OPI ni Gaga'ba Amaro
1 Ma voondre 'bereŋwa dri;
ŋgaopa maro ikyina 'da ni eŋwaroya?
2 Ŋgaopa maro kikyi ni OPI resi,
nda se ko'ba vo'buyakuru ni ndi 'bädri be ono.
3 Nda o'bana mi ko lapane;
gaga'ba miro orivoya ondoalo miuŋbo.
4 Gaga'ba Yisaraele ro
pana ko ago u'du ko alona.
5 OPI ni lepe'ba miro;
nda orivoya gaga'ba miro gbo miro ya vo miro okwane.
6 Kitu ri mi ozane kitu si i'do,
ca imba ŋgakozi oyene miri ŋgäkyi si i'do.
7 OPI gagana mi 'da
ni ŋgakozi cini risi,
nda o'bana mi 'da orine londroro.
8 OPI gagana mi 'da oyivoya ago egovoya
ṛo ni yauono ago le äduako.
© The Holy Bible in Moru © The Bible Society in the Sudan, 2000