Ǝṯi aaɽathɔ ki-ŋɔwaay-na kwokwony mac.
1 Kwɔrɔstɔ kwɔmǝ-nyji kǝdu ethoro hɔrr! Ŋwɔṯaŋw ǝnyji ŋwaara-lɔ tetter, e-ta a ere ǝmmini ethoro lɔwaay kwokwony mac.
2 Ŋwɔṯaŋw ninyoro nyii kwǝni Bɔolɔs kwǝccǝ-ŋǝsi ŋwɔ; mǝ ǝmmini ethi uɽunni tǝ, a Kwɔrɔstɔ ere ǝthi faayitha daŋgal-na ḏuṯ 3 Kwǝnyii iirǝci kweere nyithak kwokwony kwǝmmini rogɽo-ri ruuŋwun ethi uɽunni, kaka ninḏi-ŋgwɔ ethi kǝkkini, nǝ ethisi mithǝ ŋǝthi Sherii@a tok tatap. 4 Na nǝr naani lokwo daŋgal-na lǝṯi naŋni ethi suuɽunni Sherii@a-gi, lǝni linḏi ethi uɽǝnninǝ Kwɔrɔstɔ-ŋǝli, nǝ ǝri rucci ne@ma-na tuk kwǝthi Allah. 5 Nǝ ŋǝni nyiiŋǝ tǝ, ǝṯi-nyii kittatha naanɔ-gwɔ Allah ethi ruusi nyuŋwsi lirllalɔ ṯǝmminǝ-thi nǝ ŋɔma-ŋi ŋǝthi Ṯigɽim. 6 Ŋwɔṯaŋw mǝr naani ethi Kwɔrɔstɔ-na kwǝni Yǝcu tǝ, ǝṯi ṯuuɽunnǝ ṯinaanɔ alla ṯiti ṯinaanɔ mac, ere oro ŋiɽaŋal ŋeere mac, laakin ŋa ŋir mɔhim nǝ ṯǝmminǝ oro ṯǝṯi akkɔ ŋothɽor ṯamɽa-thi.
7 Ŋaaŋa laami-pa eleŋw rac ŋǝmmǝŋ! E-ta ǝyǝ kwɔrɔ kwɔmǝ-ŋǝsi ṯiinyini ethisi ere iinyici naana ŋa ŋir rerrem mac? 8 Ṯiinyini ŋgwɔ kwiti kwinḏi naanɔ-gwɔ ŋgwa kwɔrnɔṯɔ-ŋǝsi mac. 9 Khamiirǝ kɔkɔɔɔc kǝṯi-pǝ uli yiilǝ tatap. 10 Nyii kwɔgittathi-ŋǝsi-gwɔ ki-ṯɔgwor-na ethi Kweeleny-na etheere ǝthi fikirǝ kweere kwir ter mac, illi kwiinyi ṯɔɽɔk. Nǝ ŋgwa kwǝṯi-ŋǝsi urrǝthǝ-nǝ, mɔŋw kinnǝni oro tok kaka aatha kweere, ŋwɔtǝ kaṯṯasi hɔkwɔma wuuŋwun rac.
11 Liyǝŋgǝri, ǝŋgi-nyii andaci lizi ethi unduni ŋwɔthrɔnya tǝ, na aatha kwɔrɔ kwǝṯinyii-gi lizi ǝwɽici yǝy-lɔ mindaŋ nɔrɔthɔ kirem kimaara? Nǝ ǝŋgiroroŋw tǝ, ǝŋgi ṯǝbshiir ṯiinyi ṯǝthi ŋwuuɽi ŋwɔɽɔmɔthalɔ ŋwɔthi Kwɔrɔstɔ, ere ǝnyji ṯurvǝ ṯeere mac. 12 Nyii kwamɽa beṯṯen etheese lizi kila lǝṯi-ŋǝsi ruunyuni, ethi illatha keereny-gi dɔṯṯɔk mindaŋ ǝŋgir ippǝnni ŋwuurǝ ŋweeŋen tok!
