋ gi lamun ladhi dire dai lina laji lamra. 25 A Yasuuⓐ aicinu, Nyi gwiro gwadhi direye a midhe; gwina gwinyuminyi, ada gwimai, gwamidhe manaŋ. 26 A gweda gwina gwamidhe a nyuminyi gwati gwai gatur no. Au gwuminyu dhuŋuna ibidha a? 27 Ŋwaicinu, Ye, Kweleny gwai, nyi gwuminyu darnu ŋa gwiro al Masiiẖ, gwina gwiro Ŋari ŋa Kalo, gwina gwaiela kidhila. 28 A dina muŋwabiŋi minoŋ, ŋwela gi dhai dhuŋun, ŋwurnie megen gwan Maryam girimu, ŋwaicinu, Muⓐallim gwimila, ŋa urnie. 29 A dina muŋwdiŋini, ŋwundira ganu, ŋwela dugun. 30 A Yasuuⓐ gwoma gwati gwidhi nanaŋ gi len no, ŋwubije kalo ibige gina gibudhina Martha gwai. 31 A Yahuud lina lijilai kiru allina, a dina malaŋa Maryamuŋw didire galo babraŋ ŋwutuya por, algwuje, alarnu, Gwiludhi gi dhel dare mine. 32 A dina ma Maryam obani kalo gina gijina Yasuuⓐ, ŋwaŋa, ŋwide ŋwora ganu dugun, ŋwaicinu, Kweleny gwai ada ŋa gwijii mina, maguri gwati gwaiai no. 33 A dina ma Yasuuⓐ aŋa dare, a Yahuud ko are lina lidhilai, ŋwuruni gi dhigirim, ŋwuke dhugore. 34 Ŋwarnu, Gwa gwigwurcanya na? Alaicinu, Kweleny gwai, ila ŋaŋa. 35 A Yasuuⓐ are. 36 A Yahuud arnu, Aŋadhul, gwuminyuŋw. 37 Abi coŋ degen arnu, Kwiji ibigwa, gwina gwuriyo ŋwudhibaŋa gi je, gwati gwuthi ŋoma gwekajo kwijo ibigwa dai na? 38 A Yasuuⓐ runi manaŋ, ŋwela gi dhel dhiro kimu, dhiluthinu kol gai. 39 Al Yasuuⓐ aicinu, Direyul kolya. A Martha, gwina gwiro megen gwa kwiji gwina gwimai, aicinu, Kweleny gwai, ŋwamun ibiŋwa gwimawei gwimaje ŋwamun kworoŋo. 40 A Yasuuⓐ aicinu, Nyi gwati gwaicaŋanu, Ada ŋa gwina gwuminyii, ŋa gwaji gwaiaŋa majdh gwa Kalo na? 41 Aldireye kolya kalo gina gidhirna kwiji gwina gwaio, a Yasuuⓐ baŋalaŋ kabo, ŋwarnu, Babo, nyi gwaicaŋa shukran ŋinena deŋinaijiny. 42 A nyi gwiliŋidhi darnu ŋa gwathiny deŋinaijo gigina; abi ŋinena dhunejiny liji galo, nyi gwabiŋu, aluminyi darnu ŋa gwiro gwina gwukejiny. 43 A dina muŋwabiŋi minoŋ, ŋwurnie ŋwal ŋwai ŋwipa, ŋwarnu, Liⓐaazar, tuia. 44 A gwina gwaio ŋwutuya por, gwigukinu doi a ŋwora ciraŋ jai ja dhigwurcie; a je juŋun gukini mandiil gwai. Al Yasuuⓐ aicinu, Gududhul galo, nyabrico ŋwela. 45 A Yahuud loinyadho lina lidhi di Maryam a dina malaŋa dhuŋuna dhina dhapo Yasuuⓐ, aluminyi. 46 Abi coŋ degen ela gi Farriisiyiin, allabiŋaijo dhuŋuna dhina dhapo Yasuuⓐ.
