1 Ambâ 7 - The Holy Bible in Moru (BAIBOLO ALOKADO) (MB)

Zelevoi Yisakara ro

1 Yisakara orivoya ŋgwàagoro be su: ni Tola, Pua, Jasuba, ndi Simerona be. 2 Tola orivoya ŋgwàagoro be njidrialo: ni Uzi, Refaya, Jeriela, Jahemai, Ibesama, ndi Semuela be. Vo ànyaro cini orivoya dri'bai katidrii käläsikala Tola ro ro ago orivoya kyila'bai likuekye yi. Tu 'bädri'ba Dawidi rosi zelevoi ànyaro otina orivoya cini kutu 'buteritu foritu kama njidrialo (22,600).

3 Uzi orivoya ŋgwaagoro be alodi, ni Izeraya. Izeraya ndi ŋgwàagoro su ndaro be ni dri'bai katidrii ro. 4 Lidri ànyaro kyila'bai ro orivoya kutu 'butenätu fonjidrialo (36,000), tana ànya orivoya 'ditoko be amba ago ŋgàga be amba. 5 Lidri cini katidri 'bakala Yisakara ro se mbararo kyila oyero egyibe ŋgyero vona cini orivoya kutu 'butenjidriena fonjidrieri (87,000).

Zelevoi Benjamina ro ndi Dana robe

6 Benjamina orivoya ŋgwàagoro be nätu: ni Bela, Bekera, Jediela be. 7 Bela orivoya ŋgwàagoro be nji: ni Ezebona, Uzi, Uziela, Jerimota, ndi Iri be. Ànya ni dri'bai katidrii 'bakala 'do ro, ago kyila'bai likuekye yi. Zelevoi ànyaro odro'bebe lidri se kyila'bai ro kyila oyero vona cini orivoya kutu 'buteritu foritu 'butenätu fosu (22,034). 8 Bekera orivoya ŋgwàagoro be njidriasu: ni Zemira, Yoasa, Eliezera, Eleonai, Omeri, Jeremota, Abija, Anatota, ndi Elemeta be. 9 Zelevoi ànyaro egyibe ŋgyero arabe katidrii voro lidri mbararo kyila oyero vona cini orivoya kutu 'buteritu kama ritu (20,200).

10 Jediela orivoya ŋgwaagoro be alodi: ni Bilehana, ago Bilehana orivoya ŋgwàagoro be njidrieri: ni Jeusa, Benjamina, Ehuda, Kenana, Zetana, Taresisa ndi Aisara be. 11 Ànya ni orivoya dri'bai katidrii 'bakala 'do ro ya ago orivoya kyila'bai likuekye yi. Zelevoi ànyaro odro'bebe, lidri se kyila'bai ro kyila oyero vona cini orivoya kutu 'butealo fonjidrieri kama ritu (17,200). 12 Supima ndi Upima be kpa ni 'bakala ono yasi. Dana orivoya ŋgwaagoro be alodi, ni Usima.

Zelevoi Nafatali ro

13 Nafatali orivoya ŋgwàagoro be su: ni Jaziela, Guni, Jezera, ndi Saluma be. Ànya orivoya zelevoi Bileha ro.

Zelevoi Manase ro

14 Manase orivoya ŋgwàagoro be ritu toko ndaro se Arama'ba ro lomvo: ni Aseriela, ndi Makira be. Makira ni täpi Gilada ro. 15 Makira gye toko te Upima ndi Supima be ri. Ävuru endreŋwa ndaro ro ni Maka. Ŋgwaagoro ṛiri Makira ro ni Zelofeda; ago nda toto ŋgwà ndiriŋwa robe. 16 Maka toko Makira ro ti ŋgwàagoro te ritu, se ànya ziyi ävurunai te Peresia ago Seresa. Ago ŋgwàagoro Peresia ro orivoya ritu, Ulama ndi Rakema be, 17 ago Ulama orivoya ŋgwaagoro be alodi ndi Bedana. Se cini kwoi ni Zelevoi Gilada, ŋgwa Makira ro kwozo Manase ro ro owo. 18 Amoleketa endreŋwa Gilada ro orivoya ŋgwàagoro be nätu: ni Isoda, Abiezera, ndi Mahela be. 19 Semida orivoya ŋgwàagoro be su: ni Ayana, Sekeme, Liki, ndi Aniama be.

