'Dimiri'ba Fondra
1 Nyutu drì amiro, ami lidri cini ono!
Nyä̀räṛu Lu loŋgo oŋgo amba riyä rosi!
2 OPI, ni Para Fondra, turine;
nda orivoya 'bädri'ba 'desi yi, 'bädri cini dri.
3 Nda 'ba lidri cini ni drikaca amaro zele;
ago nda 'ba ama ni tu'dei opene ṛe.
4 Nda nji wari te ämäri orizana kigye,
ago ma'dote driuŋgyibe tana ro ama zelevoi Yakoba ro Lu lu tawi.
5 Lu kate utu kuru giti ndaro dri otre riyä ro orivoya,
ago avo cekuṛe te ondro OPI kate utu kuru owo.
6 Mìŋgo räṛu Lu ri, mìye räṛu!
mìŋgo räṛu 'bädri'ba amaro ri, mìye räṛu!
7 Tana Lu ni 'bädri'ba yi 'bädri cini dri;
nyä̀räṛu nda loŋgo oŋgo si!
8 Lu kani tu'dei cini miri,
nda ka ori giti alokado ndaro dri.
9 'Dimiri'bai tu'dei ro mimbikalate
lidri Lu Abarayama ro robe.
Tana 'bädri'bai 'bädri ro ni Lu ro;
nda ni se fondra owo.
© The Holy Bible in Moru © The Bible Society in the Sudan, 2000