Mɔ@allimiin kwir lǝluŋw.
1 Ṯigɽim ṯimǝ andisalɔ por-por ethaarɔŋw, ki-ŋwɔɔmɔr-la ŋwɔthi kwaathan-ŋwɔ, a lizi lokwo ɔrlacci ṯǝmminǝ ŋwɔdoŋw; ǝrisi kettice yǝni ŋǝthi rigɽim kira rǝṯisi kǝkiɽinyjalɔ, mindaŋ ǝri kwakithatha ṯa@liima-lɔ ṯǝthi rigɽim rigii. 2 Nǝ ṯa@liim ṯɔrtɔtɔŋw, nɔŋworo ṯǝṯi kila lir lǝluŋw-nǝ dip fǝthǝlɔ, nǝ rɔgwor reeŋen tǝ, rimǝ dunnuni rimǝ ai. 3 Ǝṯir ṯiinyini lizi ethi aagithi, nǝ etheere yee ethneyǝ weere-weere mac wigitta Allah ethi yee lǝccǝ Allah shukran, lir lizi kila lǝthi ṯǝmminǝ nǝ lilŋithisi ŋir rerrem. 4 Kaka nigitta-gwɔ Allah kwomne tatap kwisaaw, nɔŋweere kweere mac kwǝthi dirnathalɔ, mɔŋw ǝvini shukran-ŋgi, 5 kaka mɔŋgwɔ rillinǝlɔ ter ŋiɽaŋal-ŋi ŋǝthi Allah nǝ ṯaara kiyiiriny.
Ǝthɔrɔ khaḏaam kisaaw agŋwɔrɔ kǝthi kwɔrɔstɔ kwǝni Yǝcu.
6 Mǝ inḏǝthǝ liyǝŋgǝri ṯa@liima kɔthɔ tǝ, oro khaḏaam kisaaw kǝthi Kwɔrɔstɔ kwǝni Yǝcu, kaka nǝṯi-gwɔ ithni rogɽo rɔɔŋwa ethneya wir ṯigɽim, wir ŋiɽaŋal ŋǝthi ṯǝmminǝ, nǝ wǝthi ṯa@liim ṯir rerrem kitha ṯǝṯi rɔɔmalɔ. 7 Ruccǝsinǝ ŋa tuk ŋir riŋeerlɔŋw-lɔ domony, nǝ ŋiti ŋir ŋǝthi Allah mac, ŋiti ŋɔvthanna ethisi andisa-lɔ mac. Ǝccǝ rogɽo rɔɔŋwa @allima ethi ṯeenye Allah. 8 Riyaaḏa rǝthi aŋna rǝthi faayitha-na rac, laakin riyaaḏa kira rǝthi ŋiɽaŋal ŋǝthi Allah tǝ, nerǝthi faayitha-na ray tatap, kaka nǝṯɔ-ŋgwɔ kittatha ŋimiitha-ŋi ŋethi kire-kirem ŋgwɔŋw alla ŋa ŋinḏi ethiila. 9 Ŋiɽaŋal ŋɔ ŋir rerrem, ethisi aavi nǝ ethisi ǝmminici tok. 10 Ŋindǝr-ṯǝ ŋɔ mindaŋ ǝṯi-nyii akikki ŋothɽor ŋwundǝ-ŋwundǝ, kaka nǝthiny-gwɔ ṯǝkkizǝ kizǝn ṯǝri, naanɔ-gwɔ Allah wɔmiithɔ wir Kwiglǝthǝ kwǝthi lizi tatap, nǝ kila rerrec lǝṯi ǝmmini.
11 Nḏǝthǝsi waamira ethisi ǝrri ŋɔ na ǝsi ǝccǝ @allima tok ṯa@liima kɔthɔ. 12 Ǝṯi duŋgwǝcǝ kweere mac ethi ǝrri ŋaamal-lɔŋw ŋɔɔŋa, laakin ɔro mǝthǝl kandisa-gi kɔɔŋa, nǝ kwǝthi lizi kila lǝthi ṯǝmminǝ, nǝ ki-ŋethre-na ŋɔɔŋa, nǝ ki-ṯammɽa-na ṯɔɔŋwa, nǝ ki-ṯǝmminǝ-nǝ ṯɔɔŋwa, nǝ ki-tɔsɔɔɽa-nǝ ṯɔɔŋwa. 13 Nǝ niti ninḏinyii kinnǝni mac, ǝɽi ǝsi dǝŋṯini ethisi ɔrtutuci lizi ŋa ŋɔlɔɔthɔna Kiṯaab-nǝ, nǝ ǝṯaari bǝshirǝ nǝ ǝṯaari @allima mindaŋ mǝnyii ɔppatha. 14 Ǝṯeere kettice haḏiiyyǝ ŋidiny mac wa winḏǝthǝr-ŋǝ kinaŋw nandisa liɽii-ŋa lishiyuukh-li kinaŋw nigittar rii reeŋen kindala lɔɔŋwa. 15 Ǝṯisi dǝŋṯini ethisi ǝrri ṯǝ ŋɔ, nǝ a kette rogɽo rɔɔŋwa tatap ki-ŋothɽor-na ŋɔ, mindaŋ mǝŋǝ lizi tatap ese kwillillathɔ keereny-gi. 16 Aŋrica rogɽo rɔɔŋwa, nǝ aŋraci ṯa@liima ṯɔɔŋwa tok. Dǝŋṯinǝ ethǝrri ŋiɽaŋali ŋɔ, na mǝsi ǝrri tǝ, a kilǝthi rogɽo rɔɔŋwa nǝ kila liŋe kettice yǝni tok.
