Looro lǝthi ŋirŋasa ŋǝthi Allah.
1 E-ta nenyii neŋne ṯogɽo ṯɔppa ṯuruuthu ki heikal-na, ṯandica limeleka lir dɔvokwɔɽony, nɔŋwsǝccǝŋw, “Nḏir ele a balsa ŋirŋasa ŋǝthi Allah ki-wurǝyu-lǝ, ŋa ŋinaanɔ ki-looro-na lir dɔvokwɔɽony.”
2 E-ta nǝ meleka kwir nimrǝ kwette ele nɔŋw balsisa ṯurmunǝ kwooro naana kwuuŋwun balac. Nǝ yǝmmǝ yiraara ṯeṯṯec ruuthǝ lizi naana kila lǝthi @alaama wǝthi haywaan, nǝ kila lɔgwɔcca suurǝ-lɔ kwuuŋwun.
3 E-ta nǝ meleka kwir nimrǝ kwuɽǝn balsasi bahara kwooro naana kwuuŋwun balac. Mindaŋ nǝ ŋaaw oro kaka ŋin ŋǝthi kwizigwunǝŋ kwaayɔ, mindaŋ na kwomne tatap kwɔmiithɔ ai ki-bahar-na.
4 Ŋwɔṯaŋw nǝ meleka kwir nimrǝ ṯoɽol balsasi kwooro kwuuŋwun libahara naana lokwɔɽony, nǝ ruwǝ rǝthi ŋaaw tok, mindaŋ nǝr reethe nǝroro ŋin. 5 Nǝ nenyii neŋne meleka kwir rǝ-iis rǝthi ŋaaw tatap, nɔŋwaarɔŋw, “Ŋa ŋgwa kwirllinǝlɔ ter, kwɔnannɔ kire-kirem, nǝ kwɔnaanɔ kerreny tuk, hɔkwɔm wɔɔŋa wɔgittaŋa wǝni wirllalɔ! 6 Kaka niirǝzǝr-gwɔ ŋiinǝ-lɔ ŋǝthi lizi lǝthi Allah, nǝ ŋǝthi liɽii tok, mindaŋ nǝsi inḏǝthǝ ŋiinǝ nǝrsi ii. Kaka nɔvthannicarsi ŋɔ!” 7 Ṯaŋw nenyii neŋne ṯogɽo ki-ŋwɔthgwun-nǝ ṯaarɔŋw, “Kweeleny kwir Allah wǝthi Ŋɔma Ŋɔppa! Hɔkwɔm wɔɔŋa wir rerrem nǝ wirllalɔ tok!”
8 E-ta nǝ meleka kwir nimrǝ kwaɽiŋan balsi kwooro kwuuŋwun aaŋwɔna naana, mindaŋ nǝr duŋgwǝci ethi uɽǝzi lizi kiijaŋ-ŋgi kuuŋun kufuuthu cir-cir. 9 Nǝrsi dɔnni mindaŋ nǝr ollo yiriny yǝthi Allah, wthi sɔlṯa ki-jiizǝ-lǝ ŋgwɔ. Laakin nǝreere urlǝ rɔgwor-lɔ mac ethi nii ŋunduŋw-nǝ.
10 Nǝ meleka kwir nimrǝ ṯɔthni balsi kwooro kwuuŋwun kwɔrsiya naana kwǝthi ŋeeleny, kwǝthi haywaan. E-ta nǝ kirim aaɽathi ŋeelenyi naana tatap ŋǝthi haywaan, mindaŋ nǝ lizi yee riŋla reeŋen ŋiɽaŋal-ŋi ŋǝthi ŋijma ŋeeŋen, 11 na nǝr ollo Allah wǝthi ki-leere-naŋw, ŋiɽaŋal-ŋi ŋǝthi ŋijma nǝ ŋǝthi yǝmmǝ yeeŋen. Laakin nǝreere urlǝ rɔgwor-lɔ kǝmthi, ki-ŋothɽor-na ŋeeŋen ŋigii.
