Ŋethre ŋǝthi lɔgrɔstiyan ki-lizi-nǝ.
1 Kithǝyinǝ lizi lɔɔŋwa ethi niŋnithici rɔ-asa naana, nǝ kila lǝthi sɔlṯa tok, ethisi iinyici naana, nǝ ethi kittatha ethisi ǝrri ŋette nyithak ŋisaaw. 2 Ǝsi andaci etheere ǝrmithǝthǝ kwizi kweere naana ŋiɽaŋali ŋigii mac, laakin ethi nanni liiɽǝnnǝ, lir ŋɔmathi lizi naana, nǝ ethi ṯiici lizi naana tatap jiɽeem. 3 Kaka nɔrɔr-gwɔ yǝɽiyǝŋ ṯǝŋw nyiiŋǝ tok, lir lɔdɔrllathɔ, lɔthɔɔthɔ, ludunnunǝ naana sɔɔrɔm-gi kwirna ter-ter, nǝr nanni ŋimiitha-ŋi ŋǝri ki-ŋiɽaŋal-na ŋigii, nǝ ŋirŋasa tok, ǝṯir-nyji wǝsi, nǝ ǝṯirsi wǝzi nyiiŋǝ tok. 4 Laakin mǝ ŋisanna-ŋǝ ṯamɽa-thi ṯǝthi ŋiiɽǝnnǝ ŋǝthi Allah wir Kwiglǝthǝ kwǝri ruwǝnnǝlɔ tǝ, 5 nɔŋw kilǝthi nyuŋwsi. Nǝreere ǝniŋw, a kwǝrrǝri ŋothɽor ŋeere ŋirllalɔ mac, laakin ŋiɽaŋal-ŋi ŋǝthi ŋimɽi ŋuuŋun, nɔŋw-mǝ kilǝthi nyuŋwsi. Ṯigɽim-thi Ṯirllinǝlɔ ter ṯinḏǝthǝ-nyŋi ŋelŋe ŋiyaŋ, ṯusuuɽunnǝ-thi ṯǝthi ŋimiitha ŋiyaŋ. 6 Kitha ṯimǝŋw balsa nyuŋwsi naana bǝyin, Yǝcu Kwɔrɔstɔ-ŋgi kwir Kwiglǝthǝ, 7 mindaŋ mǝr suuɽunni ne@ma-gi kwuuŋwun, mindaŋ mǝr aavi ŋimiitha ŋǝṯi nannitha dok-dok ŋǝkkicǝrsi nyiiŋǝ kizǝn. 8 Ŋiɽaŋal ŋɔ ŋir rerrem.
Nyii kwɔnaŋna-ŋa ethisi andaci kodɔŋori kwomne-gi ŋgwɔ, mindaŋ mǝ kila lǝṯi ǝmminici Allah ǝrri ŋothɽor ŋisaaw rogɽo-ri reeŋen, nǝrṯoro ŋisaaw nǝ ŋɔvthannica lizi tatap. 9 Laakin ŋa tǝ, a rucci ṯɔppathalɔ-na ṯir ŋǝɽiyǝŋ kinǝŋgwu tuk, nǝ ŋittǝzir ŋǝthi lugwurnǝ-ŋǝ, nǝ ŋaŋlathi tok, nǝ ṯurrǝthǝ ŋiɽaŋal-ŋi ŋǝthi Sherii@a. Kaka niti nɔvthanna-ŋgwɔ kweere mac. 10 Ŋgwa kwǝṯi undundǝthǝ lizi-nǝ, a kirinyatha nyaamin-na nyeere nyiɽǝn, mɔŋw-tǝ naani kwette-kwette tǝ, e-ta ere kettice yǝy kwokwony mac. 11 A kwilŋithi kwizi kwir kaka-ṯǝŋw kwǝni kwigii-na cil-cil, kwuruusǝ rogɽo ruuŋwun kaṯṯi ŋikiya-ŋi ŋuuŋun.
Ŋiɽaŋal ŋǝthi Bɔɔlɔs nǝ ṯaaginna.
12 Mǝŋǝ usicǝ Arṯiimaas-ŋwɔ ya Ṯiikhiikus-ŋwɔ tǝ, a fiɽigatha ethiila ŋa fittak naaniny-gwɔ Niikuubuuliis, kaka mǝnyii-gwɔ kittatha ethi nanni koo-gi kinanaŋw. 13 E-ta a kitta ŋɔma tig-tig ethi mǝccǝ Ziinaas-ŋwɔ kwir mɔ@allim kwǝthi Sherii@a, nǝ Abɔllɔɔs tok, ethi aara ibṯǝḏi safara kweeŋen, nǝ ǝsi iisa mindaŋ mǝsi kwomne ere kweere kwiiracasi mac. 14 Nǝ laazim a lizi lǝri aari @allima ethisi ǝrri-ri ŋisaaw ŋundu-ŋǝ wɔɽe-wɔɽeny, mindaŋ mǝrǝthi kwomne ki-rii-na kwǝthi-gi mǝccǝthisi; ǝreere oro lizi liira faayitha-na mac.
15 Kila tatap linaaniny-li kɔnɔŋw, lithiŋaca-ŋa ṯaaginna ṯeeŋen. Aaginnica-nyji kila lǝṯi-nyji amɽi ki-ṯǝmminǝ-nǝ. Ǝthi nǝ@ma nanni ŋaaŋa-li tatap.
