Etovo 36 - The Holy Bible in Moru (BAIBOLO ALOKADO) (MB)

Zelevoi Esau ro

1 Kwoi ni zelevoi Esau ro se äzi kpate Edoma. 2 Esau gye 'ditoko iro Kanana'bai. Ada ŋguti Elona ro se ni Ete'ba yi. Olibama ŋguti Ana ŋgwa Zibeona Iva'ba ro ro. 3 Ago Basemata ŋguti Isamaele ro, endreŋwa Nebayota ro. 4 Ada ti Elipaza te Esau ri: Basemata ti iro Ruela, 5 ago Olibama ti iro Jusa, Jalama ndi Kora be. Ŋgwàagoro se cini kwoi ätite Esau ri 'bädri Kanana roya.

6 'Dooko Esau ru 'ditoko ndaro te, ŋgwàagoro ndaro, ndiriŋwa ndaro ndi 'dise cini zo ndaro ya be, koronyai 'ba ro ndaro ndi ŋga cini se ndaro nda kusube ni 'bädri Kanana ro yasi te; ago nda oyite 'bädri aza ya fere lozo ni ädrupi ndaro Yakoba resi. 7 Ndana oyite ni nasi tana vose ànya koribe Yakoba be kigye ana ojo ànya kote; ànya te orivoya koronyai 'ba robe amba ago niyi kote orine voaloya. 8 Ta'doro Esau rite 'bädri lutu ro Edoma roya. (Ävuru Esau ro aza kpani Edoma.)

9 Kwoi ni zelevoi Esau, se zutu Edoma'bai se kayibe ori 'bädri lutu ro Edoma roya owo. 10 Toko Esau ro Ada ti ŋgwaagoro te alodi ndäri, ni Elipaza. Ago toko Esau ro Basemata ti ŋgwaagoro te alodi Esau ri, ni Ruela. 11 Elipaza orivoya ŋgwàagoro be su: ni Temana, Omara, Zefo, Gatama ndi Kenaza be. 12 Timena orivoya toko ogyeako Elipaza ŋgwa Esau ro ro; Timena ti Amaleka te Elipaza ri. 'Doni zelevoi Esau ro ndi toko ndaro Ada be owo. 13 Ruela orivoya ŋgwàagoro be su: ni Nata, Zera, Sama ndi Miza be. 'Doni zelevoi Esau ro ndi toko ndaro Basemata be owo.

14 Toko Esau ro Olibama, ŋguti Ana ŋgwa Zibeona ro ro ti ŋgwàagoro te nätu ndäri: ni Jusa, Jalama ndi Kora be.

15 Kwoi ni 'bakala se kefobe ni Esau yasi owo. Ŋgwa kayo Esau ro Elipaza ni zutu 'bakalai kwoi ro: Temana, Omara, Zefo, Kenaza, 16 Kora, Gatama ndi Amaleka be. Kwoi cini orivoya zelevoi toko Esau ro Ada ro.

17 Ŋgwaagoro Esau ro Ruela ni zutu 'bakalai kwoi ro: Nata, Zera, Sama ndi Miza be. Kwoi orivoya cini zelevoi toko Esau ro Basemata ro.

18 'Bakalai Esau ro kwoi ni se kefobe toko ndaro Olibama ŋguti Ana rosi owo: ni Jusa, Jalama ndi Kora be. 19 'Bakalai se cini kwoi efoni zelevoi Esau ro yasi.

Zelevoi Seira ro

(1 Ambâ 1:38-42)

20 Ori'bai käti wari Edoma roya olonyite ba 'bakalai voro, zutu ànyaro ni Seira Orite'ba: Ànya ni: Lotana, Sobala, Zibeo na, Ana, 21 Disona, Ezere ndi Disana be. Iyi ni zelevoi Seira ro 'bädri Edoma roya owo.

22 Lotana ni zutu käläsikalai Ori ndi Emana be ro, ago endreŋwa Lotana ro ni Timena.

23 Sobala ni zutu käläsikalai Alevana, Manata, Ebala, Sefo ndi Onama be ro.

24 Zibeona orivoya ŋgwàagoro be ritu: ni Aya ndi Ana be, ono ni Ana se kusu gyi emero be vocowa ya 'do owo, se 'dooko nda ka doŋgyii täpi ndaro Zibeona ro lekyena. 25-26 Ana ni täpi Disona ro. Disona ni zutu käläsikalai Emedana, Esebana, Iterana ndi Kerona be ro. Ana kpa orivoya ŋgwa ŋguti robe ävuruna ni Olibama.

27 Ezere ni zutu käläsikala Bilana, Zavana ndi Akana be ro.

28 Disana ni zutu käläsikalai Uza ndi Arana be ro.

29-30 'Bakalai Orite'ba ro wari Edoma roya ni kwoi: Lotana, Sobala, Zibeona, Ana, Disona, Ezere ndi Disana be.

'Bädri'bai Edoma ro

(1 Ambâ 1:43-54)

31 Kwoi ni 'bädri'bai se kimiriyi wari Edoma robe, teinye dri 'bädri'ba aza ri oriako Yisaraele dri owo. 32 Bela ŋgwa Beora ro rite 'bädri'ba ro Edoma ya, ävuru 'bakici ndaro ro ni Dinaba. 33 Bela kodrate oko, Jobaba ŋgwa Zera ro ni Bozera yasi gorite vo ndaro ya. 34 Jobaba kodrate oko, Usama ni wari Temana ro yasi gorite vo ndaro ya. 35 Usama kodrate oko, Adada ŋgwa Bedada ro ni 'bakici Avita ro yasi se pe lidri Midiana robe ṛe 'bädri Moaba roya ana gorite vo ndaro ya. 36 Adada kodrate oko, Samela ni Masereka yasi gorite vo ndaro ya. 37 Samela kodrate oko, Saula ni Robota yasi Golo Eferata ro kalasi gorite vo ndaro ya. 38 Saula kodrate oko, Balanana ŋgwa Akebora ro gorite vo ndaro ya. 39 Balanana ŋgwa Akebora ro kodrate oko, Adada ni Pua yasi gorite vo ndaro ya, ävuru toko ndaro ro ni Metabela ŋguti Matreda ro kwozo Mezaba ro.

40 Esau ni zutu 'bakalai Edoma'bai kwoi ro: Timena, Aleva, Jeteta, 41 Olibama, Ela, Pinona, 42 Kenaza, Temana, Mibezara, 43 Magediela ndi Irama be, vose cini 'bakalai kwoi koriyibe kigyesi änite ävuru 'bakala na 'do rosi.