Allah-ŋǝ lizi-li luuŋwun licca-ŋwsi-na.
1 Nyii ŋgwɔ kwandisa rerrem ethi Kwɔrɔstɔ-na, nyii kwiti kwukǝkkǝ ŋǝluŋi mac; ṯɔgwor ṯiinyi ṯir shuhuuḏ kwiinyi Ṯigɽim-thi Ṯirllinǝlɔ ter, 2 nǝthiny-gwɔ ṯɔrɔɔnyina ṯɔppa, nǝ ǝṯi-nyii ṯɔgwor yatha dooɽe. 3 Kaka nǝthiny-gwɔ sɔɔrɔma beṯṯen, mindaŋ eŋgi-nyii ollone nǝ ǝŋgir-nyii alla Kwɔrɔstɔ-ŋw naana pǝk ŋiɽaŋal-ŋi ŋǝthi liyǝŋgǝri liinyi, lir lizi liinyi. 4 Lir Israa-iil, limǝsi Allah ruusi nyɔr nyuuŋwun nyir nyoŋwor. Nǝrǝthi ŋinithi, wa@ḏ, Sherii@ǝ, ṯɔgwɔccalɔ, nǝ ŋa ŋigittathɔŋw-ŋi ethisi inḏǝthǝ, 5 nǝroro ŋwɔɔla ŋwɔthi Papa-ŋa lǝthi kerreny-ŋwɔ, nǝ ŋizigwunǝŋ-ŋi nǝ Kwɔrɔstɔ ruuthǝ ki-jinis-nǝ kweeŋen. Nǝ Allah wimthi kwomne tatap, ethɔŋw ɔrtanni dok-dok. Amiin.
6 Laakin nǝreere oro kaka ŋiɽaŋal ŋǝthi Allah ŋimǝ bǝriyǝnni mac. Kaka niti nɔrɔ-gwɔ gŋwɔɔla tatap ŋwa mac ŋwuruuthu ki Israa-iil-na ethoro ŋwɔthi Israa-iil. 7 Nǝ nǝreere oro tatap mac nyɔr nyǝthi Ibraahiim kaka nɔrɔr-gwɔ ŋwɔɔla ŋwuuŋwun; laakin nǝ Allah ǝccǝ Ibraahiim-ŋwɔ, “Is-haag-ŋgi ǝri oro ŋwɔɔla ŋwɔɔŋa.” 8 Ŋǝniŋw nyɔr kinya nyǝthi aŋna nyiti nyir nyɔr nyǝthi Allah mac, laakin nǝroro nyigittathir-nyi nyuruusǝsi Allah ŋwɔɔla ŋwuuŋwun rerrem. 9 Nǝ ŋiɽaŋal ŋɔ ŋǝthi wa@ḏ ǝniŋw, “Mǝnyii aaɽa ki-lɔɔmɔr-la ṯǝ lir kaka kɔlɔ a Saara ǝthi tɔɔrɔ tir toŋwor.” 10 Nǝreere oro ŋɔ dak mac, laakin nǝ Rifga ethe nyɔɔrɔ kwɔr-ŋgi kwette kwir papa kwǝri kwǝni Is-haag, 11 nǝ niti nilŋinar kinnǝni mac, mindaŋ ethisi mǝ ǝrri ŋeere ŋisaaw alla ŋigii, laakin nǝr-tǝ oro ŋǝthi ṯɔgwor ṯǝthi Allah ethisi allana, nǝreere ǝni ŋothɽor ŋeere mac, laakin nǝtǝ ṯumunǝ oro ṯuuŋwun-lɔ dɔṯṯɔk. 12 Nǝrǝccǝ Rifga-ŋwɔ, “Kira tir nda ŋwɔkkici eŋgen kwokwɔɽony ŋothɽor.” 13 Kaka nɔlɔɔthɔnar-gwɔ ŋaarɔŋw, “Nyii kwamɽa Ya@guub-ŋwɔ, laakin @iisɔ-tǝ nǝnyii firasi.”
