Yaavɔr yǝthi Kwɔrɔstɔ.
1 Laazim anyji lizi ruusi yaḏaama yǝthi Kwɔrɔstɔ, nǝ liwǝkiil lǝthi ŋejmeth ŋǝthi Allah tok. 2 Nǝ ŋa ŋinaŋnathirsi liwǝkiilǝ ethoro, nǝroro ŋǝniŋw, ethoro lirllalɔ. 3 Nǝ ŋiti ŋir ŋiɽaŋal ŋeere duŋgwiny-ŋgi mac, mǝr-nyii ǝccǝ haakima ŋaaŋa alla mahkama kwǝthi ṯurmun-nǝ, nǝ nyii wɔɽe-wɔɽeny nyeere ǝccǝ rogɽo riinyi haakima mac. 4 Ŋende ŋiccinǝny-ŋi ŋeere ŋigii ki-rogɽo-na riinyi, laakin nireere ǝniŋw nyii kwɔsɔɔɽi mac. Kweeleny kwɔrɔ kwinḏi-nyii ethi ǝccǝ haakima. 5 Ŋwɔṯaŋw ǝṯeere ǝccǝ kweere haakima mac, niti ninḏi kinnǝni lɔɔmɔr mac, nǝ niti ninḏi kinnǝni Kweeleny mac, nǝ mɔŋw iila tǝ, ŋwɔ ruwǝzǝ ŋejmethi-lɔ ŋir kirim, nǝ ŋa ŋuluccunǝ ki-rɔgwor-na rǝthi lizigwunǝŋ. E-ta ǝmǝ lizi tatap aavi ṯibɽǝthǝ yiriny naanɔ-gwɔ Allah.
6 Liyǝŋgǝri liinyi, ŋandisa-nyji ŋǝthi rogɽo riinyi nǝ ŋǝthi Abɔllɔɔs tok, mindaŋ mǝr-nyji-gwɔ iisasi, mindaŋ ethiŋeere dappila ŋeere mac ŋa ŋɔlɔɔthɔna, mindaŋ meere ṯǝmsi-lǝ kweere mac ethi kwɔthaathɔ-la. 7 Ǝyǝ kwɔrɔ kwǝthi ŋɔma ethi ṯǝmsi ŋaaŋwɔsi-la ki-lithaathɔ-la? Aatha kwɔrɔ kweere kwǝthi-ŋǝ kwiti kwaava-ŋa naanɔ-gwɔ Allah mac? Nǝ maavi tǝ, nǝ a kwotho kwǝṯi piŋi rogɽo rɔɔŋwa kaka nǝṯiŋweere oro haḏiiyyǝ mac?
8 Ŋaaŋa limǝ bee! Noro lɔrṯɔ! Noro limǝlik liira-nyji-gwɔna! Athɔrɔ ǝŋgisi kǝniny mithǝ ṯǝŋw rerrem mindaŋ ǝŋgir ɔɽɔmaṯṯi tatap ki-ŋeeleny-na. 9 Nyii kwaarɔ-ŋwɔ Allah wumǝ-nyji tǝ ruusǝlɔ-ŋw lir yaavɔr ki-lizi-nǝ, ninyoro kaka ǝṯir-nyji ǝccǝ haakima ŋiɽany-ŋi, kiyǝnǝ yǝthi ṯurmun-ŋǝ limeleka-li nǝ lizi tok. 10 Ŋiɽaŋal-ŋi ŋǝthi Kwɔrɔstɔ ninyoro yǝɽiyǝŋ, laakin ŋaaŋa tǝ, nǝthi yǝnǝ ethi Kwɔrɔstɔ-na. Nyiiŋǝ lǝni lajla, ŋaaŋa tǝ, nǝni lifirlli. Nǝrŋǝsi iiɽinǝ, laakin nyiiŋǝ tǝ, nǝrnyji ǝrrǝlɔŋw. 11 Ki-saa@-la-ṯǝ ŋgwɔ nǝ-nyji yaaŋwɔ yee ǝwthǝ-yi, ǝṯi-nyii kenne lijǝŋgwuwǝ naana, nǝ ǝṯi-nyii irǝrǝlɔ liira ǝzir-nǝ, 12 ǝṯi-nyii akkɔ ŋothɽor tig-tig ethi mǝcci rogɽo rǝri. Mǝrnyji ollo ǝṯinǝsi ɔrtatha; mǝrnyji ǝwɽi yǝy-lɔ ǝṯi-nyji indinyanni naana; 13 mǝrnyji andaci ŋigii tǝ, ǝṯiny-ŋi aŋni ŋisaaw; ninyoro kaka kwomne kwǝthi ṯurmun kwǝṯir firasi, nǝ ŋaanya tok ŋǝṯirsi kagɔṯṯɔ kthaay.
14 Ŋiti ŋɔlɔcca-ŋǝsi ŋɔ mindaŋ ethi ṯɔrony mithǝ ŋaaŋwɔsi mac, laakin ethi icci ŋaaŋwɔsi ŋejmethi kaka nyɔr nyiinyi nyǝṯi-nyji amɽi. 15 Mǝ ǝthi kinnǝni mɔ@allimima kwittǝzir kwǝṯi-ŋǝsi ǝccǝ @allima ethi Kwɔrɔstɔ-na, laakin nǝtǝ ǝthi papa-ŋwɔ kwɔtɔpɔt dak. Kaka mǝnyii-gwɔ oro ṯarnyalɔ ṯaalɔ Kwɔrɔstɔ-ŋgi kwǝni Yǝcu ŋiɽaŋal-ŋi ŋǝthi Inyjiil. 16 Ŋwɔṯaŋw ŋǝsi tuurǝccǝlɔ ethi kwakithatha laara-lɔ liinyi. 17 Nǝrṯǝ oro ŋɔ mindaŋ ŋǝsi ṯiŋacca Ṯiimɔɔthaaws-ŋwɔ, kwir tɔr tiinyi tamɽany beṯṯen ethi Kweeleny-na nǝ tirllalɔ tok. Kwɔndǝr-ṯǝ kwɔŋǝsi kikithǝyini raay riinyi ethi Kwɔrɔstɔ-na, kira rǝṯiny-ri aari @allima ki-yǝniisǝ-nǝ tatap ǝzir naana wiric. 18 Kila lokwo daŋgal-na lippiŋǝ rogɽo, lǝṯaarɔŋw ki-rɔgwor-na reeŋen, nyii kwiti kwinḏi ethiila mac ethi raaŋitha ŋaaŋwɔsi. 19 Laakin nyii-ŋgwa kwiila rac fittak, mǝnyii Kweeleny ǝmminicǝ, mindaŋ mǝnyii elŋe ŋiɽaŋali yǝy-yi yiinyi ŋɔma-ŋa ŋǝthi kila lǝṯi piŋi rogɽo, nǝreere ǝni ŋiɽaŋal ŋa ŋǝṯirsi andasi mac. 20 Kaka niti nɔrɔ-gwɔ Ŋeeleny ŋǝthi Allah kandisa domony mac, laakin nǝrǝni ŋɔma. 21 Ŋindǝr ŋǝndu ŋinaŋna-ŋǝsi? Nyii kwiila souṯ-gii, alla ṯigɽim-thi ṯǝthi ṯamɽa nǝ ŋiiɽǝnnǝ?