1 Nyii kwɔrɔ kwǝni Sim@aan Bɔṯrɔs, kwir khaḏaam nǝ kaavɔr tok kǝthi Yǝcu Kwɔrɔstɔ. Nyii ŋgwa kwɔlɔcca-ŋǝsi kila limaavi ṯǝmminǝ ṯibɽicǝr-nyjinǝ tǝtǝp, ŋirllalɔ-ŋi ŋǝthi Allah wǝri, nǝ Kwiglǝthǝ kwǝni Yǝcu Kwɔrɔstɔ.
2 Ǝthi ne@ma-ŋǝ ŋiiɽǝnnǝ-ŋi kikindǝthici ŋaaŋwɔsi, ṯilŋiṯṯa-thi ṯilŋiṯhiŋǝ-thi Allah, nǝ Yǝcu-ŋw kwir Kweeleny kwǝri.
Ṯurnunǝ ṯǝthi Allah ṯiccathi-na ṯuuŋwun.
3 Ŋɔma ŋǝthi Allah ŋimǝ-nyji inḏǝthǝ kwomne tatap kwɔnaŋnar, ethi-gi miithi ŋimiitha-ŋi ŋir rerrem ŋǝthi ḏiin, ṯilŋiṯṯa-thi kitha ṯilŋithir-thi ŋgwa kwɔrnɔṯɔ-nyji, ethi-li ɔɽɔmɔṯṯi ki-ŋinith-nǝ ŋuuŋun wɔɽe-wǝɽeny ŋisanna-ŋi ŋuuŋun. 4 Nǝ ṯaay-thi ṯǝ kɔthɔ, nɔŋw inḏǝthǝ nyuŋwsi haḏaaya wuuŋwun wɔppa wir ghaali, wɔgittathɔŋw-yi, nǝ ŋiɽaŋal-ŋi ŋǝthi haḏaaya wɔ ǝthi ŋɔma ethi arṯitha kǝdɔwa-lɔ kigii-na cil-cil, kinaanɔ ki-ṯurmun-nǝ, mindaŋ mǝ ǝthi ŋɔma ethi ɔɽɔmɔṯṯi dɔŋw ki-ɔobii@a-na ɔǝthi Allah. 5 Nǝ sǝbǝb-gi ṯǝ ŋgwɔ oro kiiɽi-kiiɽi ethi kikindǝci ṯǝmminǝ ṯaalɔ ŋisanna, nǝ a kiɽǝcci ŋisanna ŋaalɔ ṯilŋiṯṯa-na; 6 nǝ ki-ṯilŋiṯṯa-na taalɔ, a kiɽǝcci ṯimthǝ ṯɔgwori; nǝ ki-ṯimthǝ-nǝ ṯǝthi ṯɔgwor, a kiɽǝcci ṯindinyǝnnǝ naana; nǝ ki-ṯindinyǝnnǝ naana, a kiɽǝcci ṯiiɽǝnǝ ṯǝthi Allah; 7 nǝ ki-thiiɽǝnǝ ṯǝthi Allah, a kiɽǝcci ṯiyathisa rɔgwor-na rǝthi ŋiyaŋga, nǝ ki-thiyathisa rɔgwor-na rǝthi ŋiyaŋga, a kiɽǝcci ṯamɽa. 8 Nǝ moro lǝthi kwomne-ŋgwɔ tatap, mindaŋ mǝthi kwɔbɔɔnalɔ bonoṯ tǝ, ŋwuruusi ŋaaŋwɔsi kiiɽi-kiiɽi ki-ŋothɽor-na, nǝ ki-thilŋiṯṯa-na ṯaalɔ tok ṯilŋithiŋǝ-thi Kweelenyi kwǝri kwǝni Yǝcu Kwɔrɔstɔ-ŋw. 9 Laakin mǝ kweere nyithak ere ǝthi kwomne ŋgwɔ mac tǝ, nɔŋwɔni kwir kwunduŋ, kwiti kwǝthi ŋɔma mac ǝthi iisithi, nǝ naŋwɔni kwɔmǝ ṯɔɔthina ṯisuuɽunnǝ-thi ṯimǝŋw-thi suuɽunni ki-ŋikiya-na ŋuuŋun ŋa ŋǝthi kerreny-ŋwɔ. 10 Ŋwɔṯaŋw liyǝŋgǝri liinyi, ǝɽir kǝniny a ṯǝcci tig-tig, ǝthi ǝnḏǝlɔ tǝttǝr daŋgal-na; na mǝsi ǝrri ŋɔ tǝ, ere ɔrlacci ṯǝmminǝ ṯaalɔ ŋwɔdoŋw mac. 11 Ŋwɔṯaŋw ǝrŋǝsi ǝmminici rerrem ethi ǝnḏi ki Ŋeeleny-na ŋǝṯi nannitha dok-dok, ŋǝthi Kweeleny kwǝri nǝ Kwiglǝthǝ kwǝni Yǝcu Kwɔrɔstɔ.
