Ṯigɽim ṯir rerrem nǝ ṯir ŋidiny.
1 Limɽi liinyi ǝṯeere ǝmminici rigɽimǝ tatap mac, laakin ǝṯi kǝniny ṯǝccici rigɽimǝ ethisi ese nɔrɔr-gwɔ rǝthi Allah alla bǝri. Kaka mǝgwɔ liɽii lir lǝluŋw luuru faathitha ṯurmunǝ naana. 2 Nǝrṯoro ŋɔ ŋǝŋi elŋe Ṯigɽimǝ ṯǝthi Allah: ṯigɽim kitha ṯinḏi ethi ruwǝzi Yǝcu Kwɔrɔstɔ-ŋwlɔ ethaarɔŋw kwinḏi aŋna-yi, nɔŋworo ṯǝthi Allah, 3 nǝ ṯigɽim ṯeere nyithak ṯiti ṯǝṯi ruwǝzi Yǝcu-ŋw-lɔ mac, ṯǝthi Allah ṯiti ṯir mac. Nǝ ṯigɽim ṯɔrtɔtɔŋw ṯir ṯuwǝn ṯǝthi Kwɔrɔstɔ, kitha ṯiniŋnaca-ŋa ṯarir-thiŋw ṯinḏi ethiila, nǝ ṯǝni ṯimǝ ɔppatha ki-ṯurmun-nǝ kerreny tuk. 4 Kwelle kwiinyi, ŋaaŋa lǝthi Allah lɔrɔ, e-ta nǝsi-mǝ illasi kii; kaka ŋgwa kwɔnaani-ŋǝsi-gwɔ-na kwɔppa kwuthamthi-lǝ ŋgwa kwɔnaanɔ ki-ṯurmun-nǝ. 5 Lǝthi ṯurmun-nǝ lɔrɔ, ŋwɔṯaŋw ŋa ŋǝṯirsi andasi, nǝroro ŋǝthi ṯurmun, ŋwɔṯaŋw ǝṯisi-mǝ ṯurmun kettice yǝni. 6 A kwɔrɔr lǝthi Allah. Kweere kwǝṯi elŋǝ Allah ǝṯɔŋw kettice nyuŋwsi kǝni, nǝ ŋgwa kwiti kwir kwǝthi Allah mac, ǝṯɔŋweere kettice nyuŋwsi kǝni mac. Ŋiɽaŋal-ŋi ṯǝ ŋɔ, ǝrŋi elŋǝ ṯigɽimǝ ṯir rerrem, nǝ ṯir ŋidiny tok.
Ṯamɽa ṯǝthi Allah.
7 Limɽi liinyi, ǝri amɽathisi-na wɔɽe-wɔɽeny; kaka nɔrɔ-gwɔ ṯamɽa ṯǝthi Allah, kweere kwǝthi ṯamɽa nɔŋwɔni kwilŋinna ŋelŋe-ŋi ŋǝthi Allah, nǝ ǝṯɔŋw elŋe Allah tok. 8 Ŋgwa kwiti kwǝthi ṯamɽa-na mac ta, nɔŋweere elŋe Allah tok mac; kaka nɔrɔ-gwɔ Allah ṯamɽa. 9 Nǝrṯǝ oro ŋɔ ŋurwǝzǝ-ŋi Allah ṯamɽalɔ ṯuuŋwun dǝŋgǝr-nǝ, ŋiɽaŋal-ŋi ŋɔɔsa-ŋi Allah Tɔɔrɔ tuuŋwun ṯɔtɔpɔt ki-ṯurmun-nǝ, mindaŋ mǝr miithi ŋundu-ŋgi. 10 Ki-ŋiɽaŋal-na ŋɔ nǝ ṯamɽa oro, nǝreere ǝniŋw a kwamɽa-ri Allah mac, laakin nɔŋworo ŋundu kwamɽa-nyji mindaŋ nǝŋw-ma ɔɔsa Tɔɔrɔ tuuŋwun ethoro ṯifivrinnǝ ṯǝthi ŋikiya ŋǝri. 11 Limɽi liinyi, mǝnyji-ṯǝ Allah amɽiŋw beṯṯen tǝ, laazim nyiiŋǝ tok ǝriṯǝ amɽathisi-naŋw wɔɽe-wɔɽeny. 12 Kwende kweere kwɔmǝ ese Allah mac; nǝ mǝr amɽathis-na wɔɽe-wɔɽeny tǝ, ǝmǝ Allah ɔmi dǝŋgǝr-nǝ, mindaŋ ǝmǝ ṯamɽa ṯuuŋwun oro min-min dǝŋgǝr-nǝ.
