1 Liyǝŋgǝri liinyi ṯɔgwor ṯiinyi ṯir sɔɔrɔm beṯṯen ki-lizi liinyi, mindaŋ ǝṯi-nyji ǝricci Allah kiyiiriny ethi kilaaw. 2 Nyii kwǝthi ŋɔma ethi-ŋi ɔnḏi kii ŋǝni ŋeeŋen ethi aarɔŋw, lǝthi sɔɔrɔma beṯṯen kwǝthi Allah, laakin liti lǝthi ṯilŋiṯṯana ṯir rerrem mac. 3 Kaka nithimthir-gwɔ ŋirllalɔ ŋǝṯiila naanɔ-gwɔ Allah, ǝṯirsi naŋni ŋa ŋǝthi rɔgwor reeŋen, nǝ ǝṯireere ǝmmini ṯaay ṯǝthi ŋirllalɔ ŋǝthi Allah mac. 4 Kaka mǝgwɔ Kwɔrɔstɔ rimthithi Sherii@a kworo, mindaŋ mɔŋw ǝthi kweere ṯǝmminǝ-tǝ, gwɔ suuɽunni.
Ŋiglǝthǝ ŋǝthi lizi tatap.
5 Nǝ Muusǝ lɔ ŋiɽaŋali ŋǝthi kwizi ŋgwa kwǝṯisi ǝrri ŋirllalɔ ŋǝccinǝ ki Sherii@a-la nɔŋwaarɔŋw, “Kweere nyithak kwǝsi ǝrri ŋa ŋǝthi waamir wǝthi Sherii@ǝ ŋwɔ-ŋi miithi.”
6 Laakin ŋirllalɔ ŋa ŋǝccinǝ ki-ṯǝmminǝ-lǝ nǝraarɔŋw. “Ǝṯeere aarɔŋw mac ki-ṯɔgwor-na ṯɔɔŋwa-ŋw, ‘Ǝyǝ kwɔrɔ kwɔdallɔ ki-leere-na?’ ” (Ŋǝniŋw ethi dappisa Kwɔrɔstɔ-ŋwlɔ.) 7 Alla “Ǝyǝ kwinḏi ethi ɔɽi lac-lac?” (Ŋǝniŋw ethi dallisa Kwɔrɔstɔ-ŋw ki-ŋirany-na.) 8 Laakin nǝroro ŋɔ ŋaarɔŋw-ŋiŋw, “Ŋiɽaŋal ŋinaanisa-ŋa keṯṯok, ki-ṯuunyu-nǝ ṯɔɔŋwa, nǝ ki-ṯɔgwor-na ṯɔɔŋwa tok.” (Ŋǝniŋw ŋiɽaŋal ŋǝthi ṯǝmminǝ ŋǝṯiny-ŋi aari nyiiŋǝ bǝshirǝ.) 9 Kaka mǝsi ruwǝzǝlɔ ṯuunyu-thi ṯɔɔŋwa ethaarɔŋw Yǝcu kwir Kweeleny, na mǝ ǝmmini ki-ṯɔgwor-na ṯɔɔŋwa ethaarɔŋw kwɔmǝ Allah diiɽǝ ki-ŋiɽany-na tǝ a kilaaw. 10 Kaka nǝṯi-gwɔ kwizi ǝmmini ṯɔgwor-thi ṯuuŋwun mindaŋ ǝṯɔŋw suuɽunni, nǝ mɔŋwsi ruwǝzǝlɔ ṯuunyu-ṯhi ṯuuŋwun tǝ ǝṯɔŋw kilaaw. 11 Nǝ Kiṯaab Kirllinǝlɔ ter aarɔŋw, “Kwiti kweere mac kwǝṯi ǝmminci ŋunduŋw mindaŋ ethi-mǝ ṯɔrony yee-na kwokwony.” 12 Kaka niti ninaanɔ-gwɔ fǝrig kweere mac ki Yahuuḏ-nǝ ŋundu-ŋǝ Yuunaaniiyyiin-yi; nǝ Kweeleny-ṯǝ ŋgwa kwette-kwette, nɔŋworo Kweeleny kwǝthi tatap, nǝ ǝṯɔŋwsi inḏǝthǝ kila tatap ŋɔrṯɔwa ŋuuŋun lǝṯi ɔrnɔṯi ŋunduŋw. 13 Kaka ŋaarɔŋw, “Mǝ kweere nyithak aari kiyiiriny yiriny-yi yǝthi Kweeleny ŋwɔ kilaaw.”
14 Laakin ǝri-mǝ aari ŋgwa kiyiiriny aŋgwɔrɔ kwiti kwǝmminicǝr mac? Nǝ lǝmminici ŋgwa aŋgwɔrɔ kwiti kwɔmǝr-gi neŋne kǝzir weere mac? E-ta ǝri-mǝ neŋne aŋgwɔrɔ liira kwizi-nǝ kweere ethisi ǝccǝ bǝshirǝ? 15 Nǝ lizi laari bǝshirǝ aŋgwɔrɔ mǝrseere ɔɔsi mac? Kaka nɔlɔɔthɔnar-gwɔ ŋa ŋaarɔŋw, “Athrɔ ŋwaara ŋwir-mba ŋwisaaw ŋwɔthi kila lǝṯi aari bǝshirǝ ŋiɽanali ŋisaaw!” 16 Laakin nǝreere iinyici tatap lnyjiilǝ naana mac. Kaka naarɔ-gwɔ Isha@ya-ŋw, “Kweeleny ǝyǝ kwɔmǝsi ǝmmini ŋa ŋiniŋna-ŋwsi naaniny-gwɔ?” 17 Ŋwɔṯaŋw ǝṯi ṯǝmminǝ iila ŋiɽanal-ŋi ŋa ŋiniŋninǝ, na ǝṯi ŋiɽanal iila mǝ Kwɔrɔstɔ ǝrinni bǝshirǝ.
18 Laakin nyii ŋgwɔ kwɔṯalɔ nǝnyaarɔŋw: Ŋiti ŋimǝrsi neŋne mac-a? Imba ŋimǝrsi-pǝ neŋne rac rerrem. Kaka ŋandisasi Kiṯaab ŋaarɔŋw-ŋiŋw,
“Rogɽo reeŋen rimǝ faathitha wurǝyuŋi naana tatap,
nǝ ŋiɽaŋal ŋeeŋen ɔppathi tok ṯurmunǝ naana ndendeṯ.”
19 Ethi-nyii-ṯi aaɽi nyɔṯalɔ kwokwony: Ŋiti ŋilŋithisi Israa-iil mac-a? Kerreny nǝ Muusǝ aarɔŋw,
“Nyii kwɔŋǝsi ruusi ligii ŋiɽany lizi naana kila lirtalɔŋw,
ŋǝsi ruusi lǝriyǝ lizi naana kila lir yǝɽiyǝŋ.”
20 Nǝ ŋwɔṯaŋw tok nǝ Isha@ya oro kwuugwul beṯṯen ethaarɔŋw,
“Limǝ-nyii kaṯṯasi kila liti linaŋna-nyii-lɔ mac;
nǝnyji ruwǝcci rogɽo-lɔ riinyi kila liti lɔṯɔnygalɔ mac.”
21 Laakin nɔŋwsi andasi ŋǝthi Israa-iil nɔŋwaarɔŋw, “Aŋwɔnɔ ki-leere min-min ǝṯi-nyii ǝllici lɔdɔrllathɔ nǝ luuɽu yǝninǝ tok rii-na riinyi balbal.”