Eyobo 14 - The Holy Bible in Moru (BAIBOLO ALOKADO) (MB)

Eyobo Ka a'do Tusu ro Lidri ro Tana Ata

1 Lidri gyi utina 'ditoko si ono,

äti te mbaraako ago ŋgaopa aza ako;

orina toto fere ago twi rriti amba be.

2 Nda ka omba ago lunyi ndriŋwa oso foce ronye;

Nda ka ruona oso lindri ronye ago rikote 'du alona;

3 Lu, inye'do mindrena vo gindi nda dri,

ago nyezina nda gindi vure ya ya?

4 A'di unina ni ŋga wäṛiro aza lofone ni ŋgase undiro yasi ya?

'Diaza i'dwo alona.

5 Tu ori ndaro ro ara tana te ṛo kyeno,

mini oti imba ndaro orizana rote.

Nyaka'da tu ndaro oriro rote se ndana unina ko lävune.

6 Nyana mi miro ni nda drisi ago nye'be nda iṛe;

mi'ba nda koye riyä ori ndaro ro oso 'dise kabe losi

oye päläti dri 'do ronye.

7 Mio'ba orivoya ce ri;

ondro ka'do agate vuru,

ogo adrina kpa to'di ago ogo orona ndi.

8 Pajina ka'do ca te ukuro,

ago lupa na gyini ya 'do kodra ca,

9 oko ondro gyi kocite kigye ogo orona 'da

ago orana gwoṛi ndi

oso ce se ikyi'dibe to'diro ronye.

10 Oko lidri kodrate, 'do teni ädu ndaro owo;

nda drate, oko nda te gaŋwaroya?

11 Oso gyi kabe oseose ni fofo ya 'do ronye,

ago golo se kabe ose gbe 'do ronye,

12 lidri kodrate, ŋga kote alona.

Nda unina ko mi upine alona, ondro ka'do, vukuru ka'do gyi orine inye owo;

ca ni kote oŋgane ni u'duvoyasi alona.

13 Male maro aba miri ma da'done 'bädri avo roya;

nyada'do ma madale kyila miro kokye lutu,

'dooko migo mira tu ta maro oyizana.

14 Ondro lidri kodra te oko, nda unina gi'da adrine kpa to'di ya?

Oko tu rriti maro ro ono si marina gyi tu kado kotene,

madale ŋgaopa maro esana gwo.

15 'Dooko mizina läzi 'da, ago mazana tadrina 'da,

ago milena ma se miro mi'ba o'ba ono 'da.

16 'Dooko mindrena aba se cini mabe abana ndi,

oko nyolobena pavo takozi maro ro ko.

17 Nyembena kala takozi maro ro 'da, ago minana ànya 'da lozo,

ago nyatakona drî taenji maro ro 'da.

18 Tu kate ikyi 'bereŋwai ri o'dezana ago lifuzana

ago anana luutui 'da ni vo ànyaro yasi.

19 Gyi onyana kuniŋwà 'da,

ago u'di amba 'bu ro ojana gyini kado 'da,

nya mio'ba lidri ro perena oso inye.

20 Mipe lidri ṛe ago nya nda o'ba odrane;

nya militi ndaro topina to odra ya.

21 Ŋgwàagoro ndaro ka'do ca orooro ro, caoko nda ni tana kote alona,

ago ànya ka'do ca oroako nda usu vona kote.

22 Nda ka toto lomvoluwu modo ndaro ro usuna ayani,

ago ka toto andivo iro liyina ayani.