1 Nɔŋwsi andaci nɔŋwsǝccǝŋw, “Nyii kwǝccǝ-ŋǝsi-mǝ ŋwɔ y rerrem, kɔlɔ lokwo kɔnɔŋw, liti laayi kinnǝ mac, mindaŋ mǝreese Ŋeelenyi ŋǝthi Allah ŋimǝnḏǝ ŋɔma-ŋi.”
Yǝcu mɔŋgwɔ reethe reṯ kaayin-la.
(Maṯṯa 17:1-13Luuga 9:28-36)
2 Mǝ ŋwaamin nyirlil ere tǝ, nǝ Yǝcu mɔlo Bɔṯrɔs-ŋwɔsi Ya@guub-gi nǝ Yuhanna tok, nǝr-li allɔ kaayin-la wɔɔlala, nǝr-gwɔ naani cuk-cuk; mindaŋ nɔŋw reethe reṯ kiyǝnǝ yeeŋen, 3 nǝ yireth yuuŋwun fiithi per-per, nǝr irṯatha ǝzir-lɔ kiɽǝr-kiɽǝr, nǝ kwizi ere kweere ki-ṯurmun-nǝ mac kwǝthi ŋɔma ethisi fiithi kaka kiyɔ. 4 Nǝsi Iliiyyǝ-ŋǝ Muusǝ-gi ruwǝthǝ naana bireṯ, nǝr andasi Yǝcu-ŋǝli. 5 Nǝ Bɔṯrɔs andaci Yǝcu-ŋw nɔŋwɔccǝŋw, “Yaa Mɔ@allim, ŋiɽaŋal ŋɔmaami a-naanir kɔnɔŋw! Ethi-nyii kette yǝvǝŋi ṯoɽol, kette kɔɔŋa, kette kǝthi Muusǝ, nǝ kette kǝthi Iliiyyǝ.” 6 Kaka niti nilŋithiŋwsi-gwɔ ŋeere ŋǝthisi andasi mac, kaka nithiinyar-gwɔ beṯ-beṯṯen. 7 Nǝsi ṯigɽim ṯǝthi leblet kwuɽubǝthǝlɔ, nǝ ṯogɽo ruuthǝ ki-lebleth-na nɔŋwaarɔŋw, “Tor tiinyi tinḏǝr-ṯǝ kira tamɽa-nyii; niŋnacar ŋunduŋw.” 8 Mǝr iccannalɔ tɔc, nǝreere ese kwizi kweere mac; illi Yǝcu ṯɔɽɔk.
9 Nǝ ki-thaay-la mǝr dappa kaayin-la, nɔŋwsi ɔracci etheere ruwǝcci kwizi kweere ŋiɽaŋali-lɔ ŋɔ mac, ŋǝthi kwomne kwiisar, mindaŋ mǝ Tɔr tǝthi Kwizigwunǝŋ diiɽǝ ki-ŋiɽany-na. 10 Ṯaŋw nǝr ǝnyji ŋiɽaŋali-lɔ ŋɔ dip, nǝr ɔŋwnɔthisi-na nǝraarɔŋw, “Aatha kwɔrɔ kwǝniŋw ṯidiiɽǝ ki-ŋiɽany-na?” 11 Nǝr uṯicǝlɔ nǝrǝccǝŋw, “Mɔ@allimiin kwǝthi Sherii@a kwotho kwaarɔŋw Iliiyyǝ kwɔ-ŋgi iila kerreny?” 12 Nɔŋwsǝccǝŋw, “Imba Iliiyǝ kwǝ-ŋgi iila kerreny ethi daɽimatha kwomne tatap; laakin ŋotho ŋɔlɔɔthɔna ŋaarɔŋw, Tɔr tǝthi Kwizigwunǝŋ tinḏi ethi rǝrinni beṯṯen, ǝri ǝwɽi yǝy-lɔ tok? 13 Laakin nyii kwǝccǝ-ŋǝsi-mǝ ŋwɔ, Iliiyyǝ kwɔmǝ-pǝ iila, mindaŋ nǝrsi ǝrrici ŋir kaka ŋinaŋnasi rɔgwor reeŋen, kaka nɔlɔɔṯhɔnar-gwɔ ŋǝni ŋuŋdu.”