14 E-ta a kwǝr aari tha? Allah wir ḏaalima? Bǝri-mǝ! 15 Kaka nǝccǝ-ŋgwɔ Muusǝ-ŋw, “Kwǝnyii ǝthici ŋimɽiyǝ-na ŋgwa kwɔnaŋna-nyii ethisi ǝthici-nǝ, nǝ ǝnyii-gwɔ ṯɔgwor yatha naanɔ-gwɔ ŋgwa kwɔnaŋna-nyii ethi-gwɔ ṯɔgwor ṯiinyi yatha.” 16 Ŋwɔṯaŋw nǝreere ǝni ŋǝṯisi kwizigwunǝŋ naŋni mac alla ethisi ǝrri, laakin nǝroro ŋǝthi ŋimɽi ŋǝthi Allah ṯɔɽɔk. 17 Nǝ Kiṯaab-na Kirllinǝlɔ ter nǝ Allah ǝccǝ Fir@awn-ŋwɔ, “Nyii kwǝlliŋǝ-nǝ sǝbǝb-gi ŋgwɔ ethoro mǝlik, mindaŋ mǝ ŋɔma ŋiinyi ruwǝnnǝlɔ dɔŋgwɔŋa-na, mindaŋ mǝ yiriny yiinyi andanni wurǝyuŋi naana tatap.” 18 Ŋwɔṯaŋw ǝṯɔŋw ǝthici kweere nyithak ŋimɽiyǝ-nǝ ŋgwa kwǝṯɔŋw naŋni, nǝ ǝṯɔŋw ɔnḏici kweere nyithak ṯɔgwori kwǝṯɔŋw naŋni.
Ŋirŋasa ŋǝthi Allah nǝ ŋimɽi ŋuuŋun.
19 A kwinḏiny-pǝ ethi ǝccǝŋw, “Nǝ Allah wotho wǝṯi-nyji kette kaṯṯi? Ǝyǝ kwǝthi ŋɔma ethisi dirnaca-lɔ ŋǝthi ṯɔgwor ṯuuŋwun?” 20 A kwǝni-thi ǝyǝ ŋa ŋgwɔ kwir kwiziŋwunǝŋ ethi mǝmlithici Allah? Kwomne kwǝṯir ṯoo kwǝthi ŋɔma ethi ǝccǝ kworṯowa-ŋwɔ, “A kwotho kwuthuuthi-nyii ŋwɔ-a?” 21 Kworṯo kwǝthi ŋwii kwiti kwǝthi hɔrriyya kɔlɔɔ-la mac-a ethi ṯoo dɔŋw ṯǝ kila lɔtɔpɔt kwomne kwette kwǝthi ŋothɽor ŋisaaw beṯṯen, nǝ dɔŋw ṯǝ kila lette-lette ethi ṯoo kwomne kwir ter kwǝthi ŋothɽor ŋette nyithak-a? 22 E-ta mǝ Allah naŋni ethi ruwǝzi ŋirŋasa-lɔ ŋuuŋun, nǝ ethi aari a@lina ŋɔma ŋuuŋun, nǝ tok nɔŋw mithǝ ṯɔgwori ṯindinyanna-thi ṯurvǝ naana lǝlu-ttuk ṯǝthi ŋgwa kwuthuuthur, kwinḏi ethi kee ŋirŋasa-ŋi, 23 nǝ nɔŋw naŋni ethi ruwǝzi ŋinithǝ-lɔ ŋuuŋun ŋɔppa, ŋa ŋibalsar-nyji naana, nyiiŋǝ kila lir lǝthi ŋimɽi ŋuuŋun nyiiŋǝ kila limǝŋwsi kette-lɔ cɔgwo-cɔwop ethaavi ŋinithi ŋuuŋun. 24 Nǝ nyiiŋǝ kila lɔrnɔṯɔŋwsi, liti lɔrnɔṯɔŋwsi ki Yahuuḏ-nǝ ṯɔɽɔk mac, laakin ki Umam-na tok. 25 Kaka nandisa-ŋgwɔ Hawsha@-ŋgi naarɔ-ŋgwɔŋw,
“Kila liti lir lizi liinyi mac ǝnyji ruusi ‘lizi liinyi’,
nǝ kila liti lamɽa-nyji mac nyji ǝccǝŋw ‘nyii kwamɽa-ŋǝsi’.”
26 “Nǝ kǝzir-ṯǝ wa wette-wette nǝccǝr-siŋw,
‘Ŋaaŋa liti lir lizi liinyi mac’,
ǝrsi ǝccǝŋw ŋaaŋa linḏi ethoro nyɔr nyir nyoŋwor nyǝthi
Allah wumiithɔ.”
