Mätu ta Ŋgaopa rota
1 Nya'do yauni be märi, Äye Lu, nya'do yauni be märi,
tana ma ikyi ruda'do mire.
Lindri kufu miro roya ma ruda'dovo uṛi
madale oligbiriṛi be okyena gwo.
2 Ma driayo Lu Foparandra ri,
Lu se kani täbiri maro ŋgana cini ozona ono.
3 Nda ezona ŋgaopa 'da ni vo'buyakuru yasi
nda opena ma eza'bai 'da ṛe.
Lu ka'dana ŋgalu 'duro ndaro ndi a'do'diri be 'da märi.
4 Ma orivoya kitoriya Kyila'baazii maro roya,
ànya oso ibii se kayibe ugu lidri onya ronye.
Sii ànyaro laba oso äzui ndi ätui be ronye;
ladra ànyaro laba oso bandoi kyaka'daro ronye.
5 Nyaka'da 'desipara miro vo'buyakuru ya, Äye Lu,
ago mi'ba a'do'desi miro kado 'bädri cini dri.
6 Kyila'baazii maro 'beyi kyimba te märi;
rriti mudri maro te.
Ànya 'diyi 'bu te liti maro dri,
oko andivo ànyaro 'deyite kigye.
7 Mayi ta maro 'du miya, Äye Lu,
mayi ta maro 'du miya!
maŋgona loŋgo ago märäṛuna mi 'da!
8 Mipi mi, lindri maro!
Mìpi mi, lekyembe maro ndi yeṛi be!
Meteŋgana kitu 'da.
9 Mayena aro'boya 'da miri, Äye Opi, tu'dei lako.
Märäṛuna mi 'da lidri lako.
10 Tana ŋgalu 'duro miro ka osa vo'buyakuru ya;
a'do'diri miro ka vokurui odo.
11 Nyaka'da 'desipara miro vokuru ya, Äye Lu,
ago mi'ba a'do'desi miro ka'do 'bädri cini dri.
© The Holy Bible in Moru © The Bible Society in the Sudan, 2000