Yǝcu kwir Rǝ-iis rǝri Rɔppa rǝthi kahana.
1 Ŋiɽaŋal ŋa tatap ŋandisarsi ŋǝniŋw, a kwǝthiri Rǝ-iisǝ Rɔppa rǝthi kahana rette rir kaka-ṯǝŋw, rinaanalɔ ki-thii ṯǝthi mɔni ṯǝthi kwɔrsi kwǝthi ŋinith ŋǝthi Allah ki-leere-na. 2 Ǝṯɔŋw akkɔ ŋothɽor kaka Rǝ-iisǝ Rɔppa rǝthi kahana Kǝzir Wirllinǝlɔ ter, ki kheme-na kir rerrem kidaɽimathi Kweeleny, kiti kidaɽiminna kwizigwunǝŋ-ŋgi mac. 3 Kaka nǝṯir-ŋwɔ alla rǝ-iisǝ-nǝ reere rɔppa rǝthi kahana ethi inḏǝṯṯǝ Allah haḏaaya-ŋwɔsi kiraama-gi; nǝ Rǝ-iis rǝri Rɔppa rǝthi kahana laazim ŋwɔthi tok kwomne kwette kwǝthi inḏǝthǝ Allah. 4 Ǝŋgi-ŋworo kwɔnaanɔ kɔnɔŋw kwurǝyulu, ǝŋgi-ŋweere oro kaahin ḏuṯ, kaka a-naanɔ-gwɔ kahana kǝṯi inḏǝṯṯǝ Allah kwomne kwǝṯi Sherii@a kwǝthi Yahuuḏ naŋni. 5 Nǝ ŋothɽor ŋa ŋǝṯisi kahana akkɔ ŋǝṯi aaɽanni suurǝ kwǝthi Ǝzir Wirllinǝlɔ ter ki-leere-na, ŋirṯa kaka ŋa ŋǝthi Muusǝ. A-naŋna-ŋgwɔ ethi daɽimatha Khemeya kǝthi Wa@ḏ, nǝ Allah ǝccǝŋw, “Aami daɽimathaŋw ŋǝmmǝŋ kaka suurǝ-ŋgwa kwɔbaaŋicar-ŋa kaayin-la.” 6 Nǝ kirem tǝ, nǝr inḏǝthǝ Yǝcu-ŋw ŋothɽor ŋǝthi kahana ŋithǝmthisi ŋeeŋen, kaka-ṯǝ wa@ḏa wa wuɽuthu Yǝcu kelgeny-na kǝthi Allah-ŋǝ lizi-li wa wuthǝmthi-lǝ wǝthi kerreny-ŋwɔ, kaka nǝccinǝ ŋgwɔ ki-wa@ḏ-la wuthǝmthi-la beṯṯen. 7 Ǝŋgi wa@ḏ wa wǝthi kerreny-ŋwɔ ere ǝthi fǝthiyǝ-nǝ mac, ǝŋgi sǝbǝb ere naani kweere kwokwony mac kwǝthi wa@ḏ wir nimrǝ kwuɽǝn.
8 Laakin mǝ Allah kaṯṯasi fǝthiyǝ ki-lizi luuŋwun e-ta nɔŋwaarɔŋw:
“Kweeleny kwaarɔŋwa,
mǝnyii uɽu wa@ḏa wiinyi wiyaŋ lizi-li lǝthi Israa-iil,
nǝ lizi-li lǝthi Yahuuḏiiyyǝ-ŋw.
9 Ŋweere oro kaka wa@ḏa wuɽuthu-nyii lugwurnǝyin-li mac,
ki-laamin-la limǝ-nyji-li mɔlta ṯii-thi ṯiinyi ki-wurǝyu-nǝ
wǝthi Mɔsir-ŋwɔ.
Kaka niti naarir-gwɔ isṯimir ki-wa@ḏ-na wiinyi mac,
minḏaŋ nǝ Kweeleny aarɔŋw, ‘Nyjeere kettice yǝy mac’.”
10 Nǝ Kweeleny aarɔŋw:
“Wa@ḏ wunḏǝr-ṯǝ wɔ winḏi-nyii ethi uɽu lizi-li lǝthi
Israa-iil ki-ŋwaamin-la ŋwinḏi ethiila wǝni-ŋwɔ:
Ǝnyji ǝnyjici Sherii@a kwiinyi ki-ŋwɔɽa-na ŋweeŋen
nǝ ǝnyji lɔcce ki-rɔgwor-na reeŋen,
minḏaŋ nyoro Allah weeŋen, nǝ ŋurduŋǝ-tǝ ǝroro lizi
liinyi.
11 A kweere ere ǝccǝ methgen @allima kwokwony mac,
wala kweere ethi ǝccǝ eŋgen-ŋwɔ, ‘Ilŋithi Kweelenyi’,
kaka ninḏir-gwɔ tatap ethelŋe nyuŋwɔ,
min ŋgwa kwir tǝmǝŋ lahaḏḏɔ kwɔppa ŋɔɔrɔ.
12 Ǝnyji iɽinyaci ŋikiyaŋ-lɔ ŋeeŋen, mindaŋ nyjeere kithaayini kwokwony ŋa ŋeeŋen ŋigii mac.”
13 Nǝ nandisasi Allah ŋǝthi wa@ḏ wiyaŋ, nɔŋwɔni kwɔmǝ ruusi wa wɔɔɽɔn wǝthi kerreny-ŋwɔ; nǝ kwomne kweere nyithak kwǝṯoro kwɔɔɽɔn nǝ kwɔmǝ emre tok, ǝṯɔŋw irṯathalɔ fita-fittak.