Zelevoi Adama ro
(1 Ambâ 1:1-4)1 Ono ni ora zelevoi Adama ro ro owo. Tuse Lu ko'ba lidri be si, nda 'ba ànya te oso a'do beti ndaro ronye. 2 Nda 'ba ànya te manoago ro ago toko ro ago äṛu ànya te, ago zi ävuru ànyaro te lidri, ṛoni tuse a'ba ànya be si. 3 Ondro Adama korite ndroa na kama alo 'butenätu (130) oko, nda ti ŋgwaago aza te oso nda ronye, laba oso nda ronye, ago zi ävuruna te Sete. 4 Ono vosi Adama go ri ndroa aza kpate kama njidriena (800). Ago nda go ti ŋgwàagoro azaka te ndi ndiriŋwa be. 5 Ago ndroa se Adama koribe cini orivoya kama njidriesu 'butenätu (930) ndi nda drate.
6 Ondro Sete korite ndroa kama alo fonji (105) oko, nda ti Enosa te. 7 'Dooko Enosa uti vosi Sete go rite ndroa kama njidriena fonjidrieri (807), ndi nda go ti ŋgwàagoro azaka kpate ndi ndiriŋwa be. 8 Ndroa se Sete koribe cini orivoya kama njidriesu 'butealo foritu (912); ndi nda drate.
9 Ondro Enosa korite ndroa 'butenjidriesu (90) oko, nda ti Kenana te. 10 Enosa rite Kenana uti vosi ndroa na kama njidriena 'butealo fonji (815). Ago nda go ti ŋgwàagoro azaka kpate ndi ndiriŋwa be. 11 Ndroa se Enosa koribe cini orivoya kama njidriesu fonji (905); ndi nda drate.
12 Ondro Kenana korite ndroa 'butenjidrieri (70) oko, nda ti Mahalalela te. 13 Kenana rite Mahalalela uti vosi ndroa kama njidriena 'butesu (840). 'Dooko nda go ti ŋgwàagoro azaka kpate ndi ndiriŋwa be. 14 Ndroa se Kenana koribe cini orivoya kama njidriesu 'butealo (910); ndi nda drate.
15 Ondro Mahalalela korite ndroa 'butenjidrialo fonji (65) oko, nda ti Yareda te. 16 Mahalalela rite Yareda uti vosi ndroa kama njidriena 'butenätu (830) ndi nda go ti ŋgwàagoro azaka kpate ndi ndiriŋwa be. 17 Ndroa se cini Mahalalela koribe orivoya kama njidriena 'butenjidriesu fonji (895); ndi nda drate.
18 Ondro Yareda korite ndroa kama alo 'butenjidrialo foritu (162) oko, nda ti Enoka te. 19 Nda korite Enoka uti vosi ndroa kama njidriena (800) oko, nda go ti ŋgwàagoro azaka kpate ndi ndiriŋwa be. 20 Ndroa se Yareda koribe cini orivoya kama njidriesu 'butenjidrialo foritu (962); ndi nda drate.
21 Ondro Enoka korite ndroa 'butenjidrialo fonji (65) oko, nda ti Metusela te. 22 'Do vosi Enoka ri ori ŋgye te Lu mile uti Metusela ro vosi ndroa kama nätu (300): ago nda go ti ŋgwàagoro azaka kpate ndi ndiriŋwa be. 23 Ndroa se Enoka koribe cini orivoya kama nätu 'butenjidrialo fonji (365). 24 Enoka ri ori ŋgye te Lu mile; ndi nda a'dote i'do tana Lu ru nda te.
25 Ondro Metusela korite ndroa kama alo 'butenjidriena fonjidrieri (187) oko, nda ti Lameka te. 26 Metusela rite Lameka uti vosi ndroa kama njidrieri 'butenjidriena foritu (782). Ndi nda go ti ŋgwàagoro azaka kpate ndi ndiriŋwa be. 27 Ndroa se Metusela koribe cini orivoya kama njidriesu 'butenjidrialo fonjidriesu (969); ndi nda drate.
28 Ondro Lameka korite ndroa kama alo 'butenjidriena foritu (182) oko, nda ti ŋgwaagoro aza te, 29 nda zi ävuruna te Noa , nda atate ekye: “Ni gyini se OPI kotribe ono yasi ŋgwa se ono ezina loli'da ämäri ni losi oye amaro mbarasi yasi.” 30 Lameka rite Noa uti vosi ndroa kama nji 'butenjidriesu fonji (595), ago go ti ŋgwàagoro azaka kpate ndi ndiriŋwa be. 31 Ndroa se Lameka koribe cini orivoya kama njidrieri 'butenjidrieri fonjidrieri (777); ndi nda drate.
32 Ondro Noa korite ndroa kama nji (500) oko, nda ti Seme, Ama ndi Yapete be te.
© The Holy Bible in Moru © The Bible Society in the Sudan, 2000