Mɔ@allimiin kwir lǝluŋw.
1 Ṯigɽim ṯimǝ andisalɔ por-por ethaarɔŋw, ki-ŋwɔɔmɔr-la ŋwɔthi kwaathan-ŋwɔ, a lizi lokwo ɔrlacci ṯǝmminǝ ŋwɔdoŋw; ǝrisi kettice yǝni ŋǝthi rigɽim kira rǝṯisi kǝkiɽinyjalɔ, mindaŋ ǝri kwakithatha ṯa@liima-lɔ ṯǝthi rigɽim rigii. 2 Nǝ ṯa@liim ṯɔrtɔtɔŋw, nɔŋworo ṯǝṯi kila lir lǝluŋw-nǝ dip fǝthǝlɔ, nǝ rɔgwor reeŋen tǝ, rimǝ dunnuni rimǝ ai. 3 Ǝṯir ṯiinyini lizi ethi aagithi, nǝ etheere yee ethneyǝ weere-weere mac wigitta Allah ethi yee lǝccǝ Allah shukran, lir lizi kila lǝthi ṯǝmminǝ nǝ lilŋithisi ŋir rerrem. 4 Kaka nigitta-gwɔ Allah kwomne tatap kwisaaw, nɔŋweere kweere mac kwǝthi dirnathalɔ, mɔŋw ǝvini shukran-ŋgi, 5 kaka mɔŋgwɔ rillinǝlɔ ter ŋiɽaŋal-ŋi ŋǝthi Allah nǝ ṯaara kiyiiriny.
Ǝthɔrɔ khaḏaam kisaaw agŋwɔrɔ kǝthi kwɔrɔstɔ kwǝni Yǝcu.
6 Mǝ inḏǝthǝ liyǝŋgǝri ṯa@liima kɔthɔ tǝ, oro khaḏaam kisaaw kǝthi Kwɔrɔstɔ kwǝni Yǝcu, kaka nǝṯi-gwɔ ithni rogɽo rɔɔŋwa ethneya wir ṯigɽim, wir ŋiɽaŋal ŋǝthi ṯǝmminǝ, nǝ wǝthi ṯa@liim ṯir rerrem kitha ṯǝṯi rɔɔmalɔ. 7 Ruccǝsinǝ ŋa tuk ŋir riŋeerlɔŋw-lɔ domony, nǝ ŋiti ŋir ŋǝthi Allah mac, ŋiti ŋɔvthanna ethisi andisa-lɔ mac. Ǝccǝ rogɽo rɔɔŋwa @allima ethi ṯeenye Allah. 8 Riyaaḏa rǝthi aŋna rǝthi faayitha-na rac, laakin riyaaḏa kira rǝthi ŋiɽaŋal ŋǝthi Allah tǝ, nerǝthi faayitha-na ray tatap, kaka nǝṯɔ-ŋgwɔ kittatha ŋimiitha-ŋi ŋethi kire-kirem ŋgwɔŋw alla ŋa ŋinḏi ethiila. 9 Ŋiɽaŋal ŋɔ ŋir rerrem, ethisi aavi nǝ ethisi ǝmminici tok. 10 Ŋindǝr-ṯǝ ŋɔ mindaŋ ǝṯi-nyii akikki ŋothɽor ŋwundǝ-ŋwundǝ, kaka nǝthiny-gwɔ ṯǝkkizǝ kizǝn ṯǝri, naanɔ-gwɔ Allah wɔmiithɔ wir Kwiglǝthǝ kwǝthi lizi tatap, nǝ kila rerrec lǝṯi ǝmmini.
11 Nḏǝthǝsi waamira ethisi ǝrri ŋɔ na ǝsi ǝccǝ @allima tok ṯa@liima kɔthɔ. 12 Ǝṯi duŋgwǝcǝ kweere mac ethi ǝrri ŋaamal-lɔŋw ŋɔɔŋa, laakin ɔro mǝthǝl kandisa-gi kɔɔŋa, nǝ kwǝthi lizi kila lǝthi ṯǝmminǝ, nǝ ki-ŋethre-na ŋɔɔŋa, nǝ ki-ṯammɽa-na ṯɔɔŋwa, nǝ ki-ṯǝmminǝ-nǝ ṯɔɔŋwa, nǝ ki-tɔsɔɔɽa-nǝ ṯɔɔŋwa. 13 Nǝ niti ninḏinyii kinnǝni mac, ǝɽi ǝsi dǝŋṯini ethisi ɔrtutuci lizi ŋa ŋɔlɔɔthɔna Kiṯaab-nǝ, nǝ ǝṯaari bǝshirǝ nǝ ǝṯaari @allima mindaŋ mǝnyii ɔppatha. 14 Ǝṯeere kettice haḏiiyyǝ ŋidiny mac wa winḏǝthǝr-ŋǝ kinaŋw nandisa liɽii-ŋa lishiyuukh-li kinaŋw nigittar rii reeŋen kindala lɔɔŋwa. 15 Ǝṯisi dǝŋṯini ethisi ǝrri ṯǝ ŋɔ, nǝ a kette rogɽo rɔɔŋwa tatap ki-ŋothɽor-na ŋɔ, mindaŋ mǝŋǝ lizi tatap ese kwillillathɔ keereny-gi. 16 Aŋrica rogɽo rɔɔŋwa, nǝ aŋraci ṯa@liima ṯɔɔŋwa tok. Dǝŋṯinǝ ethǝrri ŋiɽaŋali ŋɔ, na mǝsi ǝrri tǝ, a kilǝthi rogɽo rɔɔŋwa nǝ kila liŋe kettice yǝni tok.