Yǝcu mɔŋgwɔ sǝwi tɔɔrɔ ṯǝthi ṯigɽimǝ-nǝ ṯigii.
(Maṯṯa 17:14-21Luuga 9:37-43a)
14 Mǝr aaɽitha naanɔ-gwɔ ṯalaamiiz, nǝreese lɔdɔŋw lɔppa lirikathisa-lɔ, lɔppathalɔ mɔ@allimiin-ŋǝli kwǝthi Sherii@a. 15 Mǝ lɔdɔŋw tatap iisanni Yǝcu-ŋw bir, nǝr liŋɽi, nǝr avratha naana nǝr aaganni. 16 Nɔŋw uṯici ṯalaamiiza-lɔ ṯuuŋwun nɔŋwsǝccǝŋw, “Aatha kwɔrɔ kwɔppathica-ŋalɔ ŋunduŋǝ-li?” 17 Nǝ kwette ki-lɔdɔŋw-na ǝŋnici nɔŋwɔccǝŋw, “Yǝǝ Mɔ@allim, nyii kwɔmɔlca-ŋa tɔɔrɔ tiinyi, kaka nǝthi-ŋgwɔ ṯigɽimǝ-nǝ ṯigii ṯǝṯi ruusi ŋunduŋw kwiila. 18 Mɔŋw alɔ naana ŋwaamin ŋweere-ŋweere, ɔṯɔŋw kagiṯṯɔ kwurǝyu-lu, ǝṯɔŋw allitha kitho kworo, ǝtɔŋw yee yiŋath-na, mindaŋ ǝṯɔŋw ɔnḏalɔ kwɔdiṯ-kwɔdiṯ. Nǝnyii-mba uṯici ṯalaamiiza-lɔ ṯɔɔŋwa ethi ruttici ŋunduŋw ṯigɽimǝ ṯigii kithaay, nǝreere ǝthici ŋɔma-na mac.” 19 Nɔŋwsǝccǝŋw, “Ŋaaŋa lirmba lǝthi kirem-ŋwɔ liira ṯǝmmnǝ-gɔ! Nyii kwɔŋǝsi-thi naanasi ṯacca-ṯaccaŋ? Nyii kwɔŋǝsi ǝnyjici ṯɔgwori mindaŋ a ṯaccaŋ oro? Ǝvicǝ-nyii-ṯi tɔɔrɔ.” 20 Nǝr mɔlca naanɔ-ŋgwɔ, mindaŋ mǝ ṯigɽim ṯigii ese ŋuuduŋw tɔc, nɔŋw lakkasi tɔɔrɔ-lɔ, mindaŋ nɔŋw iidi kwurǝyu-lu, nɔŋw ṯarṯiɽalɔ tiithi kɔtho kworo. 21 Nɔŋw uṯici ṯǝrnyin-lɔ, nɔŋwɔccǝŋw, “Ṯǝthi-ŋwɔ ṯaccaŋ tuk?” Nɔŋw-ǝŋnici ŋɔŋwɔccǝŋw, “Ṯǝthiŋwɔ ŋogoŋa-lɔ ṯuk. 22 Nǝ ǝṯɔŋw kagiṯṯɔ ŋwɔɔmɔri ŋweere-ŋweere kiigǝ-nǝ nǝ ŋaaw-na tok, ethi ɽeenye; laakin mǝ ǝthi ŋɔma ethisi ǝrri ŋeere tǝ, ǝnyji iini ṯɔgwor-na ǝnyji mǝcci.” 23 Nǝ Yǝcu ǝŋnici nɔŋwɔccǝŋw, “Mǝ ǝthi ŋɔma ethi ǝmmini, kwomne tatap kwǝṯi ǝrrinici lizi kila lǝṯi ǝmmini!” 24 Nǝ ṯǝrnyin ṯǝthi tɔr-ŋa ɔvɔna ŋwal-ŋi tɔc irdak nɔŋwɔccǝŋw, “Nyii kwǝmminǝ, mǝccǝ ṯǝmminǝ ṯiinyi ṯɔblaṯɔ!” 25 Mǝ Yǝcu ese lɔdɔŋw limǝ avrathɔ naana, nɔŋw ǝrmici ṯigɽimǝ ṯigii nɔŋwɔccǝŋw, “Ŋa kwir ṯigɽim ṯir kwiila nǝ ṯiriimǝ yǝni-nǝ tok, nyii kwǝccǝ-ŋǝ ŋwɔ, ruuthǝ kithaay duŋgwun-nǝ, mindaŋ ere aaɽitha kwokwony duŋgwun-nǝ mac.” 26 Mɔŋw ǝrinni kwɔɔla cir tǝ, nɔnw lakkisalɔ tig-tig, nɔŋw ruuthǝ kithaay, mindaŋ nɔŋworo kaka ṯimǝ ai; nǝ littazir aarɔŋw, “Timǝmi ai!” 27 Laakin nǝ Yǝcu dimmi ṯii-lɔ teṯ, nɔŋw diiɽǝzi-lǝ mindaŋ nɔŋw diiɽi. 28 Mɔŋw ǝnḏi kiininy, nǝ ṯalaamiiz ṯuuŋwun uṯicǝlɔ cuk-cuk, nǝrǝccǝŋw, “Ŋɔma ŋotho ŋiiraca-nyji ethi ruttici ŋunduŋw ṯigɽimǝ tigii kithaay?” 29 Nɔŋwsǝccǝŋw, “Rigɽim rir kaka ṯǝŋw riṯi rǝṯi ruu mac illi ṯaara-thi kiyiiriny ṯɔɽɔk.”