12 Ṯaŋw nǝ meleka kwir nimrǝ nyirlil balsi kwooro kwuuŋwun ki-bahar-la kwokwɔɽony kwǝni Alfɔraaṯ kwɔppa ŋɔɔrɔ yǝnǝ, mindaŋ nǝ bahar kwokwɔɽony ɔnḏathalɔ kwɔrop, ethi daɽimac’ limuluuk-gǝ ṯaayi-lɔ, lǝṯiila ǝzir-yi wa wǝṯi-yi aaŋwɔn dallitha. 13 E-ta ninyeese rigɽimǝ ṯoɽol rigii raaɽinna lɔroo, luruuthu kworo-na kwǝthi haywaan, nǝ kworo-na kwǝthi kwiɽii kwir kwǝluŋw. 14 Kaka nɔrɔr-gwɔ rigɽim rigii rir Shayaaṯiin rǝṯi ǝrri-ri ŋilima. E-ta nǝ rigɽim rir ṯoɽol kɔrɔ ele naanɔ-gwɔ muluuk tatap kwǝthi ṯurmun, ethisi aaɽaci ŋǝriyǝ dɔŋw ki Laamin lɔppa lǝthi Allah wǝthi Ŋɔma Ŋɔppa. ( 15 “Niŋna-ṯi! Nyii-ŋgwa kwinḏi kaka kwɔɔɽam! Kwɔrṯanni ŋgwa kwɔnaani yǝy-yǝlɔ, eṯhi aŋraci yirethi yuuŋwun, mindaŋ etheere iirǝrǝlɔ lɔvdɔṯṯɔ mac, mindaŋ ethi ṯɔrony ere mithǝ ki-lizi-nǝ mac!”) 16 E-ta nǝ rigɽim aaɽisa muluuk-gǝ dɔŋw kǝzir wǝnyjicǝr yiriny @ibraaniiyyiina yǝni Harmajaḏuun.
17 E-ta nǝ meleka kwir nimrǝ dɔvokwɔɽony balsa kwooro kwuuŋwun ki-leere, mindaŋ nǝ ṯogɽo ṯɔppa ruuthǝ kwɔrsi-na kwǝthi ŋeeleny, kwɔnaanɔ ki heikal-na ṯaarɔŋw, “Ŋimǝ ǝrrini!” 18 Nǝ fɔɔri naani kwǝthi rimen, nǝ ŋweere ɔppɔthɔna, nǝ wurǝyu riiginni tig-tig. Nǝ kinaŋw tuk nigittinǝ-gwɔ kwizigwunǝŋ nǝ wurǝyu ere riiginni laamin leereŋw ḏuṯ, nɔŋworo ṯiriiginnǝ ṯithǝmthisi-lɔ tatap! 19 Nǝ mǝḏiinǝ kwɔppa uɽǝnninǝ yithrithana ṯoɽol, mindaŋ nǝ muḏun kwǝthi libǝlǝḏ tatap kiirathalɔ, mindaŋ nɔŋw icci kiɽicaŋi ki-tiṯiraŋ-na tuuŋwun kǝthi ŋirŋasa ŋuuŋun. 20 E-ta nǝ lijǝziirǝ tatap irṯathalɔ, mindaŋ nǝ yaayin ere iijini kwokwony mac. 21 Nǝ ŋwɔɔrɔm ŋwɔppa-ŋwɔppa irdidǝ-thǝ lizi naana ki-leere, ŋwir wǝzinǝ weeŋen weere-weere roṯola ruɽi-ṯɔthni mindaŋ nǝ lizi ollo Allah ŋiɽaŋal-ŋi ŋǝthi jiizǝ kwǝthi ŋwɔɔrɔm, kaka nigii-ŋgwɔ ŋirinyǝ beṯṯen.
1 A nyi gwidiŋinu ŋwal ŋwina ŋwipa gi hekal ŋwabiŋaijo malaayka lina liro kworoŋo‐thiril ŋwulaicinu, Idhul, nyabaleje koraat ga kadhugore gwa Kalo kwiyaŋ alaŋ.
2 A gwina gwiro kwerkwereny ela ŋwubaleje ŋida ŋina ŋijo kora ganu guŋun kwiyaŋ alaŋ; a nyuri je gi liji alaŋ nyina nyike a nyina nyiro ŋirle lina luthi ŋule ŋa kowaŋ a lina lathidijo s̱uura gwuŋun ŋwurko ŋwai.
3 A malaak gwina gwiro nimra ram baleje ŋida ŋina ŋijo kora ganu guŋun gi baẖr alaŋ; a baẖr ro ŋin ŋwuro ŋinena ŋin ŋa kwiji gwina gwaio, a ŋidi peth ai gi baẖr ganu ŋina ŋuthi midhuŋw.
