1 Ambâ 26 - The Holy Bible in Moru (BAIBOLO ALOKADO) (MB)

Yekalu Gaga'bai

1 Kwoi ni losi se adibe Lewe'bai ri ruindu Yekalu gaga roya owo: Käläsikala Kora ro yasi ni Meselemia ŋgwa Kore ro, katidri Asafa ro yasi. 2 Meselemia orivoya ŋgwàagoro be njidrieri arate nonye a'do utiro voro: Jediela, Zebadia, Jateniela, 3 Elama, Joanana, ndi Elionai be.

4 Lu äṛu Obededoma kpate ŋgwàagoro njidriana ozo si ndäri, arate nonye a'do utiro voro; Semaya, Jozabada, Joa, Sakara, 5 Netaniela, Amiela, Yisakara ndi Puletai be.

6 Semaya ŋgwa kayoŋwa Obededoma ro orivoya ŋgwàagoro be njidrialo: ànya orivoya miri'bai katidri ànyaro ro, tana ànya orivoya lidri tauni amba be yi käläsikala ànyaro ya. 7 Ànya ni Oteni, Refaela, Obede, Elezabada, ago ädrupii ànyaro Elihu ndi Semakaya be kpa orivoya lidri tauni amba be yi.

8 Ni katidri Obededoma ro yasi lidri se tauni amba be 'deyibe ṛo ree ruindune Yekalu ya; otina kpeye orivoya 'butenjidrialo foritu (62).

9 Katidri Meselemia ro yasi, lidri se tauni amba be cini orivoya 'butenjidriena (58). 10 Ni 'bakala Merari ro yasi, Osa orivoya ŋgwàagoro be su, Semiri ni dri'ba na yi (nda ca ko orivoya ŋgwa kayo yi oko täpi ndaro 'ba nda gwo dri'ba ro), 11 'dooko Ilekia, Tebalaya, ndi Zekaria be, lidri katidri Osa ro ro, se Yekalu gaga'bai ro otina kpeye orivoya 'butealo fonätu.

12 Olonyi Yekalu gaga'bai te ba katidrii voro, ago ara ànya te kama ànyaro Yekalu ya voro kpa oso Lewe'bai azi ronye; 13 katidri alo alo 'di ombato'dii ro ndi 'di'desii be katidri ro katidri ro voyi vodo te ta dereŋwà rota. 14 Vodo dereŋwa 'buzelesi ro 'dete Selemaya ri, ago dereŋwa mä'dudrisi 'dete ŋgwa ndaro Zekaria, se ondoalo kani tavoata kado ata ana ri. 15 Dereŋwa ŋgäṛiŋwadrisi 'dete Obededoma ri, ago ŋgwàagoro ndaro ri ni zo ŋgaodroro gagane, 16 dereŋwa aŋgoyasi 'dete Supima ndi Osa be ri, ndi tro dereŋwa se äzibe Saleketa liti se kutube kuru ro ya 'do be. A'ba vookwa'bai te vookwane kigye azivoazivo. 17 Kogobe 'buzelesi vookwa'bai orivoya njidrialo tu cini si, mä'dudrisi vookwa'bai orivoya su tu cini si, ŋgäṛiŋwadrisi orivoya su tu cini si, ago ba ritu ritu zo ŋgaodroro kalasi; 18 aŋgoyasi loto vose abebe oso zo boŋgoro ronye ana lomvo vookwa'bai orivoya su liti dri ago ritu vose obeobero oso zo boŋgoro ronye ana modona ya. 19 Kwoi ni lonyi kama Yekalu gaga'bai ro käläsikalai Kota ndi Merari ro robe ri owo.

Kama Azaka Yekalu ro

20 Lewe'bai azi ànyaro azakana a'doyite ni drikaca be vo ŋgaodroro Yekalu ro ndi vo ŋgaodroro ŋgapäṛi se adite to Lu ri robe dri; 21 Ladana, alo aza ŋgwàagoro Geresona ro ro ni dri'ba gboko katidrii amba ro, loci katidri Jiela ŋgwa ndaro ro kpa kigye.

22 Ŋgwàagoro ritu Jiela ro, Zetama ndi Joela be, ni drikaca be lakazà Yekalu ro ndi vo ŋgaodroro be dri. 23 Ozo kama kpate zelevoi Amorama, Izera, Eberona ndi Uziela be ro ri.

24 Subaela, ni käläsikala ŋgwa Musa ro Geresoma ro yasi ni dri'ba 'desi losi ro drikaca be lakazà Yekalu ro dri owo. 25 Zelevo ädrupi ndaro Eliezera ro 'ba nda te a'done diriro Selomita be. Eliezera ni täpi Reabaya ro, se ni täpi Jesaya ro, se ni täpi Yorama ro, se ni täpi Zikeri ro, se ni täpi Selomita ro. 26 Selomita gi ono ndi lidri katidri ndaro robe ni drikaca be ŋgapäṛi se cini 'bädri'ba Dawidi kodibe to Lu ri ana dri, dri'bai katidrii ro, dri'bai gboko käläsikalai ro ro, ago otaozo'bai kyila'bai ro. 27 Ànya ruyi rukä lakazà se otopabe ni kyila yasi rote diyite to ŋgapäṛi ro losi oyeza sina Yekalu ya. 28 Ŋgapäṛi se cini nebi Samuele 'bädri'ba Saulo ŋgwa Kisi ro, Abinera ŋgwa Nera ro, ndi Yoaba se endre na ni Zeruya ana be kodiyibe to ana orivoya drikaca Selomita ndi katidri ndaro robe zele.

Kama Azaka Lewe'bai ro

29 Zelevoi Izera ro lakosi, Kenania ndi ŋgwàagoro ndaro be adite kama ŋgamiriro ya: egyi'bai ro ago vureope'bai ro, lidri Yisaraele ro lako. 30 Zelevo Eberona ro yasi, a'ba Asabia ndi 'didiri ndaro kutu alo kama njidrieri (1,700) se tauni amba be iyi be te losi Lu ro ndi losi azaka 'bädri'ba ro Yisaraele ya se orivoya ogone aŋgoyasi Golo Yaradene roya 'do vona ondrene. 31 Jeraya ni dri'ba zelevoi Eberona ro ro. Ndroa 'butesu ori Dawidi ro 'bädri'ba ro si äṛivote ago usu kyila'bai tauni amba be teni zelevoi Eberona ro lako, kayi ori Jazera ya wari Gilada roya. 32 'Bädri'ba Dawidi nji dri'bai katidrii ro kutu ritu kama njidrieri tauni amba be teni 'didiri Jeraya ro lakosi ago 'ba ànya te dri'bai ro losi Lu ro ro ago losi azaka 'bädri'ba ro vona ondrene Yisaraele ya ogone 'buzele Golo Yaradene roya, wari Rubena, Gada, ndi Manase ro 'buzelesi ya.