Yǝcu mɔŋgwɔ andasi kwokwony ŋiɽaŋali ŋǝthi ŋiɽany ŋuuŋun.
(Maṯṯa 17:22-23Luuga 9:43b-45)
30 Mǝr ṯayya ǝzir-lɔ wa nǝr ṯamthɔ Jǝliil-ŋgi. Mindaŋ nɔŋweere naŋni kweere ethelŋece ŋunduŋw ǝzir mac; 31 kaka nǝccǝŋw ṯalaamiiza ṯuuŋwun @allima, nɔŋwsǝccǝŋw, “Tɔr tǝthi Kwizigwunǝŋ tǝr inḏǝthǝ lizi mindaŋ ǝri ɽeenye; mǝr ɽeenye mindaŋ mǝ ŋwaamin ṯoɽol ere tǝ, ŋwɔ diiɽǝ.” 32 Laakin nǝrseere elŋe ŋa ŋǝthi ṯa@liim mac, mindaŋ nǝr ṯeenye ethi uṯicǝlɔ.
Ǝyǝ kwɔrɔ kwɔthǝmthisi-lǝ tatap?
(Maṯṯa 18:1-5Luuga 9:46-48)
33 Mǝr ɔppathi Kafranaahuum, mindaŋ mǝr ǝnḏi kiininy tǝ, nǝ Yǝcu uṯici ṯalaamiiza-lɔ ṯuuŋwun nɔŋwsǝccǝŋw, “Aatha kwɔrɔ kwɔppathica-ŋalɔ ki-thaay-la?” 34 Nǝr naani tugwup, kaka nɔppathir-gwɔlɔ ki-thaay-la naarir-gwɔŋw ǝyǝ kwɔrɔ kwuthǝmthi-nyji-lǝ dǝŋgǝr-nǝ. 35 Mǝ Yǝcu naanalɔ tǝ, nɔŋwsi ɔrnɔṯi lir wrii-kwuɽǝn nɔŋwsǝccǝŋw, “Mɔŋw naŋni kweere ethoro nda lǝthi lizi, laazim ŋworo kwokwɔɽony deŋgen-na tatap, nǝ laazim ŋworo khaḏaam keeŋen tatap.” 36 Mindaŋ nɔŋw dimmi tɔɔrɔ, nɔŋw kette kelgeny-na keeŋen; mindaŋ mɔŋw dimmǝthǝ ki-thiny, nɔŋwsǝccǝŋw, 37 “Mɔŋw ǝŋyji kweere tɔɔrɔ ki-lɔɔɽɔ-na tir kaka-ṯǝ kɔrɔ yiriny-yi yiinyi ŋwɔni kwǝnyjǝ-nyii; nǝ kweere kwǝnyii ǝnyŋi ki-lɔɔɽɔ-na, nɔrweere ǝni kwǝnyjǝ-ny mac, laakin nɔŋwɔni kwǝnyjǝ ŋgwa kwɔɔsa-nyii.”
Ŋgwa kwiṯi kwir ṯuwǝn ṯǝri mac nɔŋworo kwǝri.