Dhuŋun dha leleny la gusus dhina dhabiŋilo nyim dhan ai gwa Yasuuⓐ
47 A leleny la gusus a Farriisiyiin auradha liduŋw gi juriya, alarnu, Alapaŋa? Kwiji ibigwa gwathapai ŋiro ŋoinyadho ŋina ŋipiŋipa. 48 Ada gwimalabrico minoŋ cucun, a gwa liji peth uminyi; a Ruumaaniyiin laji lila alapai kaloŋa gega, alapai lijo lega. 49 Abi gweta degen gwina gwan Gayaafa, gwiro kweleny gwa gusus gidhila ibige, ŋwulaicinu, Nyaŋa lati liliŋidhi dhuŋuna dheda no, 50 i nyaŋa lati lireyo je galo darnu aŋ gwiŋiranu dega, di kwiji gwetipo ai ŋwura lijo galo, i athi liji peth irinii no. 51 Gwati gwabiŋudhi gi gwidom gwuŋun no; abi gwiro kweleny gwa gusus gidhila ibige, gwabiŋu kwereny, ŋwarnu, Yasuuⓐ gwaiai ŋwura Yahuud galo. 52 Gwati gwaio ŋwura Yahuud galo dogo no, a minoŋ ko gwaji gwawareje keleŋa ga Kalo liduŋw letipo gina gimabai galo. 53 Gi lamun ibile athil othadhije galo dilrinya. 54 Athi Yasuuⓐ idhi galo ditir gi Yahuud ganu manaŋ no; ŋwubela gi len lina lijo githo gi leba la mediina gwina gwan Afraaiim, alijalo calmiz jai juŋun mine. 55 A Ŋidwa ŋa dh’Abrico ŋa Yahuud je githo; a loinyadho gathani ŋwena alela Urushaliim kwereny nanaŋ ŋidwa ŋati ŋijo no, aljarimani. 56 Abi dina bupilo Yasuuⓐuŋw dina dhunadhilo gi hekal, alabiŋaijiye, alarnu, Nya larakwai? Ŋeda gwati gwaji gwila ŋidwa na? 57 A leleny la gusus a Farriisiyiin dhedha lijo amr, alaicinu, Ada kwiji gweda gwimaliŋa kaloŋa gina gijuŋwuna, ŋwaŋiye, almutha.
Ŋiɽany ŋǝthi Li@aazar.
1 Nǝ kwɔr naani kwette kwuumǝ kwǝni Li@aazar kwɔnannɔ Beiṯ-@aniya kwir lilli lǝthi Mǝryǝm-ŋǝ eŋgen-gi kwir kwaaw kwǝni Martha. 2 Nǝ Mǝryǝm oro kwɔɔrathi Kweelenyi, mindaŋ nɔŋw firṯici ŋwaara naana ŋwuuŋwun ǝwɽu-yi wuuŋwun, kwirir Li@aazar-gi ŋgwa kwuumǝ ŋiyaŋga. 3 E-ta nǝ laaw kila lir ŋiyaŋga ɔɔsɔthi naanɔ-gwɔ Yǝcu nǝrǝccǝŋw, “Kweeleny, ŋgwa kwamɽa-ŋa ŋgwana kwuumǝ.” 4 Laakin mǝ Yǝcu neŋne-tǝ nɔŋwaarɔŋw, “Kimǝṯ-ŋgɔ kǝthi ŋiɽany kiti kir mac; laakin nɔŋworo kǝthi-gi nii Allah-na, taŋw a Tɔr tǝthi Allah niini-nǝ sǝbǝb-ŋi ṯǝ ŋgwɔ.”
