Wari se Ozobe Yuda ri
1 Wari se ozobe 'bakala Yuda ro ri a'do katidrii ànyaro ro voro orivoya oso nonye: wari ànyaro sate le ŋgäṛiŋwadriro sidri ädu vocowa Zina ro ogone ŋgäṛiŋwadrisi yasi, kishwedri Edoma be ya. 2 Kishwedri ŋgäṛiŋwadrisi ono sivote ni sidri ädu Gyi'desi Täyiro ro yasi, 3 oyite ŋgäṛiŋwadriro etoni Lävuvo Akerabima ya yasi oyi gwo le Zina ya. Sivote ŋgäṛiŋwadri Kadesa Baranea ro yasi, lävute Ezerona yasi le Adara ya, gozaru gwo Kareka driro, 4 ugu oyigwo Azemona ya, ago rute drî goloŋwa se kishwedri Ezipeto be yasi ana ro ayani le Gyi'desi Mediteraneana ya. 'Doni kishwe Yuda ro ŋgäṛiŋwadrisi owo.
5 Kishwedri 'buzelesi ni Gyi'desi Täyiro, sagwo le ocivo Golo Yaradene ro kigye ya.
Ago kishwedri mä'dudrisi etote ni Gyi'desi Täyiro yasi, ocivo Golo Yaradene ro kigye ya, 6 oyigwo le Beta Ogela ya, lävugwo mä'dudri Beta Araba ro yasi; 'dooko lävugwo le Kuni Boana roya. (Boana orivoya ŋgwa Rubena ro), 7 ago ni Vodelero Akoro ro ya si le Debira ya, 'dooko zarugwo mä'dudrisi Gilegala driro, se äwumibe Lävuvo Adumima ro lama telesi vodelero ro ŋgäṛiŋwadrisi ya be. 'Dooko kishwe ugu oyigwo gyi Enesemesa roya le Enerogela ya, 8 sivote Vodelero Bena Inoma ro ogone lama telesi lutu ro ŋgäṛiŋwadrisi yasi le 'bakici Jebusa'bai (se ni Yerusalema ana) ya. 'Dooko kishwe ugu oyigwo driyaro le dridopi lutu roya ogone lama telesi aŋgoyasi Vodelero Inoma ro yasi, sidri ädu Vodelero Refaima ro ogone mä'dudrisi ya. 9 Ni nasi oyite le gyi legwavo Nefetoa roya, ago le 'bakicii se lototi 'Bereŋwa Eferona ro lomvo ana ya. Ni nasi gozarute Baala (anjioko Kiriyata Jerima) driro, 10 se lepite aŋgoya Bala ro yasi ogone 'bädri lutu ro Edoma ro driro, ugu oyigwo mä'dudri 'Bereŋwa Jerima (anjioko Kesalona) ro yasi, le Beta Semesa ya, ago lävugwo le Timena kundu si. 11 'Dooko kishwe ugu oyigwo le lutu se mä'dudri Ekerona roya driro, ago zarugwo Sikerona driro, lävu 'Bereŋwa Baala gwo, ago ugu oyigwo le Jamenia ya. Kyi kyete Gyi'desi Mediteraneana kala. 12 Kishwedri se aŋgoyasi ni Gyi'desi Mediteraneana kala. Vose lidri katidrii Yuda ro ro koriyibe kigye kishwedri nai ni wo.
Kaleba Pe Eberona ndi Debira be te Ṛe
(Vureope'bai 1:11-15)13 Oso Opi kota Yosua be ronye, nda ozo telesi wari Yuda ro rote kaleba ŋgwa Jefune ro ni 'bakala Yuda ro yasi ri. Kaleba ru Eberona se sedri äzite kiriya Araba ana te Araba orivoya täpi Anaka ro. 14 Kaleba nja zelevoi Anaka rote ni 'bakici ana yasi, käläsikalai Sesai, Aimana ndi Talamai be ro. 15 Ago ni nasi nda oyite lidri se koribe Debira ya gotane. ('Bakici ono kyenona äzi ävuruna te Kiriyata Sefera.) 16 Kaleba atate ekye: “Nda se aza kabe Kiriyata Sefera gota ago kabe uruna, mozona ŋguti maro Akasa ndi toko ro ndäri.” 17 Ago Oteniela ŋgwa Kenaza ädrupi Kaleba ro ro, ru 'bakici ana te, ta'dota Kaleba ozo ŋguti iro Akasa te toko ro ndäri. 18 Tu lagye ogyero si Oteniela gbiri Akasa te täpi anyaro Kaleba ejine ta gyini rota. Akasa odote ni doŋgyi anyaro drisi, ago Kaleba eji anya te ekye: “Mile e'di ya?” 19 Anya zatadrite ekye: “Nyozo ŋgapäṛi märi tana wari se nyozobe märi Negebe ya ono orivoya awiro nyozo koro gyi ro kpa märi” Ta'dota Kaleba ozo koro gyi ro kurulesi ndi vurulesi be te anyari.