(Luuga 9:49-50)
38 Nǝ Yuhanna ǝccǝŋw, “Yaa Mɔ@allim, kwiisa-nyii kwette kwurwǝ rigɽimǝ rigii yiriny-yi yɔɔŋwa, nǝnyii tiinyini, ethiseere ǝrri ŋɔ mac, kaka niṯi nɔrɔ-ŋgwɔ kwǝri mac.” 39 Nǝsi Yǝcu ǝccǝŋw, “Ǝṯi ṯǝccǝ ethi ṯiinyini mac kaka niṯi ninaanɔ-ŋgwɔ kweere mac kwǝṯi ǝrri ŋilima yiriny-yi yiinyi mindaŋ ethi orlle fittak ethisi andisasa nyuŋwɔ naana ŋigii. 40 Kaka ŋgwa kwiti kwir ṯuwǝn ṯǝri mac ṯǝ, nɔŋworo kwǝri. 41 Nyii kwǝccǝ-ŋǝsi-mǝ ŋwɔ rerrem, mɔŋw inḏǝthǝ ŋaaŋwɔsi kweere ŋaaw ŋǝthisii, kaka nɔŋa-gwɔ lǝthi yiriny yiinyi ŋweere ṯuusi ɔjra wuuŋwun ḏuṯ.
Ṯɔmɔmma ethi arri ŋikiyaŋi.
(Maṯṯa 18:6-9Luuga 17:1-2)
42 “Mɔŋw ṯɔgdasi kweere tette tǝthi nyelle nyokwɔɽony kinyɔ nyǝṯi-nyii ǝmminici, mindaŋ ethisi ǝrri ŋǝni ŋigii, nǝr ɔvthanni ethi kǝkkici ŋunduŋw aali kwɔrom-la, mindaŋ ethi kaṯṯɔ ŋunduŋw ki-bahar-na lae. 43 Mǝŋǝ ṯii ṯɔɔŋwa ṯɔgdasi ethisi ǝrri ŋigii, uɽuthu kithaay; ŋɔvthanna ethi ǝnḏi ki-ŋimiitha-na ŋuvɽuṯuri ki-lɔɔbi lǝthi-li ǝnḏi ki-jahannam-nǝ rii-ri riɽǝn-ndǝk kiigǝ-nǝ witi wǝṯi iɽinyannalɔ mac. [ 44 Kǝzir wǝthi londoŋi liṯi lǝṯi ai mac, nǝ iigǝŋi witi wǝti iɽinyannalɔ mac.] 45 Mǝŋǝ laara lɔɔŋwa ṯɔgdasi tǝ, uɽu kithaay, ŋɔvthanna ethi ǝnḏi ki-ŋimiitha-na ŋomsoŋa ki-lɔɔbi lǝthi-li kǝṯṯini ŋwaara-ŋi ŋwuɽǝn-ndǝk ki-jahannam-nǝ. [ 46 Kǝzir wǝthi londoŋi liti lǝṯi ai mac, nǝ iigǝŋi witi wǝṯi iɽinyannalɔ mac.] 47 Mǝŋǝ lǝy lɔɔŋwa tɔgdasi ethisi ǝrri ŋigii, e-ta alla kithaay; ŋɔvthanna duŋgwɔŋa ethǝnḏi ki Ŋeeleny-na ŋǝthi Allah ŋadinya, ki-lɔɔbi lǝthi-li kǝṯṯini yǝy-yi yiɽǝnndǝk ki-jahannam-nǝ, 48 Kǝzir witi wǝṯi-ŋwɔ londoŋ ai mac, nǝ witi wǝṯi-gwɔ iigǝ ere iɽinyannalɔ tok mac.
49 “Lizi tatap lisuuɽunni iigǝ-yi kaka nǝṯi-gwɔ kwomne kwǝthi kiraama suuɽunni kwumthǝ-gi. 50 Kwumthǝ kwisaaw-pa rac; laakin mɔŋw irṯasi orje-ŋwɔlɔ kwuuŋwun tǝ, ǝrmǝ urji aŋgwɔrɔ kwokwony? Ṯaŋw ethi kwumthǝ kwǝthi ŋɔmath naani daŋgal-na, mindaŋ aami naanɔŋw ŋǝthre ŋisaaw tok.”
