1 Nyii kwɔɔracca-ŋa kiyǝnǝ yǝthi Allah, nǝ yǝthi Kwɔrɔstɔ kwǝni Yǝcu kwinḏi ethisi ǝccǝ haakima kila limiithɔ nǝ laayɔ tok, mɔŋw ruwǝnnǝlɔ Ŋeeleny-ŋi ŋuuŋun. 2 Aari bǝshirǝ ŋiɽaŋali ŋǝthi Allah. Ǝṯisi tuurǝccǝlɔ mǝsi andasi, ki-tɔɔmɔr-la tisaaw, alla titi tisaaw mac, ǝṯisi kiɽacci, nǝ ǝṯisi ulici tok, nǝ ǝṯisi ɔkkwazi ethisi firllasi-la, ǝṯisi ǝccǝ @allima ṯindinyanna-thi naana. 3 Kaka ninḏi-gwɔ lɔɔmɔr ethiila liti linḏi-li lizi ethi kettice ṯa@liima ṯisaaw yǝni mac, laakin ǝri kwakithatha sɔɔrɔmalɔ kwǝthi rogɽo reeŋen, mindaŋ ǝri ɔṯɔṯa mɔ@allmiina-na kweeŋen wɔɽeny kwuuru kwinḏisi ethisi andaci ŋa ŋǝṯi ǝmi yǝni-nǝ yeeŋen. 4 Ǝrisi ɔrlacca ŋa ŋwɔdoŋw ŋir rerrem ŋǝthisi kettice yǝni, e-ta ǝrsi kettice ŋa yǝni ŋir riŋeeroŋw-lɔ domony. 5 Laakin laazim a mithǝ rogɽo rɔɔŋwa tetter ki-ŋiɽaŋal-na tatap; ǝṯi indinyanni ṯurvǝ naana, ǝṯi akkɔ ŋothɽor ŋǝthi mɔbǝshir ŋǝthi Inyjiil, a ṯimmasi ŋothɽor kworo dap-dap.
6 Nǝ nyii tǝ, nyi-mǝ elŋece ethaarɔŋw saa@ kwiinyi kwɔmǝ iila kwǝthi-gi ele naanɔ-ŋgwɔ; tɔɔmɔr timǝ ɔppatha kirem ethi ɔrlacci ŋimiitha ŋɔ ŋwɔdoŋw. 7 Nyii kwɔmǝ ṯɔgthi ṯɔthɔgtha ṯisaaw, nǝnyii ṯimmasi kalmiṯathɔŋw kworo, nǝnyii mithǝ ṯǝmminǝ tetter. 8 Nǝ kire-kirem-ŋgwɔ tǝ, nǝnyii taŋgi ǝkkici kizǝn tir haḏiiyyǝ wǝthi ŋirllalɔ, winḏi-nyii Kweeleny kwǝthi hɔkwɔm wirllalɔ ethi inḏǝthǝ ki Laamin-la kila, nǝreere ǝni nyii dak mac, laakin kila tatap lǝṯi ǝkkici ŋunduŋw kizǝn ṯamɽa-thi ethi ruwǝnnǝlɔ.
9 Fiɽigatha ethi iila naaniny-gwɔ fittak. 10 Kaka mǝgwɔ Ḏiimaas amɽi ṯurmunǝ kɔthɔ, mindaŋ nɔŋw ɔrlacci nyuŋw ŋwɔdoŋw nɔŋweele Ṯasɔɔluuniiki; Kiriiskiis kwɔmeele Ghalaaṯiiyya, nǝ Ṯiiṯus tǝ, nɔŋweele Ḏilmaaṯiiyyǝ. 11 Luuga kwirta-ŋgwɔ dak kwɔnaaniny-gi. Mɔltha Mɔrgus-ŋwɔ ǝgiila; kaka nǝthi ŋgwɔ faayitha ethi ǝkkici nyuŋwɔ ŋothɽor. 12 Nǝ Ṯiikhiikus tǝ, nǝnyii ɔɔsi Afasuus. 13 Mǝ iila tǝ, a dimmǝnnǝ kabuuthǝ ŋga kiṯayyany-lɔ Ṯɔrwaas naanɔ-gwɔ Kaaribus, nǝ yiṯaab tok, nǝ yirna kiya rerrec yiluuthi-nyji naana, ǝsi aavinna tok. 14 Iskǝndǝr kwir kworṯo kwǝthi nɔhaas kwǝrricǝ-nyii ŋiɽaŋali ŋigii beṯṯen; ethisi Kweeleny ǝrrici ŋir kaka-ṯǝ ŋa ŋǝrrǝŋwsi. 15 Ǝṯi iidinǝ mac ŋundu-ŋgi aŋrica, kaka nǝṯɔ-ŋgwɔ ɔppɔpɔthaci nyuŋwsi ŋiɽaŋal-lɔ ŋɔmmaŋi. 16 Nǝ kinaŋw nirilli-nyii ker-kerreny ki-mahkama-na, nǝ kwizi ere kweere mac kwɔgɽǝthi-nyii naana, nǝrnyii faathaci tatap. Ethisi Allah iɽinyacalɔ ŋa ŋeeŋen! 17 Laakin nǝnyii-tǝ Kweeleny naanasi, mindaŋ nɔŋw inḏǝthǝ nyuŋw ŋɔma, nǝnyii-ŋi ǝndaci Umama tatap ŋiɽaŋali ŋǝthi Allah ŋir min-min ethisi neŋne; ŋwɔṯaŋw nǝnyii kilatha sundaŋa kworo. 18 Nǝ Kweeleny kwǝnyii-tǝ kilǝthi rac ki-ŋiɽaŋal-na tatap ŋigii, mindaŋ ŋwiili nyuŋw ki Ŋeeleny-na ŋuuŋun ŋǝthi ki-leere-naŋw. Ethi ŋinith ŋuuŋun nannatha dok-dok. Amiin.
Ṯaaginna ṯirimthithɔ.
19 Aaginnica-nyii Biriskillǝ-ŋwɔsi Akkillǝ-gi, nǝ dɔɔnɔŋw tatap kwǝthi Uniisiifuurus. 20 Araasṯus kwɔmǝ naani ŋundu Kɔɔrɔnthɔɔs, nǝ Ṯuruufiimus tǝ, nǝnyii ṯayyalɔ Miiliṯus kwuumǝ. 21 Fiɽigatha ethiila niti nɔppathi koo kinnǝni mac. Afbuulus-ŋǝ laaginna-ŋa Buuḏiis-gi, nǝ Liinus-ŋǝ Kalaafaḏiiyyǝ-gi, nǝ liyǝŋgǝri tatap. 22 Ethi Kweeleny naani ṯigɽim-thi ṯɔɔŋwa. Ethi ne@ma naani ŋa-gi.