5 Ǝṯi Yǝcu amɽi Martha-ŋwɔsi eŋgen-gi kwir kwaaw nǝ Li@aazar tok. 6 Nǝ mɔŋw neŋne ethaarɔŋw Li@aazar ŋgwana kwuumǝ, nɔŋw-tǝ naani kinnǝni karaṯ ŋwaamin ŋwuɽǝn kǝzir wa wɔnaanɔ-ŋgwɔ. 7 Kwaathan-tǝ nɔŋwɔccǝ ṯalaamiiza-ŋw, “Ǝreele ǝri aaɽitha Yaauuḏiiyyǝ kwokwony.” 8 Nǝ ṯalaamiiz ǝccǝŋw, “Yaa Mɔ@allim naa Yahuuḏ yinaŋna-ŋa ethi acca yall-yi aŋna keṯe-keṯṯok, e-ta ǝfǝtǝ aaɽi kwokwony ṯirṯirǝ?” 9 Nǝsi Yǝcu ǝŋnici nɔŋwsǝccǝŋw, “Laamin lɔtɔpɔt liti lǝṯi ǝthi saa@ wrii-kwuɽǝn mac-a? Mɔŋw irǝrǝlɔ kweere kaaŋwɔn-na, ǝṯɔŋweere ṯɔgdanni mac, kaka ǝṯɔŋgweese fɔɔri kwǝthi ṯurmun kɔthɔ. 10 Laakin mɔŋw irǝrǝlɔ kweere kilkǝlu-tǝ, ǝṯɔŋw ṯɔgdanni, kaka niti ninaani-gwɔ fɔɔri mac.” 11 Mǝsi Yǝcu andasi ŋɔ e-ta nɔŋwsi kiɽǝcci ŋiɽaŋali nɔŋwsǝccǝŋw, “Mǝthigǝri kwǝri kwǝni Li@aazar ŋgwana kwuumǝ kwinḏirɔ, laakin nyii kweele nyii kiɽiṯǝ ŋunduŋw.” 12 Nǝ ṯalaamiiz ǝccǝŋw, “Kweeleny mɔŋwɔni kwinḏirɔ ŋwɔ saawi.” 13 Nǝ Yǝcu-tǝ nɔŋwɔni kwandisasi ŋǝthi ŋiɽany ŋǝthi Li@aazar, laakin ŋundu-ŋǝ tǝ nǝraarɔŋw ŋandisa-ŋwsi ŋǝthi igaṯṯa wǝŋ ṯǝthi ŋwaarɔ. 14 E-ta nǝsi Yǝcu andicalɔ por-pɔr nṯɔŋwsǝccǝŋw, “Li@aazar kwɔmǝ ai; 15 nǝ sǝbǝb-ŋi kwaalɔ-ta, ninyaamina kaka niti ninaaniny kinanaŋw mac. Mindaŋ mǝ ǝmmini. Laakin ǝreele naanɔ-ŋgwɔ.” 16 Ŋwɔṯaŋw nǝ Ṯɔɔma kwǝṯir ǝccǝ Tɔɔŋwɔr ǝccǝ limethgen lir ṯalaamiiz-ŋwɔ, “Ǝrli-mǝ ele nyiiŋǝ tok ǝrli ayithathi!”
Yǝcu kwir ṯidiiɽǝ nǝ ŋimiitha.
17 Mǝ Yǝcu ɔppathi, nɔŋw kaṯṯasi Li@aazar-ŋwɔ kwɔmǝ naani ki-thimaamɔ-na ŋwaamin kwaɽiŋan. 18 Nǝ Beiṯ-@aniya tǝ, nɔŋw nanyji Urshaliim-ŋwɔlɔ keṯṯok kwir ŋaajara miilǝ kwuɽǝn, 19 nǝ Yahuuḏ yittǝzir iila kinaŋw naanɔ-gwɔ Martha-ŋǝ Mǝryǝm-gi ethisi kandisalɔ ŋiɽaŋal-ŋi ŋǝthi eŋgen kweeŋen. 20 Mǝ Martha neŋne ethaarɔŋw Yǝcu ŋgwa kwinḏi, nɔŋweele nǝr-gi kadritha kithaay, Mǝryǝm-tǝ nɔŋw-tǝ kinnǝni naani kiininy dɔɔnɔ. 21 Nǝ Martha ǝccǝ Yǝcu-ŋw, “Kweeleny, ǝŋgoro kwɔnaanɔ kɔnɔŋw ǝngi ǝŋgǝri ere ai ḏuṯ. 22 Nǝnyii elŋece rac ethaarɔŋw kwomne kweere nyithak kwǝgi uṯici Allah-lɔ kire-kirem, ǝŋǝ tǝ Allah inḏǝthǝ.” 23 Nǝ Yǝcu ǝccǝŋw, “Aŋgalɔ kwudiiɽi rac kwokwony.” 24 Nǝ Martha ǝccǝŋw, “Nyii kwilŋithi rac ethaarɔŋw kwɔdiiɽǝ kwokwony ki-laamin-la lǝthi kwaathan-ŋwɔ.” 25 Nǝ Yǝcu ǝccǝŋw, “Nyii kwirpa ṯidiiɽǝ nǝ ŋimiitha kweere nyithak kwǝnyii ǝmminici, mɔŋw kinnǝni ai, ŋwɔ-tǝ miithi, 26 nǝ kweere kwɔnaanɔ kwɔmiithɔ, ŋweere ai ḏuṯ. Ŋǝmminǝ-ŋǝsi ŋɔ-a?” 27 Nɔŋwɔccǝŋw, “Aw, Kweeleny, myii kwǝmminǝ ethaarɔŋw a kwir Kwɔrɔstɔ kwir Tɔr tǝthi Allah, tinḏi ethiila ki-ṯurmun-nǝ.”
Yǝcu mcŋgwc aari.