Zelevoi Eperaima ro

20 Kwoi ni zelevoi Eperaima ro le kovole'ba na ya: ni Sutela, Bereda, Tahata, Eleada, Tahata, 21 Zabada ndi Sutela be. Eperaima orivoya ŋgwàagoro ritu azaka be to ni Sutela ri: ni Ezera ndi Eleada be, se lidri Gata ro fuyite, tana ànya ikyiyite koronya 'ba ro ànyaro orone kuguro. 22 Eperaima täpi ànyaro liyite ànya ta u'duna amba, ago ädrupii ndaro ikyiyite nda i'dwene. 23 'Dooko Eperaima go u'dute toko ndaro be, anya kwo ŋgwa te ago ti ŋgwaagoro alodi te. Ànya ziyi ävuru ndaro te Beraya, tana rriti 'dete katidri ndaro dri. 24 Eperaima orivoya ŋguti aza be ävuruna Sera, se anya be 'ba'desii Votoŋgoro ndi Vodelero Bete Orona ndi Uzenasera robe ni riti. 25 Eperaima kpa orivoya ŋgwaagoro aza be alodi ävuruna Refa, se zelevo na a'dote oso nonye: Resefa, Tela, Tahana, 26 Ladana, Amiuda, Elisama, 27 Nuna ndi Jesua be.

28 Wari se ànya kuruyibe ago koriyibe kigyesi ni Betele ndi 'ba'desii se gbikyi lomvoigyesi be, ogone 'buzelesi ndi le Narana ya, ogone aŋgoyasi ndi le Gezera ndi 'ba'desii se gbikyi lomvoigyesi yasi. Dro'be ndi 'bakicii Sekeme ndi Aya be, ndi 'ba'desii se gbikyi lomvoigyesi be. 29 Zelevoi Manase ro ruyi 'bakicii Betaseana, Tanaka, Megido ndi Dora be ni, ndi 'ba'desii se gbikyi lomvoigyesi be. Vose cini kwoi ni se zelevoi Yosepa ŋgwa Yakoba ro ro koriyibe kigyesi owo.

Zelevoi Asera ro

30 Kwoi ni zelevoi Asera ro owo. Nda orivoya ŋgwàagoro be su: ni Imena, Iseva, Isevi ndi Beraya be, ago endreŋwa ànyaro alodi ni Sera. 31 Beraya orivoya ŋgwàagoro be ritu, ni Ebera ndi Malekiela be. Malekiela eto 'bakici Birezaita ni. 32 Ebera orivoya ŋgwàagoro be nätu: ni Jafeleta, Somera, ndi Otama be; endreŋwa ànyaro alodi ni Sua. 33 Jafeleta kpa orivoya ŋgwàagoro be nätu: ni Pasaka, Bimehala, ndi Asevata be. 34 Ädrupi ndaro Otama orivoya ŋgwàagoro be nätu: ni Roga, Jehuba, ndi Arama be. 35 Ädrupi ndaro Otama orivoya ŋgwàagoro be su: ni Zofa, Imena, Selesa, ndi Amala be. 36 Zelevoi Sofa ro ni: Sua, Arenefera, Suala, Beri, Imera, 37 Bezera, Oda, Sama, Silesa, Iterana ndi Bera be. 38 Zelevoi Jetera ro ni: Jefune, Pisepa, ndi Ara be. 39 Ago zelevoi Ula ro ni: Ara, Aniela, ndi Rizia be. 40 Se cini kwoi ni zelevoi Asera ro. Anya ni dri'bai katidrii ro, lidri likuekye kyila oyero, dri'bai 'desiro yi. Zelevoi Asera ro odro'be be lidri se mbararo kyila oyero cini orivoya kutu 'buteritu fonjidrialo.