13 Nǝ ŋiɽaŋal-ŋi ṯǝ ŋɔ, ǝrselŋe ethaarɔŋw, a kwǝṯir naani duŋgwun-nǝ, nǝ ŋundu ǝṯɔŋw naani dǝŋgǝr-nǝ, kaka ninḏǝthǝ-ŋgwɔ nyuŋwsi Ṯigɽimǝ ṯǝthi rogɽo ruuŋwun. 14 Ŋimǝrsi ese nǝ nǝr-ŋi kette shahaaḏa ethaarɔŋw, Papa kwɔɔsa Tɔɔrɔ tuuŋwun ethoro Kwiglǝthǝ kwǝthi ṯurmun. 15 Kweere nyithak kwǝṯi andisalɔ por-por ethaarɔŋw Yǝcu kwir Tɔr tǝthi Allah, ǝṯi-gwɔ Allah ɔmina, nǝ ǝṯɔŋw ɔmi ethi Allah-na tok. 16 Ŋwɔṯaŋw nǝr elŋe, na nǝr ǝmminici ṯamɽa kitha ṯǝthicǝ-nyji Allah. Nǝ Allah oro ṯamɽa, nǝ ŋgwa kwǝṯɔɔmi ki-ṯamɽa-na, ǝṯɔŋw ɔmi ethi Allah-na tok, nǝ ǝṯi-gwɔ Allah ɔmina tok. 17 Nǝ ki-ŋiɽaŋal-na ŋɔ ǝṯi ṯamɽa oro min-min dǝŋgǝr-nǝ, mindaŋ mǝroro luugwul ki Laamin-la lǝthi Hɔkwɔm, kaka nɔrɔ-ŋgwɔ-ṯǝŋw ŋundu ki-ṯurmun-nǝ kɔthɔ, ǝri-ṯǝ oroŋw nyiiŋǝ tok. 18 Ṯamɽa ṯiti ṯǝṯǝthi ŋithenya-na mac, laakin ǝṯi ṯamɽa ṯir min-min kaṯṯɔ ŋithenya kinǝŋgwu tuk. Kaka nǝṯi-gwɔ ŋitheny iilathisi hɔkwɔm-yi. Ŋgwa kwǝṯi ṯeenye kwiti kwǝthi ṯamɽa ṯir min-min mac. 19 A kwǝṯir amɽi kaka nɔrɔ-ŋgwɔ ŋundu kwamɽa-nyji kerreny. 20 Mɔŋwaarɔŋw kweere, “Nyii kwǝṯi amɽi Allah”, mindaŋ mɔŋw wǝzi eŋgen, e-ta nɔŋworo kwǝluŋw; nǝ ŋgwa kwiti kwǝṯi amɽi eŋgen mac ŋgwa kwiisa-ŋw yǝy-yi, ŋweere ǝṯhi ŋɔma tok mac ethi amɽi Allah wa witi wiisa-ŋw mac. 21 Nǝṯǝ waamir oro wɔ waavar naanɔ-ŋgwɔ wǝni-ŋwɔ, mǝ kweere amɽi Allah tǝ, laazim ŋwamɽi eŋgen tok.