4 A malaak gwina gwiro nimra thiril baleje ŋida ŋina ŋijo kora ganu guŋun gi diburtha alaŋ a ŋwijigeny alaŋ ŋwa ŋau; alro ŋin. 5 A nyi gwidiŋinu malaak gwa ŋau ŋwarnu, Ŋa gwidhunu galo, Kweleny gwai, ŋa gwina gwo, a gwina gwijo, a gwina gwaji gwila, ŋinena akimiyaŋa minoŋ. 6 Ŋinena balejo ŋediŋa ŋina galo ŋa liji lina liŋir didirel a ŋa nebiŋa, ŋalbidhedha ŋina diliye; ŋinena audhilo gi dhuŋun ibidha. 7 A nyi gwidiŋinu ŋwal ŋwiter gi loboŋ ŋwarnu, Ye, Kweleny gwai gwina gwiro Kalo gina guthi ŋoma ŋidi alaŋ peth, aẖkaam gwuŋa gwiro titiganu a gwidhunu galo.
8 A malaak gwina gwiro nimra kworoŋo baleje ŋida ŋina ŋijo kora ganu guŋun kaŋin alaŋ; a aŋin dhedhini ŋelenya ŋadhi duni lijo iga yai. 9 A liji dunini buye gwai gwina gwinaŋ, a ŋediŋa lo jiriny ja Kalo, gina guthi ŋelenya gi ŋirainy ibiŋa; athilbi urlo dugore galo degen gi ŋidi ŋina ŋike dildhedha ŋeduŋw majdh no.
10 A malaak gwina gwiro nimra thudhina baleje ŋida ŋina ŋijo kora ganu guŋun kursi alaŋ ga kowaŋ; a gidhila guŋun rimi ganu; athi liji eny diŋila degen gi dhuŋun dha ŋwuredeny, 11 athil lo Kaloŋa ga Sama gi dhuŋun dha ŋwuredeny ŋwegen a gi dhuŋun dha nyuri nyegen, athilbi urlo dugore galo degen gi ŋiro ŋegen no.
12 A malaak gwina gwiro nimra nyiril baleje ŋida ŋina ŋijo kora ganu guŋun gi dhiburtha alaŋ dhina dhipa dhina dhan Al Faraat; a ŋau ŋuŋun urde, dilgeta dhai momaŋ dha maluuk lina lidhi kalo gina gathin aŋin alidha. 13 A nyi gwaŋadhi nyurinya thiril nyina nyiro ŋinena lido lituiya gi ŋwinyu ŋwa dhuma, a gi ŋwinyu ŋwa kowaŋ, a gi ŋwinyu ŋwa nebi gwina gwiro gwidhuŋun. 14 A ŋediŋa liro digirim da nyuriny lina lathapai ŋiro ŋina ŋipiŋipa, nyina nyathituiya gi maluuk alaŋ la gidhila a liji peth lina lathinje ganu, dili wureje liduŋw dilrinyiye gi lamun ibile lina linaŋ lina liro lamun la Kalo gina guthi ŋoma ŋidi alaŋ peth. 15 Aŋadhi, nyi gwila gwiro ŋinena gwuram. Kwiji gwiŋir dhugore gwina gwaje galo je jai, a ŋwudima ciraŋa juŋun, dathuŋw idhi galo ŋwumirinya di ŋediŋa aŋa dhara dhuŋun no. 16 A ŋeda wureje ŋediŋaije liduŋw gi kalo gina gathilaici gi dhuŋun dha Ⓐibraaniiya Harmajaduun.
17 A malaak gwina gwiro nimra kworoŋo‐thiril baleje ŋida ŋina ŋijo kora ganu guŋun karun alaŋ; a ŋwal tuiya ŋwina ŋwipa gi hekal gwa Sama, a gi kursi, ŋwina ŋwarnu, Dhuŋun dhimaro peth di. 18 A ŋwal je, a mirini ganu gwa lirainy, a iga ya lirainy, a kalo ube galo gwuleny gati gubo galo giro ŋinena ube galo ibigwa gwina gwinaŋ gwuleny ro dina man liji je kidhila no. 19 A mediina gwina gwinaŋ ro agsaam ganu thiril, a limediina la liumam ide, a Baabil gwina gwinaŋ aŋidhanini gi je ganu ja Kalo, duŋwdhedha finjaan gwa khamra ga ke ganu gwa kadhugore gwuŋun. 20 A jaziira peth abire, a athi ŋwen bujinu no. 21 A ŋwudum ŋwa kau ŋwina ŋwinaŋ ida gi Sama gi liji alaŋ, a ludum leta leta uthi yecuŋw gwuŋun gwiro ŋinena wazan, a liji lo Kaloŋa gi dhuŋun dha ŋirainy ŋa ŋwudum ŋwa kau, ŋinena uthi ŋirainy ibiŋe ŋwuredenya ŋwina ŋwinaŋ gwuleny.