1 Nɔŋwsi andaci nɔŋwsǝccǝŋw, “Nyii kwǝccǝ-ŋǝsi-mǝ ŋwɔ y rerrem, kɔlɔ lokwo kɔnɔŋw, liti laayi kinnǝ mac, mindaŋ mǝreese Ŋeelenyi ŋǝthi Allah ŋimǝnḏǝ ŋɔma-ŋi.”
Yǝcu mɔŋgwɔ reethe reṯ kaayin-la.
(Maṯṯa 17:1-13Luuga 9:28-36)
2 Mǝ ŋwaamin nyirlil ere tǝ, nǝ Yǝcu mɔlo Bɔṯrɔs-ŋwɔsi Ya@guub-gi nǝ Yuhanna tok, nǝr-li allɔ kaayin-la wɔɔlala, nǝr-gwɔ naani cuk-cuk; mindaŋ nɔŋw reethe reṯ kiyǝnǝ yeeŋen, 3 nǝ yireth yuuŋwun fiithi per-per, nǝr irṯatha ǝzir-lɔ kiɽǝr-kiɽǝr, nǝ kwizi ere kweere ki-ṯurmun-nǝ mac kwǝthi ŋɔma ethisi fiithi kaka kiyɔ. 4 Nǝsi Iliiyyǝ-ŋǝ Muusǝ-gi ruwǝthǝ naana bireṯ, nǝr andasi Yǝcu-ŋǝli. 5 Nǝ Bɔṯrɔs andaci Yǝcu-ŋw nɔŋwɔccǝŋw, “Yaa Mɔ@allim, ŋiɽaŋal ŋɔmaami a-naanir kɔnɔŋw! Ethi-nyii kette yǝvǝŋi ṯoɽol, kette kɔɔŋa, kette kǝthi Muusǝ, nǝ kette kǝthi Iliiyyǝ.” 6 Kaka niti nilŋithiŋwsi-gwɔ ŋeere ŋǝthisi andasi mac, kaka nithiinyar-gwɔ beṯ-beṯṯen. 7 Nǝsi ṯigɽim ṯǝthi leblet kwuɽubǝthǝlɔ, nǝ ṯogɽo ruuthǝ ki-lebleth-na nɔŋwaarɔŋw, “Tor tiinyi tinḏǝr-ṯǝ kira tamɽa-nyii; niŋnacar ŋunduŋw.” 8 Mǝr iccannalɔ tɔc, nǝreere ese kwizi kweere mac; illi Yǝcu ṯɔɽɔk.
9 Nǝ ki-thaay-la mǝr dappa kaayin-la, nɔŋwsi ɔracci etheere ruwǝcci kwizi kweere ŋiɽaŋali-lɔ ŋɔ mac, ŋǝthi kwomne kwiisar, mindaŋ mǝ Tɔr tǝthi Kwizigwunǝŋ diiɽǝ ki-ŋiɽany-na. 10 Ṯaŋw nǝr ǝnyji ŋiɽaŋali-lɔ ŋɔ dip, nǝr ɔŋwnɔthisi-na nǝraarɔŋw, “Aatha kwɔrɔ kwǝniŋw ṯidiiɽǝ ki-ŋiɽany-na?” 11 Nǝr uṯicǝlɔ nǝrǝccǝŋw, “Mɔ@allimiin kwǝthi Sherii@a kwotho kwaarɔŋw Iliiyyǝ kwɔ-ŋgi iila kerreny?” 12 Nɔŋwsǝccǝŋw, “Imba Iliiyǝ kwǝ-ŋgi iila kerreny ethi daɽimatha kwomne tatap; laakin ŋotho ŋɔlɔɔthɔna ŋaarɔŋw, Tɔr tǝthi Kwizigwunǝŋ tinḏi ethi rǝrinni beṯṯen, ǝri ǝwɽi yǝy-lɔ tok? 13 Laakin nyii kwǝccǝ-ŋǝsi-mǝ ŋwɔ, Iliiyyǝ kwɔmǝ-pǝ iila, mindaŋ nǝrsi ǝrrici ŋir kaka ŋinaŋnasi rɔgwor reeŋen, kaka nɔlɔɔṯhɔnar-gwɔ ŋǝni ŋuŋdu.”
Yǝcu mɔŋgwɔ sǝwi tɔɔrɔ ṯǝthi ṯigɽimǝ-nǝ ṯigii.