'Bakicii Yuda ro
20 Ono ni wari se 'bakala Yuda ro kurube a'do katidrii anyaro ro voro owo. 21 'Bakicii se le ogone ŋgäṛiŋwadrisi kai ozote ànyari, se orivoya loto ti kishwedri Edoma be ya, se ni Kabezela, Edera, Jagura, 22 Kina, Dimona, Adada, 23 Kedesa, Azora, Itenana, 24 Zifa, Telema, Balota, 25 Azora Adatata, Keriota Ezerona, (anjioko ni Azora), 26 Amama, Sema, Molada, 27 Azara Gadea, Esemona, Beta Feleta, 28 Azara Suala, Beraseba, Biziotiya, 29 Baala, Ima, Ezema, 30 Eletolada, Kesila, Orema, 31 Zikelaga, Mademana, Sanesana, 32 Lebaota, Silima, Aina, ndi Rimona be: 'bakicii vona cini orivoya 'buteritu fonjidriesu, ndi 'ba'desii se gbikyi lomvoigyesi iyi be.
33 'Bakicii se lutui pasi ni Esetaola, Zora, Asena, 34 Zanoa, Eŋganima, Tapua, Enama, 35 Jaremuta, Adulama, Soko, Azeka, 36 Saraima, Aditaima, Gedera, ndi Gederotaima be: 'bakicii orivoya 'butealo fosu, ndi 'ba'desii se gbikyi lomvoigyesi iyi be.
37 Ago azakana kpa ni Zenana, Adasa, Migedalegada, 38 Dileana, Mizepa, Joketela, 39 Lakisa, Bezekata, Egelona, 40 Kabona, Lamama, Kitelisa, 41 Gederota, Beta Dagona, Naama ndi Makeda be: 'bakicii orivoya 'butealo fonjidrialo ndi 'ba'desii se gbikyi lomvoigyesi iyi be.
42 Ago azakana kpa ni Libena, Etera, Asana, 43 Ifeta, Asena, Neziba, 44 Keila, Akeziba, ndi Meresa be: 'bakicii orivoya njidriesu ndi 'ba'desii se gbikyi lomvoigyesi iyi be.
45 Ago Ekerona ndi 'ba'desii ndi 'baŋwai anyaro be, 46 ago azakana ni 'bakicii ndi 'ba'desii se cini loto Asedodo lomvosi iyi be, etoni Ekerona yasi le Gyi'desi Mediteraneana kala.
47 Ago azana ni Asedodo, 'ba'desii ndi 'baŋwai anyaro be Gaza ndi 'ba'desii ndi 'baŋwai anyaro be sagwo le goloŋwa se kishwedri Ezipeto be ya ana ya ago le Gyi'desi Mediteraneana kala.
48 Ago 'bädri lutu ro yasi ni Samira, Jatira, Soko, 49 Daana, Kiriyata Sefera, (anjioko ni Debira), 50 Anaba, Esetemoa, Anima, 51 Gosena, Olana, ndi Gilo be: 'bakicii orivoya 'butealo foalo, ndi 'ba'desii se gbikyi lomvoigyesi iyi be.
52 Ago azana ni Araba, Duma, Esana, 53 Janima, Beta Tapua, Afeka, 54 Umeta, Eberona, ndi Ziora be: 'bakicii orivoya njidriesu, ndi 'ba'desii se gbikyi lomvoigyesi iyi be.
55 Ago Maona, Karemela, Zifa, Juta, 56 Jezerela, Jokedeama, Zanoa, 57 Gibea, ndi Timena be: 'bakicii orivoya 'butealo ndi 'ba'desii se gbikyi lomvoigyesi iyi be.
58 Ago Alulu, Beta Zura, Gedora, 59 Maarata, Betanota, ndi Eletekona be: 'bakicii orivoya njidrialo ndi 'ba'desii se gbikyi lomvoigyesi iyi be.
60 Ago Kiriyata Bala, (anjioko ni Kiriyata Jerima), ndi Raba be: 'bakicii orivoya ritu ndi 'ba'desii se gbikyi lomvoigyesi iyi be.
61 Ago vocowa ya ni Beta Araba, Midina, Sekaka, 62 Nibesana, 'Bakici Täyi ro, ndi Eŋgedi be: 'bakicii orivoya njidrialo, ndi 'ba'desii se gbikyi lomvoigyesi iyi be.
63 Oko lidri Yuda ro a'dote mbaraako Jebusa'bai se koribe Yerusalema ya kai onjane. Jebusa'bai kai drigi ori lau lidri Yuda ro lako Yerusalema ya madale tu ono si.