Ṯigɽim ṯir rerrem nǝ ṯir ŋidiny.
1 Limɽi liinyi ǝṯeere ǝmminici rigɽimǝ tatap mac, laakin ǝṯi kǝniny ṯǝccici rigɽimǝ ethisi ese nɔrɔr-gwɔ rǝthi Allah alla bǝri. Kaka mǝgwɔ liɽii lir lǝluŋw luuru faathitha ṯurmunǝ naana. 2 Nǝrṯoro ŋɔ ŋǝŋi elŋe Ṯigɽimǝ ṯǝthi Allah: ṯigɽim kitha ṯinḏi ethi ruwǝzi Yǝcu Kwɔrɔstɔ-ŋwlɔ ethaarɔŋw kwinḏi aŋna-yi, nɔŋworo ṯǝthi Allah, 3 nǝ ṯigɽim ṯeere nyithak ṯiti ṯǝṯi ruwǝzi Yǝcu-ŋw-lɔ mac, ṯǝthi Allah ṯiti ṯir mac. Nǝ ṯigɽim ṯɔrtɔtɔŋw ṯir ṯuwǝn ṯǝthi Kwɔrɔstɔ, kitha ṯiniŋnaca-ŋa ṯarir-thiŋw ṯinḏi ethiila, nǝ ṯǝni ṯimǝ ɔppatha ki-ṯurmun-nǝ kerreny tuk. 4 Kwelle kwiinyi, ŋaaŋa lǝthi Allah lɔrɔ, e-ta nǝsi-mǝ illasi kii; kaka ŋgwa kwɔnaani-ŋǝsi-gwɔ-na kwɔppa kwuthamthi-lǝ ŋgwa kwɔnaanɔ ki-ṯurmun-nǝ. 5 Lǝthi ṯurmun-nǝ lɔrɔ, ŋwɔṯaŋw ŋa ŋǝṯirsi andasi, nǝroro ŋǝthi ṯurmun, ŋwɔṯaŋw ǝṯisi-mǝ ṯurmun kettice yǝni. 6 A kwɔrɔr lǝthi Allah. Kweere kwǝṯi elŋǝ Allah ǝṯɔŋw kettice nyuŋwsi kǝni, nǝ ŋgwa kwiti kwir kwǝthi Allah mac, ǝṯɔŋweere kettice nyuŋwsi kǝni mac. Ŋiɽaŋal-ŋi ṯǝ ŋɔ, ǝrŋi elŋǝ ṯigɽimǝ ṯir rerrem, nǝ ṯir ŋidiny tok.
Ṯamɽa ṯǝthi Allah.
7 Limɽi liinyi, ǝri amɽathisi-na wɔɽe-wɔɽeny; kaka nɔrɔ-gwɔ ṯamɽa ṯǝthi Allah, kweere kwǝthi ṯamɽa nɔŋwɔni kwilŋinna ŋelŋe-ŋi ŋǝthi Allah, nǝ ǝṯɔŋw elŋe Allah tok. 8 Ŋgwa kwiti kwǝthi ṯamɽa-na mac ta, nɔŋweere elŋe Allah tok mac; kaka nɔrɔ-gwɔ Allah ṯamɽa. 9 Nǝrṯǝ oro ŋɔ ŋurwǝzǝ-ŋi Allah ṯamɽalɔ ṯuuŋwun dǝŋgǝr-nǝ, ŋiɽaŋal-ŋi ŋɔɔsa-ŋi Allah Tɔɔrɔ tuuŋwun ṯɔtɔpɔt ki-ṯurmun-nǝ, mindaŋ mǝr miithi ŋundu-ŋgi. 10 Ki-ŋiɽaŋal-na ŋɔ nǝ ṯamɽa oro, nǝreere ǝniŋw a kwamɽa-ri Allah mac, laakin nɔŋworo ŋundu kwamɽa-nyji mindaŋ nǝŋw-ma ɔɔsa Tɔɔrɔ tuuŋwun ethoro ṯifivrinnǝ ṯǝthi ŋikiya ŋǝri. 11 Limɽi liinyi, mǝnyji-ṯǝ Allah amɽiŋw beṯṯen tǝ, laazim nyiiŋǝ tok ǝriṯǝ amɽathisi-naŋw wɔɽe-wɔɽeny. 12 Kwende kweere kwɔmǝ ese Allah mac; nǝ mǝr amɽathis-na wɔɽe-wɔɽeny tǝ, ǝmǝ Allah ɔmi dǝŋgǝr-nǝ, mindaŋ ǝmǝ ṯamɽa ṯuuŋwun oro min-min dǝŋgǝr-nǝ.
