Mätu Lu ri Takozi'bai Ezane
1 Inye'do nyàta ta'diri ndiya ami 'dimiri'bai?
Inye'do mìpe vure lidri cini ro ndi kadoro ya?
2 Hwa! Nyà gialo taundiro usuna ayani,
ago nyà taoye siomba si 'bädri ya.
3 Lidri undiro ka ugu ŋgakozi oye ṛoni ya endre ro yasi;
ànya eto takozi oye ago koweoga te ṛoni tuse äti ànya be si.
4 Ànya orivoya äṛi be oso äṛi ini ro ronye;
ànya tisiyi bi ànyaro te oso ŋbuŋbu ronye,
5 se eri drî 'dise kyere ini robe ro kote,
ago eri loŋgo oŋgo tetedri'ba tauniekye ro kote.
6 Nyotoŋgo si ànyaro Äye Lu,
miŋgo si kyaṛa ibii kwoi ro, Äye Lu.
7 Mi'ba ànya konaruyi oso gyi kabe udi lozo ronye;
ago ijinyi ànya oso kaŋwa liti dri ronye.
8 Mi'ba ànya ka'doyi oso tosolo'boi se kayibe votore ronye;
ago oso ŋgwa se ätibe avoro se kondre ŋgaeyi kote alona 'do ronye.
9 Teinye ànyari tana uniako, otoga ànya te vuru oso kawà ronye;
ozi kyila ndaro rosi Lu onjana ànya 'da cowa
ànya ka'doyi dri gica lidriidriro owo.
10 Taŋgye'bai a'dona 'da yai'dwesi ondro ànya kondreyi ate takozi'bai eza owo;
ànya abanayi 'da kari takozi'bai ro yasi.
11 Lidri atana 'da ekye: “Endaro ozo päläti taŋgye'bai rote;
Lu orivoya endaro se kani vure 'bädri ro opena.”