27 Nǝ Isha@ya aari kwɔɔla ŋiɽaŋal-ŋi ŋǝthi Israa-iil, nɔŋwaarɔŋw, “Mǝ kinnǝni ŋwɔɔɽɔ ŋwɔthi nyɔr nyǝthi Israa-iil oro kaka kifirṯa kǝthi bahar, ǝrtǝ kilaaw kila lǝɽinnǝ ṯɔɽɔk; 28 kaka ninḏi-gwɔ Kweeleny ethi ṯimmasi hɔkwɔma wuuŋwun kworo fittak ki-lizi lǝthi ṯurmun.” 29 Kaka nandisa Isha@ya ŋiɽiiya-ŋi naarɔ-ŋgwɔŋw,
“Ǝŋgi-nyji Kweeleny kwǝthi ŋɔma ere ǝɽicci nyuŋwsi
nyɔɔrɔ mac,
ǝŋgiroro kaka Saḏɔɔm-ŋwɔ, mindaŋ ǝŋgir aaɽanni
@amɔɔra-ŋwɔ.”
Israa-iil-ŋǝ Kwɔrɔstɔ-gi.
30 E-ta a kwǝr aari tha? Umam witi wɔnaŋninna ŋirllalɔ mac, wɔmaavi ŋirllalɔ ṯǝmminǝ-thi; 31 laakin Israa-iil kwɔnaŋninna ŋirllalɔ ki-ṯɔgwagiza-la ṯǝthi Sherii@a nɔŋweere ɔvthasi mac ethisi ṯimmasi kworo ŋǝthi Sherii@a ŋgwa. 32 Arpa? Kaka niti ninaŋninnǝr-gwɔlɔ ṯǝmminǝ-thi mac, laakin nǝr naŋninnalɔ ŋothɽor-ŋi, ŋwɔṯaŋw nǝr-mǝ ṯɔgdanni kall-gi. 33 Kaka nɔlɔɔthɔnar-gwɔ ŋaarɔŋw,
“Iisar-ṯi nyii ŋgwɔ kwɔgette kaali-lɔ Sihyɔɔn-na kǝthi-gi
ṯɔgdasi lizi,
liiɽiiya linḏisi ethisi ṯiŋaṯṯa;
nǝ Weere kwǝmminci ŋunduŋw a ṯɔrony ere yee-na
kwokwony mac.”
Allah-ŋǝ lizi-li luuŋwun licca-ŋwsi-na.
1 Nyii ŋgwɔ kwandisa rerrem ethi Kwɔrɔstɔ-na, nyii kwiti kwukǝkkǝ ŋǝluŋi mac; ṯɔgwor ṯiinyi ṯir shuhuuḏ kwiinyi Ṯigɽim-thi Ṯirllinǝlɔ ter, 2 nǝthiny-gwɔ ṯɔrɔɔnyina ṯɔppa, nǝ ǝṯi-nyii ṯɔgwor yatha dooɽe. 3 Kaka nǝthiny-gwɔ sɔɔrɔma beṯṯen, mindaŋ eŋgi-nyii ollone nǝ ǝŋgir-nyii alla Kwɔrɔstɔ-ŋw naana pǝk ŋiɽaŋal-ŋi ŋǝthi liyǝŋgǝri liinyi, lir lizi liinyi. 4 Lir Israa-iil, limǝsi Allah ruusi nyɔr nyuuŋwun nyir nyoŋwor. Nǝrǝthi ŋinithi, wa@ḏ, Sherii@ǝ, ṯɔgwɔccalɔ, nǝ ŋa ŋigittathɔŋw-ŋi ethisi inḏǝthǝ, 5 nǝroro ŋwɔɔla ŋwɔthi Papa-ŋa lǝthi kerreny-ŋwɔ, nǝ ŋizigwunǝŋ-ŋi nǝ Kwɔrɔstɔ ruuthǝ ki-jinis-nǝ kweeŋen. Nǝ Allah wimthi kwomne tatap, ethɔŋw ɔrtanni dok-dok. Amiin.
