Taliatokpe Lidri Lu ro ro
1 Ànya se kayibe taoyi OPI ya orivoya oso 'Bereŋwa Zaiona ronye,
se änina ko uswene, oko orina te äduako.
2 Oso 'bereŋwai be ŋgulu Yerusalema lomvosi ronye,
OPI kpa orivoya ŋgulu lidri ndaro lomvosi,
ṛo ni yauono ago le äduako.
3 Takozi'bai mirina wari taŋgye'bai ro ko;
ondro ànya kimiriyite, taŋgye'bai oyenayi takozi ndi.
4 OPI, miye takado ànya se orivoya kadoro ri,
ànya se taoro be ri.
5 Oko ondro nyate takozi'bai eza oko,
nyeza ànya se kayibe liti miro e'bena kpa.
Taliatokpe ka'do Yisaraele be.