Lu Räṛu Takado Ndaro ta
1 Ondro ka'do OPI ka ko ni zo obe,
losi zo obe'bai ro orivoya ta awi yi;
ondro ka'do OPI ka ko ni 'bakici gaga,
edre vookwa'bai ro vookwane orivoya ta awi yi.
2 Oŋgane kyenoŋboci ago oyine u'dune le
liyaro ta losi oyero mbara si ta orivoya ta awi yi.
Tana OPI kani ŋga ozo ànya se nda kulu be ri,
ondro ànya ku'duyite owo.
3 Ŋgwai orivoya ŋgapäṛi yi ni OPI resi,
ànya orivoya äṛu yi ni nda resi.
4 Ŋgwàagoro se ätibe mano aza ri agoanji si.
Laba oso ätui kyila'ba rigye ronye.
5 Mano se ka'dobe ätu be amba ni kado!
Apena nda ko ṛe alona
ondro nda kotaru ca kyila'baazii ndaro be vo vureope roya owo.
© The Holy Bible in Moru © The Bible Society in the Sudan, 2000