Mätu ta Tu'de Oparo ta
1 Äye Lu, lu ako'bai eciyite wari miro ya.
Ànya enjiyi Yekalu alokado miro te
ago e'beyi Yerusalema te tandro ro.
2 Ànya e'beyi avo lidri miro rote koyii ri,
e'be avo ruindu'bai miro rote
koronyai vocowaro ri onyane.
3 Ànya 'bayi kari lidri miro rote orone
oso gyi ronye Yerusalema yasi,
ago 'diaza i'do avo osene.
4 Màdote ŋga uguro ro tu'dei se gbikyi ama lomvosi kayi ri,
ànya guyi ama te ago mo'doyi ama te.
5 Äye OPI, nya'dona te kyilaro ama be äduako ya?
Kyila miro orina 'du ujene oso asi ronye ya?
6 Miza kyila miro kalada tu'dei se royi mi ko ono dri,
lidri se mätuyi mi ko 'do.
7 Tana ànya tufuyi lidri miro te;
ago pereyi 'bädri miro te.
8 Nyeza ama ko ta takozii zutui amaro rota.
Mi'ba ya miro kuni ndrindri ama lomvo;
tana ama te mbaraako.
9 Mipa ama, Äye Lu, opa'ba amaro;
ta a'do'desi miro rota;
mipa ama ago nye'be ama ta takozii amaro rota
tana aro mi robe.
10 Tana e'di tu'dei kayi ama eji ekye:
“Lu amiro gaŋwaroya?”
Mi'ba mandre mi tu'dei ezavoya
ta kari ruindu'bai miro ro se korobe ana rota.
11 Nyeri leri kamba'bai ro,
ago mbara fopara miro si mipa ànya se ape vurena be odrane ro.
12 Opi, nyologo votaro tu'dei se gbikyi ama lomvosi kayi ri perena njidrieri
ta la'da se ànya ko'dayi mibe rota.
13 'Dooko ama, lidri miro, gboko timele miro ro,
màyena aro'boya 'da miri äduako
ago mä̀räṛuna mi 'da tu cini kabe ikyi ya.