28 Mɔŋwsi andasi ŋɔ tǝ nɔŋweele nɔŋw ɔrnɔṯa eŋgen kwǝni Mǝryǝm-ŋwɔ nyettec, nɔŋwɔccǝŋw, “Mɔ@allim ŋgwɔ kɔnɔŋw, nǝ ŋgwalɔ kwuṯucǝŋǝ-lɔ.” 29 Mɔŋwsi neŋne ŋɔ tǝ, nɔŋw diiɽǝlɔ fittak nɔŋweele naanɔ-ŋgwɔ. 30 Yǝcu-tǝ nɔŋw ere ɔppatha ki-lilli-na kinnǝni mac, laakin nɔŋw-tǝ naani kinnǝni kǝzir wa wɔkadirithir-gwɔ Martha-gi. 31 Mǝ Yahuuḏ kiya yinaanɔ kiininy dɔɔnɔ yikandisalɔ ese Mǝryǝm-ŋwɔ kwɔmǝ diiɽi fittak nɔŋw ruu par, nǝr kwaathitha ligittathɔ ethaarɔŋw kwinḏi etheele ki-thimaamɔ ethi-ŋwɔ aara kinanaŋw. 32 Mǝ Mǝryǝm ɔppathi kǝzir wɔnaanɔ-gwɔ Yǝcu mindaŋ mɔŋweese ŋuŋduŋw, nɔŋw iidi ŋwɔɽǝlle-na ŋwuuŋwun mindaŋ nɔŋwɔccǝŋw, “Kweeleny, ǝŋgoro kwɔnaanɔ kɔnɔŋw ǝŋgi ǝŋgǝri ere ai ḏuṯ.” 33 Mǝ Yǝcu ese ŋunduŋw kwɔɔrɔ nǝ Yahuuḏ tok yinḏir-yi yaarɔ, nɔŋw pinni bɔlɔr mindaŋ nǝ ṯɔgwor kaṯṯɔ kwɔrop. 34 Nɔŋwsǝccǝŋw, “Ŋgwala kwɔgitta-ŋa ṯaka?” Nǝr ǝccǝŋw, “Kweeleny ilamba ese.” 35 Nǝ Yǝcu aari. 36 Nǝ Yahuuḏ aarɔŋw, “Iisar-ṯi kwamɽaŋw-mana gaa!” 37 Laakin nǝ lokwo lithaathɔ aarɔŋw, “Naa kwɔr-ŋgwɔ kwǝthi-pǝ ŋɔma ethi ǝllici kwunduŋǝ yǝy-nǝ. E-ta ǝŋgwɔŋweere ǝthi ŋɔma ethi kilǝthi Li@aazar ŋwɔ ŋiɽany naana mac-a?”
Li@aazar kwɔmǝ miithi.
38 Nǝ Yǝcu pinni bɔlɔr kwokwony, mindaŋ nɔŋweele ki-thimaamɔ ṯir kibaŋ ṯilǝŋthinnǝ kall-gi. 39 Nǝsi Yǝcu ǝccǝŋw, “Dimmǝr kaali kithaay.” Nǝ Martha kwir eŋgen kwǝthi kwaayɔ-ŋa ǝccǝŋw, “Kweeleny, kwɔmǝ ŋarna uwi kirem, kaka mɔŋgwɔ ǝthi ŋwaamin kwaɽiŋan ŋwaayɔŋ-ŋi.” 40 Nǝ Yǝcu ǝccǝŋw, “Nyiiti kwandica-ŋa mac niŋǝ ǝccǝŋw ǝŋgi ǝmmini ǝŋgi ese ŋinithi ŋǝthi Allah-a?” 41 E-ta nǝr dimmi kiɽibini kithaay. Mindaŋ na Yǝcu dimmi yǝy nɔŋw baaŋala mindaŋ nɔŋwaarɔŋw, “Nyii kwǝccǝ-ŋǝ shukran Papa, kaka nǝṯiny-gwɔ niŋnaci. 42 Nyii kwilŋithi rac kaka nǝṯiny-gwɔ niŋnaci nyaamin tatap, laakin ŋandica-ŋǝsi ŋɔ sǝbǝb-gi kwǝthi lizi kɔlɔ lirlɔ kɔnɔŋw, mindaŋ mǝr ǝmmini ethaarǝŋw ŋa kwir kwɔɔsa-nyii.” 43 Mɔŋw andasi ŋiɽaŋali ŋɔ tǝ, nɔŋw ɔvɔna ŋɔmmaŋi nɔŋwaarɔŋw, “Li@aazar ruuthǝ par!” 44 Nɔŋw ruuthǝ par kwippǝnnǝ yirethi yǝthi kǝfǝn rii naana nǝ ŋwaara tok, nǝ kireth-gi kippǝnnǝ ki-yǝy-nǝ tok. Nǝsi Yǝcu ǝccǝŋw, “Kǝdithir a duŋgwǝci ŋweele.”
