Loŋgo Räṛu ro
1 Nyìkyi, mì'de märäṛu OPI!
Mì'de màŋgo loŋgo riyä si Lu, se kabe ni ama gaga ono ri.
2 Mì'de mìkyi nda kandra aro'boya be
ago màŋgo loŋgoi räṛu ro ndäri riyäsi.
3 Tana OPI ni Lu mbaraekye yi,
ago 'bädri'ba mbaraekye yi lui cini drisi.
4 Nda kani 'bädri cini miri,
ni kugyi ociekye yasi le lutui ogwaekye ya.
5 Nda kani gyi'desi, se nda ko'babe miri;
ndi gyini, se andivo ndaro ko'babe be.
6 Nyìkyi, mì'de mändi ago mämätu nda;
mi'de masokaya OPI, O'ba'ba amaro kandra.
7 Tana nda orivoya Lu amaro;
ama orivoya lidri se nda kabe tana otina owo,
ago äṛigboko se nda kabe ecana yi.
Ondro ono nyeri tase nda kabe atana ekye:
8 “Nya'do ko taeriako, oso zutui amiro ronye Meriba ya,
oso ànya be orivoya tu ana si vocowa Masa ro ya ana ronye.
9 Lau ànya ojoyi ta maro te ago triyirute mabe,
ànya ndreyi tase mayebe ànyari gica owo.
10 Lidri kai okwayi ma te ndroa na 'butesu.
Matate makye: ‘ànya orivoya taoroako!
Ànya gayizo ta maro orone.’
11 Ma'dote kyilaro ago ma'ba tao'ba lämu'duro te makye:
‘Ànyari ocine wari se malebe ozone ànyari
loliza ya te i'do alona.’ ”
© The Holy Bible in Moru © The Bible Society in the Sudan, 2000