Yosua 19 - The Holy Bible in Moru (BAIBOLO ALOKADO) (MB)

Wari se Ozobe Simeona ri

1 Wari ṛiri 'dete katidrii 'bakala Simeona ro ro ri. Wari na kyi cite le wari se ozobe 'bakala Yuda ro ri ana ya. 2 Kyi ru Beraseba, Seba, Molada, 3 Azara Suala, Bala, Ezema, 4 Eletolada, Betula, Orama, 5 Zikelaga, Beta Marekabota, Azara Susa, 6 Beta Lebaota, ndi Saruena be: 'bakicii orivoya 'butealo fonätu, ndi 'ba'desii se gbikyi lomvoigyesi iyi be.

7 Ago azana kpa ni Aina, Rimona, Etera, ndi Asana be: 'bakicii orivoya su, ndi 'ba'desii se gbikyi lomvoigyesi iyi be. 8 Ono loci 'ba'desii se cini gbikyi 'bakicii kwoi lomvosi te kigye sagwo le Balata Bera ya, (anjioko ni Rama se ŋgäṛiŋwadri ana). Ono ni wari se katidrii 'bakala Simeona ro kurube 'duro ànyari owo. 9 Wari 'bakala Simeona ro ro cite le wari 'bakala Yuda ro roya wari se ozobe 'bakala Yuda ro ri ka'dobe 'desi ndrani aba se ozone drisi ana ronye, ozo telesi wari na rote 'bakala Simeona ro ri.

Wari se Ozobe Zebuluna ri

10 Wari nina 'dete katidrii 'bakala Zebuluna ro ri. Wari se ànya kurube kishwena sate le Sarida ya. 11 Ni nasi kishwe oyite aŋgoya le Mareala ya, kyi do gi Dabeseta, ndi goloŋwa se 'buzele Jokeneama roya ana be. 12 Ago ni Sarida yasi 'buzelero le kishwedri Kiselota Tabora be ya, 'dooko kyi gwo Daberata ya ago le Jafia ya. 13 Ni nasi ugu oyigwo 'buzelero le Gata Efera ndi Etekazina be ya, gozarugwo Nea driro le liti se kabe oyi Rimona ya ana dri. 14 Kishwe mä'dudrisi ya zarute Anatona driro, äduna kyi kyete Vodelero Ifetaela roya. 15 Kyi ru Katata, Nalala, Simerona, Idala, ndi Beteleme be te: 'bakicii orivoya 'butealo foritu, ndi 'ba'desii se gbikyi lomvoigyesi iyi be. 16 'Bakicii kwoi ndi 'ba'desii se gbikyi lomvoigyesi iyi be orivoya wari katidrii 'bakala Zebuluna ro kurube ànyari owo.

Wari se Ozobe Yisakara ri

17 Wari lisu 'dete katidrii 'bakala Yisakara ro ri. 18 Wari na loci Jezerela, Kesulota, Sunema, 19 Afaraima, Siona, Anarata, 20 Rabita, Kisiona, Ebeza, 21 Remeta, Eŋganima, Eneada, ndi Betepazeza be kigye. 22 Ago kishwe kyi do Tabora, Sazuma, ndi Beta Semese be kpa, äduna kyi kyete, Golo Yaradene si. Loci 'bakicii cini 'butealo fonjidrialo kigye, ndi 'ba'desii se gbikyi lomvoigyesi iyi be. 23 'Bakicii kwoi ndi 'ba'desii ànyaro be orivoya wari se katidrii 'bakala Yisakara ro kurube ànyari owo.