13 Nǝ ŋiɽaŋal-ŋi ṯǝ ŋɔ, ǝrselŋe ethaarɔŋw, a kwǝṯir naani duŋgwun-nǝ, nǝ ŋundu ǝṯɔŋw naani dǝŋgǝr-nǝ, kaka ninḏǝthǝ-ŋgwɔ nyuŋwsi Ṯigɽimǝ ṯǝthi rogɽo ruuŋwun. 14 Ŋimǝrsi ese nǝ nǝr-ŋi kette shahaaḏa ethaarɔŋw, Papa kwɔɔsa Tɔɔrɔ tuuŋwun ethoro Kwiglǝthǝ kwǝthi ṯurmun. 15 Kweere nyithak kwǝṯi andisalɔ por-por ethaarɔŋw Yǝcu kwir Tɔr tǝthi Allah, ǝṯi-gwɔ Allah ɔmina, nǝ ǝṯɔŋw ɔmi ethi Allah-na tok. 16 Ŋwɔṯaŋw nǝr elŋe, na nǝr ǝmminici ṯamɽa kitha ṯǝthicǝ-nyji Allah. Nǝ Allah oro ṯamɽa, nǝ ŋgwa kwǝṯɔɔmi ki-ṯamɽa-na, ǝṯɔŋw ɔmi ethi Allah-na tok, nǝ ǝṯi-gwɔ Allah ɔmina tok. 17 Nǝ ki-ŋiɽaŋal-na ŋɔ ǝṯi ṯamɽa oro min-min dǝŋgǝr-nǝ, mindaŋ mǝroro luugwul ki Laamin-la lǝthi Hɔkwɔm, kaka nɔrɔ-ŋgwɔ-ṯǝŋw ŋundu ki-ṯurmun-nǝ kɔthɔ, ǝri-ṯǝ oroŋw nyiiŋǝ tok. 18 Ṯamɽa ṯiti ṯǝṯǝthi ŋithenya-na mac, laakin ǝṯi ṯamɽa ṯir min-min kaṯṯɔ ŋithenya kinǝŋgwu tuk. Kaka nǝṯi-gwɔ ŋitheny iilathisi hɔkwɔm-yi. Ŋgwa kwǝṯi ṯeenye kwiti kwǝthi ṯamɽa ṯir min-min mac. 19 A kwǝṯir amɽi kaka nɔrɔ-ŋgwɔ ŋundu kwamɽa-nyji kerreny. 20 Mɔŋwaarɔŋw kweere, “Nyii kwǝṯi amɽi Allah”, mindaŋ mɔŋw wǝzi eŋgen, e-ta nɔŋworo kwǝluŋw; nǝ ŋgwa kwiti kwǝṯi amɽi eŋgen mac ŋgwa kwiisa-ŋw yǝy-yi, ŋweere ǝṯhi ŋɔma tok mac ethi amɽi Allah wa witi wiisa-ŋw mac. 21 Nǝṯǝ waamir oro wɔ waavar naanɔ-ŋgwɔ wǝni-ŋwɔ, mǝ kweere amɽi Allah tǝ, laazim ŋwamɽi eŋgen tok.