6 Laakin nǝreere oro kaka ŋiɽaŋal ŋǝthi Allah ŋimǝ bǝriyǝnni mac. Kaka niti nɔrɔ-gwɔ gŋwɔɔla tatap ŋwa mac ŋwuruuthu ki Israa-iil-na ethoro ŋwɔthi Israa-iil. 7 Nǝ nǝreere oro tatap mac nyɔr nyǝthi Ibraahiim kaka nɔrɔr-gwɔ ŋwɔɔla ŋwuuŋwun; laakin nǝ Allah ǝccǝ Ibraahiim-ŋwɔ, “Is-haag-ŋgi ǝri oro ŋwɔɔla ŋwɔɔŋa.” 8 Ŋǝniŋw nyɔr kinya nyǝthi aŋna nyiti nyir nyɔr nyǝthi Allah mac, laakin nǝroro nyigittathir-nyi nyuruusǝsi Allah ŋwɔɔla ŋwuuŋwun rerrem. 9 Nǝ ŋiɽaŋal ŋɔ ŋǝthi wa@ḏ ǝniŋw, “Mǝnyii aaɽa ki-lɔɔmɔr-la ṯǝ lir kaka kɔlɔ a Saara ǝthi tɔɔrɔ tir toŋwor.” 10 Nǝreere oro ŋɔ dak mac, laakin nǝ Rifga ethe nyɔɔrɔ kwɔr-ŋgi kwette kwir papa kwǝri kwǝni Is-haag, 11 nǝ niti nilŋinar kinnǝni mac, mindaŋ ethisi mǝ ǝrri ŋeere ŋisaaw alla ŋigii, laakin nǝr-tǝ oro ŋǝthi ṯɔgwor ṯǝthi Allah ethisi allana, nǝreere ǝni ŋothɽor ŋeere mac, laakin nǝtǝ ṯumunǝ oro ṯuuŋwun-lɔ dɔṯṯɔk. 12 Nǝrǝccǝ Rifga-ŋwɔ, “Kira tir nda ŋwɔkkici eŋgen kwokwɔɽony ŋothɽor.” 13 Kaka nɔlɔɔthɔnar-gwɔ ŋaarɔŋw, “Nyii kwamɽa Ya@guub-ŋwɔ, laakin @iisɔ-tǝ nǝnyii firasi.”
14 E-ta a kwǝr aari tha? Allah wir ḏaalima? Bǝri-mǝ! 15 Kaka nǝccǝ-ŋgwɔ Muusǝ-ŋw, “Kwǝnyii ǝthici ŋimɽiyǝ-na ŋgwa kwɔnaŋna-nyii ethisi ǝthici-nǝ, nǝ ǝnyii-gwɔ ṯɔgwor yatha naanɔ-gwɔ ŋgwa kwɔnaŋna-nyii ethi-gwɔ ṯɔgwor ṯiinyi yatha.” 16 Ŋwɔṯaŋw nǝreere ǝni ŋǝṯisi kwizigwunǝŋ naŋni mac alla ethisi ǝrri, laakin nǝroro ŋǝthi ŋimɽi ŋǝthi Allah ṯɔɽɔk. 17 Nǝ Kiṯaab-na Kirllinǝlɔ ter nǝ Allah ǝccǝ Fir@awn-ŋwɔ, “Nyii kwǝlliŋǝ-nǝ sǝbǝb-gi ŋgwɔ ethoro mǝlik, mindaŋ mǝ ŋɔma ŋiinyi ruwǝnnǝlɔ dɔŋgwɔŋa-na, mindaŋ mǝ yiriny yiinyi andanni wurǝyuŋi naana tatap.” 18 Ŋwɔṯaŋw ǝṯɔŋw ǝthici kweere nyithak ŋimɽiyǝ-nǝ ŋgwa kwǝṯɔŋw naŋni, nǝ ǝṯɔŋw ɔnḏici kweere nyithak ṯɔgwori kwǝṯɔŋw naŋni.
Ŋirŋasa ŋǝthi Allah nǝ ŋimɽi ŋuuŋun.