(Maṯṯa 17:14-21Luuga 9:37-43a)
14 Mǝr aaɽitha naanɔ-gwɔ ṯalaamiiz, nǝreese lɔdɔŋw lɔppa lirikathisa-lɔ, lɔppathalɔ mɔ@allimiin-ŋǝli kwǝthi Sherii@a. 15 Mǝ lɔdɔŋw tatap iisanni Yǝcu-ŋw bir, nǝr liŋɽi, nǝr avratha naana nǝr aaganni. 16 Nɔŋw uṯici ṯalaamiiza-lɔ ṯuuŋwun nɔŋwsǝccǝŋw, “Aatha kwɔrɔ kwɔppathica-ŋalɔ ŋunduŋǝ-li?” 17 Nǝ kwette ki-lɔdɔŋw-na ǝŋnici nɔŋwɔccǝŋw, “Yǝǝ Mɔ@allim, nyii kwɔmɔlca-ŋa tɔɔrɔ tiinyi, kaka nǝthi-ŋgwɔ ṯigɽimǝ-nǝ ṯigii ṯǝṯi ruusi ŋunduŋw kwiila. 18 Mɔŋw alɔ naana ŋwaamin ŋweere-ŋweere, ɔṯɔŋw kagiṯṯɔ kwurǝyu-lu, ǝṯɔŋw allitha kitho kworo, ǝtɔŋw yee yiŋath-na, mindaŋ ǝṯɔŋw ɔnḏalɔ kwɔdiṯ-kwɔdiṯ. Nǝnyii-mba uṯici ṯalaamiiza-lɔ ṯɔɔŋwa ethi ruttici ŋunduŋw ṯigɽimǝ ṯigii kithaay, nǝreere ǝthici ŋɔma-na mac.” 19 Nɔŋwsǝccǝŋw, “Ŋaaŋa lirmba lǝthi kirem-ŋwɔ liira ṯǝmmnǝ-gɔ! Nyii kwɔŋǝsi-thi naanasi ṯacca-ṯaccaŋ? Nyii kwɔŋǝsi ǝnyjici ṯɔgwori mindaŋ a ṯaccaŋ oro? Ǝvicǝ-nyii-ṯi tɔɔrɔ.” 20 Nǝr mɔlca naanɔ-ŋgwɔ, mindaŋ mǝ ṯigɽim ṯigii ese ŋuuduŋw tɔc, nɔŋw lakkasi tɔɔrɔ-lɔ, mindaŋ nɔŋw iidi kwurǝyu-lu, nɔŋw ṯarṯiɽalɔ tiithi kɔtho kworo. 21 Nɔŋw uṯici ṯǝrnyin-lɔ, nɔŋwɔccǝŋw, “Ṯǝthi-ŋwɔ ṯaccaŋ tuk?” Nɔŋw-ǝŋnici ŋɔŋwɔccǝŋw, “Ṯǝthiŋwɔ ŋogoŋa-lɔ ṯuk. 22 Nǝ ǝṯɔŋw kagiṯṯɔ ŋwɔɔmɔri ŋweere-ŋweere kiigǝ-nǝ nǝ ŋaaw-na tok, ethi ɽeenye; laakin mǝ ǝthi ŋɔma ethisi ǝrri ŋeere tǝ, ǝnyji iini ṯɔgwor-na ǝnyji mǝcci.” 23 Nǝ Yǝcu ǝŋnici nɔŋwɔccǝŋw, “Mǝ ǝthi ŋɔma ethi ǝmmini, kwomne tatap kwǝṯi ǝrrinici lizi kila lǝṯi ǝmmini!” 24 Nǝ ṯǝrnyin ṯǝthi tɔr-ŋa ɔvɔna ŋwal-ŋi tɔc irdak nɔŋwɔccǝŋw, “Nyii kwǝmminǝ, mǝccǝ ṯǝmminǝ ṯiinyi ṯɔblaṯɔ!” 25 Mǝ Yǝcu ese lɔdɔŋw limǝ avrathɔ naana, nɔŋw ǝrmici ṯigɽimǝ ṯigii nɔŋwɔccǝŋw, “Ŋa kwir ṯigɽim ṯir kwiila nǝ ṯiriimǝ yǝni-nǝ tok, nyii kwǝccǝ-ŋǝ ŋwɔ, ruuthǝ kithaay duŋgwun-nǝ, mindaŋ ere aaɽitha kwokwony duŋgwun-nǝ mac.” 26 Mɔŋw ǝrinni kwɔɔla cir tǝ, nɔnw lakkisalɔ tig-tig, nɔŋw ruuthǝ kithaay, mindaŋ nɔŋworo kaka ṯimǝ ai; nǝ littazir aarɔŋw, “Timǝmi ai!” 27 Laakin nǝ Yǝcu dimmi ṯii-lɔ teṯ, nɔŋw diiɽǝzi-lǝ mindaŋ nɔŋw diiɽi. 28 Mɔŋw ǝnḏi kiininy, nǝ ṯalaamiiz ṯuuŋwun uṯicǝlɔ cuk-cuk, nǝrǝccǝŋw, “Ŋɔma ŋotho ŋiiraca-nyji ethi ruttici ŋunduŋw ṯigɽimǝ tigii kithaay?” 29 Nɔŋwsǝccǝŋw, “Rigɽim rir kaka ṯǝŋw riṯi rǝṯi ruu mac illi ṯaara-thi kiyiiriny ṯɔɽɔk.”