Wari se Ozobe Asera ri

24 Wari linji 'dete katidrii 'bakala Asera ro ri. 25 Wari na loci Elekata, Ali, Betena, Akesafa, 26 Alama Meleka, Amada, ndi Misala be kigye. Aŋgoyasi kyi do gi Karemela ndi Siora Libenata be. 27 Kozaru 'buzelesi oko, kishwe oyite le Betedagona ya, kyi do gi Zebuluna ndi Vodelero Ifetaela robe liti se kabe oyi mä'dudri Betemeka ndi Niele be ya ana dri. Ago ugu oyigwo mä'dudri le Kabula, 28 Reoba, Amona, ndi Kana be ya, sagwo le Sidona 'Desi ya. 29 'Dooko kishwe zarute Rama ya, sagwo le 'bakici obeobero tiṛi si Tura roya; 'dooko kiswe zarute le Osa ya, ago äduna kyi kyete Gyi'desi Mediteraneana kala. Kyi loci Malaba, Akeziba, 30 Uma, Afeka, ndi Reoba be kigye: 'bakicii orivoya 'buteritu foritu, ndi 'ba'desii se gbikyi lomvoigyesi iyi be. 31 'Bakicii ndi 'ba'desii kwoi be orivoya wari se katidrii 'bakala Asera ro kurube ànyari owo.

Wari se Ozobe Nafatali ri

32 Wari njidrialona 'dete katidrii 'bakala Nafatali ro ri. 33 Kishwe na etote ni Elefa ya, oyigwo vudi se Zananima ya ana ya, oyigwo Adaminekeba ya ndi le Jamenia ya, sagwo le Lakuma ya, äduna kyi kyete Golo Yaradene si. 34 Ni nasi kishwe go zarute aŋgoyaro le Azenota Tabora ya, ago ni nasi oyigwo le Ukoka ya, kyi do Zebuluna te ŋgäṛiŋwadrisi, ago do Asera te aŋgoyasi, ago 'buzelesi kyi do gi Yuda Golo Yaradene si. 35 'Bakici nai se obeobero tiṛi si ni Zidima, Zera, Amata, Rakata, Kinerota, 36 Rama, Azora, 37 Kedesa, Edrei, Eneazora, 38 Yirona, Migedalela, Orema, Betanata, ndi Bete Semese be: 'bakicii orivoya 'butealo fonjidriesu, ndi 'ba'desii se gbikyi lomvoigyesi iyi be. 39 'Bakicii ndi 'ba'desii kwoi be orivoya wari se katidrii 'bakala Nafatali ro kurube ànyari owo.

Wari se Ozobe Dana ri

40 Wari njidrierina 'dete katidrii 'bakala Dana ro ri. 41 Wari na loci Zora, Esetaola, Iresemese, 42 Salaabima, Aijalona, Itela, 43 Elona, Timena, Ekerona, 44 Eleteke, Gibetona, Balata, 45 Jehuda, Beneberaka, Gaterimona, 46 Mejarekona, ndi Rakona be, tro wari se gbikyi Yopa lomvosi iyi be. 47 Lidri Dana ro usute ritiro wari ànyaro azaka urune ndi ànya oyiyite Laisa ya ago gotayite. Ànya ruyite, tufuyi lidri na te, ago atayite ekye 'do te iro. Ànya riyite lau ago läpiyi ävuru 'bakici Laisa rote Dana, ziyi ävuruna te zutu ànyaro Dana dri. 48 'Bakicii ndi 'ba'desii kwoi be orivoya wari se katidrii 'bakala Dana ro kurube ànyari owo.

Wari se Ozobe äduro

49 Ondro lidri Yisaraele ro kondeyi wari amba azaka lonyite oko, ànya ozoyi telesi wari aza rote 'duro Yosua ŋgwa Nuna ro ri. 50 Oso Opi kozo otana be ronye, ànya ozoyi 'bakici se nda keji ta be tana ro ana te ndäri se ni: Timenata Sera, 'bädri lutu ro Eperaima roya. Nda go be 'bakici ana te ago rite kigye.

51 Kohani Eleazara, Yosua ŋgwa Nuna ro, ndi dri'bai katidrii 'bakalai Yisaraele ro robe lonyiyi wari kwoi te vodo ovo si Opi kandra Silo ya, ocivo Mutuguṛi a'do lototi OPI ro roya. Ànya ndeyi lonyi wari rote oso inye.