12 Ŋwɔṯaŋw ǝṯiny kittatha ǝthi kithǝyini ŋaaŋwɔsi dok-dok ŋiɽaŋali ŋɔ, nilŋithi-ŋǝsi-vǝ kinnǝni rac, nǝ ǝṯi-ŋi ǝnḏinǝ tetter ŋa ŋir rerrem ŋǝthi-ŋǝsi. 13 Nyii kwaarɔŋwa, ŋɔvthannica-nyii ǝthi ɔkkwazi ŋaaŋwɔsi a-naani-nyii tǝ kinnǝni aŋna-yi wɔ ethi kithǝyini ŋaaŋwɔsi ŋiɽaŋali ŋɔ. 14 Ŋilŋithi-nyji rac, nǝ kwaathan kwokwo nyii ṯayyi aŋnalɔ wɔ, kaka nandicany-gwɔ Kweeleny kwǝri kwǝni Yǝcu Kwɔrɔtsɔ-lɔ por-por. 15 Nyii kwɔgette ŋɔma tig-tig, ǝthi kǝtticǝ ŋaaŋwɔsi ṯaayi-lɔ cɔgwo-cɔgwop, mindaŋ mǝnyii ai rac tǝ, a-ta ǝṯi ṯiŋaayini ŋiɽaŋali ŋɔ dok-dok.
Shuhuuḏ kwǝṯhi ŋinith ŋǝthi Yǝcu Kwɔrɔstɔ.
16 Nǝ ǝṯinyeere kwakithatha ŋiɽaŋali-lɔ ŋir ŋishaaṯir domony mac, kinaŋw nilŋithinǝr-ŋǝsi ŋɔma nǝ kilyǝ kǝthi Kweeleny kwǝri kwǝni Yǝcu Kwɔrɔstɔ, laakin ninyoro shuhuuḏ yǝy-yi yǝri kwǝthi ŋinith ŋuuŋun. 17 Ninyǝni linaanɔ kinanaŋw, kinaŋw mǝ Allah wir Papa iiɽi ŋunduŋw-nǝ ŋinith-ŋi, mindaŋ nǝ ṯogɽo iila naanɔ-ŋgwɔ ṯuruuthu ki Ŋinith-nǝ Ŋɔppa, ṯaarɔŋw, “Tɔr tiinyi tir-ṯa kɔrɔ tamɽany-na beṯṯen, nǝ taaminy-rina tok!” 18 Nǝnyii nǝŋne rogɽo-ri rǝri wɔɽ-wɔɽeny ṯogɽo ṯɔɔɽɔ ki-leere-na, kinaŋw a-naaniny-gi kaayin-la wirllinǝlɔ ter.
19 Ŋwɔṯaŋw nǝnyii ruusi ŋiɽaŋali ŋa rerrem ŋandisasi liɽii. Nǝr saawi beṯṯen daŋgal-na ethisi kettice yǝy, kaka naaɽinnar-gwɔ lombo lǝṯi erṯelɔ kǝzir-nǝ wir kirim, mindaŋ mǝ Laamin ṯiŋatha fɔɔri-lɔ, nǝ a fɔɔri kwǝthi ṯɔɔrɔrn ṯǝni kwɔkwɔbel erṯelɔ fɔɔri-gi ki-rɔgwor-na raalɔ. 20 Laazim ǝsi elŋe ŋɔ ker-kerreny, ethaarɔŋw kwiti kweere mac kwǝthi ŋɔma wɔɽe-wɔɽeny ǝthi uppi ŋiɽiyaŋ-na ŋǝthi Kiṯaab Kirllinǝlɔ ter. 21 Kaka niti nǝṯ-gwɔ ŋiɽaŋal ŋǝthi ŋiɽiiya iila domony ṯɔgwor-thi ṯǝthi kwizigwunǝŋ mac, laakin nǝsi Ṯigɽim Ṯirllinǝlɔ ter mɔlɔ nɔŋwsi ilŋithini ethi andasi ŋiɽaŋal ŋa ŋinḏi naanɔ-gwɔ Allah.