Yǝcu mɔŋgwɔ andasi kwokwony ŋiɽaŋali ŋǝthi ŋiɽany ŋuuŋun.
(Maṯṯa 17:22-23Luuga 9:43b-45)
30 Mǝr ṯayya ǝzir-lɔ wa nǝr ṯamthɔ Jǝliil-ŋgi. Mindaŋ nɔŋweere naŋni kweere ethelŋece ŋunduŋw ǝzir mac; 31 kaka nǝccǝŋw ṯalaamiiza ṯuuŋwun @allima, nɔŋwsǝccǝŋw, “Tɔr tǝthi Kwizigwunǝŋ tǝr inḏǝthǝ lizi mindaŋ ǝri ɽeenye; mǝr ɽeenye mindaŋ mǝ ŋwaamin ṯoɽol ere tǝ, ŋwɔ diiɽǝ.” 32 Laakin nǝrseere elŋe ŋa ŋǝthi ṯa@liim mac, mindaŋ nǝr ṯeenye ethi uṯicǝlɔ.
Ǝyǝ kwɔrɔ kwɔthǝmthisi-lǝ tatap?
(Maṯṯa 18:1-5Luuga 9:46-48)
33 Mǝr ɔppathi Kafranaahuum, mindaŋ mǝr ǝnḏi kiininy tǝ, nǝ Yǝcu uṯici ṯalaamiiza-lɔ ṯuuŋwun nɔŋwsǝccǝŋw, “Aatha kwɔrɔ kwɔppathica-ŋalɔ ki-thaay-la?” 34 Nǝr naani tugwup, kaka nɔppathir-gwɔlɔ ki-thaay-la naarir-gwɔŋw ǝyǝ kwɔrɔ kwuthǝmthi-nyji-lǝ dǝŋgǝr-nǝ. 35 Mǝ Yǝcu naanalɔ tǝ, nɔŋwsi ɔrnɔṯi lir wrii-kwuɽǝn nɔŋwsǝccǝŋw, “Mɔŋw naŋni kweere ethoro nda lǝthi lizi, laazim ŋworo kwokwɔɽony deŋgen-na tatap, nǝ laazim ŋworo khaḏaam keeŋen tatap.” 36 Mindaŋ nɔŋw dimmi tɔɔrɔ, nɔŋw kette kelgeny-na keeŋen; mindaŋ mɔŋw dimmǝthǝ ki-thiny, nɔŋwsǝccǝŋw, 37 “Mɔŋw ǝŋyji kweere tɔɔrɔ ki-lɔɔɽɔ-na tir kaka-ṯǝ kɔrɔ yiriny-yi yiinyi ŋwɔni kwǝnyjǝ-nyii; nǝ kweere kwǝnyii ǝnyŋi ki-lɔɔɽɔ-na, nɔrweere ǝni kwǝnyjǝ-ny mac, laakin nɔŋwɔni kwǝnyjǝ ŋgwa kwɔɔsa-nyii.”
Ŋgwa kwiṯi kwir ṯuwǝn ṯǝri mac nɔŋworo kwǝri.
