Ori oso Kristo'ba ronye
1 Tana Kristo ezarute lomvo ya, beṛo kpa ämiri andivo amiro tombane inye tavousu se nda ka'dobe sina si, tana nda se kabe rueza lomvo ya dro'beru kote tona takozi be. 2 Ka'do inye, ni tu yauono si le mileyaro, beṛo ämiri ori anjoko amiro ori 'bädri ro ro ritane ole Lu rosi ago ko ole lidri rosi. 3 Tana tuse kyeno kälävube ana si tase taomaako'bai koleyibe oyene nyugu loyena te ayani. Mirite ori undiro, ŋgalovo ro, 'diufu wa si ro, ori kozi, Kärikozi ŋga umvu si ndi mätu undiro lui awi robe. 4 Ago yauono taomaako'bai larote ondro nyodro'beru kote tro ànya yibe lori koziro pari se kayibe orina ya owo, ago ta'doro ànya kayi ami lo'da. 5 Oko ànya itinayi ta andivo ànyaro ro 'da Lu, se orivoya nja vure 'di lidriidriro ro ndi avo be ro opene ri. 6 'Doni tase a'debe Lazokado opene kpa avo ri owo, ànya se ape vure ànyaro te ori lomvo ànyaro rosi kpa oso aye vure 'dicini rote ronye; apete ànyari tana ori ànyaro tori rosi ànya kori robe oso Lu kabe ori ronye.
Voondre'bai Kado Ŋgapäṛi Lu ro ro
7 Ädu ŋga cini rote orivoya lototi. Beṛo ämiri a'done andivo rita be ago vookwa be, tana nya'do ro nja mätune. 8 Ago ndra ŋgacini drisi, azi lune ya cini si, tana ŋgalu takodri takozii amba ro ndi. 9 Nyàfo käläsi 'bai amiro ro uŋbo azi ri teinye drioviako. 10 'Dialo oso voondre'ba kado ŋgapäṛi dritoto Lu ro ro, beṛo ndäri ŋgapäṛi ndra se nda kusube ni Lu rigyesi 'do losi kado oyene sina ta azii rota. 11 Nda se kabe taope beṛo lazo Lu ro opene; nda se kabe ruindu beṛo ruindune mbara se Lu kabe ozona ndäri si, tana ŋga cini ya ozo räṛu robe Lu ri Yesu Kristo si, se 'desi ndi mbara be ni ndaro rriro ago äduako. Amen.
Rueza oso Kristo'ba ronye
12 Bereazii se mulube ono, nyà'do ko larolaro ro ni taojoro se luwuekye ruezaro abe mbara amiro ojo sina ono ri. Nyùsu ta ko mìkye ŋga aza se ko a'done iri kate a'do. 13 Oko nyà'do yai'dwesi tana nyà rueza Kristo ro la'dona, tana nyà'do robe riyä amba be ondro aka'da 'desi ndaro te owo. 14 Ami ni kado ondro a'da ami te tana ami be oso'bai Kristo vo ono ro owo; tana anjioko Tori 'desiro, Tori Lu ro, ka ugu ori ämidri. 15 Ondro aza amiro ka rueza, beṛo ko a'done tana nda 'diufu'ba yi kode kugu'ba yi kode taenji'ba yi kode loci'ba yi losi azi ro yasi. 16 Caoko, ondro nyà rueza tana ami orivoya Kristo'ba yi, nyà'do ko driupiro tana ro, oko mìye aro'boya Lu ri tana nyà ävuru Kristo ro uŋgyina.
17 Tu vure opero esate ago apena vure lidri modo Lu ro ro käti. Ondro ate etona ama si, äduna a'dona eŋwanye ànya se koma be ko Lazokado ni Lu resi ono ya riya? 18 Oso taegyi kabe ata ronye ekye:
“Ondro ka'do orivoya rritiro lidri kado opane;
ka'do inye a'dona te luako'bai ndi takozi'bai be ri eŋwanye ya?”
19 Ka'do inye, ànya se kabe rueza ole Lu ro ànyari ronye, taoye kado ànyaro si beṛo andivo ànyaro ozone cu O'ba'ba ànyaro ri, se ondoalo kabe tao'ba ndaro ätina ono.
Being Faithful to God
1 Christ suffered here on earth. Now you must be ready to suffer as he did, because suffering shows that you have stopped sinning. 2 It means you have turned from your own desires and want to obey God for the rest of your life. 3 You have already lived long enough like people who don't know God. You were immoral and followed your evil desires. You went around drinking and partying and carrying on. In fact, you even worshiped disgusting idols. 4 Now your former friends wonder why you have stopped running around with them, and they curse you for it. 5 But they will have to answer to God, who judges the living and the dead. 6 The good news has even been preached to the dead, so that after they have been judged for what they have done in this life, their spirits will live with God.
7 Everything will soon come to an end. So be serious and be sensible enough to pray.
8 Most important of all, you must sincerely love each other, because love wipes away many sins.
9 Welcome people into your home and don't grumble about it.
10 Each of you has been blessed with one of God's many wonderful gifts to be used in the service of others. So use your gift well. 11 If you have the gift of speaking, preach God's message. If you have the gift of helping others, do it with the strength that God supplies. Everything should be done in a way that will bring honor to God because of Jesus Christ, who is glorious and powerful forever. Amen.
Suffering for Being a Christian
12 Dear friends, don't be surprised or shocked that you are going through testing that is like walking through fire. 13 Be glad for the chance to suffer as Christ suffered. It will prepare you for even greater happiness when he makes his glorious return.
14 Count it a blessing when you suffer for being a Christian. This shows that God's glorious Spirit is with you. 15 But you deserve to suffer if you are a murderer, a thief, a crook, or a busybody. 16 Don't be ashamed to suffer for being a Christian. Praise God that you belong to him. 17 God has already begun judging his own people. And if his judgment begins with us, imagine how terrible it will be for those who refuse to obey his message. The Scriptures say,
18 “If good people barely escape,
what will happen to sinners
and to others
who don't respect God?”
19 If you suffer for obeying God, you must have complete faith in your faithful Creator and keep on doing right.