1 Nyii kwɔrɔ kwǝni Sim@aan Bɔṯrɔs, kwir khaḏaam nǝ kaavɔr tok kǝthi Yǝcu Kwɔrɔstɔ. Nyii ŋgwa kwɔlɔcca-ŋǝsi kila limaavi ṯǝmminǝ ṯibɽicǝr-nyjinǝ tǝtǝp, ŋirllalɔ-ŋi ŋǝthi Allah wǝri, nǝ Kwiglǝthǝ kwǝni Yǝcu Kwɔrɔstɔ.
2 Ǝthi ne@ma-ŋǝ ŋiiɽǝnnǝ-ŋi kikindǝthici ŋaaŋwɔsi, ṯilŋiṯṯa-thi ṯilŋiṯhiŋǝ-thi Allah, nǝ Yǝcu-ŋw kwir Kweeleny kwǝri.
Ṯurnunǝ ṯǝthi Allah ṯiccathi-na ṯuuŋwun.
3 Ŋɔma ŋǝthi Allah ŋimǝ-nyji inḏǝthǝ kwomne tatap kwɔnaŋnar, ethi-gi miithi ŋimiitha-ŋi ŋir rerrem ŋǝthi ḏiin, ṯilŋiṯṯa-thi kitha ṯilŋithir-thi ŋgwa kwɔrnɔṯɔ-nyji, ethi-li ɔɽɔmɔṯṯi ki-ŋinith-nǝ ŋuuŋun wɔɽe-wǝɽeny ŋisanna-ŋi ŋuuŋun. 4 Nǝ ṯaay-thi ṯǝ kɔthɔ, nɔŋw inḏǝthǝ nyuŋwsi haḏaaya wuuŋwun wɔppa wir ghaali, wɔgittathɔŋw-yi, nǝ ŋiɽaŋal-ŋi ŋǝthi haḏaaya wɔ ǝthi ŋɔma ethi arṯitha kǝdɔwa-lɔ kigii-na cil-cil, kinaanɔ ki-ṯurmun-nǝ, mindaŋ mǝ ǝthi ŋɔma ethi ɔɽɔmɔṯṯi dɔŋw ki-ɔobii@a-na ɔǝthi Allah. 5 Nǝ sǝbǝb-gi ṯǝ ŋgwɔ oro kiiɽi-kiiɽi ethi kikindǝci ṯǝmminǝ ṯaalɔ ŋisanna, nǝ a kiɽǝcci ŋisanna ŋaalɔ ṯilŋiṯṯa-na; 6 nǝ ki-ṯilŋiṯṯa-na taalɔ, a kiɽǝcci ṯimthǝ ṯɔgwori; nǝ ki-ṯimthǝ-nǝ ṯǝthi ṯɔgwor, a kiɽǝcci ṯindinyǝnnǝ naana; nǝ ki-ṯindinyǝnnǝ naana, a kiɽǝcci ṯiiɽǝnǝ ṯǝthi Allah; 7 nǝ ki-thiiɽǝnǝ ṯǝthi Allah, a kiɽǝcci ṯiyathisa rɔgwor-na rǝthi ŋiyaŋga, nǝ ki-thiyathisa rɔgwor-na rǝthi ŋiyaŋga, a kiɽǝcci ṯamɽa. 8 Nǝ moro lǝthi kwomne-ŋgwɔ tatap, mindaŋ mǝthi kwɔbɔɔnalɔ bonoṯ tǝ, ŋwuruusi ŋaaŋwɔsi kiiɽi-kiiɽi ki-ŋothɽor-na, nǝ ki-thilŋiṯṯa-na ṯaalɔ tok ṯilŋithiŋǝ-thi Kweelenyi kwǝri kwǝni Yǝcu Kwɔrɔstɔ-ŋw. 9 Laakin mǝ kweere nyithak ere ǝthi kwomne ŋgwɔ mac tǝ, nɔŋwɔni kwir kwunduŋ, kwiti kwǝthi ŋɔma mac ǝthi iisithi, nǝ naŋwɔni kwɔmǝ ṯɔɔthina ṯisuuɽunnǝ-thi ṯimǝŋw-thi suuɽunni ki-ŋikiya-na ŋuuŋun ŋa ŋǝthi kerreny-ŋwɔ. 10 Ŋwɔṯaŋw liyǝŋgǝri liinyi, ǝɽir kǝniny a ṯǝcci tig-tig, ǝthi ǝnḏǝlɔ tǝttǝr daŋgal-na; na mǝsi ǝrri ŋɔ tǝ, ere ɔrlacci ṯǝmminǝ ṯaalɔ ŋwɔdoŋw mac. 11 Ŋwɔṯaŋw ǝrŋǝsi ǝmminici rerrem ethi ǝnḏi ki Ŋeeleny-na ŋǝṯi nannitha dok-dok, ŋǝthi Kweeleny kwǝri nǝ Kwiglǝthǝ kwǝni Yǝcu Kwɔrɔstɔ.