13 Laakin ŋaaŋa tǝ liyǝŋgǝri, lɔrnaca-ŋǝsi-pa hɔrriiyya. Laakin ǝṯi duŋgwǝcǝ hɔrriiyya waalɔ ethi kǝkki ŋaaŋwɔsi sɔɔrɔm-gi kwǝthi yaŋna yaalɔ mac. Laakin ǝṯi kǝniny mǝccǝthisi-nǝ wɔɽe-wɔɽeny ṯamɽa-thi. 14 Kaka nirattathi-gwɔ Sherii@a tatap ki-ŋiɽaŋal ŋɔtɔpɔt ŋǝniŋw, “Ǝṯi amɽi jaara kwɔɔŋa, kaka nǝṯi-gwɔ amɽi rogɽo rɔɔŋwa.” 15 Laakin mǝ yathisi-na wɔɽe-wɔɽeny nyǝgǝp-nyǝgǝp tǝ, iisar-mba aŋratha etheere irnathisi-na mac.
Ṯigɽim ṯǝthi Allah-ŋǝ aŋna-yi.
16 Nyii kwǝccǝ-ŋǝsi-mǝ ŋwɔ, ethi-ŋǝsi Ṯigɽim iili ki-ŋethre-na ŋaalɔ, mindaŋ mǝseere ǝrri ŋǝthi sɔɔrɔm kwǝthi aŋna mac. 17 Kaka nǝṯi-gwɔ sɔɔrɔm kwǝthi aŋna oro ṯuwǝn ŋiɽaŋal-ŋi ŋa ŋǝṯisi Ṯigɽim naŋni, nǝ sɔɔrɔm kwǝthi Ṯigɽim ǝṯɔŋworo ṯuwǝn ŋiɽaŋal-ŋi ŋa ŋǝṯisi aŋna naŋni. Ŋiɽaŋal ŋɔ ŋir ŋiɽǝn, ŋǝṯi rɔɔthathisi-na ṯuwǝn, ǝṯir-ŋǝsi-mǝ ṯiinyini ethisi ǝrri ŋa ŋǝṯisi naŋni ethisi ǝrri. 18 Laakin mǝŋǝsi Ṯigɽim mɔlotto tǝ, neere kǝkkini Sherii@a-gi mac.
19 Nǝ ŋothɽor ŋǝthi aŋna oro ŋɔ ŋilŋithina-lɔ por-por ŋir-ŋiijin, ŋǝrṯǝmbǝl, ŋisǝrmuuṯ, 20 ṯɔgwɔccalɔ ṯǝthi riiɽu, ŋozŋor, ŋuwǝzǝ, ŋǝryǝ, kee ŋiɽany, urǝzi ṯɔgwori, ṯamɽa ṯǝthi rogɽo, ṯundǝnnǝnǝ, ṯɔɽɔmaṯṯa dɔŋw ki-ŋǝluŋw-nǝ, 21 ŋurumthu, urlǝli, athvayini nǝ ŋithaathɔ ŋir kaka ṯǝ ŋɔ ŋǝṯirsi ǝrri. Nyii kwɔŋǝsi ulici, kaka-ṯǝ kinaŋw nuulɔcǝ-ŋǝsi-gwɔ kerreny, kila lǝṯisi ǝrri ŋɔrtɔŋw, ereere aavi ŋɔɔrɔ ŋǝthi ŋeeleny ŋǝthi Allah ḏuṯ 22 Laakin nǝ ŋwɔɔla ŋwɔthi Ṯigɽim oro ŋwɔ: ṯamɽa, ṯinyiŋlana, ŋiiɽǝnnǝ, ṯindinyanna naana, ŋimɽi, ŋisanna, ŋirllalɔ, 23 ṯǝjlinnǝ ki-rogɽo nǝ mithǝ ṯɔgwori. Ŋwɔṯaŋw nǝ Sherii@a ere naani kweere kwir ter mac kwir ḏiḏ ŋiɽaŋal ŋɔ. 24 Kila lɔrɔ lǝthi Kwɔrɔstɔ kwǝni Yǝcu, nǝrǝni limǝ ɽeenye yaŋna yeeŋen kadɔwa-gi nǝ sɔɔrɔm-gi tok kwuuŋwun, ki-ŋwuuɽi-lǝ ŋwɔɽɔmɔthalɔ.
25 Mǝr miithi Ṯigɽim-thi tǝ, ǝri irǝri tok Ṯigɽim-thi. 26 Laazim ereere piŋi rogɽo rǝri mac, ya etheere urrǝthinǝ wɔɽe-wɔɽeny mac, ya etheere kiyathisi ŋiɽany keereny mac.