Mätu ta Ŋgaopa rota
1 Ni 'buociekye rriti ro yasi ma driayo miri Äye OPI;
2 Nyeri läzi maro, Äye OPI;
nyeri rulo'ba maro ta ŋgaopa rota.
3 Ondro aba nyegyi takozii amaro gwo egyi,
a'di unina ni ŋgaopane ni vure risi ya?
4 Oko nya ama e'be e'be takozi ta,
tana màro aro mi robe.
5 Ma OPI kwote ya cini si ŋgaopa ta,
ago ma taoyi ata ndaro ya.
6 Ma OPI kwote
ya cini si ndrani vookwa'bai kabe 'buzevoosi kwote drisi.
7 Ami Yisaraele'bai mìyi ta OPI ya,
tana ŋgalu ndaro orivoya 'duro
ago nda orivoya ole be 'diopane.
8 Nda opana lidri Yisaraele ro 'da ni
takozii cini ànyaro risi.
© The Holy Bible in Moru © The Bible Society in the Sudan, 2000