12 Ŋwɔṯaŋw ǝṯiny kittatha ǝthi kithǝyini ŋaaŋwɔsi dok-dok ŋiɽaŋali ŋɔ, nilŋithi-ŋǝsi-vǝ kinnǝni rac, nǝ ǝṯi-ŋi ǝnḏinǝ tetter ŋa ŋir rerrem ŋǝthi-ŋǝsi. 13 Nyii kwaarɔŋwa, ŋɔvthannica-nyii ǝthi ɔkkwazi ŋaaŋwɔsi a-naani-nyii tǝ kinnǝni aŋna-yi wɔ ethi kithǝyini ŋaaŋwɔsi ŋiɽaŋali ŋɔ. 14 Ŋilŋithi-nyji rac, nǝ kwaathan kwokwo nyii ṯayyi aŋnalɔ wɔ, kaka nandicany-gwɔ Kweeleny kwǝri kwǝni Yǝcu Kwɔrɔtsɔ-lɔ por-por. 15 Nyii kwɔgette ŋɔma tig-tig, ǝthi kǝtticǝ ŋaaŋwɔsi ṯaayi-lɔ cɔgwo-cɔgwop, mindaŋ mǝnyii ai rac tǝ, a-ta ǝṯi ṯiŋaayini ŋiɽaŋali ŋɔ dok-dok.
Shuhuuḏ kwǝṯhi ŋinith ŋǝthi Yǝcu Kwɔrɔstɔ.
16 Nǝ ǝṯinyeere kwakithatha ŋiɽaŋali-lɔ ŋir ŋishaaṯir domony mac, kinaŋw nilŋithinǝr-ŋǝsi ŋɔma nǝ kilyǝ kǝthi Kweeleny kwǝri kwǝni Yǝcu Kwɔrɔstɔ, laakin ninyoro shuhuuḏ yǝy-yi yǝri kwǝthi ŋinith ŋuuŋun. 17 Ninyǝni linaanɔ kinanaŋw, kinaŋw mǝ Allah wir Papa iiɽi ŋunduŋw-nǝ ŋinith-ŋi, mindaŋ nǝ ṯogɽo iila naanɔ-ŋgwɔ ṯuruuthu ki Ŋinith-nǝ Ŋɔppa, ṯaarɔŋw, “Tɔr tiinyi tir-ṯa kɔrɔ tamɽany-na beṯṯen, nǝ taaminy-rina tok!” 18 Nǝnyii nǝŋne rogɽo-ri rǝri wɔɽ-wɔɽeny ṯogɽo ṯɔɔɽɔ ki-leere-na, kinaŋw a-naaniny-gi kaayin-la wirllinǝlɔ ter.
19 Ŋwɔṯaŋw nǝnyii ruusi ŋiɽaŋali ŋa rerrem ŋandisasi liɽii. Nǝr saawi beṯṯen daŋgal-na ethisi kettice yǝy, kaka naaɽinnar-gwɔ lombo lǝṯi erṯelɔ kǝzir-nǝ wir kirim, mindaŋ mǝ Laamin ṯiŋatha fɔɔri-lɔ, nǝ a fɔɔri kwǝthi ṯɔɔrɔrn ṯǝni kwɔkwɔbel erṯelɔ fɔɔri-gi ki-rɔgwor-na raalɔ. 20 Laazim ǝsi elŋe ŋɔ ker-kerreny, ethaarɔŋw kwiti kweere mac kwǝthi ŋɔma wɔɽe-wɔɽeny ǝthi uppi ŋiɽiyaŋ-na ŋǝthi Kiṯaab Kirllinǝlɔ ter. 21 Kaka niti nǝṯ-gwɔ ŋiɽaŋal ŋǝthi ŋiɽiiya iila domony ṯɔgwor-thi ṯǝthi kwizigwunǝŋ mac, laakin nǝsi Ṯigɽim Ṯirllinǝlɔ ter mɔlɔ nɔŋwsi ilŋithini ethi andasi ŋiɽaŋal ŋa ŋinḏi naanɔ-gwɔ Allah.