Loŋgo Räṛu ro
1 Mìŋgo loŋgo riyäsi OPI ri ami 'bädri cini!
2 Nyìnduru OPI ri riyä si,
nyìkyi nda kandra loŋgo be!
3 Mìni nonye OPI ni Lu yi,
Nda 'ba ama ni, ago ama orivoya ndaro;
ama ni lidri ndaro, ama ni gboko ndaro.
4 Mìci dereŋwai Yekalu ro yasi aro'boya be;
nyòyi gokoi ndaro yasi räṛu be.
Nyòzo aro'boya ndäri ago nyä̀räṛu nda.
5 Tana OPI ni kado;
ŋgalu 'duro ndaro äduako,
ago taŋgye ndaro ka ori äduako.
© The Holy Bible in Moru © The Bible Society in the Sudan, 2000