Tu OPI ro Kate Ikyi
1 OPI Mbaraekye ekye: “Tu kate esa, se azana vo 'da asi emeekye si ago lidri se cini driuŋgyi be ago taundiro oye'bai ujenayi 'da oso kyekyepa ronye. Tu ana si ànya ujenayi 'da kpeye, ago 'boloto ànyaro azana e'bena ko. 2 Oko ami se nyàbe ma oro ono ri, mezina ŋgaoparo 'da ämidri oso kitu ronye ago ezina ŋgaede 'da ämiri oso ŋgaeyi kitu ro ronye. Nyà'dona 'da dritai ro loŋga be oso ti ŋgwà kabe efo ni 'balata yasi 'do ronye. 3 Tuse mate taoye maro oyena si, mìtona takozi'bai 'da pa si, ago ànya a'donayi 'da oso durufu ronye pakätäti amiro zele.
4 “Mìyi ta ŋgaemba ruindu'ba maro Musa ro ndi, tase marabe ndi ota se mozobe nda rigye 'Bereŋwa Sinai dri lidri cini Yisaraele ro ri orone ana tana be.
5 “Oko käti teinye dri tu 'desi ago rritiro OPI ro ono ri esa ako, mazona nebi Eliya 'da amire. 6 Nda ogo dro'bena täpii ndi ŋgwai be 'da kpa to'dina voaloya; ukyi mikyi mepere 'bädri amiro 'da latrisi.”
© The Holy Bible in Moru © The Bible Society in the Sudan, 2000