Bɔɔlɔs-ŋǝ yaavɔr-yi yir ter.
1 Mǝ yithlǝ ere wrii-kwaɽiŋan, nǝnyaaɽitha Urshaliim kwokwony Barnaaba-gi kwɔmɔlthanna Ṯiiṯus-ŋwɔ tok. 2 Ninyǝni kwinḏi kaka nurwǝccǝ-nyji-ŋwɔ Allah-lɔ etheele. E-ta nǝnyii ɔɽɔmaṯṯi dɔŋw rɔ-asa-ri cuk-cuk, mindaŋ nǝnyji ilŋithini ŋiɽaŋali ŋǝthi Inyjiil wǝccǝny-yi Umama bǝshirǝ. Ninyeere naŋni ŋothɽor ŋiinyi ŋǝthi kerreny-ŋwɔ, alla ŋǝthi kire-kirem-ŋgwɔŋw etheere ere faayitha-na mac. 3 Nɔrɔ-va kinnǝni Ṯiiṯus kwɔrɔɔmɔthiny-gi Yuunaani tok, nǝr-tǝ ere kwɔrmɔṯasi mac ethi uɽunni. 4 Laakin kaka ninaanir-gwɔ lokwo lir ŋiyaŋga ŋidiny limǝ ǝnḏǝ ki-mǝjlǝs-nǝ ŋejmethi ethi ṯǝccici hɔrriiyya wǝri wǝthi-nyii ethi Kwɔrɔstɔ-na kwǝni Yǝcu, mindaŋ ethi kǝkkici nyuŋwsi hɔrriiyya. 5 Laakin nǝnseere ǝmminici ethisi kettice ṯaay mac wala kwokwo cuk domony, mindaŋ ethi ŋa ŋir rerrem ŋǝthi Inyjiil riyǝnnici ŋaaŋwɔsi.
6 Laakin kila luruusǝrsi lɔppa; ŋǝnyji andasi ŋɔ kaka niti nɔrɔr-gwɔ duŋgwinyii ŋiɽaŋal ŋeere mac lirṯaŋ; Allah wende wǝṯi ṯǝmsi kwizi-lǝ kweere. Nǝ kila lɔppa nǝrnyii-gweere kiɽǝccǝ-lǝ ŋeere ŋir ter mac. 7 Laakin nǝrsi kǝniny elŋe ethaarɔŋw, Allah wɔmǝ-nyii inḏǝthǝ ŋothɽor ethi-ŋi ǝccǝ Umama bǝshirǝ Inyjiilǝ, kaka-ṯǝ kinaŋw ninḏǝthǝ-ŋgwɔ Bɔṯrɔs-ŋw ŋothɽor ethi-ŋi ǝccǝ Yahuuḏǝ bǝshirǝ Inyjiilǝ. 8 Kaka nɔrɔny-gwɔ kaavɔr kǝthi Umam ŋɔma-ŋi ŋǝthi Allah, kaka-ṯǝ nuŋuusǝ-ŋgwɔ Bɔṯrɔs-ŋw kaavɔr kǝthi Yahuuḏ. 9 Na mǝ Ya@guub-ŋǝ Bɔṯrɔs-gi nǝ Yuhanna tok lir riɽiithin ese ne@ma kwɔmǝnyii Allah inḏǝthǝ; nǝrnyji ṯiŋacca rii rǝthi ŋɔmath, nyiiŋǝ Barnaaba-gi, ŋǝniŋw, a kwɔmroro dɔŋw lɔtɔpɔt. Mindaŋ nǝnyii kette ŋiɽaŋali ṯuunyu ṯɔtɔpɔt, etheele nyiiŋǝ Barnaaba-gi ethi akkɔ ŋothɽor ki Umam-na, nǝ ŋunduŋǝ tǝ, ethisi akkɔ ki Yahuuḏ-nǝ. 10 Nǝ ŋa tatap ŋuṯucǝr-nyji-ŋǝlɔ, nǝroro eth-ŋi kikithaayini lɔwaaya, nǝ nǝrṯoro ŋa kǝniny tittir ŋǝṯiny-gwɔ kittisasa ṯɔgwori ṯiinyi ethisi ǝrri.
Bɔɔlɔs mɔŋgwɔ ǝrmici Bɔṯrɔs-ŋwɔ Anṯaakiya.
