Loŋgo Lävu Odra ro ro
1 Ondro lidri Yisaraele ro kefote ni Ezipeto yasi,
ondro zelevoi Yakoba ro ke'beyi wari atra ana te oko,
2 Yuda a'dote lidri alokado OPI ro,
Yisaraele a'dote ŋga modo ndaro ro.
3 Gyi'desi Okaro ndrete ago mute;
Golo Yaradene edrete udiako.
4 'Bereŋwai odote oso indrii ronye
lutui loŋgate oso timele ronye.
5 Gyi'desi, e'di 'ba mi ni, umune ya?
Ago mi, Yaradene, nyedrete udiako etaya?
6 'Bereŋwai nyà odo oso indrii ronye etaya?
Ami lutui, nyà loŋga oso timele ronye etaya?
7 'Bädri nyälä'bi Opi kandra;
Lu Yakoba ro kandra,
8 se kani lutui toza cece gyi ro ro
ago kani kärägui ṛatararo toza gyi legwalegwa ro ono.