(Luuga 9:49-50)
38 Nǝ Yuhanna ǝccǝŋw, “Yaa Mɔ@allim, kwiisa-nyii kwette kwurwǝ rigɽimǝ rigii yiriny-yi yɔɔŋwa, nǝnyii tiinyini, ethiseere ǝrri ŋɔ mac, kaka niṯi nɔrɔ-ŋgwɔ kwǝri mac.” 39 Nǝsi Yǝcu ǝccǝŋw, “Ǝṯi ṯǝccǝ ethi ṯiinyini mac kaka niṯi ninaanɔ-ŋgwɔ kweere mac kwǝṯi ǝrri ŋilima yiriny-yi yiinyi mindaŋ ethi orlle fittak ethisi andisasa nyuŋwɔ naana ŋigii. 40 Kaka ŋgwa kwiti kwir ṯuwǝn ṯǝri mac ṯǝ, nɔŋworo kwǝri. 41 Nyii kwǝccǝ-ŋǝsi-mǝ ŋwɔ rerrem, mɔŋw inḏǝthǝ ŋaaŋwɔsi kweere ŋaaw ŋǝthisii, kaka nɔŋa-gwɔ lǝthi yiriny yiinyi ŋweere ṯuusi ɔjra wuuŋwun ḏuṯ.
Ṯɔmɔmma ethi arri ŋikiyaŋi.
(Maṯṯa 18:6-9Luuga 17:1-2)
42 “Mɔŋw ṯɔgdasi kweere tette tǝthi nyelle nyokwɔɽony kinyɔ nyǝṯi-nyii ǝmminici, mindaŋ ethisi ǝrri ŋǝni ŋigii, nǝr ɔvthanni ethi kǝkkici ŋunduŋw aali kwɔrom-la, mindaŋ ethi kaṯṯɔ ŋunduŋw ki-bahar-na lae. 43 Mǝŋǝ ṯii ṯɔɔŋwa ṯɔgdasi ethisi ǝrri ŋigii, uɽuthu kithaay; ŋɔvthanna ethi ǝnḏi ki-ŋimiitha-na ŋuvɽuṯuri ki-lɔɔbi lǝthi-li ǝnḏi ki-jahannam-nǝ rii-ri riɽǝn-ndǝk kiigǝ-nǝ witi wǝṯi iɽinyannalɔ mac. [ 44 Kǝzir wǝthi londoŋi liṯi lǝṯi ai mac, nǝ iigǝŋi witi wǝti iɽinyannalɔ mac.] 45 Mǝŋǝ laara lɔɔŋwa ṯɔgdasi tǝ, uɽu kithaay, ŋɔvthanna ethi ǝnḏi ki-ŋimiitha-na ŋomsoŋa ki-lɔɔbi lǝthi-li kǝṯṯini ŋwaara-ŋi ŋwuɽǝn-ndǝk ki-jahannam-nǝ. [ 46 Kǝzir wǝthi londoŋi liti lǝṯi ai mac, nǝ iigǝŋi witi wǝṯi iɽinyannalɔ mac.] 47 Mǝŋǝ lǝy lɔɔŋwa tɔgdasi ethisi ǝrri ŋigii, e-ta alla kithaay; ŋɔvthanna duŋgwɔŋa ethǝnḏi ki Ŋeeleny-na ŋǝthi Allah ŋadinya, ki-lɔɔbi lǝthi-li kǝṯṯini yǝy-yi yiɽǝnndǝk ki-jahannam-nǝ, 48 Kǝzir witi wǝṯi-ŋwɔ londoŋ ai mac, nǝ witi wǝṯi-gwɔ iigǝ ere iɽinyannalɔ tok mac.
49 “Lizi tatap lisuuɽunni iigǝ-yi kaka nǝṯi-gwɔ kwomne kwǝthi kiraama suuɽunni kwumthǝ-gi. 50 Kwumthǝ kwisaaw-pa rac; laakin mɔŋw irṯasi orje-ŋwɔlɔ kwuuŋwun tǝ, ǝrmǝ urji aŋgwɔrɔ kwokwony? Ṯaŋw ethi kwumthǝ kwǝthi ŋɔmath naani daŋgal-na, mindaŋ aami naanɔŋw ŋǝthre ŋisaaw tok.”
Bible Society in Sudan
© Bible Society in Sudan 2024