11 Laakin mǝ Bɔṯrɔs iila Anṯaakiya, nǝnyii ɔppɔpɔthasi ŋunduŋw ŋiɽaŋali kii, kaka nɔrɔŋw-ŋgwɔ kaṯṯi. 12 Kerreny niṯi nɔppaṯhi lɔr mac kila lɔɔsasi Ya@guub, ǝṯi Bɔṯrɔs ethne lizi-li lir Umam. Laakin mǝ lɔr kila ɔppatha tǝ, nɔŋw ruu ŋijrithǝ-ŋijrithǝ mindaŋ nǝreere ethne Umam-yi kwokwony mac, kaka nithiinya-ŋwsi-gwɔ kila lǝṯi uɽunni ŋwɔthrɔnya. 13 Mindaŋ nǝsi-ṯǝ Yahuuḏ yithaathɔ tok ǝrriŋw ŋithenya kaka ŋǝrrǝsi Bɔṯrɔs, mindaŋ nǝ Barnaaba iidǝthǝ dukwuɽ ki-ŋitheny-na ŋeeŋen. 14 Laakin minyjeese liti laami eleŋw lirllalɔ mac, ki-ŋiɽaŋal-na ŋǝthi Inyjiil wir rerrem, nǝnyii ǝccǝ Bɔṯrɔs-ŋw kiyǝnǝ yeeŋen tatap ŋwɔ, “Nɔrŋa-ma Yahuuḏi mindaŋ naaɽi nǝ nanni ŋethre ŋir kaka ŋǝthi kwette kwir Umam, neere nanni kaka Yahuuḏǝ mac, e-ta a kwǝthi ŋɔma aŋgwɔrɔ ethi kwɔrmɔṯasi Umama ethi nanni ŋethre ŋir kaka ŋǝthi Yahuuḏ?”
Yahuuḏ-ŋǝ Umam-yi ligilaaw ṯǝmminǝ-thi.
15 Aw rerrem lilŋithi-nyji ŋelŋe lir Yahuuḏ, liti lir Umam mac wigii rɔgwori. 16 Laakin ŋɔ tatap nǝnyji elŋe rac ethaarɔŋw kwizi kwiti kwǝṯi suuɽunni ŋothɽor-ŋi ŋǝthi Sherii@a mac, laakin ǝṯɔŋw suuɽunni ṯǝmminǝ-thi ethi Yǝcu Kwɔrɔstɔ-na, nyiiŋǝ tok a kwɔmǝr ǝmminici Kwɔrɔstɔ-ŋw kwǝni Yǝcu, mindaŋ mǝr suuɽunni ṯǝmminǝ-thi ethi Kwɔrɔstɔ-na, nǝreere oro ŋothɽor ŋǝthi Sherii@a mac, kaka niti-ŋgwɔ kweere mac kwǝthi ŋɔma ethi suuɽunni ŋothɽor-ŋi ŋǝthi Sherii@a. 17 Na mǝr ṯǝccici nyiiŋǝ ethi suuɽunni Allah-yi ŋɔmath-ŋi ŋǝri ŋǝthirisi ethi Kwɔrɔstɔ-na, mindaŋ nǝr kaṯṯanni ligii rɔgwori tok kaka Umama, e-ta ŋǝniŋw Kwɔrɔstɔ kwǝkkicǝ ŋikiyaŋi ŋothɽor-a? Bǝri-mǝ! 18 Laakin mǝnyii aaɽi mǝnyii acci ŋgwa kwokwony kwɔmǝ-nyii kii kerreny tuk, e-ta nyii ruusi rogɽo riinyi kaaṯi-pa ki Sherii@a-na!
19 Ŋwɔṯaŋw ŋiɽaŋal-ŋi ŋǝthi Sherii@a, ninyǝni kwaayɔ, kwǝni kwɔmǝ Sherii@a ɽeenye mindaŋ ethi-mǝ oro kwɔmiithɔ kwǝthi Allah. 20 Ŋwɔṯaŋw ninyǝni kwɔmǝr ai Kwɔrɔstɔ-gi ki-ŋwuuɽi-lǝ; ninyeere oro nyii ŋgwa kwɔmiithɔ kwokwony mac, laakin nǝ Kwɔrɔstɔ oro kwɔnaaniny-gwɔna, nǝ ŋimiitha ŋɔ ŋimiithi-nyji kire-kirem-ŋgwɔ kaŋna-na wiinyi, nǝnyii miithi ṯǝmminǝ-thi ki Tɔr-na ṯǝthi Allah, kira ṯamɽa-nyii, mindaŋ nɔŋw inḏǝthǝ nyuŋwɔ rogɽo ruuŋwun. 21 Nyii kwende kwǝṯi dirnatha ne@ma-lɔ kwǝthi Allah mac. Laakin mǝ kwizi ɔvthanni Allah-yi ŋiɽaŋal-ŋi ŋǝthi Sherii@a, e-ta ŋiti ŋǝniŋw-pǝ, Kwɔrɔstɔ kwaayi-ṯalɔ pa ceg-cegi-a!