Ŋejmeth ŋǝthi-ŋi ɽeenye Yǝcu-ŋw.
(Maṯṯa 26:1-5Mɔrgus 14:1-2Luuga 22:1-2)45 Nǝ Yahuuḏ iila yittǝzir yinḏi ethi raaŋatha Mǝryǝm-ŋwɔ mindaŋ mǝrseese ŋa ŋǝrrǝsi Yǝcu, e-ta nǝr ǝmminici ŋunduŋw. 46 Laakin nǝreele lokwo deŋgen-na nǝr andaci Lifirriisiiyyiina kwomne-ŋgwa kwǝrrǝ Yǝcu. 47 E-ta nǝ rɔ-asa rǝthi kahana-ŋǝ Lifirriisiiyyiin-li aaɽasi mǝjlǝsǝ dɔŋw nǝrsi ǝccǝŋw, “Aatha kwɔrǝrri? Kaka mǝgwɔ kwɔr-ŋgwɔ ǝrri ŋilima ŋuuru! 48 Mǝr duŋgwǝci ethi-tǝ ele dɔṯṯɔk ŋwɔ, a lizi tatap ǝmminici, mindaŋ a Rɔɔmaan iila ǝri kiirasi Heikala-lɔ nǝ bǝlǝḏǝ kwǝri tok.” 49 Laakin nǝsi kwette kweeŋen ǝccǝŋw, kwǝni Gayaafa kwir Rǝ-iis Rɔppa rǝthi kahana kithlǝyu-ṯǝ ŋga, “Ŋaaŋa liti lilŋithi kwomne kweere ḏuṯ. 50 Ŋaaŋa liti lilŋithi mac ethaarɔŋw, ŋɔvthanna ethi kwizi kwette ai ki-lɔɔbi lǝthi lizi mindaŋ mǝ bǝlǝḏ tatap ere kiirathalɔ mac-a?” 51 Nɔŋweere ǝni kwandisa ŋiɽaŋali ŋɔ ṯɔgwor-thi ṯuuŋwun mac, laakin kaka nɔrɔ-ŋgwɔ Rǝ-iis Rɔppa rǝthi kahana kithlǝyu ŋga, nɔŋw-ma andasi ŋipiya-ŋi eṯhi Yǝcu ai ki-lǝǝbi laṯhi balaḏ ṯaṯap, 52 na nǝreere oro ŋǝthi bǝlǝḏ dak mac, laakin ethi aaɽasi nyɔɔrɔ nyǝthi Allah dɔŋw lɔtɔpɔt tatap kinya nyifaathalɔ. 53 Min ki-laamin-la ṯǝ kila, nǝr kette ṯǝrṯiibǝlɔ ṯǝniŋw kwǝr ɽeenye aŋgwɔrɔ. 54 Nǝ Yǝcu ere elelɔ kwokwony por-por mac ki Yahuuḏ-nǝ, laakin nɔŋweele kithaay kinaŋw mindaŋ nɔŋweele kǝzir wɔnanyja saharaa-lɔ keṯṯok ki-mǝḏiinǝ-nǝ kwette kwǝni Afraayiim nǝr-gwɔ naani ṯalaamiiz-thi. 55 Mǝ lɔɔmɔr lǝthi @iiḏ wǝthi Fis-ha aadithi keṯṯok, nǝr-iila littǝzir ǝzir naana ter-ter nǝr ṯaaŋi Urshaliim kerreny ethi-gwɔ suuɽunni. 56 Nǝr naŋiŋini Yǝcu-ŋw-lc mindaŋ mǝr raayitha ki Heikal-na, nǝr ɔṯalɔ deŋgen-na nǝraarcŋw, “Fikir kwaalɔ kwǝni ǝyǝ? Kwiila fǝtǝ rac ki-@iiḏ-nǝ alla bǝri?” 57 Nǝ rɔ-asa rǝṯhi kahana-ŋǝ Lifirriisiiyyiin-li alla waamira wǝni-ŋwɔ, mǝ kwizi kweere elŋece ǝzir wɔnaanɔ-ŋgwɔ, laazim kwǝnyji andaci mindaŋ mǝnyii ǝthi ŋɔma etheele ethi mithǝ.