19 A kwinḏiny-pǝ ethi ǝccǝŋw, “Nǝ Allah wotho wǝṯi-nyji kette kaṯṯi? Ǝyǝ kwǝthi ŋɔma ethisi dirnaca-lɔ ŋǝthi ṯɔgwor ṯuuŋwun?” 20 A kwǝni-thi ǝyǝ ŋa ŋgwɔ kwir kwiziŋwunǝŋ ethi mǝmlithici Allah? Kwomne kwǝṯir ṯoo kwǝthi ŋɔma ethi ǝccǝ kworṯowa-ŋwɔ, “A kwotho kwuthuuthi-nyii ŋwɔ-a?” 21 Kworṯo kwǝthi ŋwii kwiti kwǝthi hɔrriyya kɔlɔɔ-la mac-a ethi ṯoo dɔŋw ṯǝ kila lɔtɔpɔt kwomne kwette kwǝthi ŋothɽor ŋisaaw beṯṯen, nǝ dɔŋw ṯǝ kila lette-lette ethi ṯoo kwomne kwir ter kwǝthi ŋothɽor ŋette nyithak-a? 22 E-ta mǝ Allah naŋni ethi ruwǝzi ŋirŋasa-lɔ ŋuuŋun, nǝ ethi aari a@lina ŋɔma ŋuuŋun, nǝ tok nɔŋw mithǝ ṯɔgwori ṯindinyanna-thi ṯurvǝ naana lǝlu-ttuk ṯǝthi ŋgwa kwuthuuthur, kwinḏi ethi kee ŋirŋasa-ŋi, 23 nǝ nɔŋw naŋni ethi ruwǝzi ŋinithǝ-lɔ ŋuuŋun ŋɔppa, ŋa ŋibalsar-nyji naana, nyiiŋǝ kila lir lǝthi ŋimɽi ŋuuŋun nyiiŋǝ kila limǝŋwsi kette-lɔ cɔgwo-cɔwop ethaavi ŋinithi ŋuuŋun. 24 Nǝ nyiiŋǝ kila lɔrnɔṯɔŋwsi, liti lɔrnɔṯɔŋwsi ki Yahuuḏ-nǝ ṯɔɽɔk mac, laakin ki Umam-na tok. 25 Kaka nandisa-ŋgwɔ Hawsha@-ŋgi naarɔ-ŋgwɔŋw,
“Kila liti lir lizi liinyi mac ǝnyji ruusi ‘lizi liinyi’,
nǝ kila liti lamɽa-nyji mac nyji ǝccǝŋw ‘nyii kwamɽa-ŋǝsi’.”
26 “Nǝ kǝzir-ṯǝ wa wette-wette nǝccǝr-siŋw,
‘Ŋaaŋa liti lir lizi liinyi mac’,
ǝrsi ǝccǝŋw ŋaaŋa linḏi ethoro nyɔr nyir nyoŋwor nyǝthi
Allah wumiithɔ.”
27 Nǝ Isha@ya aari kwɔɔla ŋiɽaŋal-ŋi ŋǝthi Israa-iil, nɔŋwaarɔŋw, “Mǝ kinnǝni ŋwɔɔɽɔ ŋwɔthi nyɔr nyǝthi Israa-iil oro kaka kifirṯa kǝthi bahar, ǝrtǝ kilaaw kila lǝɽinnǝ ṯɔɽɔk; 28 kaka ninḏi-gwɔ Kweeleny ethi ṯimmasi hɔkwɔma wuuŋwun kworo fittak ki-lizi lǝthi ṯurmun.” 29 Kaka nandisa Isha@ya ŋiɽiiya-ŋi naarɔ-ŋgwɔŋw,
“Ǝŋgi-nyji Kweeleny kwǝthi ŋɔma ere ǝɽicci nyuŋwsi
nyɔɔrɔ mac,
ǝŋgiroro kaka Saḏɔɔm-ŋwɔ, mindaŋ ǝŋgir aaɽanni
@amɔɔra-ŋwɔ.”
Israa-iil-ŋǝ Kwɔrɔstɔ-gi.
30 E-ta a kwǝr aari tha? Umam witi wɔnaŋninna ŋirllalɔ mac, wɔmaavi ŋirllalɔ ṯǝmminǝ-thi; 31 laakin Israa-iil kwɔnaŋninna ŋirllalɔ ki-ṯɔgwagiza-la ṯǝthi Sherii@a nɔŋweere ɔvthasi mac ethisi ṯimmasi kworo ŋǝthi Sherii@a ŋgwa. 32 Arpa? Kaka niti ninaŋninnǝr-gwɔlɔ ṯǝmminǝ-thi mac, laakin nǝr naŋninnalɔ ŋothɽor-ŋi, ŋwɔṯaŋw nǝr-mǝ ṯɔgdanni kall-gi. 33 Kaka nɔlɔɔthɔnar-gwɔ ŋaarɔŋw,
“Iisar-ṯi nyii ŋgwɔ kwɔgette kaali-lɔ Sihyɔɔn-na kǝthi-gi
ṯɔgdasi lizi,
liiɽiiya linḏisi ethisi ṯiŋaṯṯa;
nǝ Weere kwǝmminci ŋunduŋw a ṯɔrony ere yee-na
kwokwony mac.”