Ŋethre ŋǝthi lɔgrɔstiyan ki-lizi-nǝ.
1 Kithǝyinǝ lizi lɔɔŋwa ethi niŋnithici rɔ-asa naana, nǝ kila lǝthi sɔlṯa tok, ethisi iinyici naana, nǝ ethi kittatha ethisi ǝrri ŋette nyithak ŋisaaw. 2 Ǝsi andaci etheere ǝrmithǝthǝ kwizi kweere naana ŋiɽaŋali ŋigii mac, laakin ethi nanni liiɽǝnnǝ, lir ŋɔmathi lizi naana, nǝ ethi ṯiici lizi naana tatap jiɽeem. 3 Kaka nɔrɔr-gwɔ yǝɽiyǝŋ ṯǝŋw nyiiŋǝ tok, lir lɔdɔrllathɔ, lɔthɔɔthɔ, ludunnunǝ naana sɔɔrɔm-gi kwirna ter-ter, nǝr nanni ŋimiitha-ŋi ŋǝri ki-ŋiɽaŋal-na ŋigii, nǝ ŋirŋasa tok, ǝṯir-nyji wǝsi, nǝ ǝṯirsi wǝzi nyiiŋǝ tok. 4 Laakin mǝ ŋisanna-ŋǝ ṯamɽa-thi ṯǝthi ŋiiɽǝnnǝ ŋǝthi Allah wir Kwiglǝthǝ kwǝri ruwǝnnǝlɔ tǝ, 5 nɔŋw kilǝthi nyuŋwsi. Nǝreere ǝniŋw, a kwǝrrǝri ŋothɽor ŋeere ŋirllalɔ mac, laakin ŋiɽaŋal-ŋi ŋǝthi ŋimɽi ŋuuŋun, nɔŋw-mǝ kilǝthi nyuŋwsi. Ṯigɽim-thi Ṯirllinǝlɔ ter ṯinḏǝthǝ-nyŋi ŋelŋe ŋiyaŋ, ṯusuuɽunnǝ-thi ṯǝthi ŋimiitha ŋiyaŋ. 6 Kitha ṯimǝŋw balsa nyuŋwsi naana bǝyin, Yǝcu Kwɔrɔstɔ-ŋgi kwir Kwiglǝthǝ, 7 mindaŋ mǝr suuɽunni ne@ma-gi kwuuŋwun, mindaŋ mǝr aavi ŋimiitha ŋǝṯi nannitha dok-dok ŋǝkkicǝrsi nyiiŋǝ kizǝn. 8 Ŋiɽaŋal ŋɔ ŋir rerrem.
Nyii kwɔnaŋna-ŋa ethisi andaci kodɔŋori kwomne-gi ŋgwɔ, mindaŋ mǝ kila lǝṯi ǝmminici Allah ǝrri ŋothɽor ŋisaaw rogɽo-ri reeŋen, nǝrṯoro ŋisaaw nǝ ŋɔvthannica lizi tatap. 9 Laakin ŋa tǝ, a rucci ṯɔppathalɔ-na ṯir ŋǝɽiyǝŋ kinǝŋgwu tuk, nǝ ŋittǝzir ŋǝthi lugwurnǝ-ŋǝ, nǝ ŋaŋlathi tok, nǝ ṯurrǝthǝ ŋiɽaŋal-ŋi ŋǝthi Sherii@a. Kaka niti nɔvthanna-ŋgwɔ kweere mac. 10 Ŋgwa kwǝṯi undundǝthǝ lizi-nǝ, a kirinyatha nyaamin-na nyeere nyiɽǝn, mɔŋw-tǝ naani kwette-kwette tǝ, e-ta ere kettice yǝy kwokwony mac. 11 A kwilŋithi kwizi kwir kaka-ṯǝŋw kwǝni kwigii-na cil-cil, kwuruusǝ rogɽo ruuŋwun kaṯṯi ŋikiya-ŋi ŋuuŋun.
Ŋiɽaŋal ŋǝthi Bɔɔlɔs nǝ ṯaaginna.
12 Mǝŋǝ usicǝ Arṯiimaas-ŋwɔ ya Ṯiikhiikus-ŋwɔ tǝ, a fiɽigatha ethiila ŋa fittak naaniny-gwɔ Niikuubuuliis, kaka mǝnyii-gwɔ kittatha ethi nanni koo-gi kinanaŋw. 13 E-ta a kitta ŋɔma tig-tig ethi mǝccǝ Ziinaas-ŋwɔ kwir mɔ@allim kwǝthi Sherii@a, nǝ Abɔllɔɔs tok, ethi aara ibṯǝḏi safara kweeŋen, nǝ ǝsi iisa mindaŋ mǝsi kwomne ere kweere kwiiracasi mac. 14 Nǝ laazim a lizi lǝri aari @allima ethisi ǝrri-ri ŋisaaw ŋundu-ŋǝ wɔɽe-wɔɽeny, mindaŋ mǝrǝthi kwomne ki-rii-na kwǝthi-gi mǝccǝthisi; ǝreere oro lizi liira faayitha-na mac.
15 Kila tatap linaaniny-li kɔnɔŋw, lithiŋaca-ŋa ṯaaginna ṯeeŋen. Aaginnica-nyji kila lǝṯi-nyji amɽi ki-ṯǝmminǝ-nǝ. Ǝthi nǝ@ma nanni ŋaaŋa-li tatap.