Lu 'Dimiri'ba Parandra
1 Lu ni giti'ba taäyi vo'buyakuru ya ro;
kalaombi lui roya nda ka tavousu ndaro ozo ekye:
2 “Mìpena vure taŋgyeako si;
ago nyègyelena takozi'ba tuna mu'du eŋwanyeya?
3 Mìye taŋgye ati'bai ri ndi kyevoi yibe;
nyàgaga lemeri'bai ndi ànya se ŋgaopa ako be.
4 Mìpa ànya se mbaraako ndi lemeri'ba be,
ni drì lidri koziro ro yasi.
5 “Ami orivoya tauniako! Ago driako!
Nyenjirute kpeye takozi oye si,
ago 'bädri ka oyete ruperene.
6 Matate makye: ‘Ami orivoya lui;
vo amiro cini orivoya ŋgwai nda se Fopara Ndra ro.’
7 Oko nyòtodrana 'da oso lidri ronye;
ago mìdrana 'da oso 'dimiri'ba ronye.”
8 Nyikyi, Äye Lu, ago nyimiri 'bädri;
tana tu'dei cini orivoya miro.