Loŋgo Aro'boya Oye ro
1 Nyozo aro'boya OPI ri, tana nda orivoya kado;
tana ŋgalu ndaro orivoya äduako.
2 Nyozo aro'boya Lu 'desipara lui cini ro ri;
tana ŋgalu ndaro orivoya äduako.
3 Nyozo aro'boya OPI Mbaraekye opii cini ro ri;
tana ŋgalu ndaro orivoya äduako.
4 Nda ka gialo toto ni talaroro para oye;
tana ŋgalu ndaro orivoya äduako.
5 Nda 'ba vo'buyakuru te, tavouni ndaro si
tana ŋgalu ndaro orivoya äduako.
6 Nda be 'bädri te gyi ociekye dri;
tana ŋgalu ndaro orivoya äduako.
7 Nda 'ba kitu ndi imba be ni;
tana ŋgalu ndaro orivoya äduako.
8 Kitu ri vomirine kitu si;
tana ŋgalu ndaro orivoya äduako;
9 imba ndi 'bi'bii be ri vomirine ŋgäkyi si;
tana ŋgalu ndaro orivoya äduako.
10 Nda tufu ŋgwàagoro kayoro Ezipeto'bai ro ni;
tana ŋgalu ndaro orivoya äduako.
11 Nda lofo lidri Yisaraele rote tesi ni Ezipeto yasi;
tana ŋgalu ndaro orivoya äduako;
12 drì mbara be ndaro si, kufu mbaraekye ndaro si;
tana ŋgalu ndaro orivoya äduako.
13 Nda nyi ya Gyi'desi Okaro te ritu;
tana ŋgalu ndaro orivoya äduako.
14 Nda 'ba lidri Yisaraele ro te ozane kigyesi;
tana ŋgalu ndaro orivoya äduako;
15 oko nda ivu 'bädri'ba Ezipeto rote ndi kyila'bai ndaro be Gyi'desi Okaro ya;
tana ŋgalu ndaro orivoya äduako.
16 Nda lepe lidri ndaro te vocowa yasi;
tana ŋgalu ndaro orivoya äduako.
17 Nda pe 'bädri'bai mbaraekye te ṛe;
tana ŋgalu ndaro orivoya äduako;
18 Nda tufu 'bädri'bai likuekye rote;
tana ŋgalu ndaro orivoya äduako;
19 Siona, 'bädri'ba Amora'bai ro;
tana ŋgalu ndaro orivoya äduako;
20 ago Ogo 'bädri'ba Basana ro;
tana ŋgalu ndaro orivoya äduako.
21 Nda ozo warii ànyaro te drimbi ro;
tana ŋgalu ndaro orivoya äduako;
22 nda ozo ànya te Yisaraele, ruindu'ba ndaro ri;
tana ŋgalu ndaro orivoya äduako.
23 Nda ni se koyi ta amaro be ondro ape ama te ṛe owo;
tana ŋgalu ndaro orivoya äduako.
24 Nda onji ama te dritai ro ni kyila'baazii amaro rigyesi;
tana ŋgalu ndaro orivoya äduako.
25 Nda kani ŋgaonya ozo ŋga cini lidriidriro ri;
tana ŋgalu ndaro orivoya äduako.
26 Nyozo aro'boya Lu vo'buyakuru ro ri;
tana ŋgalu ndaro orivoya äduako.